Ezekiel 28:26 in Sunwar 26 मेकोपुकी मेकेर मारेइ मदुम्थु बाक्नीम। मेकोपुकीम खिं सेल्नीम। मिनु अङगुर ख्रुम्नीम। मिनु गो मेको आन कली तशा, ग्रांग्रा दीब नेल्ल आन कली सजाइ गेनुङमी। गो मेको आन नेक्था बाक्ब मेको आन कली मदाक्ब आन कली निसाफ पङानु, मेकोपुकी रिम्शो पा बाक्नीम। मिनु मेकोपुकीम ‘गोन परमप्रभु यावे, आन परमप्रभु नङ’ दे तुइक्नीम” देंत।
Other Translations King James Version (KJV) And they shall dwell safely therein, and shall build houses, and plant vineyards; yea, they shall dwell with confidence, when I have executed judgments upon all those that despise them round about them; and they shall know that I am the LORD their God.
American Standard Version (ASV) And they shall dwell securely therein; yea, they shall build houses, and plant vineyards, and shall dwell securely, when I have executed judgments upon all those that do them despite round about them; and they shall know that I am Jehovah their God.
Bible in Basic English (BBE) And they will be safe there, building houses and planting vine-gardens and living without fear; when I have sent my punishments on all those who put shame on them round about them; and they will be certain that I am the Lord their God.
Darby English Bible (DBY) They shall dwell in it in safety, and shall build houses and plant vineyards; and they shall dwell in safety, when I have executed judgments upon all those that despised them round about them: and they shall know that I [am] Jehovah their God.
World English Bible (WEB) They shall dwell securely therein; yes, they shall build houses, and plant vineyards, and shall dwell securely, when I have executed judgments on all those who do them despite round about them; and they shall know that I am Yahweh their God.
Young's Literal Translation (YLT) And they have dwelt on it confidently, And builded houses, and planted vineyards, And dwelt confidently -- in My doing judgments, On all those despising them round about, And they have known that I, Jehovah, `am' their God!'
Cross Reference Exodus 29:46 in Sunwar 46 गो मेको आन दातेमी बाक्चा कली मेको आन कली इजीप्त रे ग्रुंइब मेको परमप्रभु यावे, आन परमप्रभु नङ। गो मेको आन परमप्रभु यावे नङ, दे मेकोपुकीम तुइक्चा माल्नीम। प्रस्थान २०:२
Leviticus 25:18 in Sunwar 18 गेपुकीमी आं फुल्लुम मुशा ब्रेक्शो लोव़ तुइश्शा पचा माल्नीनी। आ पावो, दे अरेशो लोव़ टिने। मोपा ला गे मेको रागीमी रिम्शो पा बाक्ने चाप्नीनी। लेवी २६:५; १राजा ५:५
Deuteronomy 12:10 in Sunwar 10 तन्न यर्दन शोक्शा, परमप्रभु यावे, इन परमप्रभुमी इन कली गेशो रागीमी बाक्नीनी, मिनु इन एर ओंथ बाक्शो इन जोरी सत्रु रे ब्रोंइशा, श्येत मजथु बाक्नीनी। यहोसु १:१३; यहोसु २१:४४; १राजा ५:५; भजन संग्रह ९५:११; होसे २:२०; हिब्रू ४:११
1 Kings 4:25 in Sunwar 25 सोलोमन बाक्म सम्म दान रे बेयर-शेबा सम्म यहूदा नु इस्राएल रिम्शो दुम्शा बाक्सा बाक्त। मुर नेल्ल आंम आंम अङगुर नु फोव़शी जशा बाक्मा बाक्त। लेवी २५:१८
