Hosea 9:8 in Sunwar 8 परमप्रभु यावेमी आ लोव़ पाइब कली एफ्राइम कली कोव़ब सेल्तु। मेको आ लां नेल्लेमी चिक्ब रेत्तीक ब्वारद खोदेंशो बाक्नीम। आ परमप्रभु आ खिंमी यो मेको कली काइ मदाक्नीम।
Other Translations King James Version (KJV) The watchman of Ephraim was with my God: but the prophet is a snare of a fowler in all his ways, and hatred in the house of his God.
American Standard Version (ASV) Ephraim `was' a watchman with my God: as for the prophet, a fowler's snare is in all his ways, `and' enmity in the house of his God.
Bible in Basic English (BBE) There is great hate against the watchman of Ephraim, the people of my God; as for the prophet, there is a net in all his ways, and hate in the house of his God.
Darby English Bible (DBY) Is Ephraim a watchman with my God? [nay] the prophet is a fowler's snare on all his ways, enmity in the house of his God.
World English Bible (WEB) A prophet watches over Ephraim with my God. A fowler's snare is on all of his paths, And hostility in the house of his God.
Young's Literal Translation (YLT) Ephraim is looking `away' from My God, The prophet! a snare of a fowler `is' over all his ways, Hatred `is' in the house of his God.
Cross Reference 1 Kings 17:1 in Sunwar 1 मिनु गिलाद ङा तिश्बे सहर ङा एलीयाम आहाब कली “परमप्रभु यावे, इस्राएली आन परमप्रभु ब्रोंइशा बाक्शो खोदेंशो पा, गो मेको आ ङोंइती राप्शा गेय पाइनुङ। इस्राएलम रेउ नु सीत मारेइ मयीब” देंमाक्त। १राजा ८:३५; लूका ४:२५; याकूब ५:१७; प्रकाश ११:६
1 Kings 18:1 in Sunwar 1 मिनु परमप्रभु यावेम रागी सोव़शो शुश नाक्त नोले बर्स सांमी एलीया कली लोव़ पवा बाक्त। मार लोव़ पवा बाक्त देंशा हना “गे लशा, आहाब कली ग्रुमो। मिनु गो रागीम रेउ यिपाइक्नुङ” देंमाक्त।
1 Kings 18:19 in Sunwar 19 मोपतीके मुल कारमेल डांडाम इस्राएल ङा मुर नेल्ल आं कली ग्रुम्पाइक्चा कली ब्रेत्तीन। मिनु इजेबेलम थुल्शा वोइश्शो बाल देवता आ नोले दुम्ब लोव़ पाइब ४ सहे ५० जना मुर नु अशेराह देवी आ नोले दुम्ब लोव़ पाइब ४ सहे जना मुर नेल्ल आन कली यो ब्रेत्तीन” देंमाक्त।
1 Kings 18:36 in Sunwar 36 मिनु नाक्त किंत किंत ङा नाक्दो ङा चढ़ेची ना परमप्रभु यावे आ लोव़ पाइब एलीयामी मेको आ चढ़ेतीक आ ङोंइती लशा “परमप्रभु यावे, अब्राहाम, इसहाक नु इस्राएल आ परमप्रभु, गे का ला इस्राएल रागीम परमप्रभु बाक्नीनी, दे मुलाक्ती एको आन कली तुइक्पतीन। मिनु गो इन गेय पाइब बाक्नुङ। मिनु गो एको नेल्ल इन देंतीके पशो बाक्नुङ, दे यो एको आन कली तुइक्पतीन।
