Hosea 6:3 in Sunwar 3 गोपुकी परमप्रभु यावे कली तुइश्शा, ठेयब सेल्य। मेको कली शुश तुइश्शा मान पय। मेको नां दाप्शो बुद पा जाक्ब। हिंउद ङा रेउ खोदेंशो पा जाक्ब। बर्खा ङा रू कली रिम्शो पा जिप्ब रेउ खोदेंशो पा जाक्ब” दे लोव़ पाम्तेक्म।
Other Translations King James Version (KJV) Then shall we know, if we follow on to know the LORD: his going forth is prepared as the morning; and he shall come unto us as the rain, as the latter and former rain unto the earth.
American Standard Version (ASV) And let us know, let us follow on to know Jehovah: his going forth is sure as the morning; and he will come unto us as the rain, as the latter rain that watereth the earth.
Bible in Basic English (BBE) And let us have knowledge, let us go after the knowledge of the Lord; his going out is certain as the dawn, his decisions go out like the light; he will come to us like the rain, like the spring rain watering the earth.
Darby English Bible (DBY) and we shall know, -- we shall follow on to know Jehovah: his going forth is assured as the morning dawn; and he will come unto us as the rain, as the latter rain which watereth the earth.
World English Bible (WEB) Let us acknowledge Yahweh. Let us press on to know Yahweh. As surely as the sun rises, Yahweh will appear. He will come to us like the rain, Like the spring rain that waters the earth."
Young's Literal Translation (YLT) And we know -- we pursue to know Jehovah, As the dawn prepared is His going forth, And He cometh in as a shower to us, As gathered rain -- sprinkling earth.'
Cross Reference Deuteronomy 32:2 in Sunwar 2 आं अरेशो लोव़ रेउ खोदेंशो पा यीब। आं अरेशो लोव़ सीत खोदेंशो पा दोक्ब। कल्लो घांस तार भूस भुसे रेउ खोदेंशो पा नु सुवा आन तार ठेयब रेउ खोदेंशो पा यीब। यसैया ५५:१०-११
2 Samuel 23:4 in Sunwar 4 मेको सुनी ङा नां खोदेंशो बाक्ब। मेको गोस्स मबाक्शो सुनी दाप्शो नां खोदेंशो बाक्ब। मिनु मेको रेउ यिम नोले वाशो घांस खोदेंशो बाक्ब’ देंत। न्यायाधीस ५:३१
Job 29:23 in Sunwar 23 मेकोपुकीम बर्खा ङा रेउ रिम्शो खोदेंशो पा आं कली रिम्ताक्यीमी। मिनु नोले ङा रेउ रिम्शो खोदेंशो आन शोव़ वोक पाक्शा आं लोव़ नेंतेक्म।
Psalm 19:4 in Sunwar 4 मो हना यो रागी नेल्लेम तुइक्नीम। मेकोमी सरीङम नां कली बाक्तीक सेल्तु। रोमी १०:१८
Psalm 65:9 in Sunwar 9 गे रागी हिरशा, रेउ यिपाइक्नीनी। गे मेको कली शुश ग्रेल्पाइक्नीनी। परमप्रभु आ खोला ब्वाक्कुम ब्रीशो बाक्नीम। मोपा मुर आन कली शुश अन्न ख्रेल्नीनी। मारदे हना मेकोन इन मिम्शो बाक्ब। भजन संग्रह ६७:७
Psalm 72:6 in Sunwar 6 मिनु मेको घांस रिक्शो दिंममी रेउ यिशो खोदेंशो दुम्ल। रेउमी रागी कली जिप्पाइश्शो खोदेंशो दुम्ल।
