Hebrews 13:5 in Sunwar 5 क्येट चेम्चा गे इन थुं महिरदीने। गेपुकी नु मार मार बाक्मा, मेको मोशोमीन इन थुं नाइश्शा बाक्कीन। मारदे हना मेकोमी “गे नु बाक्नुङ, मिनु गेनायो मप्रोंइनन” देंब। यहोसु १:५; १तिमोथी ६:६
Other Translations King James Version (KJV) Let your conversation be without covetousness; and be content with such things as ye have: for he hath said, I will never leave thee, nor forsake thee.
American Standard Version (ASV) Be ye free from the love of money; content with such things as ye have: for himself hath said, I will in no wise fail thee, neither will I in any wise forsake thee.
Bible in Basic English (BBE) Be free from the love of money and pleased with the things which you have; for he himself has said, I will be with you at all times.
Darby English Bible (DBY) [Let your] conversation [be] without love of money, satisfied with [your] present circumstances; for *he* has said, I will not leave thee, neither will I forsake thee.
World English Bible (WEB) Be free from the love of money, content with such things as you have, for he has said, "I will in no way leave you, neither will I in any way forsake you."
Young's Literal Translation (YLT) Without covetousness the behaviour, being content with the things present, for He hath said, `No, I will not leave, no, nor forsake thee,'
Cross Reference Genesis 28:15 in Sunwar 15 गो गे नु बाक्शा, ते लाइनेवे, गो इ कली कोव़नन। गो इ कली एको रागी लेप्पाइक्नन। मारदे हना गो इ कली मप्रोंइनन। इ कली मार मार देंङा, गो मेको नेल्ल पाइनुङ” देंमाक्त।
Exodus 2:21 in Sunwar 21 मिनु मोसा मेकोपुकी नु बाक्चा बिस्साक्व। रूएलमी मोसा कली आ तमी सिप्पोरा ग्युंबे पा गेप्तु। गन्ती १२:१
Exodus 20:17 in Sunwar 17 इन नेक्था बाक्ब मुर आ खिं, आ मीश आ वाइलीम वाइल, आ बी ब्यफ नु आ गधा, मेको के मार बाक्त हना यो, मेको तशा मबाल्दीन। एको परमप्रभु यावे आ अरेशो लोव़ बाक्ब” दे मोसामी इस्राएली आन कली देंत। रोमी ७:७; रोमी १३:९
Deuteronomy 31:6 in Sunwar 6 बोल्यो नु महिंब दुमीन। मेको आन कली तशा महिनीन मारदे हना परमप्रभु यावे, इन परमप्रभु गेपुकी नु लाइब। मेकोम इन कली कोव़शा, मप्रोंइब” दे मोसामी देंत। ब्यवस्था १:२९-३०
Deuteronomy 31:8 in Sunwar 8 मिनु परमप्रभु यावे इ ङोंइती लाइब। मेको गे नु बाक्ब। मेकोम इन कली कोव़शा, मप्रोंइब। महिनीन नु मेको आन कली तशा इन थुं लुक्च मलने” दे मोसामी यहोसु कली देंत।
