Hebrews 13:9 in Sunwar 9 मुल सम्म मनेंशो नु दूली शेंब लोव़मी इन थुं क्याल्चा मगेने। परमप्रभु यावे आ शिशीमी रिम्शो थुं पाइश्शो दुम्तय, दे गेनायो मप्रेंदीने। चोव़खो जशोमी ठीक थुं मसेल्ब, दे रुपीने। एफिसी ४:१४; २कोरिन्थी १:२१; रोमी १४:१७; १तिमोथी ४:८
Other Translations King James Version (KJV) Be not carried about with divers and strange doctrines. For it is a good thing that the heart be established with grace; not with meats, which have not profited them that have been occupied therein.
American Standard Version (ASV) Be not carried away by divers and strange teachings: for it is good that the heart be established by grace; not by meats, wherein they that occupied themselves were not profited.
Bible in Basic English (BBE) Do not be turned away by different strange teachings, because it is good for your hearts to be made strong by grace, and not by meats, which were of no profit to those who took so much trouble over them.
Darby English Bible (DBY) Be not carried away with various and strange doctrines; for [it is] good that the heart be confirmed with grace, not meats; those who have walked in which have not been profited by [them].
World English Bible (WEB) Don't be carried away by various and strange teachings, for it is good that the heart be established by grace, not by food, through which those who were so occupied were not benefited.
Young's Literal Translation (YLT) with teachings manifold and strange be not carried about, for `it is' good that by grace the heart be confirmed, not with meats, in which they who were occupied were not profited;
Cross Reference Leviticus 11:1 in Sunwar 1 मिनु परमप्रभु यावेमी मोसा नु हारून आस कली
Deuteronomy 14:3 in Sunwar 3 गेपुकीमी मारेइ ग्रांग्रा दिचा ङा थोव़क मजने मब्वने।
Matthew 24:4 in Sunwar 4 मिनु येसुमी “सुइमी इन थुं मक्यामेक्ल, दे होस पा बाक्कीन।
Matthew 24:24 in Sunwar 24 मारदे हना शुशेमी ‘गो ख्रीस्त नङ’ दे जोल पा गाक्नीम। ‘परमप्रभु यावे आ लोव़ पाइब नकी’ दे जोल पाइबपुकीमी चिन्ड नु छक लाक्चा ङा गेय कोंइनीम। मो पशोमी परमप्रभु यावे आ योव़शो आन कली यो लां प्रोंइपाइक्चा माल्नीम। ब्यवस्था १३:२-४; २थिस्सलोनिकी २:८-९; प्रकाश १३:१३
Acts 10:14 in Sunwar 14 मिनु पत्रुसमी “हत्तेरी ओदेंशो ग्रांग्रा दिचा ङा दोपा ब्वचा नमी ङा, प्रभु? ओदेंशो ग्रांग्रा दिचा ङा गो गेनायो मब्वशो नङ” देंमाक्त। लेवी ११:-; इजीकीएल ४:१४
Acts 20:30 in Sunwar 30 गेपुकी नु काथा गाक्ब थमा सुइक्बपुकी यो मोदेंशो खेदा पाइब फर खोदेंशो दुम्नीम। मेकोपुकीमी दूली लोव़ शेंशा, थमा सुइक्ब आन थुं ग्येत्थ लुक्च क्याल्पाइश्शा, आन नोले खोइक्ब सेल्नीम, दे तुइक्नुङ। १यूहन्ना २:१८-१९
Acts 20:32 in Sunwar 32 मुल गो इन कली परमप्रभु यावे आ गुइमी जिम्मा गेनुङ। प्रभुमी इन कली शिशी पा आ लोव़ नेल्ल रुप्चा गेशा, इन थुं बारना बारन लपाइश्शा, आ मुर नेल्ल आन कली गेतीक आसीक गेब, दे तुइक्नुङ।
