Genesis 35:2 in Sunwar 2 मिनु याकूब आ खिं ङा मुर नु आ बाक्शो मुर नेल्ल आन कली “इन गुइमी बाक्शो मूर्ति ताइक्तीन। इन फेक्शो वा प्रुइश्शा, चिक्शा, अर्को फेक्सीन। उत्पत्ती ३१:१९; ब्यवस्था २७:१५; यहोसु २४:२३
Other Translations King James Version (KJV) Then Jacob said unto his household, and to all that were with him, Put away the strange gods that are among you, and be clean, and change your garments:
American Standard Version (ASV) Then Jacob said unto his household, and to all that were with him, Put away the foreign gods that are among you, and purify yourselves, and change your garments:
Bible in Basic English (BBE) Then Jacob said to all his people, Put away the strange gods which are among you, and make yourselves clean, and put on a change of clothing:
Darby English Bible (DBY) And Jacob said to his household, and to all that were with him, Put away the strange gods that are among you, and cleanse yourselves, and change your garments;
Webster's Bible (WBT) Then Jacob said to his household, and to all that were with him, Put away the strange gods that are among you, and be clean, and change your garments:
World English Bible (WEB) Then Jacob said to his household, and to all who were with him, "Put away the foreign gods that are among you, purify yourselves, change your garments.
Young's Literal Translation (YLT) And Jacob saith unto his household, and unto all who `are' with him, `Turn aside the gods of the stranger which `are' in your midst, and cleanse yourselves, and change your garments;
Cross Reference Genesis 18:19 in Sunwar 19 गो अब्राहाम कली तुइक्नुङ, आ आल नु आ चच युइ आन कली परमप्रभु यावे आ लां गाक्पाइक्चा कली अरेब। मिनु मेकोपुकी परमप्रभु यावे आ लां खोइक्ब दुम्शा, ठीक नु रिम्शो पचा शेंसीशा पाइनीम। परमप्रभु यावेमी अब्राहाम कली मार लोव़ देंमे, मेको नेल्ल दुम्ल” देंमाक्त। ब्यवस्था ६:७; ब्यवस्था ३२:४६
Genesis 31:19 in Sunwar 19 लाबान आ भेडा आन ऊन ख्रोइक्थ लशो बाक्माक्त। मेना राहेलमी आ आफ आ खिं ङा मूर्तिपुकी खुइ पा कुरा बाक्त। न्यायाधीस १७:५; न्यायाधीस १८:१७; १सामुएल १९:१३; २राजा २३:२४; जकरिया १०:२
Genesis 31:34 in Sunwar 34 मिनु राहेलम मेको खिं ङा मूर्ति आन कली दलओंठ आ तारी ङा नित्तीकेमी ख्रुइश्शा, मेको आ तारी निस्से बाक्त। मिनु लाबानमी ताम्बु नेल्लेमी माल्शा मथिदा बाक्त।
Genesis 34:2 in Sunwar 2 हिव्वी ङा हमोर आ तौ शेकेम, मेको रागी ङा पिप आ तौमी दीना कली तशा, ग्याइश्शा मेको नु इप्शा, बिथोलो पवा बाक्त। न्यायाधीस ९:२८
Genesis 34:24 in Sunwar 24 मिनु सहर ङा मुर नेल्ल हमोर नु शेकेम आस लोव़ टिशा, ख्रोइक्तीक चिनु ख्रोइक्चा गेमे बाक्त। सहर नेल्ल ङा वोंइश मुरुम मोदेंशो पामे बाक्त।
