Hebrews 1:14 in Sunwar

14 मेको गेय पाइब सोक्‍त मनमी ङा? मिनु आन पाप क्‍याम्‍चा पुंइसीब आन कली वारच पथ सोइश्‍शो मनमी ङा?” देंत। भजन संग्रह ३४:८; भजन संग्रह ९१:११-१२

Other Translations

King James Version (KJV)

Are they not all ministering spirits, sent forth to minister for them who shall be heirs of salvation?

American Standard Version (ASV)

Are they not all ministering spirits, sent forth to do service for the sake of them that shall inherit salvation?

Bible in Basic English (BBE)

Are they not all helping spirits, who are sent out as servants to those whose heritage will be salvation?

Darby English Bible (DBY)

Are they not all ministering spirits, sent out for service on account of those who shall inherit salvation?

World English Bible (WEB)

Aren't they all ministering spirits, sent out to do service for the sake of those who will inherit salvation?

Young's Literal Translation (YLT)

are they not all spirits of service -- for ministration being sent forth because of those about to inherit salvation?

Cross Reference

Genesis 19:15 in Sunwar

15 मिनु भाले ग्रीमेनु, परमप्रभु यावे आ स्‍वर्ग ङा गेय पाइब निक्‍शीमी लोत कली “बोक्‍को, इ मीश नु इ तमी निक्‍शी आस कली लाइश्‍शा, एको सहर रे प्रोक्‍कीन। मप्रोक्‍तीनी हना, एको सहर ङा मुर खोदेंशो पा क्‍याम्‍चा पुंइसीनीनी” देंसा बाक्‍त।

Genesis 32:1 in Sunwar

1 मिनु याकूब लांमी लना लन बाक्‍मेनु, परमप्रभु आ स्‍वर्ग ङा गेय पाइबपुकी याकूब कली ग्रुम्‍थ जाक्‍मा बाक्‍त।

Genesis 32:24 in Sunwar

24 मिनु आइक्‍ची हांबुम याकूब का ला बाक्‍माक्‍त। मिनु नां रिक्‍शा, नां मसोव़म सम्‍म मुर का नु राम्‍शी पवा बाक्‍त। होसे १२:४-५

1 Kings 22:19 in Sunwar

19 मिनु मीकायामी लोव़ तेम्‍शा “एको परमप्रभु यावे आ लोव़ नेनीन। गो परमप्रभु यावे आ स्‍वर्ग ङा गेय पाइब नेल्‍ल आन कली आ ग्‍युरा गे नु आ पेरा गे राप्‍पाइश्‍शा, परमप्रभु यावे आ नित्‍तीकेम बाक्‍शो ताता। २इतिहास १८:१८; अय्‍युब १:६; यसैया ६:१

Job 1:6 in Sunwar

6 मिनु काबु स्‍वर्गम बाक्‍ब परमप्रभु आ मुरपुकी परमप्रभु यावे आ ङोंइती जाक्‍मानु, सैतान यो मेकोपुकी नु जाक्‍माक्‍त। अय्‍युब २:१; उत्‍पत्ती ६:२; १इतिहास २१:१

Psalm 34:7 in Sunwar

7 परमप्रभु यावे आ स्‍वर्ग ङा गेय पाइबम परमप्रभु कली मान पा हिंब नेल्‍ल आन एर ओंथ बाक्‍शा, खाल पाइब। मिनु मेको आन कली आन श्‍येत रे प्रोंइब। भजन संग्रह ९१:११; उत्‍पत्ती ३२:२-३; २राजा ६:१७

Psalm 91:11 in Sunwar

11 मारदे हना मेकोमी आ स्‍वर्ग ङा गेय पाइब आन कली इ लां नेल्‍लेमी इ कली वारच पपाइक्‍ब। मत्ती ४:६

