Ezekiel 29:16 in Sunwar 16 मिनु इस्राएल आ खिं ङा मुरपुकीमी इजीप्त रागी कली लेंशा गेनायो थमा मसुइक्नीम। तन्न इस्राएलम इजीप्त कली ‘वारच पाइक्की’ दे पुंइथ लशा आन पाप मिम्पाइक्नीम। मेना मेकोपुकीम गोन परमप्रभु, परमप्रभु यावे नङ, दे तुइक्नीम” देंशो बाक्ब।
Other Translations King James Version (KJV) And it shall be no more the confidence of the house of Israel, which bringeth their iniquity to remembrance, when they shall look after them: but they shall know that I am the Lord GOD.
American Standard Version (ASV) And it shall be no more the confidence of the house of Israel, bringing iniquity to remembrance, when they turn to look after them: and they shall know that I am the Lord Jehovah.
Bible in Basic English (BBE) And Egypt will no longer be the hope of the children of Israel, causing sin to come to mind when their eyes are turned to them: and they will be certain that I am the Lord.
Darby English Bible (DBY) And it shall be no more the confidence of the house of Israel, bringing iniquity to remembrance, when they turn after them: and they shall know that I [am] the Lord Jehovah.
World English Bible (WEB) It shall be no more the confidence of the house of Israel, bringing iniquity to memory, when they turn to look after them: and they shall know that I am the Lord Yahweh.
Young's Literal Translation (YLT) And it is no more to the house of Israel for a confidence, Bringing iniquity to remembrance, By their turning after them, And they have known that I `am' the Lord Jehovah.'
Cross Reference Numbers 5:15 in Sunwar 15 मेको वोंइश मुरुमी आ मीश कली चढ़ेब आ बाक्तीके चाक्चा माल्ब। मिनु मेको आ मीश आ पर्बम एफाह का ङा १० भाग ङा भाग का क्योव़ज फस चाक्चा माल्ब। मेको आ तारी तेल लुक्चा नु धूप वोइक्चा मदुम्ब। मारदे हना मेको रुश पशो आ पर्बम अन्न चढ़ेतीक बाक्ब। मेको अन्न चढ़ेतीक मरिम्शो पशो मिम्चा कली बाक्ब। एफाह का २२ लिटर ङा पुक्तीक बाक्ब।
1 Kings 17:18 in Sunwar 18 मिनु मेको मीश मुरुम एलीया कली “परमप्रभु आ मुर, गे नु गो इस दातेम मार मरिम्शो दुम्शो बाक्बा? मार, गे आं पाप कोंइशा, आं तौ कली साइक्थ जाक्नी?” देंमाक्त।
Psalm 25:7 in Sunwar 7 गो ठिटा बाक्ङा ना आं पशो पाप नु आं मरिम्शो पशो प्रेंदीन। परमप्रभु यावे, इन गेना हना यो दाक्तीके नु रिम्शो पतीकेम आं कली मिम्तीन।
Psalm 79:8 in Sunwar 8 आंइ किकी पिपी आन पशो पाप आ क्येक्क आंइ कली मलेत्तीन। आंइ कली रीब पा इन शिशी गेकी। मारदे हना आंइ थुं लुक्च लशो बाक्ब।
Isaiah 20:5 in Sunwar 5 मिनु सु सुमी ‘एथीयोपीया ङा मुरुम आंइ कली वारच पाइनीम। इजीप्त बोल्यो बाक्ब’ देंनीमी, मेको नेल्ल मुने दोक्नीम।
Isaiah 30:1 in Sunwar 1 मिनु परमप्रभु यावेमी “आबी, गे काइ मटीब आलपुकी, गे आंम इन मिम्शो पाइनीनी। तन्न आं देंशो मटीनीनी। गे कबल का पाइनीनी। तन्न आं दाक्शो मिम्शो कबल ममाइ। पाप तारी पाप तेम्नीनी। यसैया १:२
Isaiah 31:1 in Sunwar 1 आबी, इजीप्त रागी कली “वारच पाइक्की” दे लाइबपुकी, मेकोपुकी शारा कली थमा सुइक्ब बाक्नीम। बग्गी कली थमा सुइक्नीम। मारदे हना मेकेर शुश बाक्नीम। शारा ङोइक्ब आन कली थमा सुइक्नीम। मारदे हना मेको शुश बोल्यो बाक्नीम। तन्न मेकोपुकीम इस्राएली आन का ला बाक्शो परमप्रभु यावे कली ममिम्थु, हिल्लो मपाइनीम। यसैया ३०:१-२; भजन संग्रह २०:८
Isaiah 36:4 in Sunwar 4 मिनु राब्शाकेमी मेको आन कली “गे हिज्कीयाह कली अस्सुर ङा ठेयब पिपमी इन कली मार देंत देंशा हना, ‘गे मार कली आस पा थमा सुइक्नीनी?