Joshua 1:5 in Sunwar 5 गे मबेक्ङे सम्म इ कली सुइमी यो फ्रुने मचाप्नीम। गो दोपा मोसा नु बाक्ङा, मोपा गे नु यो बाक्नुङ। गो इ कली गेना हना यो कोव़नुङ। मिनु गेनायो मप्रोंइनुङ। ब्यवस्था ३१:७,८; हिब्रू १३:५
Joshua 7:21 in Sunwar 21 गो खतम सेल्चा माल्शो थोव़क रे पा शिनार रागी ङा रिम्शो फेक्तीक वा, सहे निक्शी शेकेल चांदी नु ५० शेकेल हेल्शो सुन के कोक्के का ताता। गो मेको साप्पा दाक्ताक्ङ ङा मिन लांइसाक्यी। मिनु मेको आं ताम्बु आगाम थिम्शा वोइक्ता। मेको चांदी नेल्ल क्येङा आगाम बाक्ब” देंत। शेकेल का ११.५ ग्राम बाक्ब।
1 Samuel 12:22 in Sunwar 22 मारदे हना परमप्रभु यावेमी आ ठेयब नें आ पर्बम आ मुर आन कली कोव़शा मप्रोंइब। परमप्रभु यावेमी इन कली आंम आ मुर सेल्चा कली ग्येरसाक्व। प्रस्थान १९:६
1 Chronicles 28:20 in Sunwar 20 मिनु दाऊदमी आ तौ सोलोमन कली “बोल्यो नु महिंब दुम्शा, एको गेय पावो। महिनो, इ थुं ग्येत्थ लुक्च मपावो। मारदे हना परमप्रभु यावे, आं परमप्रभु गे नु बाक्ब। परमप्रभु यावेमी आ खिंमी गेय पचा कली मारेइ मारेइ सेल्ने मथुमा सम्म इ कली मप्रोंइथु वारच पाइब। १इतिहास २२:१३; ब्यवस्था ३१:६
Psalm 10:3 in Sunwar 3 परमप्रभु आ अरेशो लोव़ मटीबपुकीमी “आं दला दाक्स नेल्ल पने चाप्नुङ” दे ठेयब लेत्नीम। लोभी आन कली आसीक गेनीम। मिनु परमप्रभु यावे कली मान मपथु, महिंथु, मेको आ पर्बम शुक्शी लोव़ पाइनीम।
Psalm 37:25 in Sunwar 25 गो ठिटा बाक्ती, मुल खाल्पा दुम्ती। तन्न ठीक पाइबपुकी नु आन तमी तौ नु चच युइमी मुल सम्म पुंइशा जशो गेनायो मतङमी।
Psalm 37:28 in Sunwar 28 मारदे हना परमप्रभु यावेमी ठीक निसाफ दाक्ब। आ कली मप्रोंइब आन कली नेल्ल नाक्त गेना हना यो कोव़ब। ठीक पाइब गेना हना यो रिम्शो बाक्चा ताइनीम। तन्न आ अरेशो मटीब आन तमी तौ नु चच युइ तिल्चा पुंइसीनीम।
Psalm 119:36 in Sunwar 36 आं थुं कली इन देंशो ला मिम्पतीन। शुश क्येट चेम्तीके ममिम्पतीन।
Isaiah 41:10 in Sunwar 10 महिनो, मारदे हना गो गे नु बाक्नुङ। आइक्च थुं मपावो। मारदे हना गो इ परमप्रभु नङ। गो इ कली बोल्यो सेल्शा, वारच पाइनुङ। गो इ कली आं ग्राब ग्युरा गुइमी वारच पाइनुङ। यसैया ४३:१
Isaiah 41:17 in Sunwar 17 मेकोमी लेंशा “प्रुङग नु क्येट मथीबम ब्वाक्कु माल्नीम। तन्न मथित्नीम। मेकोपुकी तूतू दाक्शा, आन लाकचा सोव़ब। गो, परमप्रभु यावेमी, मेको आन लोव़ नेंनुङ। मिनु गो, इस्राएली आन परमप्रभुमी मेको आन कली मप्रोंइथु, मेको नु बाक्नुङ।