Psalm 103:20 in Sunwar

20 परमप्रभु यावे आ स्‍वर्ग ङा गेय पाइबपुकी, परमप्रभु यावे कली ठेयब सेलीन। गे सक्ति पाइश्‍शो, आ देंशो टीबपुकी मेको कली ठेयब सेलीन। यसैया ६:१-४; भजन संग्रह २९:१; भजन संग्रह १४८:-; दानीएल ७:१०

Psalm 104:4 in Sunwar

4 मिनु गे फश कली इन लोव़ चोव़ब नु मी कली इन गेय पाइब सेल्‍शो बाक्‍नीनी। हिब्रू १:७

Isaiah 6:2 in Sunwar

2 मेको आ इर गे स्‍वर्ग ङा गेय पाइब सेराफ बाक्‍शो बाक्‍तेक्‍म। मेको आन के ६, ६ ओटा फ्रां बाक्‍तेक्‍म। मिनु फ्रां निक्‍शीमी आन कुल सुम्‍शो बाक्‍तेक्‍म। फ्रां निक्‍शीम आन खोइली सुम्‍शो बाक्‍तेक्‍म, फ्रां निक्‍शीमी बेरबाक्‍तेक्‍म। १राजा २२:१९

Daniel 3:28 in Sunwar

28 मिनु नेबुकदनेसरमी “शद्रक, मेशक नु अबेद-नेगो आन परमप्रभु नेल्‍ल क्‍येङा ठेयब बाक्‍ब। मेकोमी आ स्‍वर्ग ङा गेय पाइब सोइश्‍शा, आ कली थमा सुइक्‍ब आन कली प्रोंइतु। मारदे हना मेकोपुकीमी पिप, आं देंशो मबित्‍थु, साइक्‍चा पुंइसीब दुम्‍शा यो, आंम परमप्रभु कली ङा लाक्‍शा, अर्को तेकोइ देवी देवता आन ङोंइती बाप्‍शा सेउ मपामे। दानीएल ६:२३

Daniel 6:22 in Sunwar

22 आं परमप्रभुमी आ स्‍वर्ग ङा गेय पाइब सोइश्‍शा, आं कली मारेइ मपाइक्‍पाइक्‍चा कली गुप्‍स आन शोव़ चोक्‍पाइक्‍तु। मारदे हना आं दोस मबा। हजुर पिप, इन ङोंइती यो मारेइ मरिम्‍शो मपङ” देंत। दानीएल ३:२८; भजन संग्रह २२:२२; हिब्रू ११:३३

Daniel 7:10 in Sunwar

10 मिनु मेको शुश बर्स दुम्‍शो का आ ङोंइती रे मी के खोला खोदेंशो पा ग्रूत। मिनु हजार हजार आ स्‍वर्ग ङा गेय पाइबमी मेको कली गेय पाम्‍तेक्‍म। मिनु १०, १० हजार मेको आ ङोंइती बाक्‍तेक्‍म। मिनु मेको निसाफ पचा कली निस्‍साक्‍म। मिनु किताबपुकी प्राक्‍शा वोइक्‍तेक्‍म। प्रकाश ५:११; भजन संग्रह ६९:२९; प्रकाश २०:१२

Daniel 9:21 in Sunwar

21 प्रार्थना पना पन, गो आं ङोंइती आं कोंइतीकेमी तशो मुर गाब्रीएल बेरशा आं नेक्‍था जाक्‍त। मेना नाक्‍दो ङा चढ़ेची ना जाक्‍शो बाक्‍त। दानीएल ८:१६

Daniel 10:11 in Sunwar

11 मिनु मेकोमी आं कली “दानीएल, गे शुश दाक्‍चा पुंइसीशो मुर बाक्‍नेवे। आं देंशो लोव़ नोफा दाइश्‍शा नेनो। बोक्‍शा बाक्‍को। मारदे हना गो इ बाक्‍तीकेमी सोइक्‍चा पुंइसीशो बाक्‍नुङ” दे माइक्‍ती। मिनु मेकोमी लोव़ पवानु, गो आ ङोंइती ख्रिंख्रि पा राप्‍ती।

