Genesis 15:1 in Sunwar 1 मिनु नोले परमप्रभु यावेमी अब्राम कली ङोमु खोदेंशो पा कोंइतीक कोंइदा बाक्त। मिनु मेकोमी अब्राम आ नें थिशा “अब्राम महिनो। गो इ कली कोव़नन। शुश आसीक गेनन” देंमाक्त। गन्ती २४:४,१६; भजन संग्रह ३:४
Other Translations King James Version (KJV) After these things the word of the LORD came unto Abram in a vision, saying, Fear not, Abram: I am thy shield, and thy exceeding great reward.
American Standard Version (ASV) After these things the word of Jehovah came unto Abram in a vision, saying, Fear not, Abram: I am thy shield, `and' thy exceeding great reward.
Bible in Basic English (BBE) After these things, the word of the Lord came to Abram in a vision, saying, Have no fear, Abram: I will keep you safe, and great will be your reward.
Darby English Bible (DBY) After these things the word of Jehovah came to Abram in a vision, saying, Fear not, Abram; I am thy shield, thy exceeding great reward.
Webster's Bible (WBT) After these things the word of the LORD came to Abram in a vision, saying, Fear not, Abram: I am thy shield, and thy exceeding great reward.
World English Bible (WEB) After these things the word of Yahweh came to Abram in a vision, saying, "Don't be afraid, Abram. I am your shield, your exceedingly great reward."
Young's Literal Translation (YLT) After these things hath the word of Jehovah been unto Abram in a vision, saying, `Fear not, Abram, I `am' a shield to thee, thy reward `is' exceeding great.'
Cross Reference Genesis 15:14 in Sunwar 14 गो चहिं मेको आन बाक्शो रागी ङा मुर आन कली निसाफ पा सजाइ गेनुङ। मारदे हना इ मुर आन कली वाइलीम वाइल सेल्नीम। मिनु नोले इ मुरपुकीम मेको आन मारेइ मारेइ लाइश्शा, मेको रागी रे ग्रूशा लाइनीम। प्रस्थान ३:२१-२२; प्रेरित ७:७
Genesis 21:17 in Sunwar 17 मिनु परमप्रभुमी आल आ ङाक्शो सेंदा नेना बाक्त। मिनु परमप्रभु आ स्वर्ग ङा गेय पाइबमी सरीङ रे “हागार, मार दुमे? महिनो। मारदे हना परमप्रभुमी उइ बाक्शो इ तौ आ ब्रेश्शो नेंतु।
Genesis 26:24 in Sunwar 24 मिनु मेको नाक्दो परमप्रभु यावे ग्रूशा “गो इ आफ अब्राहाम आ परमप्रभु नङ। महिनो। गो गे नु बाक्नुङ, इ कली आसीक गेनन। आं गेय पाइब अब्राहाम आ पर्बम गो इ चच युइ आन कली शुश सेल्नुङ” दे लोव़ पवा बाक्त।
Genesis 46:2 in Sunwar 2 मिनु मेको नाक्दो परमप्रभुमी इस्राएल कली “याकूब, याकूब” देंमाक्त। मिनु इस्राएलमी “गो नेंता” दे लोव़ लेत्ता बाक्त।
