Hebrews 13:20 in Sunwar 20 नेल्ल क्येङा ठेयब भेडा गोठला, इं प्रभु येसुमी आ हुशेम गेना हना यो लीब कबल खाप्तु। दुशा बाक्चा गेब परमप्रभु यावेमी मेको कली बेक्शो रे सेंताक्व। यूहन्ना १०:११; १पत्रुस २:२५
Other Translations King James Version (KJV) Now the God of peace, that brought again from the dead our Lord Jesus, that great shepherd of the sheep, through the blood of the everlasting covenant,
American Standard Version (ASV) Now the God of peace, who brought again from the dead the great shepherd of the sheep with the blood of an eternal covenant, `even' our Lord Jesus,
Bible in Basic English (BBE) Now may the God of peace, who made that great keeper of his flock, even our Lord Jesus, come back from the dead through the blood of the eternal agreement,
Darby English Bible (DBY) But the God of peace, who brought again from among [the] dead our Lord Jesus, the great shepherd of the sheep, in [the power of the] blood of [the] eternal covenant,
World English Bible (WEB) Now may the God of peace, who brought again from the dead the great shepherd of the sheep with the blood of an eternal covenant, our Lord Jesus,
Young's Literal Translation (YLT) And the God of the peace, who did bring up out of the dead the great shepherd of the sheep -- in the blood of an age-during covenant -- our Lord Jesus,
Cross Reference Exodus 24:8 in Sunwar 8 मिनु मोसामी बोस ङा हुश लाइश्शा, मुर आन कली ब्रुइश्शा “नेनीन, परमप्रभु यावेमी गेपुकी नु कबल पाप्तु। मेको हुश परमप्रभु यावे आ कबल ङा देंशो लोव़ आ छाप बाक्ब” देंत। हिब्रू ९:१९-२७; मर्कूस १४:२४
2 Samuel 23:5 in Sunwar 5 मोपा आं खिं परमप्रभु नु बाक्ब। मारदे हना मेकोमी गो नु गेना हना यो लीब कबल का पशो बाक्ब। मेको नेल्ल रिम्शो नु लीब। मिनु मेकोमी आं रिम्शो दुम्शो नु आं दाक्शो बारना बारना लपाइक्ब।
1 Chronicles 16:17 in Sunwar 17 मेको कबल याकूब कली फुल्लुम मुशा ब्रेक्शा गेशो बाक्त। इस्राएल कली गेना हना यो लीब कबल पशो बाक्त।
Psalm 23:1 in Sunwar 1 दाऊद आ कुम्सो। परमप्रभु यावे आं गोठला बाक्ब। आं माल्शो नेल्ल बाक्ब। उत्पत्ती ४८:१५; यसैया ४०:११; यूहन्ना १०:११-३०
Psalm 80:1 in Sunwar 1 कुम्सो पपाइक्ब कली लिली फू आ लायो ङा कबल पतीक, आसाफ आ कुम्सो। इस्राएल ङा गोठला, आंइ लोव़ नेनीन। गे योसेफ कली भेडा आन हुल खोदेंशो पा खुल्तीनी। गे करूब आन तार ठेयब नित्तीकेमी नित्नीनी। भजन संग्रह १८:११; २सामुएल ६:२
