Hebrews 13:17 in Sunwar 17 इन कली शेंब आन लोव़ नेंशा टिने। मेकोपुकीमी “परमप्रभु यावे आ ङोंइती जिम्मा ब्राइनुङ” दे तुइश्शा इन कली शेंनीमी, कोव़नीम। शेंब आन लोव़ टीतीनी हना, मेकोपुकीमी ग्येरशा शेंनीम। इन कली मटिशो तशा चहिं, आन थुं हेल्शो दुम्शा, शेंचा ब्रीनीम, मिनु इन कली यो मरिम्शो दुम्ब। १थिस्सलोनिकी ५:१२; इजीकीएल ३:१७-१९
Other Translations King James Version (KJV) Obey them that have the rule over you, and submit yourselves: for they watch for your souls, as they that must give account, that they may do it with joy, and not with grief: for that is unprofitable for you.
American Standard Version (ASV) Obey them that have the rule over you, and submit `to them': for they watch in behalf of your souls, as they that shall give account; that they may do this with joy, and not with grief: for this `were' unprofitable for you.
Bible in Basic English (BBE) Give ear to those who are rulers over you, and do as they say: for they keep watch over your souls, ready to give an account of them; let them be able to do this with joy and not with grief, because that would be of no profit to you.
Darby English Bible (DBY) Obey your leaders, and be submissive; for *they* watch over your souls as those that shall give account; that they may do this with joy, and not groaning, for this [would be] unprofitable for you.
World English Bible (WEB) Obey your leaders and submit to them, for they watch on behalf of your souls, as those who will give account, that they may do this with joy, and not with groaning, for that would be unprofitable for you.
Young's Literal Translation (YLT) Be obedient to those leading you, and be subject, for these do watch for your souls, as about to give account, that with joy they may do this, and not sighing, for this `is' unprofitable to you.
Cross Reference Genesis 16:9 in Sunwar 9 मिनु परमप्रभु यावे आ स्वर्ग ङा गेय पाइबमी मेको कली “इ होव़पोक्म आ खिं लेतो। मिनु मेको आ अरेशो टिशा बाक्को” देंमाक्त।
Exodus 32:31 in Sunwar 31 मिनु मोसा परमप्रभु यावे आ बाक्तीक लशा मेको कली “मुरपुकीमी थमा पा ठेयब पाप पाम्तेक्म। आंम कली सुन के देवता सेल्तेक्म।
1 Samuel 8:19 in Sunwar 19 तन्न मुरपुकीम सामुएल आ लोव़ नेंने मबिस्समा बाक्त। मिनु मेकोपुकीम “ममाइ, आंइ कली पिप का माल्नीकी।
1 Samuel 15:19 in Sunwar 19 गे मारदे परमप्रभु यावे आ देंशो मटिनी? गे मारदे रोइश्शो मार मार ताक्नी? मिनु परमप्रभु यावे आ ङोंइती मार मरिम्शो बाक्मे, मेको पनी” देंमाक्त।
Proverbs 5:13 in Sunwar 13 गो आं कली शेंब आन लोव़ मनेंनु। आं कली अर्ती गेब आन लोव़ मटिङ।
Isaiah 62:6 in Sunwar 6 यरूसलेम, गो इ गारो तार खाल पाइब मुर वोइक्ता। मेकोपुकी नाक्दो नाक्ती सिक्सी पा मबाक्नीम। परमप्रभु यावे कली मिम्पाइक्बपुकी, मनांइसीन” देंत। यसैया ५२:८