Genesis 35:22 in Sunwar 22 मिनु इस्राएल मेको रागीमी बाक्मेनु, आ तौ रूबेन आ आफ आ मीश बिल्हाह नु इम्माक्त। मिनु इस्राएलमी मेको नेना बाक्त। उत्पत्ती ४९:४
Exodus 19:10 in Sunwar 10 मिनु परमप्रभु यावेमी मोसा कली “मुलाक्ती नु दीसा इस्राएली आन कली गो नु ग्रुम्पाइक्चा ठीक पावो। आन फेक्शो वा मुरपतो। लेवी ११:४४; यहोसु ३:५; अय्युब १:५
Exodus 19:14 in Sunwar 14 मिनु मोसा डांडा रे मुर आन बाक्तीके तोइश्शा, मेको आन कली परमप्रभु नु ग्रुम्पाइक्चा कली ठीक पाप्तु। मिनु मेकोपुकीमी आन फेक्शो वा मुरतेक्म।
Exodus 20:3 in Sunwar 3 गे आं कली ला बाप्शा सेउ पने, देवी देवता आन कली बाप्शा सेउ मपने। ब्यवस्था ६:४-५; यसैया ४५:५-६; १कोरिन्थी ८:५-६
Exodus 23:13 in Sunwar 13 आं अरेशो नेल्ल पने। देवी देवता आन कली मारेइ मपुंइचा आन नें यो मथिचा। यहोसु २३:७; जकरिया १३:२
Leviticus 15:5 in Sunwar 5 सुमी मेको आ ब्राख्ये थीबा, मेकोमी आ वा मुरशा, चिक्सीचा माल्ब। मिनु मेको नां मरिक्म सम्म ग्रांग्रा दिशो दुम्ब।
Leviticus 17:16 in Sunwar 16 तन्न मेकोपुकीमी आन वा ममुरथु, मचिक्साक्म हना, मेको आन पशो आ पर्बम मेको दोस ताइब दुम्नीम’ दे हारून नु आ तौ आन कली देनो” दे परमप्रभु यावेमी देंत।
Numbers 31:24 in Sunwar 24 मिनु ७ नाक्ती गेपुकीमी इन वा मुरचा माल्नीनी। मिनु गेपुकी ग्रांग्रा मदिशो दुम्नीनी। मेको नोले गे इन बाक्तीके ओव़ने चाप्नीनी’ ” देंत।
Deuteronomy 5:7 in Sunwar 7 आं क्येङा लाक्शा सुइ देवी देवता आन कली ठेयब सेल्शा ममानेचा। ब्यवस्था ११:१६,२८
Deuteronomy 6:14 in Sunwar 14 गे इन एर ओंथ ङा रागीम बाक्शो जात जात ङा मुर आन देवी देवता आन नोले मखोतीन।
Deuteronomy 7:25 in Sunwar 25 गेपुकीमी मेको आन शी मुशा सेल्शो मूर्तिपुकी मीम हुम्चा माल्नीनी। मूर्तिम बाक्शो सुन चांदी बाक्त हना, वाल्शा आंम कली मवोंइसीन। मारदे हना मोदेंशो पाइतीनी हना, इन कली मरिम्शो दुम्ब। मेको परमप्रभु यावे, इन परमप्रभु कली ग्रांग्रा बाक्ब।
Deuteronomy 11:28 in Sunwar 28 परमप्रभु यावे, इन परमप्रभु आ शेंशो मटिथु, गो मुलाक्ती इन कली देंशो लचा माल्शो लां रे हेंथे गाक्तीनी नु इन मतुइश्शो देवी देवता आन नोले खोइक्तीनी हना, सराप राइनीनी।
Deuteronomy 32:16 in Sunwar 16 मिनु मेकोपुकीमी अर्को देवी देवता आन कली ठेयब सेल्शा, मेको कली गेहे पपाइक्तेक्म। मेकोपुकीमी ग्रांग्रा दिचा ङा थोव़कीम पतीके मेको कली गाइक्पाइक्तेक्म।
Joshua 23:7 in Sunwar 7 गे इन दातेमी बाक्शो अर्को रागी ङा मुरपुकी नु मब्वांइसीन। मेको आन देवता आन नें मथिने। मेको आन नेंमी कसम मजने। मेको आन कली पूजा मपने। मिनु मेको आन ङोंइती बाप्शा सेउ मपने। प्रस्थान २३:१३-२४