Matthew 1:20 in Sunwar

20 मिनु “गो प्रोंइचा दुम्‍ती” दे मिम्‍ना मिम्‍न बाक्‍मेनु, काबु ङोमु तवा बाक्‍त। मिनु ङोमु तवानु, परमप्रभु यावे आ स्‍वर्ग ङा गेय पाइबमी “दाऊद आ तौ योसेफ नेनो। मरीयम कली प्रोंइनुङ, दे ममिम्‍तो। महिंथु इ खिं लाइश्‍शा वोंइसो। आ कोव़जम बाक्‍शो चहिं परमप्रभु यावे आ सोक्‍त के बाक्‍त।

Matthew 2:13 in Sunwar

13 मेकोपुकी लमा नोले काबु योसेफमी ङोमुमी परमप्रभु यावे आ स्‍वर्ग ङा गेय पाइब का फो ग्रूशो तवा बाक्‍त। मेकोमी “मोबु आस कली लाइश्‍शा, एकेर रे प्रोक्‍शा, इजीप्‍त रागी जाक्‍दीश्‍शा, लेत्‍तीन मदेंङ सम्‍म बाक्‍कीन। मारदे हना पिप हेरोदमी आल कली साइक्‍चा, दे माल्‍चा चिक्‍ताक्‍व” दे मदा बाक्‍त।

Matthew 13:41 in Sunwar

41 रागीम जरमेशोमी परमप्रभु यावे आ गेय पाइब आन कली सोइक्‍ब। मिनु मेकोपुकीमी आ राज्‍य रे पाप पपाइक्‍ब नु पाप पाइब नेल्‍ल आन कली खुप्‍शा, मत्ती २४:३१

Matthew 13:49 in Sunwar

49 निसाफ पची नाक्‍त मोदेंशोन दुम्‍ब। परमप्रभु यावे आ गेय पाइबपुकी जाक्‍शा, ठीक पाइब आन दाते रे पापी आन कली योव़शा ग्रुंइशा, मत्ती २५:३२

Matthew 18:10 in Sunwar

10 होस पांइसीने, आल आन कली आइक्‍च मसेलीने। नोफा दाइश्‍शा नेनीने, आल आन कली कोव़ब परमप्रभु यावे आ स्‍वर्ग ङा गेय पाइबपुकी स्‍वर्गम बाक्‍ब आं आफ आ ङोंइती बाक्‍नीम।

Matthew 24:31 in Sunwar

31 मिनु रागीम जरमेशोमी परमप्रभु यावे आ स्‍वर्ग ङा गेय पाइब आन कली तुराही ताप्‍पा, रागी तेइ तेइ रे परमप्रभु यावे आ योव़शो नेल्‍ल आन कली खुप्‍शा चाक्‍थ सोइक्‍ब।

Matthew 25:34 in Sunwar

34 मिनु पिपमी आ ग्‍युरा गे राप्‍शो आन कली ‘आं आफ आ आसीक तशोपुकी, आं नेक्‍थान जाक्‍कीने। रागी सेल्‍चा ङोंइती एको राज्‍य इन कली सेल्‍शा वोइश्‍शो बाक्‍त। मुल बाक्‍कीने।

Luke 1:19 in Sunwar

19 मिनु “गो परमप्रभु यावे आ स्‍वर्ग ङा गेय पाइब गाब्रीएल नङ। गो परमप्रभु यावे आ ङोंइती बाक्‍नुङ। परमप्रभु यावेमी इ कली ग्‍येरपाइक्‍ब लोव़ नेंपाइक्‍थ सोइक्‍ताक्‍यी। दानीएल ८:१६