1 Kings 22:6 in Sunwar 6 मोपतीके इस्राएल ङा पिपम ४ सहे जना खोइ परमप्रभु यावे आ लोव़ पाइब आन कली पुक्शा, मेको आन कली “गो रामोथ-गिलाद कली लडाइ तोङ देय मतोङ” दे हिल्लो पामी बाक्त। मिनु मेकोपुकीमी “तोन, परमप्रभु यावेम मेको इन गुइमी गेब” देंमा बाक्त।
1 Kings 22:11 in Sunwar 11 मेको आन दाते ङा का केनानाह आ तौ सिदकीयाहमी चहिं फलाम के ग्रोव़ सेल्सीशो बाक्माक्त। मिनु मेकोमी “परमप्रभु यावेमी ‘गे एको ग्रोव़मी अरामी आन कली नेल्ल मबेक्मा सम्म ख्रुइक्नीनी’ देंत” देंमाक्त।
1 Kings 22:22 in Sunwar 22 मिनु परमप्रभु यावेमी मेको कली ‘दोपा?’ दे हिल्लो पाप्तु। मिनु मेकोमी ‘गो लशा मेको आ नोले दुम्ब लोव़ पाइब नेल्ल आन शोव़मी जोल पाइब सोक्त का दुम्नुङ’ देंत। मिनु परमप्रभु यावेम मेको कली ‘गे थमा पा मेको कली क्युक्ने चाप्नेवे। गे लावो। मिनु इ देंशो पावो’ देंत। १यूहन्ना ४:६
1 Kings 22:28 in Sunwar 28 मिनु मीकायाम मेको कली “गे रिम्शो पा लेश्शा जाक्तीनी हना, परमप्रभु यावे गो नु मब्वाक्शो बाक्माक्त, देंनुङ” देंमाक्त। मिनु मेकोम चिनु लोव़ तेम्शा “गे नेल्लेम एको लोव़ नेंशा, इन थुंम वोतीन” देंमाक्त।
2 Kings 2:14 in Sunwar 14 मिनु मेकोमी एलीया आ फेक्शो वामी ब्वाक्कु तुप्शा “परमप्रभु यावे, एलीया आ परमप्रभु ते बाक्म?” देंमाक्त। मिनु ब्वाक्कु तुबा बाक्त। मिनु ब्वाक्कु ग्युरा गे नु पेरा गे ब्रामेनु, मेको ओंथ हांबु शोक्से बाक्त।
2 Kings 2:21 in Sunwar 21 मिनु एलीशा मेको ब्वाक्कु बुक्तीकेम लशा, मेको हिक्सी ब्रुइश्शा, मेकोमी “परमप्रभु यावेमी मार देंत देंशा हना ‘गो एको ब्वाक्कु कली रिम्शो सेल्ता। मुल एकोमी मबेक्पाइक्ब, मशाम्पाइक्ब’ देंत” देंमाक्त।
2 Kings 3:15 in Sunwar 15 मिनु मेकोमी “तन्न मुल आं कली तार पाइश्शो ताप्तीके ताप्ब का चाक्कीन” देंमाक्त। मिनु मेकोमी तार पाइश्शो ताप्तीक ताप्बमी तबानु, परमप्रभु यावे आ सक्तिम एलीशा कली सुमा बाक्त। १सामुएल १६:१६
2 Kings 4:1 in Sunwar 1 मिनु परमप्रभु यावे आ लोव़ पाइब का आ मीश जाक्शा ठेयब सेंदा पा एलीशा कली “इन गेय पाइब आं वोंइश बेक्त। मेको परमप्रभु यावे कली मान पा हिंब बाक्त, दे तुइक्नीनी। तन्न मुल मेको आ जेर जशो मुर जाक्शा आं आल निक्शी आस कली वाइल सेल्चा कली लाइक्चशो बाक्ब” देंमाक्त।
2 Kings 4:33 in Sunwar 33 मिनु एलीशा आगा ओव़शा लाप्चो चोक्शा, परमप्रभु यावे कली पुना बाक्त। प्रेरित ९:४०
2 Kings 4:41 in Sunwar 41 मिनु एलीशाम “इच्का खोइ फस चाक्कीन” देंमाक्त। मिनु मेकोम मेको फस बोसुम कुर पवा बाक्त। मिनु मेकोमी “मुल मेको आन कली एको जचा गेने” देंमाक्त। मेको नोले मेको बोसुम ओश्येर मबाक्माक्त।
2 Kings 4:43 in Sunwar 43 मिनु मेको आ गेय पाइबमी “गो एको सहे का मुर आन कली जचा थोव़क दोपा जचा गेनुङमी” देंमाक्त। मिनु मेकोमी लेंशा “एको मुर आन कली जचा गेमी। मारदे हना परमप्रभु यावेम ‘मेको नेल्लेम जशा यो, इच्का हेंब’ देंशो बाक्ब” देंमाक्त।