Jeremiah 6:13 in Sunwar 13 परमप्रभु यावेमी “नेल्ल क्येङा आइक्च मुर रे नेल्ल क्येङा ठेयब सम्म ठीक पा मचेम्शो क्येट तचा कली शिंम दुम्शो बाक्नीम। परमप्रभु यावे आ लोव़ पाइब रे चढ़ेब सम्म नेल्ल जोल पाइब दुम्शो बाक्नीम। येरमीया ८:१०-१२; इजीकीएल १३:१०-१६; १थिस्सलोनिकी ५:३
Ezekiel 33:31 in Sunwar 31 मेकोपुकीम आं मुर खोदेंशो पा इ बाक्तीक जाक्शा इ ङोंइती नित्नीम। मिनु इ लोव़ नोफा दाइश्शा नेंनीम। तन्न मेकोम इ लोव़ मटीनीम। मेकोम रिम्शो लोव़ पखु पा, आन थुंम चहिं दोपा क्येट चेम्चा, दे मिम्नीम। यसैया ५३:१
Matthew 6:25 in Sunwar 25 मोपतीके गो ‘मार जचा, मार तूचा, मार फेक्चा’ दे ममिम्तीने। मारदे हना जचा तूचा क्येङा ब्रोंइचा ठेयब बाक्ब। फेक्तीक क्येङा रां ठेयब बाक्ब। लूका १२:२२-३१; फिलिप्पी ४:६; १पत्रुस ५:७
Matthew 6:34 in Sunwar 34 मोपतीके दीसा मार दुम्बा, दे सुर्ता मपने। मारदे हना दीसा ङा श्येत दीसान दुम्ब। मुलाक्ती ङा श्येतम दीसा ङा श्येत मतेम्दीने। प्रस्थान १६:१९
Mark 7:22 in Sunwar 22 ग्युंबे पशो मुर अर्को नु इप्चा, शिंम पचा, जोल पचा, गेहे पचा, नें तोक्चा, ठेयब लेत्चा, ममिम्थु गेय पचा।
Luke 3:14 in Sunwar 14 का निक्शी सिपाइपुकी यो जाक्शा “मिनु गो मार पक?” दे हिल्लो पामे बाक्त। मिनु मेको आन कली “सुइ आन कली हिंम हिंम पा जोल पा दोस गेशा आन मारेइ मारेइ मरोइक्तीन। इन गेय रे पा तशो क्येटम इन थुं नुशा बाक्कीन” दे माइक्मी बाक्त।
Luke 8:14 in Sunwar 14 चू घारीम जुक्शो देंशो मुरपुकीमी परमप्रभु यावे आ लोव़ नेंशा, थुंम वोइक्नीम। तन्न नोले ‘मार जचा, मार फेक्चा, दोपा शोंप पाइश्शो दुम्चा? दोपा गेय मपथु ग्येरशा बाक्चा तचा’ दे मिम्शा, परमप्रभु यावे आ लोव़ कली सित्चा मगेनीम।
Luke 12:15 in Sunwar 15 मिनु नोले मुर आन कली “नेनीन, होस पा बाक्कीन। शिंम मदुमीन। मारदे हना शुश शोंप बाक्शा ला ब्रोंइशा बाक्चा मतांइसीब” देंमाक्त। उपदेसक ५:९; १तिमोथी ६:९-१०
Luke 16:13 in Sunwar 13 गेय पाइब कामी होव़प निक्शी आस गेय पने मचाप्ब। मारदे हना का आ देंशो टिप्तु हना, अर्को कली मटीब दुम्ब। का कली दाक्ताक्व हना, अर्को कली चहिं काइ मदाक्ब। मोपतीके गे यो परमप्रभु यावे नु शोंप निक्शी आस नोले खोइक्ने मचाप्नीनी” दे येसुमी शेंदीमी बाक्त। मत्ती ६:२४
Romans 1:29 in Sunwar 29 मिनु आन थुं पापम ब्रीशो दुम्तेक्म। मिनु मार पाम्तेक्म देंशा हना, मारेइ मारेइ मरिम्शो ला पमुम्तेक्म, शिंम दुम्तेक्म, थुं चोमुम्तेक्मे, रुश पमुम्तेक्मे, मुर साइक्तेक्मे, जिम्तेक्मे, जोल पाम्तेक्मे, ख्रुइश्शा मुर आन लोव़ पाम्तेक्म।