Luke 1:23 in Sunwar

23 मिनु अबीयाह आ हुल ङा पालो नुप्‍शा, जकरिया आ खिं लेम्‍माक्‍त।

Luke 2:9 in Sunwar

9 मिनु परमप्रभु यावे आ स्‍वर्ग ङा गेय पाइब का गोठला आन बाक्‍तीकेम फो ग्रूमाक्‍त। मिनु परमप्रभु आ छेङछेङमी मेको गोठला आन एर ओंथ ठेयब हाम्‍सो सेला बाक्‍त। मेको तशा गोठलापुकी शुश हिंमा बाक्‍त।

Luke 2:13 in Sunwar

13 मिनु सरीङ रे परमप्रभु यावे आ स्‍वर्ग ङा गेय पाइब शुश फो फु ग्रूशा, परमप्रभु यावे कली ठेयब सेल्‍शा भजन संग्रह १०३:२०-२१

Luke 16:22 in Sunwar

22 मिनु लाजरस शुश श्‍येत जशा बेक्‍माक्‍त। मिनु परमप्रभु यावे आ स्‍वर्ग ङा गेय पाइबमी अब्राहाम आ थुकुमी वोदमे बाक्‍त। मेको नोले शोंप पाइश्‍शो मुर यो बेक्‍शा थिम्‍चा पुंइसे बाक्‍त।

Acts 5:19 in Sunwar

19 मिनु मेको नाक्‍दो परमप्रभु यावे आ स्‍वर्ग ङा गेय पाइब कामी लाप्‍चो रोक्‍शा, मेको आन कली ग्रुंइदीमी बाक्‍त। प्रेरित १२:७

Acts 10:3 in Sunwar

3 मिनु काबु ३ बजे ङा प्रार्थना पची ना कोंइतीक का तवा बाक्‍त। मेको कोंइतीकेमी परमप्रभु यावे आ स्‍वर्ग ङा गेय पाइब का आ बाक्‍तीकेमी जाक्‍शा “ए कोरनेलीयस” देंमेनु,

Acts 11:22 in Sunwar

22 एन्‍टीओक सहरमी शुश मुर थमा सुइक्‍ब दुम्‍तेक्‍म, दे यरूसलेममी बाक्‍ब थमा सुइक्‍बपुकीमी यो नेन्‍मे बाक्‍त। मिनु बारनाबास कली रुप्‍थ सोइक्‍तमे बाक्‍त। प्रेरित ४:३६

Acts 12:7 in Sunwar

7 मिनु मार दुम्‍माक्‍त देंशा हना, परमप्रभु यावे आ स्‍वर्ग ङा गेय पाइब का फो ग्रूशा, पत्रुस आ ङोंइती राम्‍माक्‍त। मिनु कोठा छेङछेङ तांइसे बाक्‍त। मिनु परमप्रभु यावे आ स्‍वर्ग ङा गेय पाइबमी पत्रुस कली “छुल बोक्‍को” दे चुशा पोक्‍गा बाक्‍त। मिनु बोक्‍मेनु, आ गुइमी पाइश्‍शो साङलो बुइश्‍शा खपीमी देल्‍माक्‍त। प्रेरित ५:१९

Acts 12:23 in Sunwar

23 पिप हेरोदमी परमप्रभु यावे कली मान मपथु, आंमान ठेयब सेल्‍सीतीके परमप्रभु यावे आ स्‍वर्ग ङा गेय पाइबमी मेको कली रोइ पपदा बाक्‍त। मिनु मेको हेरोद लुस्‍पु जोल्‍शा बेक्‍माक्‍त। दानीएल ५:२०

Acts 13:2 in Sunwar

2 मिनु काबु थमा सुइक्‍बपुकी खुम्‍सीशा माइजा बाक्‍शा, प्रार्थना पना पन प्रभु कली ठेयब सेल्‍ना सेल्‍न बाक्‍मानु, परमप्रभु यावे आ सोक्‍तीमी “बारनाबास नु सावल आस कली आं गेय पथ योव़तासी। मोपतीके मेको आस कली आं गेय पचा कली सोइक्‍तीने” दे तुइक्‍पाइक्‍मी बाक्‍त। प्रेरित ९:१५