Isaiah 40:11 in Sunwar 11 आ बगाल कली गोठलाम खोदेंशो पा योव़ब। मेकोमी आ पाठा पाठी आन कली मुप्शा कुरब। दूध तुंइब आन कली आन चाप्चा ङा पा गाक्पाइश्शा खुल्ब। यूहन्ना १०:११
Isaiah 55:3 in Sunwar 3 इन नोफा दाइश्शा, आं गे जाक्कीन। नेंशा, ब्रोंइनीनी। गे ब्रोंइशा बाक्चा कली आं लोव़ नेनीन। मिनु गो गेपुकी नु गेना हना यो लीब कबल का पाइनुङ। दाऊद कली खोदेंशो पा इन कली यो गेना हना यो दाक्नुङ। २सामुएल ७:८-१६; येरमीया ३१:३१-३४; प्रेरित १३:३४
Isaiah 61:8 in Sunwar 8 गो, परमप्रभु यावेमी, ठीक पतीके दाक्नुङ। रोइक्तीक नु हेंथे पतीक गेय काइ मदाक्नुङ। गो मेको आन कली थमा पा आन पशो खोदेंशो पा गेनुङमी। गो मेकोपुकी नु गेना हना यो लीब कबल पाइनुङ। यसैया ५४:१०; यसैया ५५:३
Isaiah 63:11 in Sunwar 11 मिनु नोले मेकोपुकीमी साइ ङोंइती ङा नाक्ती मिम्ताक्म। मेको आ गेय पाइब मोसा आ पाला ना ङा नाक्ती मिम्ताक्म। मिनु मेकोपुकीमी “समुन्द्र रे पा गोठला नु आ बगाल ग्रुंइब ते बाक्म? मेको आन कली परमप्रभु यावे आ सोक्त वोइक्ब, ते बाक्मे? प्रस्थान २:५; गन्ती ११:१७
Jeremiah 32:40 in Sunwar 40 गो मेकोपुकी नु गेना हना यो लीब कबल का पाइनुङ। गो मेको आन कली रिम्शो पचा कली गेनायो मप्रोंइनुङ। मिनु गो मेको आन थुंमी आं कली मान पा हिंतीके वोइक्नुङ। मोपा मेकोपुकीम आं कली मप्रोंइनीम। येरमीया ३१:३१-३४
Ezekiel 34:23 in Sunwar 23 गो मेको आन कली गोठला का वोइक्नुङ। आं गेय पाइब दाऊद कली वोइक्नुङ। मिनु मेकोम मेको आन कली कोव़ब। मेको आन कली योव़शा मेको आन गोठला दुम्ब। इजीकीएल ३७:२४; येरमीया ३०:९; होसे ३:५; यूहन्ना १०:१४-१६
Ezekiel 37:24 in Sunwar 24 आं गेय पाइब दाऊद मेको आन पिप दुम्ब। मिनु मेको आन गोठला कान दुम्ब। मिनु मेकोपुकीम आं निसाफ पतीक लोव़ टीनीम। मिनु मेकोपुकीम आं फुल्लुम मुशा ब्रेक्शो लोव़ होस पा पाइनीम। इजीकीएल ३४:२३; इजीकीएल ३६:२७
Ezekiel 37:26 in Sunwar 26 गो मेकोपुकी नु थुं नाइश्शा बाक्तीक कबल का पाइनुङ। मेको गेना हना यो लीब कबल बाक्ब। गो मेको आन कली आसीक गेशा शुश दुम्पाइक्नुङमी। मिनु गो मेको आन दातेम गेना हना यो कली आं बाक्तीक सेल्नुङ। प्रस्थान २५:८; इजीकीएल ३४:२५; यसैया ५४:३०
Zechariah 9:11 in Sunwar 11 गे नु पशो आं हुश आ कबलम पतीके इ चोक्चा पुंइसीशो मुर आन कली ब्वाक्कु मबाक्शो खाल्टा रे ग्रुंइनुङमी। प्रस्थान २४:८; उत्पत्ती ३७:२४
