Hebrews 12:15 in Sunwar 15 अर्ती गेमुशा वारच पमुशा बाक्कीने। सुइ परमप्रभु यावे आ शिशी मताइब मदुम्ल। सुइमी थुं चोशा दुशा बाक्ब आन कली फ्राशा, मुर आन कली मरिम्शो मसेलल। ब्यवस्था २९:१७
Other Translations King James Version (KJV) Looking diligently lest any man fail of the grace of God; lest any root of bitterness springing up trouble you, and thereby many be defiled;
American Standard Version (ASV) looking carefully lest `there be' any man that falleth short of the grace of God; lest any root of bitterness springing up trouble `you', and thereby the many be defiled;
Bible in Basic English (BBE) Looking with care to see that no man among you in his behaviour comes short of the grace of God; for fear that some bitter root may come up to be a trouble to you, and that some of you may be made unclean by it;
Darby English Bible (DBY) watching lest [there be] any one who lacks the grace of God; lest any root of bitterness springing up trouble [you], and many be defiled by it;
World English Bible (WEB) looking carefully lest there be any man who falls short of the grace of God; lest any root of bitterness springing up trouble you, and thereby the many be defiled;
Young's Literal Translation (YLT) looking diligently over lest any one be failing of the grace of God, lest any root of bitterness springing up may give trouble, and through this many may be defiled;
Cross Reference Exodus 32:21 in Sunwar 21 मिनु नोले मोसामी हारून कली “एको मुरपुकीमी इ कली मार पामे ङा? मारदे मेको आन कली ओदेंशो ठेयब पाप पपाइक्मी?” दे हिल्लो पाप्तु।
Deuteronomy 4:9 in Sunwar 9 इन आंम तशो इन थुंम वोइश्शा, मप्रेंथु, होस पा बाक्कीन। गे ब्रोंइनी सम्म इन थुंम वोतीन। इन आल नु चच युइ आन आन कली शेंदीन। भजन संग्रह १०३:२
Deuteronomy 29:18 in Sunwar 18 मिनु इन दाते रे सुइ वोंइश मुर, मीश मुर, खिं ङा मुर नु थर ङा सुइ आन थुं परमप्रभु यावे, इं परमप्रभु रे नोले शोंइसीशा, मेको रागी रागी ङा देवी देवता आन कली पूजा पचा दाक्ब बाक्नीम कों? इन दातेमी मोदेंशो ओश्येर पाइश्शो शाक्श का बाक्बा कों? ब्यवस्था ३२:३२; होसे १०:४; आमोस ६:१२; हिब्रू १२:१५
Deuteronomy 32:32 in Sunwar 32 मारदे हना मेको आन अङगुर सोदोम ङा अङगुर बाक्नीम। मेको गोमोररा ङा अङगुर रू रे दुम्शो बाक्नीम। मेको आन अङगुर बीखम ब्रीशो बाक्नीम। मेको आ गेडा कशो बाक्नीम।