Acts 16:26 in Sunwar

26 मिनु प्रार्थना नु कुम्‍सो पना पन बाक्‍सानु, ठेयब ख्रिनु कुशा, जेल्‍खान ङा जग यो हिम्‍पदा बाक्‍त। ख्रिनुमी हिम्‍दानु, लाप्‍चो नेल्‍ल रोक्‍समा बाक्‍त। जेल्‍खानमी चोक्‍सीशो आन साङलो, ठेंङरो नेल्‍ल ब्रुइक्‍मा बाक्‍त।

Acts 27:23 in Sunwar

23 दोपा तुइक्‍ताक्‍ङ देंशा हना, गो परमप्रभु यावे कली ठेयब सेल्‍नुङ, मेको आ मुर नङ। परमप्रभु यावेमी आ स्‍वर्ग ङा गेय पाइब का कली सोइश्‍शा, सिनाक्‍दो आं ङोंइती राप्‍शो ताता।

Romans 8:17 in Sunwar

17 परमप्रभु यावे आ तमी तौ दुम्‍शा, येसु ख्रीस्‍त नु काथा बाक्‍शा, अङस ताइब दुम्‍तय। मेको अङस तचा ङोंइती येसु ख्रीस्‍त आ नेंमी श्‍येत जाइनय। नोले आ राज्‍य तांइसेनु, येसु ख्रीस्‍त नु काथा बाक्‍शा अङस ताइनय। गलाती ४:१७; प्रकाश २१:७

Romans 13:6 in Sunwar

6 मोपतीके परमप्रभु यावेमी सरकार कली योव़शा, गेय पपाइक्‍तु, दे तुइश्‍शा, गेपुकीमी तिरो थाप्‍नीनी।

Romans 15:16 in Sunwar

16 गो रागी रागी ङा मुर आन कली ख्रीस्‍त येसु आ गेय पाइब दुम्‍ती। गो चढ़ेब खोदेंशो पा परमप्रभु यावे आ गेय पाइनुङ। परमप्रभु यावे आ सोक्‍त आ पतीकेमी रागी ङा मुर नेल्‍ल आ दाक्‍शो चढे़तीक खोदेंशो दुम्‍मल। रोमी ११:३३

Romans 15:27 in Sunwar

27 मारदे हना ङोंइती यरूसलेमम बाक्‍ब थमा सुइक्‍बपुकीमी मेको आन कली येसु ख्रीस्‍त आ लोव़ शेंशो बाक्‍तेक्‍म। मोपतीके मुल मेको आन कली श्‍येत दुम्‍तीके, क्‍येट पोक्‍शा, चोव़थ सोइक्‍ताक्‍यीमी। १कोरिन्‍थी ९:११; गलाती ६:६

2 Corinthians 9:12 in Sunwar

12 मोदेंशो हाइश्‍शा गेशोमी श्‍येत जशो थमा सुइक्‍ब आन कली रिम्‍शो दुम्‍ब। मोशो ला ममाइ, शुशेमी परमप्रभु यावे कली ठेयब सेल्‍नीम

Galatians 3:7 in Sunwar

7 थमा सुइक्‍तीके ठीक दुम्‍शो मुरपुकी अब्राहाम आ आल नम, दे रुपीने।

Galatians 3:9 in Sunwar

9 मोपतीके सु सुमी अब्राहाममी थमा सुइश्‍शो खोदेंशो पा थमा सुदमे, मेकोपुकी अब्राहाम आ आसीक यो ताइनीम। रोमी ४:१६

Galatians 3:29 in Sunwar

29 ख्रीस्‍त नु रां का दुम्‍शा, अब्राहाम आ चच युइ दुम्‍तीनी। परमप्रभु यावेमी अब्राहाम कली गेशो लोव़ गाप्‍शा, हक ताइब दुम्‍तीनी।

