Ezekiel 37:6 in Sunwar 6 गो इन कली नारीम बोइक्नन्नी। इन श्ये वापाइक्नुङ, कुशुलम गिल्नन्नी। मिनु गो इन आगाम सोक्त कुर पाइक्नुङ। मिनु गे ब्रोंइनीनी। मिनु गेपुकीम गोन परमप्रभु यावे नङ, दे तुइक्नीनी’ ” देंत। यसैया २६:१९
Other Translations King James Version (KJV) And I will lay sinews upon you, and will bring up flesh upon you, and cover you with skin, and put breath in you, and ye shall live; and ye shall know that I am the LORD.
American Standard Version (ASV) And I will lay sinews upon you, and will bring up flesh upon you, and cover you with skin, and put breath in you, and ye shall live; and ye shall know that I am Jehovah.
Bible in Basic English (BBE) And I will put muscles on you and make flesh come on you, and put skin over you, and breath into you, so that you may have life; and you will be certain that I am the Lord.
Darby English Bible (DBY) And I will put sinews upon you, and will bring up flesh upon you, and cover you with skin, and put breath in you, and ye shall live: and ye shall know that I [am] Jehovah.
World English Bible (WEB) I will lay sinews on you, and will bring up flesh on you, and cover you with skin, and put breath in you, and you shall live; and you shall know that I am Yahweh.
Young's Literal Translation (YLT) and I have given on you sinews, and cause flesh to come up upon you, and covered you over with skin, and given in you a spirit, and ye have lived, and ye have known that I `am' Jehovah.'
Cross Reference Deuteronomy 29:6 in Sunwar 6 गेपुकीमी शोब्ले मजनी, अङगुर शांबु नु रकसी यो तूचा मतनी, तन्न ब्रोंइतीनी। मिनु गो परमप्रभु यावे, इन परमप्रभु नङ, दे गेपुकीमी रुप्तीनी।
1 Kings 20:28 in Sunwar 28 मिनु परमप्रभु आ मुर का इस्राएल ङा पिप आ बाक्तीकेम जाक्शा, मेको कली “परमप्रभु यावेम ‘अरामीपुकीम परमप्रभु यावे, इस्राएली आन परमप्रभु पहाड ङा देवता ला बाक्ब। बेंसी ङा देवता ममाइ, दे मिम्शो बाक्नीम। मोपतीके गो एको ठेयब हुल लडाइ पाइब आन कली इ गुइमी गेनुङ। मिनु गे गोन परमप्रभु यावे नङ, दे तुइक्नेवे’ देंत” देंमाक्त। प्रस्थान ७:५
Isaiah 49:23 in Sunwar 23 मिनु पिपपुकी इ कली कोव़ब आफ नु पिपीमपुकी इ कली दूध तुंइब ममा दुम्नीम। मेकोपुकी इ ङोंइती बाप्शा, इ फुरक लुम्सीशो खोइली तुक्नीम। मिनु गो परमप्रभु यावे नङ, दे तुइक्नेवे। आं लां रिम्शा बाक्बपुकी मुने मदोक्नीम” देंत। भजन संग्रह ७२:९; यसैया ६०:१६
Ezekiel 6:7 in Sunwar 7 इन दातेमी मुर साइक्चा पुंइसीशा गोल्नीम। मिनु गेपुकीमी गो परमप्रभु यावे नङ, दे तुइक्नीनी।
Ezekiel 6:13 in Sunwar 13 मेको आन साइश्शो मुर आन मूर्ति आन दाते आन चढ़ेतीक आन एर ओंथ बाक्नीम। नेल्ल डांडा ङा थानम, नेल्ले पहाडम, नेल्ल रवा आन पुंम, शुश गिग रवा आन पुंम, नु मूर्ति आन कली धूप चोतीके नेल्लेम मोदेंशो बाक्ब। १राजा १४:२३
Ezekiel 7:4 in Sunwar 4 गो इ कली शिशी मपथु, सुइ आन कली ब्रोंइचा मगेनुङ। गो इ कली इ गेय आ पर्बम नु इ मूर्ति पूजा आ पर्बम सजाइ गेनुङ। मिनु गे, गो परमप्रभु यावे नङ, दे तुइक्नेवे’ ” देंत। इजीकीएल ५:११; इजीकीएल ८:१८; इजीकीएल ९:१०
Ezekiel 7:9 in Sunwar 9 गो इ कली शिशी मपथु, सुइ आन कली ब्रोंइचा मगेनुङ। गो इ कली इ पशो खोदेंशो पा सजाइ गेनुङ। इ मूर्ति पूजा पशो इ दातेम बाक्ब। मिनु गो इ कली तुप्ब, परमप्रभु यावे नङ, दे तुइक्नेवे।
Ezekiel 11:10 in Sunwar 10 गेपुकी तरवारम साइक्चा पुंइसीशा गोल्नीनी। गो इन कली इस्राएल आ सांदम निसाफ पाइनुङ। मिनु गेपुकीम गोन परमप्रभु यावे नङ, दे तुइक्नीनी। २राजा २५:२०-२१