Proverbs 14:26 in Sunwar 26 परमप्रभु यावे कली मान पा हिंचा, मेको मुर आ ख्रुइश्शा ब्रोंइशा बाक्तीक बाक्ब। मेको आ आलपुकीमी यो मेको ताइनीम। हितोपदेस १८:१०
Isaiah 13:1 in Sunwar 1 आमोज आ तौ यसैयामी बेबीलोन आ पर्बम तशो नु तुइश्शो लोव़ एको बाक्ब। येरमीया २३:३३
Isaiah 17:14 in Sunwar 14 नाक्दो हिंचा ङा श्येत जाइनीम। नां सोव़चा क्येङा ङोंइती मेको नेल्ल बेक्नीम। आंइ मार मार रोइक्ब नु खुइ पाइबपुकी मोदेंशो दुम्नीम। यसैया ३७:३६
Isaiah 33:1 in Sunwar 1 आबी, गे खतम पोक्ब, मुल सम्म गे खतम पोक्चा मपुंइसीशो बाक्नेवे। गे रोइक्ब बाक्नेवे। तन्न सुइमी मारेइ मरोइक्थु, गे खतम पोक्चा पुंइसीनेवे। मिनु इ रोइक्चा नुप्त हना, इ मारेइ मारेइ रोइक्चा पुंइसीनेवे। मत्ती ७:२
Isaiah 65:21 in Sunwar 21 मेकोपुकी खिं सेल्शा, बाक्नीम। मिनु मेकेर अङगुर ख्रुम्शा, ग्येरशा ब्वाइनीम। यसैया ६२:८
Jeremiah 23:6 in Sunwar 6 मेकोम सासन पवा ना यहूदा श्येत रे प्रोंइचा पुंइसीब। मिनु इस्राएल मारेइ मदुम्थु बाक्ब। मेको आ नेंम मेकोपुकी तुइक्चा पुंइसीनीमी। मेको आ नें ‘परमप्रभु यावे आंइ कली ठीक पाइब बाक्ब’ देंनीम” देंत। ब्यवस्था ३३:२८; येरमीया ३३:१६; यसैया ४५:२४
Jeremiah 29:5 in Sunwar 5 गेपुकी मेकेर खिं सेल्शा बाक्कीन। रूम मार मार शोक्शा जने।
Jeremiah 29:28 in Sunwar 28 मेकोमी बेबीलोनम आंइ कली ओदेंशो लोव़ सोइक्ताक्व। गे शुश बर्स मेकेर बाक्चा माल्नीनी। मोपतीके खिं सेल्शा बाक्कीन। मिनु रूम मार मार शोक्शा जने” दे ब्रेक्शो बाक्त।
Jeremiah 30:16 in Sunwar 16 मोपतीके गे इ कली दाक्ब नेल्ल दाक्चा पुंइसीनीम। इ जोरी सत्रु नेल्ल ग्याइश्शा लाइक्चा पुंइसीनीम। इ कली रोइक्बपुकी रोइक्चा पुंइसीनीम। इ कली खतम पोक्ब आन कली गो खतम पोक्नुङमी। यसैया ३३:१; इजीकीएल ३९:१०
Jeremiah 31:4 in Sunwar 4 गो इ कली लेंशा सेल्नुङ। गे लेंशा सेल्चा पुंइसीनेवे। मिनु गे कन्ने मीश आल, इस्राएल, गे लेंशा इ खैजडी शेशा, ग्येरसीशोपुकी नु सिल पथ लाइनेवे।
Jeremiah 32:15 in Sunwar 15 मारदे हना मुर नेल्ल आन परमप्रभु यावे, इस्राएली आन परमप्रभुमी “मेको रागीमी खिं, रू नु अङगुर रू ग्याप्नीम” देंत। येरमीया ३२:१५
Jeremiah 33:16 in Sunwar 16 मेको नाक्ती यहूदा श्येत रे प्रोंइचा पुंइसीब। मिनु यरूसलेम मारेइ मदुम्थु बाक्ब। मिनु मेको आ नें आंइ कली ठीक सेल्ब परमप्रभु यावे” देंनीम। ब्यवस्था ३३:२८
Jeremiah 46:1 in Sunwar 1 परमप्रभु यावेम रागी रागी आन पर्बम आ लोव़ पाइब येरमीया कली लोव़ पाप्तु।
Lamentations 1:8 in Sunwar 8 यरूसलेममी ठेयब पाप पाप्तु। मोपतीके मेको शुक्शी पाइक्चा पुंइसाक्व। ङोंइती मेको कली मान पाइब नेल्ले मुल महिक्नीम। मारदे हना मेकोपुकीमी मेको कली शिश्रा ताम्तेक्म। मेको आंमान हुकयी पा आ कुल ख्रुइक्ब।
Ezekiel 25:1 in Sunwar 1 परमप्रभु यावेमी आं कली लोव़ पाप्तु।
Ezekiel 28:22 in Sunwar 22 परमप्रभु, परमप्रभु यावेमी ‘ए सीदोन, गो इ कली सजाइ गेनुङ। गो इ दातेमी आं सक्ति कोंइनुङ। गो इ दातेमी आं सक्ति कोंइशा, निसाफ पाता हना, मेकोपुकीमी गोन परमप्रभु यावे नङ’ दे तुइक्नीम
Ezekiel 28:24 in Sunwar 24 इस्राएल आ खिं ङा मुर नु मेको आन नेक्था ङा मुर आन दातेमी मुल श्येत गेब मुर मुल मबाक्नीम। मेकोपुकीम ‘गोन परमप्रभु, परमप्रभु यावे नङ’ दे तुइक्नीम” देंशो बाक्ब।