Joshua 6:18 in Sunwar 18 मिनु परमप्रभुमी खतम सेल्चा, देंशो थोव़क लाइक्चा मदुम्ब। होस पा बाक्कीन। गे परमप्रभु आ देंशो मटिथु, मारेइ लाइक्तीनी हना, गे आंमा खतम दुम्नीनी। सुइमी मारेइ खुइ पा, इस्राएली आन बाक्तीकेम वोइक्तीनी हना, मेको खतम दुम्ब। मिनु मुर नेल्ल आन कली श्येत जपाइक्ब। लेवी २७:२८; ब्यवस्था १३:१८
Joshua 7:25 in Sunwar 25 मिनु यहोसुमी आकान कली “गे गो आंइ कली शुश श्येत गेप्तीवी। मुलाक्ती परमप्रभु यावेमी इ कली श्येत गेब” देंत। मिनु इस्राएली नेल्लेमी मेको आन कली फुल्लुमी आप्शा साइक्तेक्म। मिनु मेको आन कली साइश्शा, मीम हुम्ताक्म। ब्यवस्था १३:१६-१७
Joshua 22:17 in Sunwar 17 मार, पेओर नु पशो पापम आंइ कली मजाक्दीम्मे? मेना परमप्रभु यावे आ मुर शुश बेक्तेक्म हना यो, मेको आ पाप रे गो मुल सम्म आंम कली ठीक सेल्ने मचाप्शो बाक्नीक। गन्ती २५:१-९
1 Kings 14:16 in Sunwar 16 मिनु मेकोमी येरोबामम मरिम्शो पतीके नु इस्राएली आन कली मरिम्शो पपाइश्शो आ पर्बम इस्राएल कली प्रोंइब” देंमाक्त। १राजा १२:२८-३०; १राजा १३:३४
Proverbs 4:23 in Sunwar 23 नेल्ल आन क्येङा इ थुं कली कोव़ङो। मारदे हना मेको रे इ ब्रोंइतीक जाक्ब।
Isaiah 5:4 in Sunwar 4 आं अङगुर रू कली गो नेल्ल पाता। गो मार मपङा ङा? गो अङगुर सिप्ब, दे आस पा बाक्ती। तन्न मारदे ब्वाकी ङा अङगुर कका सिम्मे?
Isaiah 5:7 in Sunwar 7 मारदे हना मुर नेल्ल आन परमप्रभु यावे आ दाक्शो अङगुर रू इस्राएल आ खिं ङा मुर नु यहूदा ङा मुरपुकी बाक्नीम। मिनु मेकोम ठीक निसाफ पतीके रिम्ताक्व। तन्न दूली निसाफ पाम्तेक्म। ठीक पतीके रिम्ताक्व, तन्न मरिम्शो पतीके ला दुम्त।
Jeremiah 2:21 in Sunwar 21 गो इ कली नेल्ल क्येङा रिम्शो अङगुर बोट ख्रुम्ता। गे दोपा मरिम्शो दुम्शा ब्वाकी ङा अङगुर बोट खोदेंशो दुमे? भजन संग्रह ८०:९; यसैया ५:१-४
Matthew 7:16 in Sunwar 16 मेको आन पशो गेय तशा, रिम्शो नम, दे मरिम्शो नम रुम्सीब। चू रवामी अङगुर सिप्बा ङा? सिउंडी आ बोटमी फोव़शी सिप्बा ङा?
Luke 22:32 in Sunwar 32 गो चहिं इ पर्बम परमप्रभु यावे कली ‘पत्रुस कली थमा सुइक्चा प्रोंइपाइक्चा मगेने’ दे पुंइता। गे नोले थमा पा इ थुं परमप्रभु यावे गे लेश्शा थमा सुइक्नेवे। मिनु थमा सुइक्ब आन कली ‘थमा सुइक्चा मप्रोनीन’ दे आन थुं बारपतो” दे अर्ती गेवा बाक्त। यूहन्ना १७:११,१५
