Genesis 49:10 in Sunwar 10 ठेयब श्येत रे प्रोंइब मजाक्म सम्म आ राज दन्ड आ सासन पतीके आ गुइमी लीब। जात जात ङा मुर मेको आ नोले खोइक्नीम। गन्ती २४:१७; १इतिहास ५:२; हिब्रू ७:१४; इजीकीएल २१:३२
Other Translations King James Version (KJV) The sceptre shall not depart from Judah, nor a lawgiver from between his feet, until Shiloh come; and unto him shall the gathering of the people be.
American Standard Version (ASV) The sceptre shall not depart from Judah, Nor the ruler's staff from between his feet, Until Shiloh come: And unto him shall the obedience of the peoples be.
Bible in Basic English (BBE) The rod of authority will not be taken from Judah, and he will not be without a law-giver, till he comes who has the right to it, and the peoples will put themselves under his rule.
Darby English Bible (DBY) The scepter will not depart from Judah, Nor the lawgiver from between his feet, Until Shiloh come, And to him will be the obedience of peoples.
Webster's Bible (WBT) The scepter shall not depart from Judah, nor a lawgiver from between his feet, until Shiloh shall come: and to him shall be the gathering of the people.
World English Bible (WEB) The scepter will not depart from Judah, Nor the ruler's staff from between his feet, Until he comes to whom it belongs. To him will the obedience of the peoples be.
Young's Literal Translation (YLT) The sceptre turneth not aside from Judah, And a lawgiver from between his feet, Till his Seed come; And his `is' the obedience of peoples.
Cross Reference Numbers 21:18 in Sunwar 18 मेको कुवा मेको ठेयब मुरपुकीम दोशो बाक्तेक्म। मिनु मुरपुकीमी मेको कुवा पिप आ सुन के कोक्केम दोशो बाक्तेक्म” दे कुम्सो पाम्तेक्म। मिनु मेकोपुकी गोरशो रागी रे ग्रूशा मत्ताना लाम्तेक्म।
Numbers 24:17 in Sunwar 17 गो मेको कली ताइनुङ, तन्न मुल ममाइ। गो मेको कली कोव़नुङ। तन्न आ नेक्था रे ममाइ। याकूब रे पा सोरुल का दाप्ब। मिनु इस्राएली रे पा पिप का ग्रूब। मिनु मेकोमी मोआब रागी आ सांद रे पा खतम सेल्ब। मिनु शेथ आ थर ङा मुर आन कली खतम पोक्ब। मत्ती २:२; लूका १:७८; उत्पत्ती ४९:१०; २सामुएल ८:२
Deuteronomy 28:57 in Sunwar 57 मारदे गेहे पा कोव़ब देंशा हना, आ नक थिशो आल नु आल आ उम्रो आ पर्बम गेहे पा कोव़ब। मिनु जोरी सत्रुम सहर पुम्तीके श्येत जशा, मेको मीश मुरुम ख्रुइश्शोमी आ उम्रो ‘आंमा ब्वाइनुङ’ दे मिम्ब।
