Galatians 3:22 in Sunwar 22 तन्न परमप्रभु यावेमी ब्रेक्पाइश्शो लोव़मी “मुर नेल्ल पाप आ वाइलीम वाइल दुम्शो बाक्नीम” दे ब्रेक्शो बाक्ब। सु सुमी येसु ख्रीस्त कली थमा सुदमे, मेको आन थमा सुइश्शोमीन “पाप रे ब्रोंइचा ताइनीम” दे गेशो लोव़ खाप्शो ताम्तेक्म। रोमी ३:९-२०; रोमी ११:३२
Other Translations King James Version (KJV) But the scripture hath concluded all under sin, that the promise by faith of Jesus Christ might be given to them that believe.
American Standard Version (ASV) But the scriptures shut up all things under sin, that the promise by faith in Jesus Christ might be given to them that believe.
Bible in Basic English (BBE) However, the holy Writings have put all things under sin, so that that for which God gave the undertaking, based on faith in Jesus Christ, might be given to those who have such faith.
Darby English Bible (DBY) but the scripture has shut up all things under sin, that the promise, on the principle of faith of Jesus Christ, should be given to those that believe.
World English Bible (WEB) But the Scriptures shut up all things under sin, that the promise by faith in Jesus Christ might be given to those who believe.
Young's Literal Translation (YLT) but the Writing did shut up the whole under sin, that the promise by faith of Jesus Christ may be given to those believing.
Cross Reference Psalm 143:2 in Sunwar 2 मिनु इन गेय पाइब कली निसाफ पा दोस मगेने। मारदे हना ब्रोंइशोपुकी इन ङोंइती ठीक पाइब सुइ मबाक्नीम। भजन संग्रह १३०:३; अय्युब ९:२; रोमी ३:२०
Mark 16:16 in Sunwar 16 सुमी थमा सुइश्शा, ब्वाक्कुमी ख्रुम्शा ग्रुंइचा पुंइसीबा, मेको ब्रोंइचा ताइब। सुमी चहिं थमा मसुइक्बा, मेको सजाइ गेचा पुंइसीब। प्रेरित २:३८; प्रेरित १६:३१-३३
John 3:15 in Sunwar 15 मारदे क्युक्चा पुंइसीब देंशा हना, सुमी मेको कली थमा सुइक्बा, मेको गेना हना यो ब्रोंइशा बाक्चा ताइब” देंत।
John 3:36 in Sunwar 36 सुमी आ तौ आ देंशो थमा सुइक्बा, मेको गेना हना यो ब्रोंइशा बाक्चा ताइब। सुम चहिं आ देंशो मटीबा, मेको गेना हना यो ब्रोंइशा बाक्चा मतथु, परमप्रभु यावे आ गाइश्शो ताइब” दे यूहन्नामी शेंताक्व।
John 5:24 in Sunwar 24 नोफा दाइश्शा नेनीन, सुमी आं लोव़ नेंबा नु आं कली सोइक्ब आं आफ परमप्रभु यावे कली थमा सुइक्बा, मेको गेना हना यो ब्रोंइशा बाक्चा ताइब। सजाइ मताइब। मारदे हना बेक्शो रे गेना हना यो ब्रोंइशा बाक्चा ताइब। यूहन्ना ३:१६-१८