Acts 20:30 in Sunwar 30 गेपुकी नु काथा गाक्ब थमा सुइक्बपुकी यो मोदेंशो खेदा पाइब फर खोदेंशो दुम्नीम। मेकोपुकीमी दूली लोव़ शेंशा, थमा सुइक्ब आन थुं ग्येत्थ लुक्च क्याल्पाइश्शा, आन नोले खोइक्ब सेल्नीम, दे तुइक्नुङ। १यूहन्ना २:१८-१९
1 Corinthians 5:6 in Sunwar 6 इन ठेयब लेश्शो रिम्शो ममाइ। इम्चीली डल्ला का बोरपाइक्ब ओख्तीमी फस नेल्ल ङाम्शा, बोरब दे मतुइक्नीनी? गलाती ५:९
1 Corinthians 9:24 in Sunwar 24 इनाम तांइसीब, दे दोरबपुकी “ङोंइती जाक्दीत्नुङ” दे मिम्शा दोरनीम। दोरमानु, नेल्ल क्येङा ङोंइती जाक्दीप्बम ला इनाम ताइब दे मतुइक्नीनी? मोपतीके गे यो इनाम तकल दे मिम्शा दोरीने। २तिमोथी ४:७; फिलिप्पी ३:१४
1 Corinthians 10:12 in Sunwar 12 “गो ठीक बाक्नुङ” देंब होस पा बाक्मल। मारदे हना पाप पने चाप्नीम।
1 Corinthians 13:8 in Sunwar 8 दाक्तीक गेनायो मक्याम्सीब। परमप्रभु यावे आ लोव़ पतीक जाम्शा लाइब। परमप्रभु यावे आ सोक्त आ लोव़ यो नुप्ब। तुइक्तीक सक्ति नुप्शा लाइब।
1 Corinthians 15:33 in Sunwar 33 सुइमी जोल थमा मसुतीन। मारदे हना मरिम्शो मुर नु बाक्बम, मुर कली मरिम्शो सेल्ब।
2 Corinthians 6:1 in Sunwar 1 गो परमप्रभु यावे नु गेय पतीके इन कली “परमप्रभु यावे आ शिशी तशा, मप्रेंदीन” देंनीकी। २कोरिन्थी १:२४
2 Corinthians 13:5 in Sunwar 5 इन थमा सुइक्तीके ठीक बाक्बा देय मबाक्ब आंमा नाक्शा कोव़ङीने। आंमा नाक्तीन। येसु ख्रीस्त इन आगाम बाक्ब, दे मप्रेंदीन। मबाक्त हना इन गेय शोर गाक्शो दुम्ब।
Galatians 2:13 in Sunwar 13 मोदेंशो पाइब आ ला ममाइ। यहूदी थमा सुइक्ब नेल्लेमी दिल्शा, जखु पा कोंइताक्म। बारनाबासमी यो आन पशो खोदेंशो पचा गोप्तु।
Galatians 5:4 in Sunwar 4 सु सुमी रिती थिती पशोमी ठीक दुम्चा माल्मे, मेकोपुकीमी ख्रीस्त आ पशो साम्शा, मेको रे ङोन दुम्शा आ शिशी मताइनीम।
Ephesians 5:3 in Sunwar 3 मोपतीके गेपुकी परमप्रभु यावे आ मुर दुम्शा, इन दातेमी तेल्लेम पचा, ग्रांग्रा दिचा ङा गेय पचा नु शिंम पचा आ पर्बम लोव़ सम्म यो मपने। मेको परमप्रभु यावे आ मुर आन कली रिम्शो दुम्ब। कलस्सी ३:५
Colossians 3:5 in Sunwar 5 मोपतीके इन आगामी बाक्शो माइत रागी ङा थुं कली सतीन। रागी ङा मुर आन थुंमी मार बाक्ब देंशा हना, हेंथे पचा, मार मार ग्रांग्रा दिचा ङा गेय पचा, आंम दला दाक्स पचा, मरिम्शो मिम्तीके नु शिंम दुम्तीके बाक्ब। शिंम दुम्तीके चहिं मूर्ति पूजा पचा खोदेंशो बाक्ब। एफिसी ५:३
2 Timothy 2:16 in Sunwar 16 जाम्शा लाइब लोव़ पाइब रे ङोन बाक्को। मारदे हना मेकोपुकीमी मुर आन कली परमप्रभु यावे रे ङोन दुम्पाइक्नीम। १तिमोथी ४:७