Jeremiah 13:17 in Sunwar 17 तन्न गेपुकीम मेको मनेंतीनी हना, गो इन ठेयब लेश्शो आ पतीके, गो आं थुंम सुइ आन मतुइक्चा ङा पा ङाक्नुङ। परमप्रभु यावे आ हुल ग्याइश्शा लाइक्चा पुंइसीतीके गो हुइ हुइ पा ङाक्नुङ। मिनु आं मिक्च रे प्रेक्कु दोक्ब। येरमीया ८:२३; येरमीया १४:१७; लूका १९:४१
Ezekiel 3:17 in Sunwar 17 मार लोव़ पाप्तु देंशा हना “ए मुर, गो इ कली इस्राएली आन खिं ङा मुर आन कली खाल पाइब सेल्तन। गे आं देंशो लोव़ नेंतीवी हना, मेको आन कली आं लोव़ रे पा हिंच कोंइदीमी। इजीकीएल ३३:७; यसैया ५२:८; हिब्रू १३:१७
Ezekiel 33:2 in Sunwar 2 मार लोव़ पाप्तु देंशा हना “ए मुर, इ मुर आन कली ‘गो रागी का कली तरवार चाक्ता हना, मेको रागी ङा मुरपुकीम आन रागी ङा मुर का कली आन कली खाल पाइब का योव़शा वोइक्नीम,
Ezekiel 33:7 in Sunwar 7 ए मुर, गो इ कली इस्राएल आ खिं ङा मुर आन कली खाल पाइब सेल्तान। मोपतीके गेना इ कली लोव़ पङा, मेना गे मेको आन कली मेको आं लोव़ नेंशा, होस पा बाक्कीन’ देंचा माल्नेवे। हिब्रू १३:१७
Luke 16:2 in Sunwar 2 मिनु क्येट थीबमी आ हिसाब पाइब कली ब्रेश्शा ‘गेमी आं क्येट थुम्शा गेयी बाक्त। ङोंइती रे ङा दोशो चेमी दोशो थुमी, लो, नेल्ल कोंइदी। मुल ङा मेरे इ कली मवोइक्नन’ दे मदा बाक्त।
Acts 20:24 in Sunwar 24 गो साइक्चा पुंइसाक्ङ हना यो, एको आं गिंम मारेइ ममिम्नुङ। प्रभु येसुमी आं कली पपाइश्शो लोव़ ‘परमप्रभु यावेमी मुर आन कली शिशी पाइब’ आ ग्येरपाइक्ब लोव़ कली तुइक्पाइक्नुङ। प्रेरित २१:१३; २तिमोथी ४:७
Acts 20:28 in Sunwar 28 गे आंम कली कोव़ङीने। परमप्रभु यावे आ सोक्तीमी इन कली थमा सुइक्ब आन कली कोव़ब सेल्तु। गे परमप्रभु यावे आ मुर आन कली मुर आन कली कोव़ब रिम्शो गोठला दुमीन। मारदे हना मेकोपुकी आ तौ आ हुशेम ग्याप्शो बाक्नीमी। १तिमोथी ४:१६; १पत्रुस ५:२-४
Romans 14:12 in Sunwar 12 गो नेल्लेमी परमप्रभु यावे आ ङोंइती मार पशो बाक्या, मेको का का पा शोव़चा माल्नय।
1 Corinthians 4:1 in Sunwar 1 मिनु मुरपुकीमी गो शेंब, आंइ पर्बम मार मिम्चा माल्नीम देंशा हना, गो ख्रीस्त आ गेय पाइब नु परमप्रभु यावे आ ख्रुइश्शो लोव़ तुइक्पाइक्चा कली शेंब नकी। तीतस १:७
1 Corinthians 16:16 in Sunwar 16 मेको आन पशो खोदेंशो पा शेंना शेंन गाक्ब नेल्ल आन कली मान पा आन लोव़ नेंशा टिने।
2 Corinthians 5:10 in Sunwar 10 मारदे हना गो नेल्ल ख्रीस्त आ ङोंइती निसाफ पची ना जाक्चा माल्नीकी। रांम बाक्यानु, इं रांम पशो रिम्शो नु मरिम्शो नेल्ल ताइनीकी। प्रेरित १७:३१; रोमी २:१६; रोमी १४:१०; यूहन्ना ५:२९; एफिसी ६:८
Ephesians 5:21 in Sunwar 21 गेपुकी ख्रीस्त कली मान पा हिंशा बिम्मुने। १पत्रुस ५:५
Philippians 1:4 in Sunwar 4 गो परमप्रभु यावे नु लोव़ पङानु, गेना हना यो नेल्ल इन कली मिम्शा, ग्येरशा पाइनुङ।
Philippians 2:12 in Sunwar 12 आं दाक्शो लोक्बपुकी, गेपुकीमी नेल्ल नाक्त आं देंशो टीतीनी। गो बाक्ङानु ला ममाइ, गो मबाक्ङानु यो मेको क्येङा शुश रिम्शो पने। गेपुकी हिंशा ख्रिंख्रि पा इन पाप रे ब्रोंइतीक गेय पने। १पत्रुस १:१७