Psalm 2:6 in Sunwar 6 मिनु मेकोमी “गो आं सियोन डांडामी आं तेल लुक्शा सोइश्शो पिप कली वोइक्ता” देंत। जकरिया ८:३
Psalm 60:7 in Sunwar 7 गिलाद नु मनस्से आं के बाक्नीस। एफ्राइम आं पियाम गुप्तीक बाक्ब। यहूदा आं राज दन्ड बाक्ब। उत्पत्ती ४९:१०
Psalm 72:8 in Sunwar 8 मेकोमी समुन्द्र का रे अर्को समुन्द्र सम्म नु ठेयब खोला रे रागी आ सुर सम्म सासन पवल। जकरिया ९:१०
Psalm 108:8 in Sunwar 8 गिलाद आं के बाक्ब। मिनु मनस्से यो आं केन बाक्ब। एफ्राइम आं फलाम के ताकी बाक्ब। यहूदा आं राज दन्ड बाक्ब।
Isaiah 2:2 in Sunwar 2 नोले ङा नाक्ती परमप्रभु यावे आ खिं सेल्शो डांडा, डांडा नेल्ल आन क्येङा लाइश्शो दुम्ब। पहाड नेल्ल आन क्येङा यो लाइश्शो दुम्ब। मिनु रागी रागी ङा मुर नेल्ले मेको डांडाम जाक्नीम। मीका ४:१-३; यसैया १९:२३; येरमीया ३:१७
Isaiah 9:6 in Sunwar 6 मारदे हना आंइ कली आल का थिशो बाक्ब। तौ का गेशो बाक्ब। मेको आंइ कली रिम्शो पा सासन पाइब दुम्ब। मेको आ नें मार बाक्ब देंशा हना, छक लाक्चा ङा गेय पाइब, जोक्तीक तुइक्तीक अर्ती गेब, सक्ति पाइश्शो परमप्रभु, गेना हना यो बाक्ब आफ नु थुं नाइश्शा बाक्चा गेब पिप बाक्ब। यसैया २२:२२; मीका ५:१; मीका ४:३
Isaiah 11:1 in Sunwar 1 येस्से आ ठुटा रे ठोसा का दाप्ब। मेको आ शाक्श रे वाशो राशीम फल फुल सिप्ब।
Isaiah 11:10 in Sunwar 10 मिनु मेको नाक्ती येस्से आ शाक्श जात जात ङा मुर आन कली चिन्ड दुम्ब। मिनु रागी रागी ङा मुर नेल्लेमी मेको कली हिल्लो पाइनीम। मेको आ बाक्तीके छेङछेङम बाक्ब। रोमी १५:१२
Isaiah 11:12 in Sunwar 12 मेकोमी रागी रागी ङा मुर आन कली चिन्ड का वोइक्ब। मिनु इस्राएल ङा प्रोक्शो मुर आन कली खुप्ब। यहूदा ङा ब्रशो मुर आन कली यो तेइ तेइ रे खुप्ब।
Isaiah 33:22 in Sunwar 22 मारदे हना परमप्रभु यावे आंइ कली निसाफ पाइब बाक्ब। परमप्रभु यावे आंइ कली सासन पाइब बाक्ब। परमप्रभु यावे आंइ पिप बाक्ब। मेकोमी आंइ कली श्येत रे प्रोंइब।
Isaiah 42:1 in Sunwar 1 परमप्रभुमी “आं गेय पाइब कली कोव़ङीन। गो मेको कली सक्ति गेनुङ। आं योव़शो गेय पाइब तशा, आं थुं ग्येरसीब। गो मेको कली आं सोक्तीम प्रिंताक्ङ। मेकोमी रागी रागी ङा मुर आन कली ठीक निसाफ पाइब। यसैया ४९:१-६; यसैया ५०:४-११; यसैया ५२:१३-यसैया ५३:१२; मत्ती १२:१८-२१; मत्ती ३:१७
Isaiah 42:3 in Sunwar 3 मेकोमी जिक्चशो किन्दा मजिक्ब, काप्चशो मी यो मकाप्ब। मेकोमी थमा पा ठीक निसाफ पाइब। भजन संग्रह ३४:१९