Exodus 14:13 in Sunwar 13 मिनु मोसामी मुर आन कली “महिनीन। मुलाक्ती परमप्रभु यावेमी दोपा इन कली इजीप्त ङा मुर रे प्रोंइबा, कोव़शा बाक्कीन। मुलाक्ती तशो इजीप्त ङा मुर आन कली गे लेंशा गेनायो मताइनीनी।
Numbers 12:6 in Sunwar 6 मिनु मेकोमी “आं लोव़ नेनीन। गेपुकी इन दातेमी परमप्रभु यावे आ लोव़ पाइब बाक्त हना, गो मेको कली कोंइतीकेम तपांइसीनुङ। गो मेको नु आ ङोमुमी लोव़ पाइनुङ।
Deuteronomy 31:6 in Sunwar 6 बोल्यो नु महिंब दुमीन। मेको आन कली तशा महिनीन मारदे हना परमप्रभु यावे, इन परमप्रभु गेपुकी नु लाइब। मेकोम इन कली कोव़शा, मप्रोंइब” दे मोसामी देंत। ब्यवस्था १:२९-३०
Deuteronomy 33:26 in Sunwar 26 मिनु “येशुरुन आ परमप्रभु खोदेंशो सुइ मबाक्ब। मेको इ कली वारच पाइक्चा कली स्वर्ग रे पीब। मेको सरीङ मेर रे मान पचा पुंइसीशा पीब। येशुरुन याकूब-इस्राएल कली मान पतीक नें बाक्ब। आ अर्थ ठीक पाइब बाक्ब।ब्यवस्था ३२:१५
Ruth 2:12 in Sunwar 12 परमप्रभु यावेमी इ कली रिम्शो पवल। परमप्रभु यावे, इस्राएली आन परमप्रभुम इ कली वारच पवल, दे मेको आ नेक्था जाक्ते। मेकोमी इ माल्शो नेल्ल गेवल” देंमाक्त। भजन संग्रह ३६:८
1 Samuel 9:9 in Sunwar 9 ङोंइती इस्राएल रागीम सुइम परमप्रभु आ लोव़ तुइक्चा माल्ताक्व हना, मार देंबाक्मा बाक्त देंशा हना “परमप्रभु यावे आ ततीक ताइब आ बाक्तीक लय” देंबाक्मा बाक्त। तन्न सिनाक्त मुलाक्त परमप्रभु यावे आ ततीके ताइब कली परमप्रभु यावे आ लोव़ पाइब देंनीम। गन्ती २४:३-४; २राजा १७:१३; १इतिहास ९:२२
1 Chronicles 28:20 in Sunwar 20 मिनु दाऊदमी आ तौ सोलोमन कली “बोल्यो नु महिंब दुम्शा, एको गेय पावो। महिनो, इ थुं ग्येत्थ लुक्च मपावो। मारदे हना परमप्रभु यावे, आं परमप्रभु गे नु बाक्ब। परमप्रभु यावेमी आ खिंमी गेय पचा कली मारेइ मारेइ सेल्ने मथुमा सम्म इ कली मप्रोंइथु वारच पाइब। १इतिहास २२:१३; ब्यवस्था ३१:६
Psalm 3:3 in Sunwar 3 परमप्रभु यावे, गे आं एर ओंथ वोइश्शो तेक्तीके खोदेंशो बाक्नीनी। गे आं कली ठेयब सेल्पाइक्ब, आं थुं बारपाइक्ब नु आं पिया पोक्ब बाक्नीनी। उत्पत्ती १५:१
Psalm 5:12 in Sunwar 12 मिनु परमप्रभु यावे, गे मेको ठीक पाइब आन कली आसीक गेनीनी। इन दाक्तीके मेको आन कली एर ओंथ वोइश्शो तेक्तीक खोदेंशो बाक्ब।
Psalm 16:5 in Sunwar 5 परमप्रभु यावे, गे आं भाग बाक्नीनी। मिनु आं कचौरा प्रिंनीनी। गे आं थेरशो रू कोव़ब बाक्नीनी। भजन संग्रह ७३:२६; गन्ती १८:२०; बिलाप ३:२४