Isaiah 64:9 in Sunwar 9 परमप्रभु यावे, शुश मगाइक्तीने। आंइ मरिम्शो पशो गेना हना यो ममिम्तीन। आंइ कली कोव़ङीन, गो नेल्ल इन मुर बाक्नीकी।
Jeremiah 2:18 in Sunwar 18 गे मारदे इजीप्त रागी लाइनीनी? नील खोला ङा ब्वाक्कु तूथ लाइनीनी? गे अस्सुर रागी लनीनु, मार रिम्शो दुम्बा ङा? गे युफ्रेटीस खोला ङा ब्वाक्कु तूथ लाइनीनी?
Jeremiah 2:36 in Sunwar 36 गे इ गाक्तीक लां फाइक्ना फाइक्न एर ओंथ पाइक्नेवे? दोपा अस्सुरम इ कली मुने दोक्पदा। मोपान इजीप्तमी यो इ मुने तोक्ब। २राजा २२:३३-३५; यसैया ३०:३
Jeremiah 14:10 in Sunwar 10 परमप्रभु यावेमी मेको मुर आन पर्बम “मेकोपुकी थमा पा हिरना हिरन बाक्नीम। हेंथे गाक्चा दाक्नीमी। थमा पा ठीक लां मगाक्नीम। मोपतीके परमप्रभु यावेम मेको आन कली मब्राइब। मुल मेकोमी आन मरिम्शो पशो आ पर्बम मिम्ब। मिनु मेको आन कली आन पाप आ पर्बम सजाइ गेब” देंत।
Jeremiah 37:5 in Sunwar 5 मेना फाराओ आ लडाइ पाइबपुकी इजीप्त रे जाक्शो बाक्तेक्म। मिनु कल्दी ङा मुरपुकीमी यरूसलेम कली एर ओंथ नेल्ल रे पुम्शो लोव़ नेंतेक्म। मिनु मेकोपुकी यरूसलेम रे नोले शोंइसाक्म।
Lamentations 4:17 in Sunwar 17 वारच पाइब जाक्बा, कों देंशा लां कोव़शा मिक्च चोप्तु। रागी कामी आंइ कली वारच पाइबा कों, दे कोव़शा बाक्तक। तन्न मेकोमी आंइ कली प्रोंइने मचब।
Ezekiel 17:15 in Sunwar 15 तन्न यरूसलेम ङा पिपमी मेको बेबीलोन ङा पिप कली मटिथु, इजीप्त रागीम शारा नु ठेयब हुल का लडाइ पाइब गेयीनी, दे मुर सोइक्ताक्व। मार, मेको कली रिम्शो दुम्बा ङा? मार मोदेंशो गेय पाइब मुर ब्रोंइने चाप्बा ङा? कबल पशो प्रोंइशा यो, मेको ब्रोंइने चाप्बा ङा?” देंत।
Ezekiel 21:23 in Sunwar 23 तन्न यरूसलेम ङा मुर आन कली मेको लिंक्यु कोव़तीक दूली बाक्त, दे मिम्नीम। मारदे हना मोदेंशो मदुम्ब, दे कसम जशो लोव़ नेंशो बाक्तेक्म। तन्न परमप्रभुम मेको आन मरिम्शो पशो मिम्पाइक्ब। मिनु मेको आन कली ग्याइक्पाइक्ब।
Ezekiel 28:22 in Sunwar 22 परमप्रभु, परमप्रभु यावेमी ‘ए सीदोन, गो इ कली सजाइ गेनुङ। गो इ दातेमी आं सक्ति कोंइनुङ। गो इ दातेमी आं सक्ति कोंइशा, निसाफ पाता हना, मेकोपुकीमी गोन परमप्रभु यावे नङ’ दे तुइक्नीम
Ezekiel 28:26 in Sunwar 26 मेकोपुकी मेकेर मारेइ मदुम्थु बाक्नीम। मेकोपुकीम खिं सेल्नीम। मिनु अङगुर ख्रुम्नीम। मिनु गो मेको आन कली तशा, ग्रांग्रा दीब नेल्ल आन कली सजाइ गेनुङमी। गो मेको आन नेक्था बाक्ब मेको आन कली मदाक्ब आन कली निसाफ पङानु, मेकोपुकी रिम्शो पा बाक्नीम। मिनु मेकोपुकीम ‘गोन परमप्रभु यावे, आन परमप्रभु नङ’ दे तुइक्नीम” देंत।