Isaiah 49:6 in Sunwar 6 मिनु मेकोमी “याकूब आ थर ङा मुरपुकी नु इस्राएल ङा लीशो मुर आन कली ङोंइती ङा खोदेंशो सेल्चा कली इ कली आइक्च गेय का बाक्ब। गो इ कली रागी रागी ङा मुर आन कली छेङछेङ दुम्पाइक्नुङ। मिनु मेको आं पाप रे प्रोंइतीके रागी ङा सुर सम्म ब्रल” देंत। यसैया ४२:६; यसैया ६०:३; लूका २:१२; प्रेरित १३:४७
Isaiah 49:22 in Sunwar 22 मिनु परमप्रभु, परमप्रभु यावेमी “गो आं गुइ रागी रागी गे दिंनुङ। गो जात जात ङा मुर आन ङोंइती आं छेदर ख्रुक्शा कोंइनुङ। मिनु मेकोपुकीमी इ तौ आन कली कुचुम मुप्शा नु इ तमी आन कली चीम कुरशा चाक्नीम। यसैया ६०:४
Isaiah 55:4 in Sunwar 4 नेनीन, गो मेको कली जात जात ङा मुर आन कली सांकछी सेल्ता। जात जात ङा मुर आन कली ठेयब मुर नु हुकुम पाइब सेल्ता।
Isaiah 60:1 in Sunwar 1 परमप्रभुम “बोक्को। मिनु ग्येरसो। मारदे हना इ छेङछेङ जाक्शो बाक्ब। परमप्रभु यावे आ छेङछेङ इ तार जाक्शो बाक्ब।
Isaiah 60:3 in Sunwar 3 रागी रागी ङा मुरपुकी इ छेङछेङम जाक्नीम। पिपपुकी इ सुनी ङा छेङछेङम जाक्नीम। यसैया २:२-३; प्रकाश २१:२४
Isaiah 62:11 in Sunwar 11 परमप्रभु यावेमी रागी आ सुर सम्म ङा मुर नेल्ल आन कली “सियोन आ तमी कली ‘इ कली पाप रे प्रोंइब जाक्ना जाक्न बाक्ब। इ कली गेतीक इनाम मेको नु बाक्ब। मेको इ ततीक इनाम आ ङोंइती गाक्ब’ देंशो बाक्ब। जकरिया ९:९; यसैया ४०:९-१०
Jeremiah 23:5 in Sunwar 5 परमप्रभु यावेम “गो दाऊद आ मुर रे ठीक पाइब राशी का वापाइक्नुङ। मेको नाक्त थमा पा जाक्ना जाक्न बाक्ब। पिप कामी आ जोक्तीक तुइक्तीकेम सासन पाइब। मिनु मेकोमी आ रागीमी ठीक निसाफ नु ठीक गेय पाइब। जकरिया ३:८; यसैया ३२:१
Jeremiah 30:21 in Sunwar 21 मेको आन कली हुकुम पाइब मेको आन दाते ङा का दुम्ब। मेको आन कली सासन पाइब आंम आन मुर बाक्ब। गो मेको कली आं नेक्था चाक्नुङ। मिनु मेको आं नेक्था जाक्ब। मारदे हना आं नेक्था आंमा सु जाक्बा ङा?” दे परमप्रभु यावेमी देंत। येरमीया ३०:९
Ezekiel 19:11 in Sunwar 11 मेको आ बोल्यो राशी का पिप आन हुकुम पतीक कोक्के दुम्चा ङा बाक्त। मेको शुश राशी आन दातेमी लाइश्शो नु कोल्शो दुम्शा, शुश राशी दाप्पाइश्शा लत।
Ezekiel 19:14 in Sunwar 14 मिनु मेको आ ठेयब राशी रे मी ग्रूत। मिनु मेको आ फल नु आ आइक्च राशी नेल्ल नेक्तु। मोपा मेकेर हुकुम पतीक कोक्के दुम्चा ङा बोल्यो राशी का यो मली। मिनु एको रोंका पतीक कुम्सो नेल्लेम तुइश्शा, पना पन बाक्तेक्म।