Matthew 26:28 in Sunwar 28 एको आं हुश बाक्ब। आं हुशेमी परमप्रभु यावे आ नक कबल खाप्ता। आं हुश जारशोमी शुश मुर आन पाप क्याम्सीब। प्रस्थान २४:८; येरमीया ३१:३१; हिब्रू ९:१५-१६
Mark 14:24 in Sunwar 24 मिनु “एको आं हुश बाक्ब। आं हुशेमी परमप्रभु यावे आ गेशो नक लोव़ खाप्ता। आं हुश जारशोमी शुश मुर आन पाप क्याम्सीब। प्रस्थान २४:८; हिब्रू ९:१५-१६
Luke 22:20 in Sunwar 20 मिनु जशा, कचौरा शेशा “एको तूनीनु, आं हुश चढ़ेशो मिम्तीने। आं हुशेमी परमप्रभु यावे आ गेशो नक कबल खाप्ता। आं हुश जारशोमी शुश मुर आन पाप क्याम्सीब।
John 10:11 in Sunwar 11 मिनु येसुमी “गो रिम्शो गोठला नङ। रिम्शो गोठला भेडा आन पा ङा साइक्चा पुंइसीब। भजन संग्रह २३:-; यसैया ४०:११; इजीकीएल ३४:११-२३; यूहन्ना १५:१३; हिब्रू १३:२०
John 10:14 in Sunwar 14 गो रिम्शो गोठला नङ। दोपा गो आं भेडा आन कली तुइक्नुङमी, मोपा मेकोपुकीमी आं कली तुइक्नीम। २तिमोथी २:१९
Acts 2:24 in Sunwar 24 गेपुकीमी साइक्पाइक्तीनी हना यो, परमप्रभुमी येसु कली बेक्शो रे सेंताक्व। मारदे हना आ गेना हना यो ब्रोंइशा बाक्ब परमप्रभु बाक्ब।
Acts 2:32 in Sunwar 32 परमप्रभु यावेमी येसु कली बेक्शो रे सेंताक्व। मेको गो आंइ मिक्चीमी ताइतक।
Acts 3:15 in Sunwar 15 मिनु गे ब्रोंइचा गेब कली साइक्तीनी। परमप्रभु यावेमी चहिं बेक्शो रे सेंताक्व। गो मेको तशा, सांकछी दुम्ताक्क।
Acts 4:10 in Sunwar 10 गे ला ममाइ, तन्न इं इस्राएल ङा मुर नेल्लेमी रुप्चा माल्नीम। मेको खोइल मदुक्ब मुर नासरथ ङा येसु ख्रीस्त आ नें ब्रशा साशा गाक्ने चाप्ब दुम्माक्त, दे रुपीने। मेको नासरथ ङा येसु ख्रीस्त कली गेपुकीमी शीमी केप्शा कांटी थोक्शा क्याइक्पाइश्शा साइक्पाइक्तीनी। तन्न परमप्रभु यावेमी मेको कली बेक्शो रे सेंताक्व। प्रेरित ३:६,१३-१६
Acts 5:30 in Sunwar 30 इं किकी पिपी आन परमप्रभु यावेमी गेपुकीमी शीम केप्शा, कांटी थोक्शा क्याइश्शा साइक्पाइश्शो येसु कली बेक्शो रे सेंताक्व। प्रेरित ३:१५
Acts 10:40 in Sunwar 40 साइक्चा पुंइसीशा यो आ बेक्शो आ नित्थ नाक्ती परमप्रभुमी बेक्शो रे सेंपाइश्शा कोंइताक्व। १कोरिन्थी १५:४-७
Acts 13:30 in Sunwar 30 तन्न परमप्रभु यावेमी मेको कली बेक्शो रे सेंताक्व। प्रेरित ३:१५
Acts 17:31 in Sunwar 31 मारदे हना काबु नेल्ल आन कली ठीक पा निसाफ पाइब। मेको निसाफ पची नाक्त परमप्रभुमी योव़शा वोइश्शो बाक्ब। निसाफ पाइब यो योव़शा वोइश्शो बाक्ब। मेको निसाफ पाइब कली ‘आं योव़शो बाक्ब’ दे कोंइचा कली बेक्शो रे सेंताक्व” दे पावलमी शेंदीमी बाक्त। प्रेरित १०:४२; मत्ती २५:३१-३३
