Genesis 3:16 in Sunwar 16 मिनु मेकोमी मेको मीश मुर कली “कोव़ज कुरशा, आल थिवेनु, इ कली ठेयब श्येत गेनुङ। आल थिचा रोइ पाइनेवे। मो हना यो इ वोंइश कली माल्नेवे। मिनु मेकोमी इ कली हुकुम पाइब” देंमाक्त। एफिसी ५:२२-२३; १तिमोथी २:१२
Other Translations King James Version (KJV) Unto the woman he said, I will greatly multiply thy sorrow and thy conception; in sorrow thou shalt bring forth children; and thy desire shall be to thy husband, and he shall rule over thee.
American Standard Version (ASV) Unto the woman he said, I will greatly multiply thy pain and thy conception; in pain thou shalt bring forth children; and thy desire shall be to thy husband, and he shall rule over thee.
Bible in Basic English (BBE) To the woman he said, Great will be your pain in childbirth; in sorrow will your children come to birth; still your desire will be for your husband, but he will be your master.
Darby English Bible (DBY) To the woman he said, I will greatly increase thy travail and thy pregnancy; with pain thou shalt bear children; and to thy husband shall be thy desire, and he shall rule over thee.
Webster's Bible (WBT) To the woman he said, I will greatly multiply thy sorrow and thy conception; in sorrow thou shalt bring forth children: and thy desire shall be to thy husband, and he shall rule over thee.
World English Bible (WEB) To the woman he said, "I will greatly multiply your pain in childbirth. In pain you will bring forth children. Your desire will be for your husband, and he will rule over you."
Young's Literal Translation (YLT) Unto the woman He said, `Multiplying I multiply thy sorrow and thy conception, in sorrow dost thou bear children, and toward thy husband `is' thy desire, and he doth rule over thee.'
Cross Reference Genesis 4:7 in Sunwar 7 गे रिम्शो पाप्तीवी हना, गो इ कली मब्राइनुङा ङा? ब्राइनुङ। गे मरिम्शो पाप्तीवी हना, मुर साइक्ब जन्तु खोदेंशो पा, पाप इ लाप्चोमी बाक्ब। मिनु इ कली माल्ब। गे इ मरिम्शो थुं कली ग्राङो” देंमाक्त। गलाती ५:१७; रोमी ६:१२
Genesis 35:16 in Sunwar 16 मिनु बेथेल रे एफ्राथ जाक्दीत्चा कली गाक्शो बाक्मा बाक्त। मेना राहेल आल थिचा चिक्शो बाक्माक्त।