2 Kings 5:14 in Sunwar 14 मोपतीके मेको उइ ब्रुम्माक्त। मिनु परमप्रभु आ मुरुम देंशो खोदेंशो पा, यर्दन खोलाम ७ खेयप चिक्से बाक्त। मिनु मेको आ श्ये नु कुशुल ङोंइती ङा खोदेंशो पा ठिटा आन के खोदेंशो दुम्माक्त। मिनु मेको ग्रांग्रा मदिशो दुम्माक्त। लेवी १४:७-९; लूका ४:२७
2 Kings 5:27 in Sunwar 27 मुल नामान आ कोव़र पतीक रोइ गे नु इ चच युइ इन खिंम गेना हना यो खोक्शा लीब” दे मदा बाक्त। मिनु गेहाजी मेको आ ङोंइती रे लमाक्त। मिनु मेको फुं खोदेंशो पा बुश पा कोव़र मुमाक्त।
2 Kings 6:17 in Sunwar 17 मिनु एलीशामी “परमप्रभु यावे, एको आ मिक्च ताइब सेलीन। मिनु एकोम तवल” दे पुना बाक्त। मिनु परमप्रभु यावेम मेको गेय पाइब आ मिक्च ताइब सेला बाक्त। मिनु मेकोमी एलीशा आ एर ओंथ ङा डांडा नेल्लेम मी ब्रशो शारा नु बग्गीम ब्रीशो तवा बाक्त। यहोसु ५:१३
2 Kings 7:2 in Sunwar 2 मिनु पिप कली कुक्ब लडाइ पाइब आन ठेयब मुरुम परमप्रभु आ मुर कली “परमप्रभु यावेमी आ सरीङ ङा झेल नेल्ल रोक्तु हना यो, मोदेंशो गेनायो दुम्ने मचाप्ब” देंमाक्त। मिनु एलीशाम “गे मेको इ मिक्चीमीन ताइनेवे। तन्न जचा चहिं मताइक्नेवे” देंमाक्त।
2 Kings 7:19 in Sunwar 19 मिनु मेको लडाइ पाइब आन ठेयब मुरुम परमप्रभु आ मुर कली “परमप्रभु यावेम आ सरीङ ङा झेल रोक्तु हना यो, मोदेंशो दुम्ने मचाप्ब” देंशो बाक्माक्त। मिनु परमप्रभु आ मुरुम “गे मेको मो पशो ताइनेवे, तन्न जचा चहिं मताइक्नेवे” देंशो बाक्माक्त।
2 Kings 13:21 in Sunwar 21 काले इस्राएलीपुकीम बेक्शो मुर का थिम्मेनु मोदेंशो रोइक्ब मोआबी आन कली तामे बाक्त। मोपतीके मेकोपुकीम मेको बेक्शो मुर एलीशा वोइक्तीकेमी ताइश्शा, प्रोक्मा बाक्त। मिनु मेको बेक्शो मुरुम एलीशा आ रुश थिवा चोटी सेस दुम्शा बोक्माक्त।
Song of Solomon 3:3 in Sunwar 3 सहर ङा खाल पाइबपुकीम थित्तीमी। मिनु गो “मार, गेपुकीमी आं दाक्शो वोंइश मुर कली थिन्नी?” दे हिल्लो पाता।
Isaiah 62:6 in Sunwar 6 यरूसलेम, गो इ गारो तार खाल पाइब मुर वोइक्ता। मेकोपुकी नाक्दो नाक्ती सिक्सी पा मबाक्नीम। परमप्रभु यावे कली मिम्पाइक्बपुकी, मनांइसीन” देंत। यसैया ५२:८
Jeremiah 6:14 in Sunwar 14 मेकोपुकीमी आं मुर आन कली ममिम्थु, आन गार सापाइक्खु पशो बाक्नीम। मेकोपुकीमी थुं नाइक्तीक मबाक्त हना यो ‘नांइसीन, नांइसीन’ देंनीम।
Jeremiah 6:17 in Sunwar 17 गो इन कली खाल पाइबपुकी योव़तामी। मिनु गो इन कली ‘तुराही ताप्शो नोफा दाइश्शा नेनीन’ देंती। तन्न मेकोपुकीम ‘गो मनेंनीकी’ देंतेक्म।
Jeremiah 14:13 in Sunwar 13 मिनु गो “परमप्रभु यावे, कोव़ङीन। इन लोव़ पाइबपुकीम दा मेको आन कली ‘गे तरवारम साइक्चा मपुंइसीनीनी। अन्काल मपाइनीनी। मिनु शुश नाक्ती सम्म एको रागीम थुं नाइश्शा बाक्चा ताइनीनी’ देंशो बाक्नीम” देंती।