John 6:40 in Sunwar 40 मिनु सु सुमी परमप्रभु यावे आ तौ, दे आं कली तुइक्नीमी नु थमा सुइक्नीम। मेको आन कली नोले ङा नाक्तीमी सेंपाइश्शा, गेना हना यो ब्रोंइशा बाक्चा गेनुङमी। आं आफ आ दाक्शो गेय मेकोन बाक्त” दे यहूदी आन कली शेंताक्व। यूहन्ना ५:२९; यूहन्ना ११:२४
John 11:25 in Sunwar 25 मिनु येसुमी “गो सेंपाइक्ब नु ब्रोंइपाइक्ब नङ। आं कली थमा सुइक्ब बेक्तेक्म हना यो, सेंसीनीम।
John 12:46 in Sunwar 46 रागी ङा मुर आन कली परमप्रभु यावे आ पर्बम तुइक्पाइक्चा कली गो रागी कली छेङछेङ दुम्शा जाक्ती। मोपतीके सुम आं कली थमा सुइक्बा, मेको छिङछिङमी मबाक्ब।
John 20:31 in Sunwar 31 मिनु मेको ब्रेक्शो छक लाक्चा ङा गेयपुकी मारदे ब्रेक्शो बाक्नीम देंशा हना, गेपुकीमी “येसु ख्रीस्त, परमप्रभु यावे आ तौ बाक्ब” दे थमा सुइक्ने चापीन। मिनु थमा सुइश्शा, आ नेंमी गेना हना यो ब्रोंइशा बाक्चा ताइनीनी, दे ब्रेक्शो बाक्ब। १यूहन्ना ५:१३
Acts 16:31 in Sunwar 31 मिनु पावल नु सिलासमी “प्रभु येसु कली थमा सुतो। मिनु गे नु इ खिं ङा मुर नेल्लेमी पाप क्याम्चा पुंइसीशा गेना हना यो ब्रोंइशा बाक्चा ताइनीनी” देंसा बाक्त।
Romans 3:9 in Sunwar 9 मिनु मार देंचा देंशा हना, अर्को जात क्येङा गो यहूदी रिम्शो मुर नया? मनय। मारदे हना गो यहूदीपुकी यो अर्को जात ङा मुर खोदेंशो पा पापी बाक्नय। रोमी १:१८; रोमी २:२४
Romans 3:23 in Sunwar 23 मारदे हना नेल्लेमी पाप पाम्तेक्म। मोपतीके परमप्रभु यावे आ छेङछेङम जाक्दीन्ने मचाप्नीम। उत्पत्ती ८:२१
Romans 4:11 in Sunwar 11 आ थमा सुइश्शोमी ठीक दुम्पाइक्चा कली ख्रोइक्तीक चिनु छाप खोदेंशो पा ताप्तु। मारदे हना मेको ङोंइतीन थमा सुइक्ब बाक्त। मोपतीके मेको ख्रोइक्तीक चिनु मख्रोइश्शो थमा सुइक्ब, ठीक दुम्शो नेल्ल आन आफ दुम्त। उत्पत्ती १७:१०-११
Romans 5:12 in Sunwar 12 मिनु ङोंइती मुर कामी परमप्रभु यावे आ देंशो लोव़ मटितीके मुर बेक्ब दुम्मा बाक्त। मिनु मेको आ तमी तौ चच युइ नेल्ले यो बेक्ब दुम्मा बाक्त। मारदे हना मेकोपुकीमी यो पाप पामे बाक्त। उत्पत्ती ३:१९; रोमी ६:२३; उत्पत्ती २:१७
Romans 5:20 in Sunwar 20 परमप्रभु यावेमी आ अरेशो लोव़ ब्रेक्पदा रे पाप तुइक्ना तुइक्न लाम्तेक्म। मिनु पाप ठेयब दुम्मेनु, परमप्रभु यावे आ शिशी मेको क्येङा ठेयब दुम्त। रोमी ७:८,१३; गलाती ३:१९
Romans 10:9 in Sunwar 9 मिनु गेपुकीमी “येसु प्रभु बाक्ब” देंशा इन थुंमी “परमप्रभु यावेमी मेको कली बेक्शो रे सेंताक्व” दे थमा सुइक्तीनी हना, गे ब्रोंइचा ताइनीनी। मत्ती १०:३२; २कोरिन्थी ४:५
Romans 11:32 in Sunwar 32 मारदे हना परमप्रभु यावेमी इस्राएली नु अर्को रागी ङा मुर नेल्ल आन कली आ लोव़ मटिशो तशा, खाल का ङा पा वोइक्तीमी। मिनु नोले नेल्ल आन कली शिशी पाइब। गलाती ३:२२; १तिमोथी २:४