Ezekiel 29:6 in Sunwar 6 मेना इजीप्त रागीम बाक्ब नेल्लेम गोन परमप्रभु यावे नङ, दे तुइक्नीम। गे इस्राएल आ खिं ङा मुर आन कली बुदी मीलु के कोक्के खोदेंशो दुम्शो बाक्नेवे। २राजा १८:२१
Ezekiel 29:9 in Sunwar 9 मिनु इजीप्त रागी मुर मबाक्तीके नु गोरशो रागी दुम्ब। मेना मेकोपुकीम गोन परमप्रभु यावे नङ, दे तुइक्नीम। गे ‘नील खोला आं केन बाक्ब। गो मेको सेल्ता’ देंते।
Ezekiel 29:21 in Sunwar 21 मेको नाक्ती गो इस्राएल आ खिं ङा मुर रे ग्रोव़ का वापाइक्नुङ। मिनु गो इ कली मेको आन दातेमी ब्वाक्पाइक्नन। मेना मेकोपुकीम गोन परमप्रभु यावे नङ, दे तुइक्नीम” देंत।
Hosea 5:13 in Sunwar 13 एफ्राइम नु यहूदामी आस श्येत तुइक्तसे नोले, एफ्राइममी अस्सुर ङा ठेयब पिप कली ‘वारच पने’ दे पुंइथ मुर सोइक्ताक्व। तन्न मेकोमी इ कली वारच पने मचाप्ब। होसे ७:११; होसे १०:६; होसे १२:२
Hosea 7:11 in Sunwar 11 “एफ्राइम निप्स मपाइश्शो ढुकुर खोदेंशो बाक्ब। मेको कली निप्स मपाइश्शो आन कली खोदेंशो पा जोल पने चाम्सीब। मुल मेकोपुकीमी इजीप्त रागी कली ‘वारच पने’ दे ब्रेत्नीम। इच्का नोले मेकोपुकीमी अस्सुर रागी कली ब्रेत्नीम। होसे ५:१३
Hosea 8:13 in Sunwar 13 मेकोपुकीमी आं कली चढ़ेनीम। मिनु श्ये ब्वाइनीम। तन्न परमप्रभु यावे मेकोपुकी नु मग्येरसीशो बाक्ब। मुल परमप्रभु यावेमी मेको आन मरिम्शो पशो मिम्शा, मेको आन कली सजाइ गेब। मिनु मेकोपुकी इजीप्त रागीमी लेश्शा लाइनीम।
Hosea 9:9 in Sunwar 9 गिबा ङा नाक्त खोदेंशो पा मेकोपुकी काइ मरिम्शो गेय पाम्तेक्म। परमप्रभु यावेमी मेको आन मरिम्शो पशो मिम्शा सजाइ गेब। होसे १०:९; न्यायाधीस १९:२२-३०; न्यायाधीस २०:१३
Hosea 12:1 in Sunwar 1 एफ्राइममी आं कली लोव़ पाइब। मेकोमी नेल्ल नाक्त पूर्ब ङा फश कली खेदा पाइब। मेकोमी जोल नु हुश ख्राक्श पोक्चा बारपाइक्ब। मेको अस्सुर नु गारब। मिनु इजीप्त रागी कली तेल सोइक्ब। होसे ५:१३
Hosea 14:3 in Sunwar 3 अस्सुर ङा मुरपुकीमी आंइ कली प्रोंइने मचाप्नीम। गोपुकी लडाइ पथ शारा ङोइश्शा मगाक्नीकी। मिनु गो आंम सेल्शो थोव़क कली ‘इं परमप्रभु’ दे गेनायो मदेंनीकी। मारदे हना रोम रोइक्चपुकीमी इन शिशी ताइनीम” दे परमप्रभु कली देंनीन।
Hebrews 10:3 in Sunwar 3 तन्न मेको चढ़ेशोमी बर्स बर्समी पाप मिम्पाइक्ब, गेनायो मप्रेंसीब। लेवी १६:३४
Hebrews 10:17 in Sunwar 17 गो मेको आन पशो पाप प्रेंशा गेनायो ममिम्नुङ” देंशो बाक्ब। येरमीया ३१:३३-३४
Revelation 16:19 in Sunwar 19 मिनु मेको ठेयब सहर सां दुम्त। रागी रागी ङा सहरपुकी ब्रेत्तेक्म। मिनु परमप्रभु यावेमी बेबीलोन ठेयब सहर कली फ्रुक्तु। मारदे फ्रुक्तु देंशा हना, मेको मुर आन पाप तशा “गो सजाइ गेनुङमी” दे गाइश्शा फ्रुक्तु। प्रकाश १४:८-१०