Numbers 30:7 in Sunwar 7 मिनु आ वोंइशेमी मेको नेंशा यो सिक्सी पा बाक्त हना, मेको आ गेशो लोव़ बाक्त हना यो कसम बाक्त हना यो मेको लीब।
Numbers 30:13 in Sunwar 13 आ वोंइशेमी आ मीश आ मारेइ लोव़ गेशो, आ मारेइ कसम जशो पचा गेने नु क्याम्ने चाप्ब।
1 Samuel 4:19 in Sunwar 19 मेको आ चाइमी, फिनेहास आ मीशेमी कोव़ज कुरशो बाक्माक्त। मिनु आ आल थिची ना दुम्शो बाक्माक्त। मिनु मेकोमी परमप्रभु आ कबल पशो सन्दोस रोइश्शा योल्शो नु आ शिउ नु आ वोंइश बेक्शो नेंशा, आ आल थितीक रोइम जेत्ता बाक्त। मिनु गोल्शा आल थिवा बाक्त।
Esther 1:20 in Sunwar 20 मिनु एको पिप आ ब्रेक्पाइश्शो लोव़ एको राज्य नेल्लेमी नेंतेक्म हना, ठेयब नु आइक्च मीश मुर नेल्लेमी आन वोंइश कली मान पाइनीम” देंत।
Psalm 48:6 in Sunwar 6 मिनु मेक उइ गिक गिक पा ख्रिंख्रि पाम्तेक्म। आल थिची ना ङा रोइ पशो मीश मुर खोदेंशो दुम्तेक्म।
Isaiah 13:8 in Sunwar 8 मिनु मुरपुकी शुश हिंशा, आन थुं लुक्च लशा, शुश सुर्ता पाइनीम। फाल्ने मचाप्चा ङा पा खाइश्शा, आल थिचशो मीश मुर खोदेंशो पा नकचुर पाइनीम। हिंशा आन कुल कोव़मुमानु, ब्रशो मी खोदेंशो तमुइनीम।
Isaiah 21:3 in Sunwar 3 मोपतीके आं पोक्च ख्रिंख्रि पाइनीम। गो सुत्केरी रोइ पशो आल थिचशो मीश मुर खोदेंशो दुम्ती। गो राप्ने मचाप्थु, नेंने नु तने मचाप्चा ङा श्येत जशो बाक्नुङ।
Isaiah 26:17 in Sunwar 17 दोपा आल थिचा चिक्शो मीश मुरुम आ आल थिची ना वाइ ब्रेश्शा, रोम्सीबा, मोपा परमप्रभु यावे, गो इन ङोंइती बाक्तक। यूहन्ना १७:२१; प्रकाश १२:२
Isaiah 53:11 in Sunwar 11 मेको आ श्येत जशो रे मेकोमी छेङछेङ ताइब। मेको आ तुइक्तीकेमी शुश मुर आन कली ठीक पतीके तुइक्पाइक्ब। मेकोमी आन मरिम्शो पशो कुरब। १कोरिन्थी १:३०; यूहन्ना १:२९
Jeremiah 4:31 in Sunwar 31 गो सुत्केरी रोइ पशो मीश मुर आ सेंदा खोदेंशो नेंता। मेको ङोंइती ङा आल थिचा चिक्शो मीश मुर आ सेंदा खोदेंशो बाक्त। सियोन आ तमीमी आ गुइ दिंशा आ सास कीशा ‘आबी, आं कली साइक्ब आन ङोंइती थाइनुङ’ देंत” दे परमप्रभु देंत।
Jeremiah 6:24 in Sunwar 24 गोपुकीम मेको आन पर्बम मारेइ मारेइ लोव़ नेंतक। मिनु आंइ गुइ खोइली योक्त। गो शुश हिंतक। गो सुत्केरी रोइ पशो मीश मुर खोदेंशो दुम्तक।
Jeremiah 13:21 in Sunwar 21 गेमी आंम मुर सेल्चा कली इ लेम्शो मुर आन कली परमप्रभु यावेम इ कली हुकुम पाइब सेल्ब। मिनु गे मार, देंनेवे? मार, सुत्केरी दुम्चशो मीश मुर खोदेंशो पा, इ कली श्येत मदुम्बा ङा?