Ezekiel 21:27 in Sunwar 27 मारेइ मारेइ ब्रेश्शो बाक्ब। मेको गो पाता। मेको मोदेंशो गेनायो मदुम्शो बाक्त। मेको सासन पचा कली शिरशो दुम्शा जाक्त हना, मेको कली गेनुङ” देंत। उत्पत्ती ४९:१०
Daniel 9:25 in Sunwar 25 मोपतीके यरूसलेम लेंशा सेल्तीक लोव़ तेल लुक्शो पिप मजाक्म सम्म ७ हप्ता बाक्नीम। मिनु ६२ हप्ता लां नु खिं आ एर ओंथ लेंशा सेल्चा कली माल्ब, दे रुप्शा तुइक्तो। मेना श्येत जतीक ना बाक्ब।
Hosea 11:12 in Sunwar 12 एफ्राइममी आं कली जोल पना पन बाक्ब। मिनु इस्राएलीमी यो खाल का ङा पा आं कली जोल पाइनीम। मिनु यहूदा आ का ला परमप्रभु आ नोले खोइक्चा कली थुं निक्शी पशो बाक्ब। तन्न मेकोमी मेको आन कली दाक्शा मप्रोंइब।
Haggai 2:7 in Sunwar 7 गो रागी रागी ङा मुर आन कली हिम्नुङ। मिनु रागी रागी ङा शोंप नेल्ल एकेर चाक्नीम। मिनु गो एको खिं कली आं दारसीम प्रिंनुङ।
Zechariah 2:11 in Sunwar 11 मेको नाक्त शुश रागी ङा मुरपुकी परमप्रभु यावे नु गारचा कली जाक्नीम। मेको नाक्ती मेको आं मुर दुम्नीम। मिनु गो गे इन दातेमी बाक्नुङ। मिनु गेपुकीमी मुर नेल्ल आन परमप्रभु यावेमी आं कली इन कली लोव़ पथ सोइश्शो बाक्ब, दे तुइक्नीनी” दे परमप्रभु यावेमी देंत। यसैया ११:१०
Zechariah 8:20 in Sunwar 20 मुर नेल्ल आन परमप्रभु यावेमी “शुश सहर ङा मुर तेम्शा जाक्नीम।
Zechariah 10:11 in Sunwar 11 मेकोपुकी समुन्द्र ङा ठेयब ब्वाक्कु खोदेंशो श्येत जाइनीम। तन्न गो समुन्द्र ङा छाल थुम्पाइक्नुङ। मिनु नील खोला सोव़पाइक्नुङ। अस्सुर आ ठेयब लेश्शो जाम्ब। मिनु इजीप्त ङा राज्य थुम्सीब।
Matthew 1:21 in Sunwar 21 नोले तौ का थीब। मेको कली येसु नें वोतो। मारदे हना मेकोमी आ मुर आन कली पाप रे प्रोंइब” दे तुइक्पदा बाक्त। लूका २:२१; प्रेरित ४:१२; भजन संग्रह १३०:८
Matthew 17:5 in Sunwar 5 मोदेंशो लोव़ पना पन बाक्मेनु, जिलील पा बुश तांइसीशो गोस्सुमी नेल्ल आन कली गिल्मी बाक्त। मिनु गोस्स आगा रे “एको आं दाक्शो तौ बाक्ब। एको कली तशा ग्येरसाक्यी। आ लोव़ नेनीने” देंशो सेंदा नेन्मे बाक्त। मत्ती १:१७
Matthew 21:9 in Sunwar 9 मिनु आ ङोंइती नोले गाक्बपुकीमी “दाऊद आ तौ कली होसन्ना, परमप्रभु यावे आ नेंमी जाक्ब कली जाइ, गे ठेयब बाक्नीनी” दे रेयके पा ठेयब सेल्ना सेल्न गाक्तेक्म। भजन संग्रह ११८:२५-२६
Matthew 25:32 in Sunwar 32 मिनु आ ङोंइती नेल्ल रागी ङा मुर खुम्सीनीम। गोठलामी भेडा नु क्यारश आन कली ग्युरा नु पेरा गे तिल्शो खोदेंशो पा रोमी १४:१०; मत्ती १३:४९
Luke 1:32 in Sunwar 32 मेको ठेयब दुम्ब। मेको कली नेल्ल क्येङा ठेयब आ तौ देंनीम। मिनु परमप्रभु, परमप्रभु यावेमी मेको कली आ किकी पिपी दाऊद आ ठेयब नित्तीके गेब। यसैया ९:६