Ephesians 3:6 in Sunwar

6 मिनु मेको ख्रुइश्‍शो लोव़ मार बाक्‍ब देंशा हना, अर्को रागी ङा मुरपुकी यो इस्राएली नु खाल का ङा दुम्‍शा, अङस ताइब बाक्‍नीम। मेको नेल्‍ल रां का नम। ग्‍येरपाइक्‍ब लोव़मी मार देंब देंशा हना, ख्रीस्‍त येसु कली थमा सुइश्‍शा, मेकोपुकी यो परमप्रभु यावे आ कबल ताइब बाक्‍नीम। एफिसी ३:१३,१८-१९; प्रेरित १५:७-९

Philippians 2:17 in Sunwar

17 गो इन थमा सुइक्‍चा आ पर्बम गेय पा, साइक्‍चा पुंइसाक्‍यी हना यो, ग्‍येरसीनुङ। गे नेल्‍ल नु ग्‍येरशा बाक्‍नुङ। २तिमोथी ४:६

Philippians 2:25 in Sunwar

25 इन सोइश्‍शो आं कली वारच पाइब आं लोक्‍ब इपाफ्रोडीटस कली लेश्‍शा सोइक्‍नुङ। मेकोमी गो नु गेय पाप्‍तु। गो नु काथा गाक्‍शा, परमप्रभु यावे आ लोव़ शेंताक्‍व। फिलिप्‍पी ४:१८

2 Thessalonians 1:7 in Sunwar

7 गे श्‍येत जाइब इन कली नु आंइ कली इं थुं नाइक्‍चा गेब। गेना थुं नाइक्‍चा गेब देंशा हना, प्रभु येसु नु आ सक्ति पाइश्‍शो स्‍वर्ग ङा गेय पाइबपुकी सरीङ रे ग्रूची ना इं थुं नाइक्‍चा गेब। मत्ती १६:२७; मत्ती २५:३१-४६; १थिस्‍सलोनिकी ४:१६

Titus 3:7 in Sunwar

7 मोदेंशो पा, परमप्रभु यावे आ शिशी आ पतीकेम इं कली ठीक सेल्‍तु। मिनु परमप्रभु यावे नु बाक्‍चा शिरशो दुम्‍तय। परमप्रभु यावे नु गेना हना यो बाक्चा कली आस पा बाक्‍तय। रोमी ३:२६

Hebrews 5:9 in Sunwar

9 मेको पाको दुम नोले आ कली टीब आन कली गेना हना यो श्‍येत रे प्रोंइशा बाक्‍चा गेब दुम्‍माक्‍त।

Hebrews 6:12 in Sunwar

12 मचाप्‍नुङ देंब मदुमीने। “आ देंशो जाक्‍दीप्‍ब” दे आ थोक्‍शा पशो लोव़ थमा सुइक्‍ब खोदेंशो पने। मेकोपुकीमी फाल्‍शा, थमा सुइश्‍शा, परमप्रभु यावे आ देंशो जाक्‍दीश्‍शो ताइनीम।

Hebrews 6:17 in Sunwar

17 मोपतीके परमप्रभु यावेमी “आं गेशो लोव़ गेनायो मफाइक्‍नुङ” दे आ गेशो लोव़ ताइब आन कली रुप्‍पाइक्‍चा, दे कसम जशा, आ लोव़ थोक्‍ता बाक्‍त।

Hebrews 8:6 in Sunwar

6 मेको चढ़ेबपुकीमी पशो गेय क्‍येङा ख्रीस्‍त आ पशो गेय रिम्‍शो कबल ङा बाक्‍ब। मारदे हना ङोंइती पशो कबल क्‍येङा नोले पशो रिम्‍शो कबल ङा लोव़ खाप्‍ब दुम्‍शो बाक्‍त। मेको नोले पशो कबल ङोंइती गेशो लोव़ क्‍येङा रिम्‍शो लोव़मी फ्रेंशो बाक्‍ब। हिब्रू ७:२२