Psalm 18:2 in Sunwar 2 परमप्रभु यावे आं सेरथे फुल्लु, आं बोल्यो दरवार नु आं जोरी सत्रु रे प्रोंइब बाक्ब। आं परमप्रभु, गे आं ख्रुइक्तीके सेरथे फुल्लु बाक्नीनी। परमप्रभु आं तेक्तीके नु आं कली ग्येरपाइक्ब, आं कली प्रोंइब नु आ बोल्यो दरवार बाक्ब। ब्यवस्था ३२:१८
Psalm 27:1 in Sunwar 1 दाऊद आ कुम्सो। परमप्रभु यावे आं छेङछेङ नु आं कली श्येत रे प्रोंइब बाक्ब। गो सु नु हिंचा माल्नुङा ङा? परमप्रभु यावे आं ब्रोंइतीक सक्ति नु आं ख्रुइक्तीक बाक्ब। आं कली सुम हिंच कोंइने चाप्बा ङा? मीका ७:८; भजन संग्रह ५६:५
Psalm 58:11 in Sunwar 11 मिनु मुरपुकीमी “ठीक पाइबपुकीमी थमा पा इनाम ताइनीम। थमा पा, परमप्रभु रागीम निसाफ पाइब बाक्ब” देंनीम।
Psalm 84:9 in Sunwar 9 परमप्रभु, आंइ कली कोव़ब कली कोव़ङीन। इन आंइ कली गेशो पिप कली कोव़ङीन।
Psalm 84:11 in Sunwar 11 मारदे हना परमप्रभु, परमप्रभु यावे नां नु तेक्तीक बाक्ब। परमप्रभु यावेम ठेयब दुम्तीक नु मान गेब। मेकोमी ठीक लां खोइक्ब आन कली रिम्शो पाइब।
Psalm 91:4 in Sunwar 4 मेकोमी इ कली आ फ्रांमी फाप्ब। मिनु गे मेको आ फ्रां आगामी ख्रुइश्शा बाक्नेवे। मेको आ दाक्शा गेनायो मप्रोंइतीके इ तेक्तीक नु गारो दुम्ब।
Psalm 119:114 in Sunwar 114 गे आं ख्रुइक्तीक नु तेक्तीक बाक्नीनी। गो इन लोव़ ङा लां कोव़ना कोव़न बाक्नुङ।
Psalm 142:5 in Sunwar 5 परमप्रभु यावे गो इन कली ब्रेत्ताक्ङ। गो “गे आं ख्रुइक्तीके बाक्नीनी। ब्रोंइशा बाक्ब आन रागीमी गे आं भाग बाक्नीनी” देंती। भजन संग्रह २७:१३
Proverbs 11:18 in Sunwar 18 परमप्रभु यावे आ अरेशो मटीब मुरुमी क्येट चेम्ब, तन्न मलीब। तन्न ठीक पाइब मुरुमी इनाम ताइनीम।
Proverbs 30:5 in Sunwar 5 परमप्रभु आ लोव़ नेल्ल थमा बाक्ब। सु मेकेर लशा ख्रुंइसीबा, मेको कली श्येत रे तेक्ब। भजन संग्रह १२:७
Isaiah 35:4 in Sunwar 4 हिंब थुं पाइश्शो मुर आन कली “इन थुं फ्रेंदीन। महिनीन” दे मतीन। इन परमप्रभु एक बाक्ब। मेको क्येक्क लेत्चा कली जाक्ब। परमप्रभुमी हिंचा ङा सजाइ गेब। मेको जाक्शा इन कली प्रोंइब।
Isaiah 41:10 in Sunwar 10 महिनो, मारदे हना गो गे नु बाक्नुङ। आइक्च थुं मपावो। मारदे हना गो इ परमप्रभु नङ। गो इ कली बोल्यो सेल्शा, वारच पाइनुङ। गो इ कली आं ग्राब ग्युरा गुइमी वारच पाइनुङ। यसैया ४३:१
Isaiah 41:14 in Sunwar 14 गे महिक्सीशो याकूब महिनो। इच्कका ला लीशो इस्राएलीपुकी महिनीन। गो इ कली वारच पाइनुङ, दे परमप्रभु यावेमी देंत। इ कली पाप रे प्रोंइब इस्राएली आन का ला बाक्शो परमप्रभु, गो नङ। यसैया ४३:३
Isaiah 43:1 in Sunwar 1 याकूब, इ कली नु इस्राएल कली सेल्ब परमप्रभु यावेमी “महिनीन। इन कली पाप रे प्रोंइता। गो इन नें थिशा ब्रेत्ती। गे आं मुर बाक्नीनी।