Proverbs 2:1 in Sunwar 1 आं तौ, गे आं लोव़ नेनो, आं शेंशो इ थुंम वोइक्तीवी हना,
Proverbs 4:18 in Sunwar 18 तन्न ठीक पाइब आन लां सुनी ङा छेङछेङ खोदेंशो बाक्ब। मेको नाक्ती उइक्थ दुम सम्म बारना बारन शुश छेङछेङ दुम्ब। हितोपदेस २४:२०
Isaiah 5:6 in Sunwar 6 गो मेको कली खतम सेल्नुङ। मेको कली ममुंइनुङ, मरोक्नुङ। मिनु चू नु चोंक वाशा, सुम्नीम। गो गोस्स कली “रेउ मयिपतो” दे माइक्नुङ।
Isaiah 32:15 in Sunwar 15 मिनु नोले परमप्रभु यावेमी आ सोक्ती इं तार मोइक्ब। मेना मुर मबाक्तीके गोरशो रागी ग्रेल्शो रू दुम्ब। मिनु मेको ग्रेल्शो रू ब्वाकी खोदेंशो दुम्ब। यसैया ४४:३; यसैया २९:१७
Isaiah 44:3 in Sunwar 3 मारदे हना गो सोव़शो रागी तारी ब्वाक्कु लुक्नुङ। सोव़शो खपीम खोला शाइक्पाइक्नुङ। गो इ चच युइ आन तारी आं सोक्त मोइक्नुङ। इ आल आन कली आसीक गेनुङ’। यसैया ३२:१५; योएल ३:१
Isaiah 54:13 in Sunwar 13 मिनु परमप्रभु यावेमी इ तमी तौ नेल्ल आन कली शेंब। मेको आन थुं नाइश्शा हेम्मा पा बाक्चा ताइनीम। यूहन्ना ६:४५
Jeremiah 24:7 in Sunwar 7 मिनु गो मेको आन कली ‘गो परमप्रभु यावे नङ’ दे आं कली तुइक्तीक थुं गेनुङमी। मेकोपुकी आं मुर दुम्नीम। मिनु गो मेको आन परमप्रभु दुम्नुङ। मारदे हना मेको आन थुं नेल्लेमी आं गे लेत्नीम। येरमीया ३१:३३-३४; येरमीया ७:२३
Ezekiel 36:25 in Sunwar 25 गो इन तार रिम्शो ब्वाक्कु ब्रुइक्नुङ। मिनु गे इन ग्रांग्रा दिशो गेय नु इन मूर्ति पूजा पतीक ताइश्शा रिम्शो दुम्नीनी। इन ग्रांग्रा दिशो दुम्शो नेल्ल रे ग्रांग्रा मदिशो सेल्नन्नी। जकरिया १३:१; हिब्रू १०:२२
Hosea 2:20 in Sunwar 20 गो इ कली मप्रोंइथु आं मीश सेल्नन। मिनु परमप्रभु यावे कली रिम्शो पा तुइक्नेवे” दे परमप्रभु यावेमी देंत। येरमीया ३१:३४
Hosea 10:12 in Sunwar 12 ठीक पतीक शोक्कीन। मिनु मप्रोंइचा ङा दाक्तीक अन्न खोदेंशो पा खुप्तीन। गे इन मवाक्शो रू वाक्तीन। मारदे हना इन परमप्रभु यावे कली माल्ची नाक्त जाक्त। मिनु मेको जाक्शा, गे इन कली पाप रे प्रोंइब। येरमीया ४:३; यसैया ५५:६
Hosea 14:5 in Sunwar 5 गो इस्राएल कली सीत खोदेंशो दुम्नुङ। मेको लिली फू खोदेंशो पा बोइक्ब। लेबानोन ङा लाइश्शो रवा खोदेंशो पा मेकोमी शाक्श थोक्ब।
Joel 2:23 in Sunwar 23 गे सियोन ङा मुरपुकी ग्येरसीन। गेपुकी परमप्रभु यावे, इन परमप्रभु आ पर्बम शुश ग्येरसीन। मारदे हना मेकोमी आ ठीक पतीकेम इन कली ङोंइती ङा रेउ गेशो बाक्त। मेकोमी इन कली शुश रेउ गेशो बाक्त। ङोंइती नु नोले ङा रेउ ङोंइती खोदेंशो पा गेशो बाक्त। येरमीया ५:२४
Micah 4:2 in Sunwar 2 मिनु रागी रागी ङा मुरपुकी मेकेर जाक्शा, मेकोपुकीमी “जाक्कीन। गोपुकी परमप्रभु यावे आ डांडा लय। याकूब आ परमप्रभु आ खिं लय। मेकोम इं कली आ लां कोंइब। मिनु गोपुकी मेको आ लांम गाक्ने चाप्यल। मारदे हना शेंतीके सियोन रे नु परमप्रभु यावे आ लोव़ यरूसलेम रे ग्रूब” देंत। लूका २४:४७