Romans 1:4 in Sunwar 4 तन्न मुर ला ममाइ। परमप्रभु यावे आ तौ यो बाक्ब। “आं तौ बाक्ब” दे तुइक्पाइक्चा कली परमप्रभु यावेमी आ सोक्त आ सक्तिम येसु ख्रीस्त कली बेक्शो रे सेंताक्व। मत्ती २८:१८; प्रेरित १३:३३
Romans 4:24 in Sunwar 24 गो नेल्ल इं कली यो ब्रेक्शो बाक्ब। मारदे हना सु सुमी इं प्रभु येसु कली बेक्शो रे सेंपाइक्ब परमप्रभु यावे कली थमा सुइक्नीमी, मेको आन कली ठीक दुम्पाइक्ब।
Romans 8:11 in Sunwar 11 परमप्रभु यावे आ सोक्तीमी दोपा ख्रीस्त येसु कली बेक्शो रे सेंदा, मोपान इं कली यो सेंशा ब्रोंइचा गेब। मारदे हना मुल मेको सोक्त इं आगाम बाक्शा, इं कली ब्रोंइचा गेब।
Romans 15:33 in Sunwar 33 नेल्ल इं थुं नाइक्पाइक्ब परमप्रभु यावे गेपुकी नु बाक्ल। आमेन।
Romans 16:20 in Sunwar 20 थुं नाइक्चा गेब परमप्रभु यावेमी रीब पा सैतान कली इन खोइल आगाम वोइक्ब। इं प्रभु येसु ख्रीस्तमी इन कली शिशी पवल।
1 Corinthians 6:14 in Sunwar 14 परमप्रभु यावेमी प्रभु कली बेक्शो रे सेंताक्व। मिनु आ सक्तिम इं कली यो सेंब। १कोरिन्थी १५:२०; २कोरिन्थी ४:१४
1 Corinthians 14:33 in Sunwar 33 मारदे हना परमप्रभु यावे खल बल ङा परमप्रभु मबाक्ब। मेको थुं नाइश्शा बाक्तीक परमप्रभु बाक्ब।
1 Corinthians 15:15 in Sunwar 15 गो आंइ परमप्रभु यावे आ पर्बम शेंशो यो जोल दुम्बाक्त। मारदे हना गोमी परमप्रभु यावेमी ख्रीस्त कली बेक्शो रे सेंताक्व दे शेंशो बाक्तक। तन्न मेकोम मपव। “बेक्शो रे मसेंसीनीम” देंशो लोव़ थमा बाक्त हना, आंइ शेंशो जोल दुम्ब। प्रेरित १:२२
2 Corinthians 4:14 in Sunwar 14 मार लोव़ थमा सुइश्शा, नेंपाइक्नीकी देंशा हना “प्रभु येसु कली बेक्शो रे सेंबमी आंइ कली यो येसु नु सेंब” दे लोव़ बाक्ब। मिनु मेकोमी गे, गो नेल्ल इं कली आ ङोंइती बाक्चा गेब। १कोरिन्थी ६:१४
2 Corinthians 13:11 in Sunwar 11 आं लोक्बपुकी, मुल रिम्शो बाक्कीन। रिम्शो पने। आं लोव़ नेंशा टीब दुमीने। इन दातेमी गारमुने। थुं नाइश्शा बाक्कीने। दाक्तीक नु थुं नाइक्तीक गेब परमप्रभु यावे गेपुकी नु बाक्ल। फिलिप्पी ४:४; रोमी १५:३३
Galatians 1:1 in Sunwar 1 गो सोइश्शो ब्रेत्चा पुंइसीशो पावल नङ। आं शेंतीके लोव़ मुर आन लोव़ ममाइ। मुरपुकीम सोइश्शो यो मनङ। येसु ख्रीस्त कली बेक्शो रे सेंब इं आफ परमप्रभु यावे नु येसु ख्रीस्त आस सोइश्शो नङ। गलाती १:११-१२
Ephesians 1:20 in Sunwar 20 मेको सक्तिमी ख्रीस्त कली बेक्शो रे सेंशा, स्वर्ग ङा इन बाक्तीकेमी इन ग्युरा गे निप्पाइक्तीनी। भजन संग्रह ११०:१