Luke 2:30 in Sunwar 30 मारदे हना इन सोइश्शो पाप रे प्रोंइब कली आं मिक्चीम ताता।
John 9:7 in Sunwar 7 मिनु मिक्च मताइब कली “सिलोआ ङा दोम्लीम लशा चिक्सो” दे माइक्तु। सिलोआ देंशो चहिं सोइश्शो, दे रुम्सीब। मिनु मेको लशा चिक्से बाक्त। मिनु मिक्च ताइब दुम्शा, लेश्शा जाक्त।
John 12:32 in Sunwar 32 गो क्युक्शा साइक्चा पुंइसीशा, मुर नेल्ल आन कली आं गे कीनुङमी” देंत। यूहन्ना ८:२८
John 18:31 in Sunwar 31 मिनु पिलातसमी “एको कली लतीन। मिनु इन ऐन कानुनमी ब्रेक्शो कोव़शा, निसाफ पने” दे माइक्तीमी। मिनु मेको यहूदीपुकीमी पिलातस कली “गो आंइ कली सुइ मुर साइक्चा मगारब” देंतेक्म। यूहन्ना १९:६-७
John 19:12 in Sunwar 12 मिनु येसु आ लोव़ नेंशा नोले पिलातसमी येसु कली प्रोंइशा सोइक्चा माल्तु। तन्न मेको यहूदीपुकीमी पिलातस कली “गे एको कली प्रोंइशा सोइक्ताक्नी हना, गे रोमी आन पिप सिजर आ वारच मननी। मिनु सुमी ‘गो पिप नङ’ देंबा, मेको सिजर आ जोरी सत्रु दुम्ब” देंतेक्म। प्रेरित १७:७
John 19:15 in Sunwar 15 मिनु यहूदीपुकीमी “सतीन, सतीन, एको कली शीमी क्येप्शा कांटी थोक्तीन” दे ग्रीतेक्म। पिलातसमी “गो इन पिप कली शीमी क्येप्शा कांटी थोक्नुङा ङा?” दे माइक्तीमी। मिनु ठेयब चढ़ेबपुकीमी “गो आंइ के सिजर का ला पिप बाक्ब” देंतेक्म। यूहन्ना १८:३७
Romans 15:12 in Sunwar 12 यसैयामी “येस्से आ बङस रे का ग्रूशा, ठेयब दुम्शा, अर्को रागी ङा मुर आन कली सासन पाइब। मिनु मेको कली सासन पशो तशा, नेल्लेमी ‘इं कली श्येत रे प्रोंइब’ दे ग्येरशा, आस पा बाक्नीम” दे ब्रेक्शो बाक्त। यसैया ११:१०; प्रकाश ५:५
2 Corinthians 5:10 in Sunwar 10 मारदे हना गो नेल्ल ख्रीस्त आ ङोंइती निसाफ पची ना जाक्चा माल्नीकी। रांम बाक्यानु, इं रांम पशो रिम्शो नु मरिम्शो नेल्ल ताइनीकी। प्रेरित १७:३१; रोमी २:१६; रोमी १४:१०; यूहन्ना ५:२९; एफिसी ६:८
Hebrews 7:14 in Sunwar 14 इं प्रभु यहूदा थर ङा बाक्माक्त, दे गो नेल्लेमी तुइक्नय। यहूदा थर ङा मुरपुकीम गेनायो चढ़ेतीक गेय मपशो बाक्मा बाक्त। इं किकी पिपी मोसामी यहूदा थर ङा मुर चढ़ेब बाक्नीम, दे गेनायो मदेंमाक्त। उत्पत्ती ४९:१०; मत्ती १:१-३
Revelation 11:15 in Sunwar 15 मिनु मेको नोले ङा परमप्रभु यावे आ स्वर्ग ङा गेय पाइबमी आ तुराही ताप्तु। मिनु स्वर्गमी ठेयब सेंदापुकी नेंता। मेकोपुकीमी “आंइ परमप्रभु नु आ ख्रीस्तमी रागी नेल्ल कली सासन पाइब दुम्ताक्से। मिनु गेना हना यो सासन पना पन बाक्नीसी” देंशो नेंता।