Ezekiel 34:25 in Sunwar 25 मेकोमी “गो मेकोपुकी नु थुं नाइश्शा बाक्तीक कबल का पाइनुङ। मिनु गो रागी कली ब्वाकी ङा जन्तु रे प्रोंइनुङ। मिनु मेकोपुकी महिंथु थुं नाइश्शा गोरशो रागी नु ब्वाकीम इप्चा ताइनीम। इजीकीएल ३७:२६; लेवी २६:६; होसे २:२०
Ezekiel 34:31 in Sunwar 31 गे आं भेडा खोदेंशो ननी। आं योव़तीके ङा भेडा बाक्नीनी। मिनु गो इन परमप्रभु नङ” दे परमप्रभु, परमप्रभु यावेमी देंत। भजन संग्रह १००:३
Ezekiel 36:22 in Sunwar 22 परमप्रभु, परमप्रभु यावेमी “मोपतीके इस्राएल आ खिं ङा मुर आन कली ‘ए इस्राएल आ खिं ङा मुर, गो इन पर्बम एको गेय मपाइनुङ। तन्न गो आं नें आ पर्बम गेय पाइनुङ। गे इन लतीक रागी रागी ङा मुर आन दातेम आं नें मरिम्शो सेल्तीनी। यसैया ४८:११; येरमीया १४:७
Ezekiel 38:8 in Sunwar 8 शुश नाक्त नोले लडाइ पचा कली इन कली ब्रेत्नीम। गेपुकीम लडाइम श्येत्थ दुम्शा लेंशा सेल्शो रागी कली लडाइ तोइनीनी। मेको मुर शुश रागी रे खुप्शा, इस्राएल ङा पहाडम चाक्शो बाक्नीम। मेकेर शुश बर्स रे मुर मबाक्म। मेकोपुकी रागी रागी रे चाक्शो बाक्तेक्म। मिनु मुल मेको नेल्ल मारेइ मदुम्थु रिम्शो पा बाक्शो बाक्नीम।
Ezekiel 38:11 in Sunwar 11 मिनु गेम ‘गो गारो महिरशो सहर कली लडाइ तोइनुङ। गो सिक्सी पा रिम्शो पा गारो महिरशो, ठेयब लाप्चो मपाइश्शो नु आग्लो मपाइश्शो सहरम बाक्ब मुर आन रागी कली लडाइ तोइनुङ।
Ezekiel 39:10 in Sunwar 10 मेकोपुकीम रू रे शी खुप्चा ममाल्नीम। ब्वाकी ङा रवा तिम्चा ममाल्नीम। मारदे हना मेकोपुकीम मेको यामीन आन मी मुइक्नीम। मेकोपुकीम आन मार मार ग्रुंइशा लाइक्ब आन के मार मार ग्रुंइशा चाक्नीम। आन कली रोइक्ब आन कली रोइक्नीम” दे परमप्रभु, परमप्रभु यावेमी देंत। येरमीया ३०:१६
Hosea 2:18 in Sunwar 18 गो मेको नाक्त मेकोपुकी, ब्वाकी ङा जन्तुपुकी, सरीङ ङा चिक्बपुकी नु खपीम ग्रेशा गाक्ब जन्तुपुकी नु कबल का पाइनुङ। मिनु मेको रागी ङा मुरपुकीमी मेना रे लिब्रा, तरवार नु लडाइ मताइनीम। मिनु मुर नेल्ल हेम्म पा बाक्चा ताइनीम। उत्पत्ती ९:९-१०; इजीकीएल ३४:२५
Amos 9:13 in Sunwar 13 मिनु परमप्रभु यावेमी “मेको नाक्त थमा पा जाक्ब। बाली नाली खुप्बमी ब्यफ वाक्ब कली ग्रुम्ब। मिनु वांचेर ब्वारबमी अङगुर ख्रुम्ब कली ग्रुम्ब। डांडा रे पा नक अङगुर रस याप्ब। मिनु डांडा नेल्ल अन्न बाला सित्नीम। लेवी २६:५; योएल ४:१८
Habakkuk 2:8 in Sunwar 8 मारदे हना गे रागी रागी ङा शुश मुर आन शोंप रोइक्ताक्नी। मुल चहिं इ साइक्तीक रे ब्रोंइशोपुकीमी इ के बाक्शो नेल्ल रोइक्नीम। गे मुर आन कली हुश ख्राक्श पोक्तीवी। गे रागी, सहरपुकी नु मेकेर बाक्ब मुर नेल्ल आन कली खतम सेल्तीवी” देंत। हबकुक २:१७
Zephaniah 2:8 in Sunwar 8 मिनु “गो मोआब नु अम्मोनी आन शुक्शी पशो नेंता। मेकोपुकीमी आं मुर आन कली मरिम्शो पाम्तेक्म। मेको आन रागी कली ‘खतम पोक्नीक’ दे हिंच कोंइताक्म। येरमीया ४८:-; येरमीया ४९:१-६
Zechariah 1:15 in Sunwar 15 रिम्शो पा बाक्ब रागी रागी ङा मुर आन कली तशा शुश गाइश्शो बाक्नुङ। गो ङोंइती इच्का ला गाइक्ताक्ङ। मिनु मुरपुकीमी तेम्शा मरिम्शो पचा गोम्तेक्म’ देंत। येरमीया ४७:६
Zechariah 2:4 in Sunwar 4 मिनु मेकोमी “दोरशा लशा मेको ठिटा कली ‘यरूसलेममी लेंशा शुश मुर बाक्चा माल्नीम। मुर नु बी ब्यफ, क्यारश भेडा शुश दुम्तीके यरूसलेम गारो मपाइश्शो गाउं खोदेंशो दुम्ब।