Philippians 4:9 in Sunwar 9 गो इन कली मार शेंदु, गे मार रुम्नी, मार नेंनी, आं कली मार पशो तनी, मेकोन पने। मो पाइतीनी हना, इन थुं नाइक्चा गेब परमप्रभु यावे गेपुकी नु बाक्ब।
Colossians 2:12 in Sunwar 12 मिनु गेपुकी ब्वाक्कुम ख्रुम्शा ग्रुंइचा पुंइसीनीनु, मेको नु बेक्शा थिम्शो दुम्तीनी। परमप्रभु यावे आ पतीके कली थमा सुइक्तीके मेको नु बेक्शो रे सेंशो यो बाक्नीनी। रोमी ६:४; कलस्सी ३:१
1 Thessalonians 1:10 in Sunwar 10 मिनु बेक्शो रे सेंशो परमप्रभु यावे आ तौ लेंशा सरीङ रे यीब, दे रिम्शा बाक्तीनी। येसुमी इं कली परमप्रभु यावे आ गाइक्चा रे प्रोंइब। तीतस २:१३
1 Thessalonians 5:23 in Sunwar 23 थुं नाइक्पाइक्ब परमप्रभु यावेमी इन कली थम रिम्शो सेलल। इन सोक्त, थुं नु रां इं प्रभु येसु ख्रीस्त मयिम सम्म रिम्शो नु दोस मताइब दुम्शा बाक्मल।
2 Thessalonians 3:16 in Sunwar 16 थुं नाइक्चा गेब प्रभुमी दोदेंशो बाक्तीनी हना यो, इन कली गेना हना यो थुं नाइक्चा गेवल। प्रभु गेपुकी नेल्ल नु बाक्ल। यूहन्ना १४:२७
Hebrews 9:16 in Sunwar 16 मिनु “गो बेक्ङा नोले गेनुङ” दे कागज ब्रेक्बमी आ पशो कबल बेक्म नोले ला खाप्ब।
Hebrews 9:20 in Sunwar 20 मिनु मेकोमी “परमप्रभु यावेमी इन कली पशो कबल एको हुशेमी खाप्तु” दे तुइक्पाइक्मी बाक्त। प्रस्थान २४:८
Hebrews 10:22 in Sunwar 22 मोपतीके रिम्शो थुं पा, रिम्शो थमा सुइक्ब दुम्शा, पाप नेल्ल क्याम्चा पुंइसीशो तुइश्शा नु इं रां रिम्शो ब्वाक्कुम चिक्शा ग्येरशा परमप्रभु यावे आ नेक्था जाक्दीय्य। हिब्रू ४:१६; एफिसी ५:२६; १पत्रुस ३:२१
Hebrews 10:29 in Sunwar 29 मिनु परमप्रभु यावे आ तौ कली खोइलीम दिम्ब, शुश सजाइ गेशा साइक्चा पुंइसाक्म, दे तुइक्नय। ङोंइती आंम कली पाको सेल्शो नक कबल ङा हुश आ पर्बम शुक्शी पा “हुश नेल्ल कांइचीक बाक्ब, मार अर्को लोव़ बाक्बा ङा?” देंनीम। परमप्रभु यावे आ सोक्ती आ पर्बम यो शुक्शी पाइनीम। मोदेंशो पाइबपुकी शुश सजाइ गेचा मपुंइसीनीमी ङा? हिब्रू २:३; हिब्रू १२:२५
1 Peter 1:21 in Sunwar 21 गे येसु ख्रीस्त आ पतीके परमप्रभु यावे कली थमा सुइक्नीनी। मेकोमी येसु ख्रीस्त कली बेक्शो रे सेंपाइश्शा, छेङछेङम वोइक्तु। मोपतीके गे “परमप्रभु यावेमी इं कली कोव़ब” दे थमा सुइश्शा आस पने।
1 Peter 2:25 in Sunwar 25 ङोंइती गे हेंथे गाक्ब भेडा खोदेंशो बाक्तीनी। तन्न मुल इन गोठला नु इन थुं कोव़ब आ नेक्था लेश्शा जाक्तीनी। यसैया ५३:६; यूहन्ना १०:१२
1 Peter 5:4 in Sunwar 4 नेल्ल क्येङा ठेयब गोठला जाक्मेनु, गे गेना हना यो लीब परमप्रभु यावे आ छेङछेङ ङा सिरपेच ताइनीनी। हिब्रू १३:२०; १कोरिन्थी ९:२५; २तिमोथी ४:८