Ezekiel 2 in Sunwar
1 मिनु मेकोमी आं कली “ए मुर, बोक्शा रपो। मिनु गो गे नु लोव़ पाइनुङ” देंत।
2 मिनु आं कली लोव़ पवानु, परमप्रभु यावे आ सोक्त आं आगाम ओव़शा, आं कली राप्पाइक्ती। मिनु आं कली लोव़ पशो नेंता।
3 मिनु मेकोमी आं कली “ए मुर, गो इ कली इस्राएल जात ङा मुर आन बाक्तीक सोइक्नन। मटीब रागी ङा मुर आन बाक्तीक सोइक्नन। मेकोपुकीम आं कली मटिशो बाक्नीम। मेको आन किकी पिपी नु मेकोपुकीम मुल सम्म हेंथे पा आं कली मटिशो बाक्नीम।
4 मेको आन चच युइ आं कली मटीब नु खकटा थुं पाइश्शो बाक्नीम। गो इ कली मेको आन बाक्तीक सोइक्नन। मिनु गे मेको आन कली ‘परमप्रभु, परमप्रभु यावेमी इन कली लोव़ पाइब’ देंत।
5 मेकोपुकीम नेन्मेक्ल कि मनेन्मेक्ल, मेकोपुकी नु लोव़ पावो। मारदे हना मेको मटीब आन खिं ङा मुर बाक्नीम। मिनु मेको आन दातेम परमप्रभु यावे आ लोव़ पाइब मुर का बाक्माक्त, दे तुइक्नीम। इजीकीएल २:७; इजीकीएल ५:११,२७
6 मिनु गे मेकोपुकी नु मेको आन लोव़ नेंशा महिनो। गे इ एर ओंथ चू नु चोंक बाक्तेक्म नु गे बिच्छी आन दातेम बाक्ते हना यो, महिनो। मेकोपुकीम मार देंतेक्म हना यो, मेको आन लोव़ क्येङा महिनो। मेको आन कोव़शोम ग्येत्थ लुक्च मदुमो। मारदे हना मेको मटीब आन खिं ङा मुर बाक्नीम। येरमीया १:८
7 गे मेको आन कली आं लोव़ पचा माल्नेवे। मेकोपुकीम नेन्मेक्ल कि मनेन्मेक्ल। मारदे हना मेकोपुकी मटीब आन खिं ङा मुर बाक्नीम।
8 तन्न गे आं लोव़ नेनो। गे मेको मटीब आन खिं ङा मुर खोदेंशो मदुमो। इ शोव़ पाक्को। मिनु गो मार गेना, मेको जावो” देंत।
9 मिनु गो कोव़ङुनु, गुइ का आं गे दिंशो ताता। मेकेर ब्रेक्शा ओल्शो कागज का बाक्त। प्रकाश १०:८
10 मिनु मेकोम, मेको आं ङोंइती प्राक्शा कोंइताक्यी। मेको आ ङोंइती नु नोले, निम्फा पटटी ब्रेक्शो बाक्त। मेकेर हिशेक पतीके, रोंका पतीके नु आबी आबी, दे हिंतीके लोव़ ब्रेक्शो बाक्त।