Joshua 24:2 in Sunwar 2 मिनु यहोसुमी मुर नेल्ल आन कली “परमप्रभु यावे, इस्राएली आन परमप्रभुमी ‘साइ नेसी इन किकी पिपी, अब्राहाम नु नाहोर आ आफ तेराह युफ्रेटीस खोला आ आइक्ची हांबुम बाक्शो बाक्तेक्म। मिनु मेकोपुकीमी अरु देवी देवता आन कली ठेयब सेल्तेक्म। उत्पत्ती ११:२६; उत्पत्ती ३१:१९; उत्पत्ती ३५:२
Joshua 24:15 in Sunwar 15 तन्न परमप्रभु यावे आ नें ठेयब सेल्चा मदाक्नीनी हना, सु कली ठेयब सेल्नीनी? मुलाक्ती योव़ङीन। गे इन किकी पिपीमी खोला आइक्ची हांबुम पूजा पशो देवी देवता आन कली ठेयब सेल्नीनी देय मुल बाक्शो एमोरी आन रागी ङा देवी देवता आन कली ठेयब सेल्नीनी? योव़ङीन। तन्न गो नु आ खिं ङा मुरुमी परमप्रभु यावे कली ला ठेयब सेल्नीकी” देंत। ब्यवस्था ६:१३-१४
Joshua 24:20 in Sunwar 20 गेपुकीमी परमप्रभु यावे कली प्रोंइशा, अरु देवी देवता आन कली पूजा पाइतीनी हना, इन कली ङोंइती रिम्शो पा, नोले मरिम्शो पचा गोइब। मिनु इन कली खतम पोक्ब” देंत।
Joshua 24:23 in Sunwar 23 यहोसुमी “मुल गेपुकी नु बाक्शो देवी देवता ताइक्तीन। इन थुं परमप्रभु यावे, इस्राएली आन परमप्रभु गे हिरदीन” देंत। उत्पत्ती ३५:२;
Judges 10:16 in Sunwar 16 मिनु अरु देवी देवता आन कली ताइश्शा, परमप्रभु यावे कली ठेयब सेल्मे बाक्त। मिनु परमप्रभु यावेमी इस्राएली आन कली मेको क्येङा श्येत गेचा मगेमी बाक्त। यहोसु २४:२३; न्यायाधीस २:१८
Ruth 1:15 in Sunwar 15 मिनु नाओमीमी “नेनो, इ देउरानी आ मुर आन बाक्तीके नु आ देवी देवताम लेत्त। गे इ देउरानी आ पशो खोदेंशो पावो” देंमाक्त।
1 Samuel 7:3 in Sunwar 3 मिनु सामुएलमी इस्राएली नेल्ल आन कली “गे इन थुं नेल्लेमी परमप्रभु यावे गे लेत्चा दाक्ताक्नी हना, इन दाते रे अर्को रागी ङा देवी देवता नु अश्तारोथ माइश्शो मूर्ति पाइश्शो थाम नेल्ल ग्रुंइदीन। मिनु इन थुं नेल्लेमी परमप्रभु यावे कली ला ठेयब सेलीने। मिनु मेकोम इन कली पलिस्ती आन गुइ रे प्रोंइब” देंमाक्त। उत्पत्ती ३५:२; यहोसु २४:२३
2 Samuel 7:23 in Sunwar 23 इन मुर खोदेंशो अर्को सु बाक्नीमी? इस्राएली खोदेंशो सु बाक्नीमी? रागी नेल्लेमी परमप्रभुम प्रोंइशो इस्राएली खोदेंशो अर्को जात यो बाक्मा कों? गे इन नें ठेयब सेल्चा कली गे इन मुर आन कली ठेयब नु छक लाक्चा ङा गेय पाइतीनी। गे इन मुर आन ङोंइती रे रागी रागी ङा मुर नु आन देवी देवता आन कली खेरतीनी। ब्यवस्था ४:७
2 Kings 5:10 in Sunwar 10 मिनु एलीशाम मेको कली “गे लशा, यर्दन खोलाम ७ खेयप चिक्सीचा माल्नेवे। मिनु इन श्ये ङोंइती ङा खोदेंशो दुम्ब। मिनु गे ग्रांग्रा मदिशो दुम्नीनी” देंथ मुर का कली सोइक्ता बाक्त।
2 Kings 5:12 in Sunwar 12 मार, आबाना, फारपार नु दमस्कस ङा खोला मेर ङा ब्वाक्कु इस्राएल ङा ब्वाक्कु नेल्ल क्येङा रिम्शो ममाइ ङा? मार, गो मेकेर ङा ब्वाक्कुम चिक्शा साने मचाप्नुङा ङा?” दे गाइश्शा गाक्माक्त।
2 Kings 17:29 in Sunwar 29 मो हना यो रागी रागी ङा मुरपुकीम आंम आन बाक्तीके सहर सहरम आन देवी देवता सेल्शा, मेको डांडा ङा थानम वोदमे बाक्त। मोपा आन बाक्शो सहर नेल्लेमी सामरीया ङा मुर आन सेल्शो डांडा ङा थान यो बाक्मा बाक्त।