Ezekiel 11:12 in Sunwar 12 मेना गेपुकीम गो परमप्रभु यावे नङ, दे तुइक्नीनी। गेपुकीम आं फुल्लु मुशा ब्रेक्शो लोव़ मटिनी। आं निसाफ पतीक लोव़ यो मटिनी। तन्न गे इन एर ओंथ बाक्ब रागी रागी ङा मुर आन पतीक लोव़ पाइतीनी’ ” दे परमप्रभु यावेमी देंत।
Ezekiel 20:38 in Sunwar 38 इन दाते ङा आं कली मटीब नु मरिम्शो पाइब आन कली तिल्नुङमी। गो मेको आन कली अर्को रागी ङा मुर दुम्शा बाक्शो रागी रे ग्रुंइनुङमी। तन्न मेको इस्राएल रागी ओव़चा मताइनीम। मिनु गेपुकीम गो परमप्रभु यावे नङ, दे तुइक्नीनी।
Ezekiel 28:22 in Sunwar 22 परमप्रभु, परमप्रभु यावेमी ‘ए सीदोन, गो इ कली सजाइ गेनुङ। गो इ दातेमी आं सक्ति कोंइनुङ। गो इ दातेमी आं सक्ति कोंइशा, निसाफ पाता हना, मेकोपुकीमी गोन परमप्रभु यावे नङ’ दे तुइक्नीम
Ezekiel 32:15 in Sunwar 15 मेकोम “गो इजीप्त रागी कली मुर मबाक्शो रागी सेलुनु, मेको रागी श्येत्थ दुम्मेनु, मेकेर बाक्ब नेल्ल आन कली सदुमीनु, मेकोपुकीम गोन परमप्रभु यावे नङ, दे तुइक्नीम।
Ezekiel 34:27 in Sunwar 27 मिनु रूम बाक्शो रवाम फल सित्नीम। खपीम मारेइ मारेइ ग्रेल्नीम। मिनु मुरपुकी आंम रूमी रिम्शो बाक्ने चाप्नीम। गो मेको आन जुवा जिक्शा, मेको आन कली वाइल सेल्ब आन गुइ रे प्रोंइनुङमी। मेना गोन परमप्रभु यावे नङ, दे तुइक्नीम।
Ezekiel 35:9 in Sunwar 9 गो इ कली गेना हना यो कली श्येत्थ सेल्नन। इ सहर मुर मबाक्तीक दुम्नीम। मिनु गोन परमप्रभु यावे नङ, दे तुइक्नेवे’।
Ezekiel 35:12 in Sunwar 12 मिनु गे गो परमप्रभु यावे नङ, दे तुइक्नेवे। मिनु गो इस्राएल ङा पहाड आन पर्बम इ शुक्शी पा पशो लोव़ नेल्ल नेंता। गे मार देंते देंशा हना ‘इस्राएल ङा पहाड नेल्ल मुर मबाक्तीके दुम्शो बाक्नीम। मिनु मेको आं कली गेशो बाक्ब’ देंते।
Ezekiel 35:15 in Sunwar 15 मारदे हना गे इस्राएल मुर मबाक्तीके दुम्मेनु, आं के दुम्त, दे ग्येरसीशो बाक्ते। मोपतीके, गो यो इ कली मोदेंशोन पाइनुङ। गे सेइर पहाड नु एदोम नेल्ल मुर मबाक्तीके दुम्नीनी। मिनु गोन परमप्रभु यावे नङ, दे तुइक्नीनी” देंत।
Ezekiel 37:14 in Sunwar 14 गो आं सोक्त इन कली कुर पाइक्नन्नी। मिनु गे ब्रोंइनीनी। मिनु गो इन कली आंम इन रूम बाक्पाइक्नुङ। मिनु गेपुकीम गो परमप्रभु यावेमीन एको लोव़ पाता। मिनु मेको पाइनुङ, दे तुइक्नीनी’ देनो” दे परमप्रभु, यावेमी देंत।
Ezekiel 38:23 in Sunwar 23 मोपा गो आं ठेयब दुम्तीक नु गो आं बाक्शो परमप्रभु बाक्नुङ, दे कोंइनुङमी। मिनु शुश रागी ङा मुर आन ङोंइती आं कली तुइक्पांइसीनुङ। मेना मेकोपुकीम गोन परमप्रभु यावे नङ, दे तुइक्नीम” देंत।
Ezekiel 39:6 in Sunwar 6 गो मागोग ङा मुर नु समुन्द्र आ नेक्था रिम्शो पा बाक्शो आन तार मी सोइक्नुङ। मिनु मेकोपुकीम गोन परमप्रभु यावे नङ, दे तुइक्नीम।
Ezekiel 39:22 in Sunwar 22 मिनु मेको नाक्त रे इस्राएल आ खिं ङा मुरपुकीम गोन परमप्रभु यावे, मेको आन परमप्रभु नङ, दे तुइक्नीम।
Ezekiel 39:28 in Sunwar 28 मेना मेकोपुकीम गोन परमप्रभु यावे, आन परमप्रभु नङ, दे तुइक्नीम। मारदे हना गो मेको आन कली रागी रागी ङा मुर आन दातेम ग्याइश्शा लाइक्पाइक्तामी। मिनु का यो मजाम्चा ङा पा खुप्शा आन रागीम चाक्नुङमी।
Joel 2:27 in Sunwar 27 गो इस्राएली आन दातेमी बाक्शो बाक्नुङ। गो परमप्रभु यावे, इन परमप्रभु नङ। आं क्येङा लाक्शा, अर्को परमप्रभु मबाक्ब, दे गे तुइक्चा माल्नीनी। मिनु आं मुरपुकी लेंशा गेनायो मुने मदोक्नीम।
Joel 3:17 in Sunwar 17 “गो, परमप्रभु यावे, इन परमप्रभु आं डांडा सियोनम बाक्नुङ, दे गे तुइक्नीनी। मिनु यरूसलेम आं के दुम्ब। मिनु रागी रागी ङा मुर मेको सहर ङा लां रे पा मलाक्नीम। इजीकीएल ३४:३०