Isaiah 43:5 in Sunwar 5 महिनीन, गो गेपुकी नु बाक्नुङ। गो इन आल आन कली नां दाप्तीक पूर्ब रे चाक्नुङ। मिनु नां पेरतीके पच्छिम रे खुप्शा तेल्नुङ। यसैया ११:११-१६; येरमीया ३०:१०
Isaiah 44:2 in Sunwar 2 इ कली कोव़जीम सेल्शा, वारच पाइब परमप्रभु यावेमी ‘आं गेय पाइब याकूब महिनो। येशुरुन गो इ कली योव़ता। यशुरुन इस्राएल आ नें का बाक्ब।ब्यवस्था ३२:१५
Isaiah 44:8 in Sunwar 8 गे ख्रिंख्रि पा महिनीन। गो साइ रे इन कली मदेंङा ङा? गेपुकी आं सांकछी बाक्नीनी। गो आं ङा लाक्शा अरु परमप्रभु बाक्नीमी? आं क्येङा लाक्शा अरु सेरथे फुल्लु मबाक्ब। गो मेको मतुइक्नुङ” देंत। १सामुएल २:२
Isaiah 51:12 in Sunwar 12 परमप्रभुमी “गो इन कली थुं बारपाइक्ब नङ। गे मुर तशा, मारदे हिंनीनी? मुरपुकी घांस खोदेंशो पा बेक्नीम। भजन संग्रह ५६:५; मत्ती १०:२८; यसैया ४०:१,६
Lamentations 3:24 in Sunwar 24 आं थुंमी “परमप्रभु यावे आं भाग बाक्ब। मोपतीके गो मेको कली आस पाइनुङ” देंती। भजन संग्रह १६:५; भजन संग्रह ३:२६
Ezekiel 1:1 in Sunwar 1 मिनु ३० बर्स ङा ४ महिना ङा ५ नाक्ती ग्याइश्शा लाइक्चा पुंइसीशोपुकी नु गो केबार खोला आ नेक्था बाक्शो नङ। मिनु मेना सरीङ रोक्साक्व। मिनु गो परमप्रभु आ कोंइशो तातामी। इजीकीएल १:३; इजीकीएल ३:२३; इजीकीएल १०:१५,२०,२२; इजीकीएल ४३:३
Ezekiel 3:4 in Sunwar 4 मिनु मेकोमी आं कली “ए मुर, इस्राएली आन खिं लावो। मिनु मेको आन कली आं देंशो लोव़ नेल्ल नेंपाइक्मी।
Ezekiel 11:24 in Sunwar 24 मिनु परमप्रभु यावे आ सोक्तीम आं कली इर क्युक्ती। मिनु कोंइतीके कोंइशोमी आं कली कल्दी रागीम ग्याइश्शा लाइक्चा पुंइसीशो आन बाक्तीकेम चाक्दीत्ती। मिनु नोले मेको कोंइतीके आं रे इर गे लाक्तु। इजीकीएल ३:१२
Daniel 10:1 in Sunwar 1 मिनु पारसी रागी ङा कोरेस पिप दुम्शो बर्स सां दुम्मेनु, परमप्रभुमी बेल्त-शजर माइश्शो दानीएल कली लोव़ का तुइक्पाइक्तु। मेको लोव़ थमा बाक्त। ठेयब श्येत आ पर्बम बाक्त। मेको दानीएलमी मेको कोंइतीक तशा, रुप्तीक थुं यो ताप्तु। दानीएल १:२१; दानीएल १:७
Matthew 8:26 in Sunwar 26 मिनु येसुमी “मारदे हिंनी? गे थमा पा थमा सुइक्ने मचाप्बपुकी” देंशा बोक्शा, फश नु समुन्द्र आस कली हुइक्ता बाक्त। मिनु सिक्सी पाम्से बाक्त। भजन संग्रह ८९:१०; प्रेरित २७:२२,३४
Matthew 10:28 in Sunwar 28 इन रां कली साइक्ने चाप्ब। तन्न इन सोक्ती कली साइक्ने मचाप्बपुकी आन कली तशा महिनीन। रां नु सोक्त निम्फा नरकमी खतम पने चाप्ब कली तशा चहिं हिनीन। हिब्रू १०:३१; याकूब ४:१२
Matthew 28:5 in Sunwar 5 मिनु परमप्रभु यावे आ स्वर्ग ङा गेय पाइबमी मीश मुर आस कली “महिनीसे। गे शीमी क्याइश्शा साइश्शो येसु कली माल्थ पिसी ममाइ?