1 Chronicles 16:26 in Sunwar 26 मारदे हना जात जात ङा मुर आन देवी देवता नेल्ल मूर्ति बाक्नीम। तन्न परमप्रभु यावेमी सरीङ सेल्शो बाक्ब।
Job 1:5 in Sunwar 5 मिनु अय्युबम मेको आन भोज पतीक नाक्त नेल्ल नुम नोले, आ तमी तौ आन कली “परमप्रभु आ ङोंइती ठीक सेल्सीन” देंथ, मुर सोइक्बाक्माक्त। मिनु अय्युबमी सुनी कना बोक्शा, मेको आन पर्बम चोशा चढ़ेतीक का का चढ़ेशा, मेको आन पाप क्याम्तीक गेय पाइबाक्माक्त। मारदे हना मेकोमी “आं आलपुकीम मारेइ पा परमप्रभु आ पर्बम पाप पामे कों” दे मिम्शा, गेना हना यो मो पाइबाक्माक्त।
Psalm 51:2 in Sunwar 2 परमप्रभु, इन शिशी पतीकेमी आं मरिम्शो पशो नेल्ल मुरशा गेयीनी। मिनु आं कली पाप रे प्रोंइयीनी।
Psalm 51:7 in Sunwar 7 गे हिस्सोप के ब्राक्सुमी आं पाप क्याम्दीन। मिनु आं पाप क्याम्सीशो बाक्ब। मिनु आं कली चिक्तीनी। मिनु गो फुं क्येङा बुश दुम्नुङ। प्रस्थान १२:२२-२३; यसैया १:१८
Psalm 101:2 in Sunwar 2 गो दोस मततीक लां शेंसीचा दाक्नुङ। गो मेको गेना पने चाप्नुङा? गो आं खिंमी रिम्शो थुं पाइश्शो मुर दुम्शा बाक्चा दाक्नुङ।
Ecclesiastes 5:1 in Sunwar 1 परमप्रभु आ खिं लनीनु, मूर्ख आन क्योरशा चढ़ेशो चढे़चा क्येङा परमप्रभु आ लोव़ होस पा नेंचा रिम्शो बाक्ब। मारदे हना मूर्खमी मरिम्शो पचा प्रोंइस मजोक्नीम। भजन संग्रह १५:१; यसैया ३३:१४-१६; मत्ती ५:२३-२४; १सामुएल १५:२२
Isaiah 1:16 in Sunwar 16 गेपुकी चिक्सीन। ग्रांग्रा मदिशो दुमीन। मिनु आं ङोंइती इन नाक्ती किंत किंत ङा मरिम्शो पतीके प्रोनीन।
Isaiah 52:11 in Sunwar 11 ग्रूङीन, ग्रूङीन, मेकेर रे ग्रूङीन। ग्रांग्रा दिशो थोव़क मथिने। मेको आन दाते रे ग्रूङीन। परमप्रभु यावे आ खिं ङा मार मार कुरबपुकी परमप्रभु आ ङोंइती जाक्शा, इन कली ठीक सेलीन।
Jeremiah 5:7 in Sunwar 7 मिनु परमप्रभु यावेम “गो इन कली दोपा माफ गेने चाप्नुङा ङा? इन आलपुकीम आं कली प्रोंइतेक्म। मिनु परमप्रभु आ नेंम ममाइ, अर्को देवी देवता आन नेंमी कसम जाम्तेक्म। गो मेको आन माल्शो नेल्ल खाप्ता हना यो, मेकोपुकीम तेल्लेम पाम्तेक्म। मिनु तेल्लेम आन खिंम क्राक्थ्री चोक्थ्री दुम्तेक्म।
Jeremiah 13:27 in Sunwar 27 गो पहाडीम नु रू मेर इ पशो ग्रांग्रा दिशो गेय ताता। इ मुरपुकी नु इप्शो, इ रेयके पशो नु इ मुने मपथु, तेल्लेम दुम्शो तशो बाक्नुङ। आबी आबी, यरूसलेम गे ग्रांग्रा दिशो दुम्नेवे। गेना सम्म मोदेंशो बाक्नेवे?” देंत।
Jeremiah 16:20 in Sunwar 20 मार, बेक्शा लाइब मुरपुकीम आंम देवी देवता सेल्ने चाप्नीमी ङा? तन्न मेकोपुकी देवी देवता मनम’ देंनीम।
Ezekiel 18:31 in Sunwar 31 गे इन आं कली हेंथे पशो नेल्ल प्रोंइशा, गे नक थुं नु नक सोक्ती ताक्कीन। ए इस्राएल आ खिं ङा मुर, गे मारदे बेक्चा दाक्नीनी? इजीकीएल ११:१९