Philippians 2:16 in Sunwar 16 मोपा ब्रोंइचा गेब लोव़ मप्रोंइब दुम्नीनी। मिनु ख्रीस्त आ जाक्ची ना गो मो मगाक्ङ, मो गेय यो मपङ, दे ग्येरशा बाक्चा तङल। २कोरिन्थी १:१४; १थिस्सलोनिकी २:१९
Philippians 2:29 in Sunwar 29 गेपुकीमी प्रभु आ नेंमी मेको कली रिम्शो पने, ग्येरसीने। मोदेंशो मुर कली ठेयब सेलीन। १कोरिन्थी १६:१६
Philippians 3:18 in Sunwar 18 गो इन कली का निक्शी मुर आन पर्बम लोव़ पाता। मुल आं थुं खाइश्शा, ङाक्शा लोव़ पाइनुङ। मारदे हना मेकोपुकी ख्रीस्त आ जोरी सत्रु दुम्शा, आ बेक्शो आ पर्बम मारेइ ममिम्नीम। १कोरिन्थी १:२३; गलाती ६:१२
Philippians 4:1 in Sunwar 1 मोपतीके आं दाक्शो लोक्बपुकी, प्रभु कली थमा सुइश्शा, खोइल थेक्शा बाक्कीन। गो इन कली दाक्शा शुश मिम्नुङ। गेपुकीम आं कली ग्येरपाइश्शा, आं ग्रातीक सिरपेच खोदेंशो दुम्तीनी। २कोरिन्थी १:१४; १थिस्सलोनिकी २:१९-२०
1 Thessalonians 2:19 in Sunwar 19 इं प्रभु येसु आ यिची ना गे आंइ आस पतीके, ग्येरतीके नु सिरपेच खोदेंशो बाक्नीनी। फिलिप्पी २:१६; फिलिप्पी ४:१
1 Thessalonians 3:9 in Sunwar 9 गो परमप्रभु यावे आ ङोंइती “गे थिस्सलोनिकी सहर ङा थमा सुइक्ब आन कली रिम्शो पाइतीनी” दे शुश ग्येरशा, परमप्रभु यावे कली ठेयब सेल्नीकी।
1 Thessalonians 5:12 in Sunwar 12 आंइ लोक्बपुकी, इन कली शेंब नु लां कोंइशा, अरेब आन कली रिम्शो पने, दे माइक्नीकी। १कोरिन्थी १६:१८
2 Thessalonians 3:14 in Sunwar 14 मिनु सु सुमी आंइ ब्रेक्शो लोव़ मटीमे, मेको आन कली तुइश्शा वोतीन। मिनु मेकोपुकी नु मबाक्कीन। मोदेंशो पशो तशा, मेको मुरपुकी मुने दोक्नीम।
1 Timothy 5:17 in Sunwar 17 ग्रुम्तीके खिंमी श्येत पा लोव़ पाइब नु शेंब खाल्पा आन कली निक्शी खेयप मान पा क्येट गेचा माल्नीम। प्रेरित १४:२३; रोमी १२:८
Hebrews 13:7 in Sunwar 7 इन कली परमप्रभु यावे आ लोव़ शेंब आन पशो मिम्तीने। मेकोपुकी बेक्ची सम्म थमा सुइक्चा मप्रोनेम। मेको आन पशो खोदेंशो पने।
Hebrews 13:24 in Sunwar 24 शेंब नु थमा सुइक्ब नेल्ल इन कली “रिम्शो बाक्कीन” देंती। इटाली ङा थमा सुइक्ब लोक्बपुकीमी यो इन कली “रिम्शो बाक्कीन” देंतेक्म।
James 4:7 in Sunwar 7 गेपुकी परमप्रभु यावेमी देंशो लोव़ टिने। सैतान रे ङोन बाक्कीन। मो पाइतीनी हना, सैतानमी इन कली प्रोंइब। मत्ती २३:१२; १पत्रुस ५:८-९
1 Peter 5:2 in Sunwar 2 इन कली मार अर्ती गेनुङ देंशा हना, गे परमप्रभु यावे आ योव़शो मुर आन गोठला खोदेंशो दुम्शा, मेको आन कली रिम्शो पा कोव़ङीन। इन थुंमी “आं मदाक्शो गेय बाक्ब” दे मिम्शा ममाइ, तन्न “गो मेको गेय दाक्नुङ” दे ग्येरशा पने। “क्येट चेम्नुङ” दे मिम्शा ममाइ, तन्न रिम्शो शेंतीके गेय शुश पने। यूहन्ना २१:१६; प्रेरित २०:२८; १तिमोथी ३:२-७
1 Peter 5:5 in Sunwar 5 मिनु गे ठिटापुकी, शेंब खाल्पा आन देंशो लोव़ टिने। गे नेल्ल ब्रेम्शो थुं पाइश्शो दुम्शा, गेय पमुने। मारदे हना परमप्रभु यावेमी ठेयब लेश्शो मुर आन कली मकोव़ब, ब्रेम्शो थुं पाइश्शो मुर आन कली ला शिशी पाइब। एफिसी ५:२१; अय्युब २२:२९; हितोपदेस ३:३४; मत्ती २३:१२; याकूब ४:६