Luke 1:13 in Sunwar 13 मिनु परमप्रभु यावे आ स्वर्ग ङा गेय पाइबमी “जकरिया महिनो। परमप्रभु यावेमी इ पुंइशो गेब। इ मीश एलीशीबाम तौ का थीब। मिनु गे मेको आ नें यूहन्ना वोतो।
Luke 1:30 in Sunwar 30 मिनु गाब्रीएलमी “ए मरीयम, महिनो। परमप्रभु यावेमी इ कली दाक्शा योव़ते।
Luke 12:32 in Sunwar 32 गे आइक्च बगाल, महिनीन। मारदे हना इन आफोमी इन कली आ राज्यम वोइक्चा दाक्ब। लूका २२:२९
Acts 10:10 in Sunwar 10 मिनु ङोइश्शा बाक्मेनु, शोव़लु बेक्शा जज दाक्माक्त। खिं ङा मुरपुकी चहिं क्येना क्येन बाक्मा बाक्त। मिनु पत्रुसमी प्रभुमी कोंइशो कोंइतीक तवा बाक्त।
Acts 10:22 in Sunwar 22 मिनु मेकोपुकीमी “कोरनेलीयस आ सोइश्शो नकी। कोरनेलीयस कप्तान बाक्ब। परमप्रभु कली मान पा हिंब, रिम्शो मुर बाक्ब। यहूदीपुकीमी यो रिम्शो मुर बाक्ब, दे मिम्नीम। परमप्रभु आ स्वर्ग ङा गेय पाइब कामी कोरनेलीयस कली ‘योप्पा सहरमी सिमोन पत्रुस माइश्शो कली माल्शा चाक्शा आ लोव़ नेंचा’ देंतीके इन कली ब्रथ जाक्तक” देंमा बाक्त।
1 Corinthians 3:22 in Sunwar 22 इन कली शेंब, गो पावल, आपोल्लोस, केफास नु रागी, ब्रोंइचा नु बेक्चा, मुल मार दुम्शो बाक्बा नु नोले मार दुम्बा, नेल्ल इन के बाक्नीम।
Hebrews 1:1 in Sunwar 1 साइ नेसी परमप्रभु यावेमी आ लोव़ पाइब आन कली मार मार पपाइश्शा नु कोंइशा, इं किकी पिपी नु लोव़ पाइबाक्माक्त।
Hebrews 13:5 in Sunwar 5 क्येट चेम्चा गे इन थुं महिरदीने। गेपुकी नु मार मार बाक्मा, मेको मोशोमीन इन थुं नाइश्शा बाक्कीन। मारदे हना मेकोमी “गे नु बाक्नुङ, मिनु गेनायो मप्रोंइनन” देंब। यहोसु १:५; १तिमोथी ६:६
Revelation 1:17 in Sunwar 17 मिनु गोमी मेको मोदेंशो तङानु, बेक्शो मुर खोदेंब पा मेको आ खोइलीम गोल्ती। मिनु मेकोमी चहिं आ ग्युरा गुइ आं तारी वोइश्शा “महिनो, गो नेल्ल क्येङा ङोंइती नु नेल्ल क्येङा नोले ङा नङ। दानीएल ८:१८
Revelation 21:3 in Sunwar 3 मिनु गो ठेयब नित्तीके रे ठेयब सेंदा का ग्रूशो नेंता। मेकोमी “कोव़ङीन, परमप्रभु यावे आ बाक्तीकेमी मुरपुकी यो बाक्नीम। परमप्रभु यावे मुरपुकी नु बाक्ब। मेकोपुकी परमप्रभु यावे आ मुर बाक्नीम। मिनु परमप्रभु यावे आ मुरपुकी नु बाक्ब। प्रस्थान २९:४३५; येरमीया ७:२३