Ezekiel 20:7 in Sunwar 7 मिनु गो मेको आन कली इन कोव़त दाक्शो ग्रांग्रा दित्चा ङा थोव़क ताइक्तीन। गे आंम कली इजीप्त ङा मूर्तिपुकीम ग्रांग्रा दिशो मसेल्सीन। गो परमप्रभु यावे, इन परमप्रभु नङ। यहोसु २४:१४,२३
Ezekiel 36:25 in Sunwar 25 गो इन तार रिम्शो ब्वाक्कु ब्रुइक्नुङ। मिनु गे इन ग्रांग्रा दिशो गेय नु इन मूर्ति पूजा पतीक ताइश्शा रिम्शो दुम्नीनी। इन ग्रांग्रा दिशो दुम्शो नेल्ल रे ग्रांग्रा मदिशो सेल्नन्नी। जकरिया १३:१; हिब्रू १०:२२
Daniel 5:4 in Sunwar 4 मिनु मेकोपुकीमी अङगुर शांबु तूशा, सुन, चांदी, कांसा, फलाम, शी नु फुल्लु के सेल्शो देवी देवता आन कली सेउ पाम्तेक्म।
John 13:10 in Sunwar 10 येसुमी “चिक्शो मुर आन कली लेंशा चिक्चा ममाल्ब। खोइल ला चिक्चा माल्ब। खोइल चिक्शोनु, नेल्ल रिम्शो दुम्ब। गेपुकी चिक्सीशो दुम्तीनी। काइ मचिक्सीशो गेपुकी नु का बाक्ब” देंत। यूहन्ना १५:३
Acts 19:26 in Sunwar 26 मुल चहिं एको पावल नें पाइश्शो मुरुमी एसीया नेल्ल हिरने थुम्शा, इं एफिससमी जाक्शा, मुर नेल्ल आन कली ‘मुर आन गुइ रे सेल्शो मूर्ति देवी ममाइ’ देंशा शुश मुर आन थुंमी मूर्ति पूजा पचा प्रोंइपाइक्तीमी। मेको इं मिक्चीम ताइतय।
1 Corinthians 10:7 in Sunwar 7 मेको आन दाते ङा मूर्ति पूजा पाइब खोदेंशो मदुमीन। मार ब्रेक्शो बाक्ब देंशा हना “मुरपुकी जचा तूचा कली निस्साक्म। मिनु सिल पचा कली बोक्तेक्म” दे ब्रेक्शो बाक्ब। मेको आन पशो खोदेंशो मपने। प्रस्थान ३२:६
2 Corinthians 6:15 in Sunwar 15 ख्रीस्त नु सैतान बेलीआर दोपा उइक्थ उइक्थ दुम्ने मचाप्नीसी। थमा सुइक्ब नु मसुइक्ब मारम गारनीसी ङा?
2 Corinthians 7:1 in Sunwar 1 आं दाक्शोपुकी, गो नेल्लेमी परमप्रभु यावे आ गेशो लोव़ तुइश्शो बाक्नय। मोपतीके इं रां थुं नेल्ल मरिम्शो पतीक रे ङोन बाक्नय। मिनु इं परमप्रभु यावे कली ला मान पा हिंशा ठेयब सेल्नय।
Galatians 4:8 in Sunwar 8 ङोंइती गे परमप्रभु यावे कली मतुइक्थु, देवी देवता आन कली सेउ पा, मेको आन वाइलीम वाइल दुम्तीनी।
Hebrews 10:22 in Sunwar 22 मोपतीके रिम्शो थुं पा, रिम्शो थमा सुइक्ब दुम्शा, पाप नेल्ल क्याम्चा पुंइसीशो तुइश्शा नु इं रां रिम्शो ब्वाक्कुम चिक्शा ग्येरशा परमप्रभु यावे आ नेक्था जाक्दीय्य। हिब्रू ४:१६; एफिसी ५:२६; १पत्रुस ३:२१
James 4:8 in Sunwar 8 परमप्रभु यावे आ नेक्था लने। मो पाइतीनी हना, मेको इन नेक्था जाक्ब। गे पापीपुकी “आंइ पाप क्याम्दीने” देंशा, माफ पुनीने। थुं निक्शी पाइश्शो मुरपुकी, इन थुं परमप्रभु यावे गे लेश्शा, थुं का दुमीने। जकरिया १:३; यसैया १:१६
1 Peter 2:1 in Sunwar 1 मोपतीके गे नेल्ल मरिम्शो पचा, मुर आन कली मरिम्शो लोव़ पतीक नु गाइक्तीके ताइक्तीन। मिनु जोल पतीके, गेहे पतीके नु मुर आन लोव़ कुरशा गाक्चा नेल्ल ताइक्तीन। याकूब १:२
Jude 1:23 in Sunwar 23 का निक्शी कली मी रे फो फु ग्रुंइशो खोदेंशो पा प्रोनीन। का निक्शी कली शिशी पने, तन्न आन ग्रांग्रा दिचा ङा पाप क्येङा हिंशा, आन लुम्सीशो वासी यो मथिने। याकूब ५:९; प्रकाश ३:४