Galatians 3:8 in Sunwar 8 अर्को रागी ङा मुरपुकी थमा सुइक्तीकेमी ठीक दुम्पाइक्चा पुंइसीनीम, दे परमप्रभु यावे आ लोव़म ब्रेक्शो बाक्ब। मारदे हना अब्राहाम कली “इ लां रे पा नेल्ल रागी ङा मुरपुकीमी आसीक ताइनीम” दे ब्रेक्शो बाक्ब। उत्पत्ती १२:३
Galatians 3:14 in Sunwar 14 ख्रीस्त येसु सराप रमेनु, अर्को रागी ङा मुरपुकी यो अब्राहाम आ तशो आसीक ताइनीम। मिनु यहूदी आन पशो पतीक रे ममाइ। ख्रीस्त येसु कली थमा सुइश्शो रे पा गोपुकीमी परमप्रभु यावेमी गेनुङ देंशो आ सोक्त ताइतय, दे रुब्य।
Galatians 3:17 in Sunwar 17 आं देंशो रुपीन। परमप्रभु यावेमी अब्राहाम कली गेशो लोव़ कागज ब्रेक्शा, ब्रेप्चो दिप्शो खोदेंशो बाक्ब। मेको लोव़ गेशा, ४ सहे ३० बर्स नोले आ अरेशो लोव़ तुइक्पाइश्शो बाक्त। मेको अरेशो लोव़मी ङोंइती गेशो लोव़ ख्रोइक्ने मचाप्ब। प्रस्थान १२:४०
Galatians 3:23 in Sunwar 23 थमा सुइक्तीक जाक्चा क्येङा ङोंइती अरेशो लोव़ पना पन बाक्तक। मोपा थमा सुइक्तीक मजाक्म सम्म चोक्सीशो खोदेंशो बाक्तक। गलाती ४:३
Galatians 3:29 in Sunwar 29 ख्रीस्त नु रां का दुम्शा, अब्राहाम आ चच युइ दुम्तीनी। परमप्रभु यावेमी अब्राहाम कली गेशो लोव़ गाप्शा, हक ताइब दुम्तीनी।
2 Timothy 1:1 in Sunwar 1 गो परमप्रभु यावे आ दाक्शो ख्रीस्त येसु आ सोइश्शो पावल नङ। ङोंइती परमप्रभु यावेमी “ख्रीस्त येसुमी गेना हना यो ब्रोंइशा बाक्तीक बाक्ब” दे आ लोव़ खाप्शो बाक्त।
Hebrews 6:13 in Sunwar 13 परमप्रभु यावेमी अब्राहाम कली लोव़ गेवानु, आ क्येङा ठेयब सुइ मबाक्तीके आंम आ नें थिशा कसम जशा
Hebrews 9:15 in Sunwar 15 मोपतीके मेको नक कबल ङा गारपाइक्ब बाक्ब। मोपा ब्रेश्शोपुकी आन गेना हना यो लीब शोंप तामेक्ल। मारदे हना ख्रीस्त बेक्त। मिनु मेको आन ङोंइती ङा कबलम पशो पाप यो क्याम्साक्व। हिब्रू १२:२४; १तिमोथी २:५
2 Peter 1:4 in Sunwar 4 मोपा आ नेल्ल क्येङा ठेयब थोक्शा पशो लोव़ गेप्तु। मेको तुइश्शा, गेपुकी रागी ङा मुर आन दला दाक्स पतीके रे ब्रोंइशा, प्रोक्ने चाप्नीनी। मोपा गेपुकी परमप्रभु यावे आ पशो खोदेंशो पाइब दुम्नीनी।
2 Peter 3:13 in Sunwar 13 तन्न आ ङोंइती देंशो “नक सरीङ नु नक रागी सेल्नुङ। मेकेर नेल्ल रिम्शो नु ठीक ला पाइनीम” देंशो लोव़ रिम्नय। यसैया ६५:१७; प्रकाश २१:१; प्रकाश २१:२७
1 John 2:25 in Sunwar 25 परमप्रभु यावेमी “गो इन कली गेना हना यो ब्रोंइशा बाक्चा गेनुङ” देंशो बाक्ब।
1 John 3:23 in Sunwar 23 मिनु आ अरेशो लोव़ मार बाक्ब देंशा हना, परमप्रभु यावे आ सोइश्शो येसु ख्रीस्त कली थमा सुइक्चा नु इं दातेमी दाक्मुचा इं कली अरेशो लोव़ बाक्ब। यूहन्ना ६:२९; यूहन्ना १५:१७
1 John 5:11 in Sunwar 11 मिनु मेको आ सांकछी मार बाक्ब देंशा हना, परमप्रभु यावेमी इं कली गेना हना यो ब्रोंइशा बाक्तीक गेप्तु। मोदेंशो ब्रोंइशा बाक्तीक आ तौमी पतीके बाक्ब।