Romans 14:2 in Sunwar 2 मुर कामी नेल्ल जचा दुम्बा, दे मिम्बा, आ थमा सुइक्तीकेम बोल्यो मदुम्शो मुरुम चहिं गिग खाइ ला ब्वाइब। उत्पत्ती १:२९; उत्पत्ती ९:३
Romans 14:6 in Sunwar 6 थमा सुइक्बपुकीमी नाक्त का कली ठेयब मिम्तमेनु, परमप्रभु यावे कली मिम्शा ठेयब मिम्नीम। श्ये ब्वामेनु, परमप्रभु यावे कली मिम्शा ब्वाइनीम। श्ये मब्वाइबपुकीमी यो परमप्रभु यावे कली “गे रिम्शो पाइब बाक्नीनी” दे मिम्शा मब्वाइनीम।
Romans 14:17 in Sunwar 17 परमप्रभु यावे आ राज्य जचा तूचा आ पर्बम ममाइ। परमप्रभु यावे आ सोक्त रे पा थमा सुइक्बपुकीमी रिम्शो गेय पशा, दुशा ग्येरशा बाक्चा आ पर्बम बाक्ब। १कोरिन्थी ८:८; हिब्रू १३:९
Romans 16:17 in Sunwar 17 आं लोक्बपुकी, एको नेल्ल क्येङा नोले ङा लोव़ पशा, अर्ती गेनन्नी। कोइ मुरुमी ख्रीस्त आ लोव़ नेंशा, दूली मिम्ताक्म। मेको मुरपुकीमी मुल सम्म दुशा गारशा बाक्शो थमा सुइक्ब लोक्ब इन कली फ्राचा माल्नीम। मेको आन क्येङा होस पा बाक्कीन। मत्ती ७:१५; २थिस्सलोनिकी ३:६; तीतस ३:१०
1 Corinthians 6:13 in Sunwar 13 जचा थोव़क कोव़ज कली बाक्ब, कोव़ज जचा थोव़क कली बाक्ब। मिनु परमप्रभु यावेमी निम्फा आस कली जाम्शा लाइब सेल्शो बाक्ब। मुर आ रां ग्रांग्रा दिशो तेल्लेम पचा कली मसेल्शो बाक्ब। तन्न रां प्रभु कली सेल्शो बाक्ब। मिनु प्रभु यो रां कली सेल्शो बाक्ब। १थिस्सलोनिकी ४:३-५
1 Corinthians 8:8 in Sunwar 8 जचा थोव़क जशा ब्वशा, परमप्रभु यावे आ ङोंइती मारेइ मपाइब। जशोमी ठेयब मदुम्सीब, मजशोमी आइक्च यो मदुम्सीब, दे तुइक्नय। रोमी १४:१७
2 Corinthians 1:21 in Sunwar 21 परमप्रभु यावेमी आंइ कली नु इन कली ख्रीस्तमी काथा वोइश्शा, आ मुर दुम्पाइक्तु, आ गेय पाइब सेल्तु। १यूहन्ना २:२७
2 Corinthians 11:11 in Sunwar 11 मो पङानु, इन कली मदाक्ब दुम्नुङा ङा? गोमी इन कली दाक्शो मदाक्शो परमप्रभु यावेमी तुइक्ब।
Galatians 1:6 in Sunwar 6 इन कली तशा, गो छक लाक्ती। मारदे हना इन कली येसु ख्रीस्त रे पा शिशी पा आ गे ब्रेप्ब कली प्रोंइशा, अर्को आन ग्येरपाइक्ब लोव़ नेंतीनी।
Galatians 6:1 in Sunwar 1 आं लोक्बपुकी, सुमी आ थुंमी मिम्शा, दला दाक्स पा प्रभु आ देंशो मटिथु मरिम्शो दुम्मे, गे मेको कली परमप्रभु यावे आ सोक्तीमी ब्रीशो थुं पाइश्शोपुकीमी, ठेयब मलेत्थु, रिम्शो लोव़ पा, आ थुं परमप्रभु यावे गे लेप्पतीने। मो पनीनु, थुं थाम्चा मपुंइसेक्ल, दे होस पा बाक्कीन। मत्ती १८:१५; याकूब ५:१९
Ephesians 4:14 in Sunwar 14 गोपुकीम आल खोदेंशो पा मुर आन शेंशो हेंथे लोव़ थमा सुइक्चा मदुम्नय। दूली शेंबपुकीमी निप्स खाप्शा, मुर आन कली जोल पा फश लोव़ शेंशा, दूली लां खोइक्पाइक्नीम। १कोरिन्थी १४:२०; हिब्रू १३:९; याकूब १:६
Ephesians 5:6 in Sunwar 6 सुइ मुरुमी इन कली फश लोव़ पा, हेंथे लां खोइक्पाइक्चा मगेने। मारदे हना परमप्रभु यावे आ कली मटीब आन कली तशा गाइक्ब। कलस्सी ३:६
Colossians 2:4 in Sunwar 4 मारदे इन कली मो देंती देंशा हना, जोल पा शेंब जाक्शा, शुश मिलो शिलो लोव़ पशा, दूली शेंने मचाप्मेक्ल, दे मो देंती। रोमी १६:१८