Micah 5:2 in Sunwar 2 तन्न गे बेथलेहेम एफ्राथाह, गे यहूदा ङा सहर आन दाते ङा आइक्च बाक्ते हना यो, इ रे पा आं पा ङा इस्राएल कली हुकुम पाइब का जाक्ब। मेको साइ ङोंइती रेन बाक्शो बाक्त। यसैया ४:१७; यसैया ११:१२
Micah 5:7 in Sunwar 7 याकूब आ लीशो मुर शुश आन दातेम परमप्रभु यावे रे जाक्शो सीत नु घांस तार जुक्शो रेउ खोदेंशो दुम्नीम। मेकोमी “सुइ मुरुम वारच पाइनीमी कों” दे मकोव़नीम। मिनु मुर आन आस मपाइनीम।
Zechariah 10:1 in Sunwar 1 परमप्रभु यावे कली नोले ङा रेउ पुनीन। परमप्रभु यावे गोस्स नु फश सेल्ब बाक्ब। मिनु इन कली नु रू नेल्ल आन कली रेउ यिपाइक्ब।
Malachi 4:2 in Sunwar 2 तन्न गे आं नें कली मान पाइब, इन ङोंइती आं ठीक पतीके नां खोदेंशो पा दाप्ब। इन रोइ यो सानीनी। गे गोठ रे पा ग्रूशो बाछा खोदेंशो पा प्रेक्ना प्रेक्न दोरनीनी। लूका १:७८
Matthew 13:11 in Sunwar 11 मिनु येसुमी “इन कली स्वर्ग ङा राज्य आ पर्बम ख्रुइश्शो लोव़ रुप्तीक थुं गेशो बाक्त। तन्न मेको आन कली मगेमी बाक्त। १कोरिन्थी २:१०
Luke 1:78 in Sunwar 78 आंइ परमप्रभु यावेमी इं कली दाक्शा, शिशी पा, रुप्तीक थुं सुनी ङा छेङछेङ खोदेंशो पा इं तार मोइक्ताक्व। यसैया ६०:१-२
John 7:17 in Sunwar 17 सु मुरुमी परमप्रभु यावे आ दाक्शो पाइबा, मेकोमी आं शेंतीके लोव़ परमप्रभु यावे के बाक्बा कों, आंम के बाक्बा, दे तुइक्ब।
John 17:3 in Sunwar 3 गेना हना यो गे नु ब्रोंइशा बाक्चा मार बाक्ब देंशा हना, सुमी इन कली गे ला थमा परमप्रभु यावे बाक्नीनी नु गो, इन सोइश्शो येसु ख्रीस्त नङ, दे तुइक्नीमी, मेको ला गेना हना यो गे नु ब्रोंइशा बाक्चा ताइनीम। १यूहन्ना ५:२०
Acts 17:11 in Sunwar 11 बेरोइया सहर ङा यहूदीपुकीमी थिस्सलोनीकी ङा मुर आन पशो खोदेंशो मपामे बाक्त। तन्न नोफा दाइश्शा पावल नु सिलास आस लोव़ नेंशा परमप्रभुमी ब्रेक्पाइश्शो लोव़ नु मेको आस शेंशो लोव़ गारबा देय मगारबा कोव़चा कली नाक्त किंत किंत जाक्मा बाक्त। यूहन्ना ५:३९
Philippians 3:13 in Sunwar 13 आं लोक्बपुकी, मुल सम्म गो नेल्ल मतङ। तन्न गो मुल मार पाइनुङ देंशा हना, आं ङोंइती पशो नेल्ल प्रेंशा, मुल पचा माल्शो मार बाक्मे, मेकोन शुश पाइनुङ। लूका ९:६२
Hebrews 3:14 in Sunwar 14 इं ङोंइती नाक्त ङा थमा सुइक्तीके नोले सम्म मप्रोंइतय हना, गो ख्रीस्त नु थुं का ङा दुम्शा बाक्नय। हिब्रू ६:११
2 Peter 1:19 in Sunwar 19 मिनु गोपुकीमी साइ ङा परमप्रभु यावे आ लोव़ पाइब आन पशो लोव़ मुल रिम्शो पा रुप्तक। गे यो परमप्रभु यावे आ साइ ङा लोव़ पाइब आन ब्रेक्शो लोव़ रुप्चा नु तुइक्चा कली छिङछिङमी ब्रशो बत्ती खोदेंशो पा होस पा बाक्कीन। मिनु नोले इन थुंमी सुक्कुर सोरुल खोदेंशो पा छेङछेङ दुम्नीनु, आन ब्रेक्शो नेल्ल रुप्नीनी। भजन संग्रह ११९:१०५
Revelation 22:16 in Sunwar 16 मिनु येसुमी “गो येसु नङ। गो दाऊद पिपी क्येङा ङोंइती बाक्ती। मिनु आ चच युइ यो नङ। गो टल्केशो सुक्कुर सोरुल यो नङ। गो परमप्रभु यावे आ स्वर्ग ङा गेय पाइब कली थमा सुइक्ब आन ग्रुम्तीकेमी शेंथ सोइक्ताक्ङ” देंत। यसैया ११:१०; लूका १:७८