Jeremiah 22:23 in Sunwar 23 लेबानोनम बाक्ब मुर, लेबानोन ङा लाइश्शो रवा आन दातेमी खिं सेल्ब मुरपुकी, श्येत नु सुत्केरी रोइ पशो खोदेंशो दुम्तीनी हना, दोपा हुकयी पाइनीनी।
Jeremiah 49:24 in Sunwar 24 दमस्कस मचाप्ब दुम्शो बाक्ब। मेको प्रोक्त। मेको शुश हिंब। मेको सुत्केरी रोइ पशो मीश मुर खोदेंशो पा सुर्ता पा हिंब।
Micah 4:9 in Sunwar 9 मुल गे मारदे वाइ ब्रेश्शा ग्रीनेवे? मार इ पिप मबाक्बा ङा? इ अर्ती गेब जाम्शा लमा? मिनु मारदे आल थितीक रोइ पशो मीश मुर खोदेंशो पा वाइ ब्रेत्नेवे? येरमीया ८:१९
John 16:21 in Sunwar 21 मीश मुरुमी आल थिचावानु ‘आं थिची जाक्त’ दे हिंशा, श्येत जाइब। तन्न आल थिशा ‘आल का जरमेसाक्व’ दे ग्येरसीब। आ ङोंइती ङा हिंशो नु श्येत ममिम्ब। यसैया २६:१७
1 Corinthians 7:4 in Sunwar 4 मीश मुर आ रां आ वोंइश आ अधिकारम बाक्ब। आ वोंइश आ रां आ मीश आ अधिकारम बाक्ब।
1 Corinthians 11:3 in Sunwar 3 वोंइश मुर नेल्ल आन पिया ख्रीस्त बाक्ब, मेको रुपीन। मीश मुर आन पिया मेको आन वोंइश बाक्ब। ख्रीस्त आ पिया परमप्रभु यावे बाक्ब दे रुपीन। उत्पत्ती ३:१६; एफिसी ५:२३; १कोरिन्थी ३:२३
1 Corinthians 14:34 in Sunwar 34 मीश मुरपुकी लोव़सी मपथु, सिक्सी पा बाक्मल। मेकोपुकी ब्वाक्चा मताइनीम। मारदे हना अरेशो लोव़मी मोदेंशो ब्रेक्शो बाक्ब। मिनु मेको लोव़ मेकोपुकीम टिचा माल्नीम। १तिमोथी २:११-१२; उत्पत्ती ३:१६
Ephesians 5:22 in Sunwar 22 गे मीश मुरपुकी, प्रभु कली टिशो खोदेंशो पा आंम वोंइश कली यो टिने। उत्पत्ती ३:१६; तिमोथी २:११-१२; तीतस २:५
Colossians 3:18 in Sunwar 18 गे मीश मुरपुकी, आंम वोंइश आ देंशो लोव़ टिने। मो पाइतीनी हना, प्रभु नु गारशो मुर दुम्नीनी। १पत्रुस ३:७
1 Thessalonians 5:3 in Sunwar 3 मेना मुरुमी “दुशा बाक्नय, मारेइ मदुम्ब” देंतेक्म हना यो, आल कुरशो मीश मुर आल थिचा रोइ गेना पाइबा मतुइक्ब। मोदेंशो खोदेंशो पा मुरपुकी मब्रोंइचा ङा पा श्येत जाइनीम। येरमीया ६:१४; मत्ती २४:३९
1 Timothy 2:11 in Sunwar 11 मीश मुरपुकीमी टीब दुम्शा, रिम्शो पा नेंशा शेंसमल। एफिसी ५:२२
1 Timothy 2:15 in Sunwar 15 मो हना यो मीश मुरपुकी रागीम आल जरमेसे ङा मेरे ब्रोंइचा ताइनीम। तन्न मेकोपुकी थमा सुइक्ब दुम्शा, दाक्मुशा, परमप्रभु यावे आ मुर दुम्शा नु ठेयब मलेत्थु बाक्चा माल्नीम। १तिमोथी ५:१४; तीतस २:४-५
Titus 2:5 in Sunwar 5 गेय पचा क्येङा ङोंइती मिम्चा, आंम वोंइश नु ला बाक्चा, खिं ङा गेय रिम्शो पचा, मुर नु रिम्शो दुम्चा, आंम वोंइश कली टिचा, दे शेंचा माल्नीम। मोदेंशो पाम्तेक्म हना, मुरपुकीमी परमप्रभु यावे आ लोव़ आ पर्बम मरिम्शो लोव़ मपाइनीमी। एफिसी ५:२२
1 Peter 3:1 in Sunwar 1 गे मीश मुरपुकी, आंम वोंइश आ देंशो टिने। का निक्शी वोंइश मुरपुकी परमप्रभु यावे आ लोव़ मटीब बाक्तेक्म हना यो, आ मीश आ रिम्शो पशो तशा, लोव़ मपथु यो, थमा सुइक्ब दुम्नीम। एफिसी ५:२२; १कोरिन्थी ७:१६