Colossians 2:7 in Sunwar 7 खप आगामी शाक्श थोक्शो रवा खोदेंशो पा, ख्रीस्त आगा ङा बोल्यो मुर दुम्शा बाक्कीन। दोपा शेंसीनी, मोपा बोल्यो पा थमा सुइश्शा, परमप्रभु यावे कली “गे रिम्शो पाइतीनी” दे शुश देंना देंन बाक्कीन। एफिसी ३:१७
Colossians 2:16 in Sunwar 16 मोदेंशो दुम्शा इन कली मार मार जचा तूचा दुम्बा, मार मार जचा तूचा मदुम्बा, मार मार चाड मानेचा, तेको औंसी ठेयब सेल्चा, तेक तेको नाइक्तीक नाक्ती ठेयब सेल्चा देंब मुर आन लोव़ मनेनीन। रोमी १४:१-१२
2 Thessalonians 2:2 in Sunwar 2 इन थुं मक्यन। सोक्तीमी कोंइताक्व देंखु पाइनीम। आंइ ब्रेक्शो चिठी जाक्त, देंखु पाइबमी “प्रभु आ नाक्त जाक्शा नुप्त” दे लोव़ पाम्तेक्म हना यो, थमा मसुतीन। २पत्रुस ३:१५-१६
2 Thessalonians 2:17 in Sunwar 17 इन थुं बारपाइश्शा, इन कली रिम्शो गेय नु रिम्शो लोव़ पचा गेम्सेक्ल।
1 Timothy 4:1 in Sunwar 1 परमप्रभु यावे आ सोक्तीमी “नोले ङा नाक्तीम का निक्शी थमा सुइक्बपुकीमी थमा सुइक्चा प्रोंइनीम। मेको मुरपुकीमी हेंथे लां कोंइब नु जोल पाइब वोल आन शेंशो नेंनीम” देंत। मत्ती २४:२४; २थिस्सलोनिकी २:३; २तिमोथी ३:१; २पत्रुस ३:३; १यूहन्ना २:१८; यहूदा १८
1 Timothy 6:3 in Sunwar 3 सुमी अरु शेंतीक शेंबा, मेकोमी इं प्रभु येसु ख्रीस्त आ थमा लोव़ नु आ शेंतीके नु मगारचा ङा शेंब। मेको आं देंशो थमा लोव़ चहिं परमप्रभु यावे कली मिम्ब नु दाक्ब थुं रे बाक्ब। २तिमोथी १:१३
1 Timothy 6:20 in Sunwar 20 तिमोथी, इ कली शेंशो लोव़ रिम्शो पा पावो। जाम्शा लाइब लोव़ नु जिचा पोक्तीक लोव़, तुइक्ब थुं रे पीब देंखु पाइनीम। मेको रे ङोन बाक्को। २तिमोथी १:१२-१४; १तिमोथी ४:७
2 Timothy 2:1 in Sunwar 1 आं तौ, गे ख्रीस्त येसुमी बाक्शो शिशी मिम्शा, बोल्यो दुम्शा बाक्को। एफिसी ६:१०
Titus 1:14 in Sunwar 14 मिनु थमा सुइक्बपुकीमी यहूदी आन कथा नु मुरुम सेल्शो अरेशो लोव़ नेंचा मदुम्ब। मेको थमा लां प्रोंइब बाक्नीम। १तिमोथी ४:७; २तिमोथी ४:४
Hebrews 9:9 in Sunwar 9 मेको मुल कली कोंइतीक का बाक्ब। मेकोमी मार कोंइब देंशा हना, भेटी नु चोशा चढ़ेशोमी मुर आन कली पाको सेल्ने मचाप्ब। हिब्रू ७:१९; हिब्रू १०:१-२
1 John 4:1 in Sunwar 1 आं दाक्शो लोक्बपुकी, शेंबपुकीमी शेंदमेनु, गेपुकीमी परमप्रभु यावे रे पा शेंनीमी देय मशेंनीमी मेको रुपीन। मारदे हना रागीमी शुश दूली पा, परमप्रभु यावे आ लोव़ पाइब बाक्नीम। मत्ती ७:१५
Jude 1:3 in Sunwar 3 आं दाक्शो लोक्बपुकी, गो इन कली इं पाप रे प्रोंइतीक आ पर्बम ब्रेक्चा दाक्ती। थमा सुइक्तीके आ पर्बम दोपा गेय पचा, दे इन कली शेंचा दाक्ताक्ङ। मेको थमा सुइक्तीक पाप रे ङोन बाक्ब आन कली ङोंइती रे शेंने थुम्शो बाक्त। १तिमोथी १:१८
Jude 1:12 in Sunwar 12 मेकोपुकी इन ग्रुम्मुशो भोजमी जाक्शा, दाइल पपाइक्ब फुल्लु खोदेंशो पा बाक्नीमी। आंम दातेम ग्येरपमुइनीम, तन्न महिंथु आंम कोव़ज ला प्रिंनीम। मेको रेउ मपाइश्शो फशेम बेरशो गोस्स खोदेंशो बाक्नीम। फल सित्ची ना फल मसिप्ब रवा खोदेंशो बाक्नीम। शाक्श दुल्शो रवा खोदेंशो पा, निक्शी खेयप बेक्शो बाक्नीम। १कोरिन्थी ११:२१