Hebrews 2:1 in Sunwar 1 इं नेंशो लोव़ थुंमी वोइक्चा माल्ब। थुंमी मवोइक्तय हना, मेको लोव़ साम्नय।
Hebrews 3:12 in Sunwar 12 आं लोक्बपुकी, होस पांइसीने। मारदे हना मरिम्शो नु थमा मसुइक्तीक थुंमी गेना हना यो ब्रोंइशा बाक्ब परमप्रभु यावे रे सुइ इन कली फ्राशा मलदल।
Hebrews 4:1 in Sunwar 1 मोपतीके होस पांइसय, थुं नाइक्चा ताइनीनी देंशो लोव़ मुल यो लीशो बाक्तीके, होस पा बाक्य। मारदे हना सु सुमी आ लोव़ मटीमे, मेको ओव़चा मताइनीम।
Hebrews 4:11 in Sunwar 11 मोपतीके सुइमी परमप्रभु यावे आ लोव़ मटिथु जाम्शा मलमल। गो नेल्ले नाइक्चा ततीकेमी ओव़चा माल्य। हिब्रू ३:१६-१९
Hebrews 6:11 in Sunwar 11 गे नेल्लेमी नेल्ल क्येङा नोले सम्म “परमप्रभु यावे आ देंशो नेल्ल जाक्दीप्ब” दे थमा सुइक्चा मप्रोंइतीक सक्ति तने, दे मिम्नीकी। हिब्रू ३:१४; फिलिप्पी १:६
Hebrews 10:23 in Sunwar 23 ठेयब थुं पशा आस पा बाक्य। मारदे हना लोव़ गेबमी मेको लोव़ दोपा यो खाप्ब, दे तुइक्नय। हिब्रू ४:१४
2 Peter 1:10 in Sunwar 10 मोपतीके आं लोक्बपुकी, गेपुकीमी “गो ब्रेश्शो नु योव़शो मुर बाक्नीकी” दे गेना हना यो मिम्चा माल्नीनी। मो पाइतीनी हना, गे गेनायो नोले मशोंइसीनीनी।
2 Peter 2:1 in Sunwar 1 साइ ङोंइती परमप्रभु यावे आ लोव़ जोल पा दूली शेंबपुकी बाक्मा बाक्त। मुल मोदेंशो जोल पा शेंबपुकी इन ग्रुम्तीक खिंमी यो जाक्नीमी। मेकोपुकीमी ख्रुइश्शोमी खतम सेल्ब शेंतीके शेंनीमी। प्रभुमी मेको आन कली ग्याप्शा यो, मेकोपुकी “गो मेको कली मतुइक्नुङ” दे जाम्शा लाइब बाक्नीम। मत्ती २४:११; १तिमोथी ४:१
2 Peter 2:18 in Sunwar 18 मेकोपुकीमी हेंथे लोव़ पा पाप रे प्रोंइचा पुंइसीशो नक थमा सुइक्ब दुम्शो मुर आन कली आन हेंथे पतीके ग्रांग्रा दिचा ङा गेय पपाइक्नीम।
2 Peter 3:11 in Sunwar 11 मोदेंशो दुम्मेनु, नेल्ल मीम ग्रोइश्शा, मारेइ मलीब। मोपतीके गेपुकी परमप्रभु यावे कली थमा सुइश्शा, आ देंशो लोव़ टिशा, पाप रे ङोन बाक्शा, परमप्रभु आ नेक्था बाक्चा माल्नीनी।
2 Peter 3:14 in Sunwar 14 आं दाक्शो लोक्बपुकी, मोदेंशो रिम्शा, गल्ती मपाइब नु दोस मताइब दुम्चा कली शुश गेय पने। परमप्रभु यावेमी इन कली मोदेंशो पशो नु थुं नाइश्शा बाक्शो ग्रुम्चा दाक्ब। १कोरिन्थी १:७-८
2 John 1:8 in Sunwar 8 गेपुकी मार कली गेय पनी, मेको मुल यो पना पन बाक्कीन। मो पाइतीनी हना, ठेयब इनाम ताइनीनी। गलाती ४:११
Jude 1:20 in Sunwar 20 आं दाक्शो लोक्बपुकी, इन रिम्शो थमा सुइक्तीके बारपतीन। परमप्रभु यावे आ सोक्तीमी प्रार्थना पने। कलस्सी २:७; १थिस्सलोनिकी ५:११