1 Corinthians 5:11 in Sunwar 11 तन्न थमा सुइश्शा प्रभु आ मुर दुम्ती देंब लोक्बम पात्के पा तेल्लेम पा, शिंम दुम्शा, मूर्ति पूजा पा, शुक्शी पा गाक्ब नु शांबु राकसीमी दुक्शा, खुइ पा गाक्ब दुम्तेक्म हना, मेकोपुकी नु काथा बाक्शा जचा यो मदुम्ब। २थिस्सलोनिकी ३:६
1 Corinthians 6:10 in Sunwar 10 खुइ पाइनीमी, शिंम पाइनीमी, शांबु राकसीमी दुक्शा गाक्नीमी, शुक्शी लोव़ पा गाक्नीमी, मुर आन के बाक्शो थोव़क रोइश्शा, श्येत गेनीमी। मोदेंशो पाइबपुकी परमप्रभु यावे आ राज्यम ओव़चा मताइनीम।
Ephesians 5:3 in Sunwar 3 मोपतीके गेपुकी परमप्रभु यावे आ मुर दुम्शा, इन दातेमी तेल्लेम पचा, ग्रांग्रा दिचा ङा गेय पचा नु शिंम पचा आ पर्बम लोव़ सम्म यो मपने। मेको परमप्रभु यावे आ मुर आन कली रिम्शो दुम्ब। कलस्सी ३:५
Ephesians 5:5 in Sunwar 5 तेल्लेम पाइब, ग्रांग्रा दिचा ङा गेय पाइब नु शिंम पाइबपुकी ख्रीस्त नु परमप्रभु यावे आ राज्यमी ओव़चा मताइनीम, दे रिम्शो पा तुइक्चा माल्नीनी। मेको नेल्ल मूर्ति पूजा पचा खोदेंशो बाक्ब। १कोरिन्थी ६:९-१०; प्रकाश २१:८; प्रकाश २२:१५
Philippians 4:11 in Sunwar 11 गो श्येत जचा आ पर्बम लोव़ मपाइनुङ। मार दुम्त हना यो, ग्येरसीशा बाक्चा, दे शेंसीशो नङ। १तिमोथी ६:६
Colossians 3:5 in Sunwar 5 मोपतीके इन आगामी बाक्शो माइत रागी ङा थुं कली सतीन। रागी ङा मुर आन थुंमी मार बाक्ब देंशा हना, हेंथे पचा, मार मार ग्रांग्रा दिचा ङा गेय पचा, आंम दला दाक्स पचा, मरिम्शो मिम्तीके नु शिंम दुम्तीके बाक्ब। शिंम दुम्तीके चहिं मूर्ति पूजा पचा खोदेंशो बाक्ब। एफिसी ५:३
1 Timothy 3:3 in Sunwar 3 राकसी शांबु तूशा दुक्ब नु तुप्ब मुर थमा सुइक्ब आन कली कोव़ब दुम्ने मचाप्ब। थमा सुइक्ब आन कली कोव़ब रिम्शो थुं पाइश्शो बाक्चा माल्ब। जिचा पोक्ब नु क्येट शुश दाक्बमी एको गेय पने मचाप्ब।
1 Timothy 6:6 in Sunwar 6 परमप्रभु यावे कली बोल्यो थमा सुइक्चा चहिं थुं नाइक्तीक बाक्ब। १तिमोथी ४:८; मत्ती ६:२५-३४; फिलिप्पी ४:११-१२; हिब्रू १३:५
2 Peter 2:3 in Sunwar 3 मेको आन शीम पतीकेमी इन कली दूली लोव़ पा, इन क्येट योल्नीम। मेकोपुकी ङोंइती रे नरक लचा चिक्शो बाक्नीम।
2 Peter 2:14 in Sunwar 14 मेकोपुकीमी मुर आन मीश तशा वाल्नीम। पाप पचा गेनायो “मोक्ल” मदेंनीम। सक्ति मपाइश्शो थमा सुइक्ब आन कली लेम्शा, आंम दूली लां खोइक्पाइक्नीमी। मेकोपुकी शीम बाक्नीम। मिनु सराप रशो मुर बाक्नीम।
Jude 1:11 in Sunwar 11 मेको आन पर्बम आबी। काइन खोदेंशो दुम्शो बाक्तेक्म। बालाम बुदी परमप्रभु यावे कली मटिथु, क्येट आ पर्बम दूली गेय पाइनीम। मिनु कोराह माइश्शो मुर खोदेंशो पा जाम्शा लाइनीम। उत्पत्ती ४:८; गन्ती ३१:१६; गन्ती १६:-