Hebrews 10:11 in Sunwar

11 नाक्‍त किंत किंत चढ़ेबपुकीमी ताम्‍बुमी गेय पा चढ़ेना चढ़ेन बाक्‍तेक्‍म हना यो पाप मक्‍याम्‍सीब। प्रस्‍थान २९:३८

James 2:5 in Sunwar

5 आं लोक्‍बपुकी, नेनीन, परमप्रभु यावेमी रागी ङा प्रुङग आन कली शुश थमा सुदमेक्‍ल, दे मयोव़ङा ङा? मिनु परमप्रभु यावे कली दाक्‍ब नेल्‍ल आ राज्‍य ओव़चा ताइनीम मदेंम ङा? १कोरिन्‍थी १:२६; १कोरिन्‍थी ११:२२; लूका १२:२१

1 Peter 1:4 in Sunwar

4 मिनु इं कली स्‍वर्गमी जाम्‍शा मलाइब, काइ मबिग्रेब नु गेना हना यो लीब शोंप वोइश्‍शो बाक्‍ब। कलस्‍सी १:१२

1 Peter 1:12 in Sunwar

12 मेकोपुकीमी आन पाला ङा मुर आन कली ला लोव़ मपामे। नोले ङा मुर, इन कली यो लोव़ पा शेंदमे बाक्‍त। इन कली दोपा शेंदमे बाक्‍त देंशा हना, परमप्रभु यावेमी आ सोक्‍त स्‍वर्ग रे सोइश्‍शो बाक्‍त। मेको आ पतीकेमी शेंबपुकीमी इन कली ग्‍येरपाइक्‍ब लोव़ शेंताक्‍म। परमप्रभु यावे आ स्‍वर्ग ङा गेय पाइबपुकीम यो मेको तचा तुइक्‍चा दाक्‍नीम। एफिसी ३:१०

1 Peter 3:7 in Sunwar

7 गे वोंइश मुरपुकी, आंम मीश नु रिम्‍शो पा बाक्‍कीने। मीश मुरपुकी वोंइश मुर खोदेंशो पा बोल्‍यो मबाक्‍नीम, दे तुइक्‍नीनी। मेको मिम्‍शा, इन मीश कली मान पने। मारदे हना गे निम्‍फा परमप्रभु यावे आ शिशी ताइब बाक्‍नीसी। मो पाइतीनी हना, इन पुंइशो लोव़ परमप्रभु यावे आ ङोंइती मतेक्‍सीब। १कोरिन्‍थी ७:५; एफिसी ५:२५

Jude 1:14 in Sunwar

14 मिनु आदम रे ७ पाला नोले ङा हनोक माइश्‍शो मुर का बाक्‍त। मेकोमी मोदेंशो मुर आ पर्बम परमप्रभु यावेमी तुइक्‍पाइश्‍शो लोव़ पवा बाक्‍त। मेकोमी “नेनीन, प्रभु नु आ योव़शो हजार हजार जाक्‍तेक्‍म। हनोक कली हिब्रू लोव़मी एनोक देंनीम।उत्‍पत्ती ५:२१

Revelation 5:6 in Sunwar

6 मिनु गोमी ठेयब नित्‍तीके, ४ ओटा सेस जन्‍तु नु शेंब खाल्‍पा आन दातेमी क्‍योरशो पाठा खोदेंशो पा दोक राप्‍शो ताता। मेको पाठा के ७ ओटा ग्रोव़ नु ७ ओटा मिक्‍च बाक्‍त। मेको मिक्‍च चहिं परमप्रभु यावेमी रागी रागीमी सोइश्‍शो परमप्रभु यावे आ ७ ओटा सोक्‍त बाक्‍तेक्‍म। यसैया ५३:७; यूहन्‍ना १:२९