Jeremiah 31:6 in Sunwar 6 मेना एफ्राइम पहाड ङा खाल पाइबपुकीम जाक्कीन, गोपुकी सियोनम बाक्ब परमप्रभु यावे, इं परमप्रभु आ बाक्तीक लय’ दे ब्रेत्तीक नाक्त जाक्ब” देंत।
Lamentations 2:14 in Sunwar 14 इ परमप्रभु यावे आ लोव़ पाइब आन लोव़ नेल्ल जोल नु शोर गाक्शो बाक्तेक्म। मेकोपुकीमी इ कली रिम्शो दुम्ल, दे इ मरिम्शो पशो आ पर्बम लोव़ मपाम। तन्न मेकोपुकीमी इ पर्बम पशो लोव़ नेल्ल जोल नु दूली लां कोंइब बाक्त। येरमीया १४:१४-१६; येरमीया २३:१६-२२
Lamentations 4:13 in Sunwar 13 परमप्रभु यावे आ लोव़ पाइब आन पाप नु चढ़ेब आन मरिम्शो पशो आन पर्बम मो दुम्शो बाक्त। मेकोपुकीमी सहर आ दातेम ठीक पाइब मुर आन कली हुश ख्राक्श पोक्तेक्म।
Ezekiel 3:17 in Sunwar 17 मार लोव़ पाप्तु देंशा हना “ए मुर, गो इ कली इस्राएली आन खिं ङा मुर आन कली खाल पाइब सेल्तन। गे आं देंशो लोव़ नेंतीवी हना, मेको आन कली आं लोव़ रे पा हिंच कोंइदीमी। इजीकीएल ३३:७; यसैया ५२:८; हिब्रू १३:१७
Ezekiel 33:7 in Sunwar 7 ए मुर, गो इ कली इस्राएल आ खिं ङा मुर आन कली खाल पाइब सेल्तान। मोपतीके गेना इ कली लोव़ पङा, मेना गे मेको आन कली मेको आं लोव़ नेंशा, होस पा बाक्कीन’ देंचा माल्नेवे। हिब्रू १३:१७
Hosea 5:1 in Sunwar 1 मिनु परमप्रभुमी “चढ़ेबपुकी, एको लोव़ नेनीन। इस्राएलीपुकी इन नोफा दाइश्शा नेनीन। पिप आ खिं ङा मुरपुकी, नेनीन। एको निसाफ इन मरिम्शो पशो आ पर्बम बाक्ब। गेपुकी मिस्पा सहरमी दाइश्शो ब्वारद नु ताबोर सहरमी ब्रशो ग्याइल खोदेंशो दुम्शो बाक्नीनी।
Micah 7:4 in Sunwar 4 मेको आन दाते ङा नेल्ल क्येङा रिम्शो मुर चू रवा खोदेंशो बाक्ब। मेको आन दाते ङा गेना हना यो रिम्शो पाइब थरपु हिरशो चू खोदेंशो बाक्ब। इन खाल पाइब आन नाक्त जाक्शो बाक्ब। मेको नाक्ती इन कली कोव़बमी इन कली ग्रुम्थ जाक्ब। मुल मेको आन कली खतम सेल्तीक नाक्त जाक्ब।
John 15:24 in Sunwar 24 गो मुर आन कली छक लाक्चा ङा गेय कोंइताक्ङमी। आं क्येङा ङोंइती सुइमी आं खोदेंशो गेय मकोंइदे। मेको गेय कोंइशा यो मुरपुकीमी आं आफ नु गो निम्फा आंस कली मदाक्नीम।
Romans 3:7 in Sunwar 7 आं मरिम्शो पशोमी परमप्रभु यावे आ रिम्शो पतीके तपाइश्शा, परमप्रभु यावे कली ठेयब सेल्ता हना, मारदे पापी सुइक्चा पुंइसीनुङा?
Hebrews 13:17 in Sunwar 17 इन कली शेंब आन लोव़ नेंशा टिने। मेकोपुकीमी “परमप्रभु यावे आ ङोंइती जिम्मा ब्राइनुङ” दे तुइश्शा इन कली शेंनीमी, कोव़नीम। शेंब आन लोव़ टीतीनी हना, मेकोपुकीमी ग्येरशा शेंनीम। इन कली मटिशो तशा चहिं, आन थुं हेल्शो दुम्शा, शेंचा ब्रीनीम, मिनु इन कली यो मरिम्शो दुम्ब। १थिस्सलोनिकी ५:१२; इजीकीएल ३:१७-१९