Exodus 29:40 in Sunwar 40 ङोंइती ङा सांड नु रिम्शो चेरब फस १० भाग ङा भाग का, ४ भाग ङा हिन भाग का रिम्शो तेल मेको नु बुल्शा, ४ भाग ङा हिन अङगुर शांबु भाग का तूचा थोव़क चढ़ेचा माल्नेवे। चेरब फस एफाह का २२ लिटर खोदेंशो बाक्ब। मेको के १० भाग का २ लिटर खोदेंशो बाक्ब। हिन का ४ लिटर, ४ भाग ङा भाग का लिटर का बाक्ब।प्रस्थान २७:२०
Other Translations King James Version (KJV) And with the one lamb a tenth deal of flour mingled with the fourth part of an hin of beaten oil; and the fourth part of an hin of wine for a drink offering.
American Standard Version (ASV) and with the one lamb a tenth part `of an ephah' of fine flour mingled with the fourth part of a hin of beaten oil, and the fourth part of a hin of wine for a drink-offering.
Bible in Basic English (BBE) And with the one lamb, a tenth part of an ephah of the best meal, mixed with a fourth part of a hin of clear oil; and the fourth part of a hin of wine for a drink offering.
Darby English Bible (DBY) And with the one lamb a tenth part of wheaten flour mingled with beaten oil, a fourth part of a hin; and a drink-offering, a fourth part of a hin of wine.
Webster's Bible (WBT) And with the one lamb a tenth-portion of flour mingled with the fourth part of a hin of beaten oil; and the fourth part of a hin of wine for a drink-offering.
World English Bible (WEB) and with the one lamb a tenth part of an ephah of fine flour mixed with the fourth part of a hin of beaten oil, and the fourth part of a hin of wine for a drink-offering.
Young's Literal Translation (YLT) and a tenth `deal' of fine flour, mixed with beaten oil, a fourth part of a hin, and a libation, a fourth part of a hin, of wine, `is' for the one lamb.
Cross Reference Genesis 35:14 in Sunwar 14 मिनु याकूबमी परमप्रभु नु लोव़ पशो मिम्चा कली मेकेर फुल्लु का राप्पदा बाक्त। मिनु मेको आ तारी तूचा थोव़क चढ़ेतीक नु तेल लुक्ता बाक्त। उत्पत्ती २८:१८-१९
Exodus 16:36 in Sunwar 36 गोमेर का एफाह ङा १० भाग बाक्ब। एफाह का ठेयब पुक्तीके बाक्ब।
Exodus 30:24 in Sunwar 24 नु कस्सीया माइश्शो ब्रोव़शो रिना पाइब फू ५ सहे शेकेल, ताम्बु ङा नाक्तीकेमी नाक्शा, चाक्चा माल्नेवे। रिम्शो तेल हिन का यो चाक्चा माल्नेवे। हिन का ४ लिटर खोदेंशो बाक्ब।
Leviticus 23:13 in Sunwar 13 मेको नु अन्न चढ़ेतीक चढ़ेचा माल्नीनी। मेको अन्न चढ़ेतीक चहिं तेलम निशो एफाह के २० भाग थम रिम्शो फस दुम्चा माल्ब। मेको परमप्रभु यावे कली आ दाक्शो ब्रोव़शो रिना पाइश्शो मीम चोशा चढ़ेतीके बाक्ब। मेको नु तूचा थोव़क चढ़ेतीके हिन का ङा ४ भाग सेल्शो रे भाग का अङगुर शांबु चढ़ेचा माल्नीनी। एफाह पुक्तीके का बाक्ब। एफाह का २२ लिटर रिक्ब। मेको के २० भाग ४.४ लिटर बाक्ब। लोग आइक्च पुक्तीके का बाक्ब। मेको ०.३ लिटर रिक्ब। हिन अर्को पुक्तीक का बाक्ब। हिन का ४ लिटर खोदेंशो रिक्ब। हिन का ४ भाग सेल्शो रे भाग का लिटर का खोदेंशो बाक्ब।
Numbers 6:15 in Sunwar 15 मिनु मेकोमी डालो का बोरब ओख्ती मसुप्शो शोब्ले, थम रिम्शो तेलम निशो फस के बटुकपुकी नु तेल ख्रेक्शो बोरब ओख्ती मसुप्शो बाबरपुकी चढ़ेचा माल्ब।
Numbers 15:4 in Sunwar 4 मिनु सुमी परमप्रभु यावे कली चढ़ेबा, मेकोमी अन्न चढ़ेतीके यो चढ़ेचा माल्ब। मेको अन्न चढ़ेतीक एफाह का ङा १० भाग ङा भाग का रिम्शो फस, हिन का ङा ४ भाग ङा भाग का तेल ब्वाइश्शा, चढ़ेचा माल्नीनी। एफाह का २२ लिटर पुक्तीके बाक्ब। हिन का ४ लिटर खोदेंशो बाक्ब।लेवी २:-; गन्ती २८:५
Numbers 15:7 in Sunwar 7 तूचा थोव़क चढ़ेतीक कली हिन का ङा भाग सां ङा भाग का अङगुर शांबु चढ़ेचा माल्नीनी। मेको परमप्रभु यावे कली आ दाक्शो ब्रोव़शो रिना पाइश्शो चढ़ेतीक बाक्ब।
Numbers 15:9 in Sunwar 9 मेको नु अन्न चढ़ेतीके यो चढ़ेचा माल्नीनी। गे एफाह का ङा १० भाग ङा भाग सां रिम्शो फस नु आधा हिन तेल ब्वाइश्शा, चढ़ेचा माल्नीनी। एफाह का २२ लिटर पुक्तीक बाक्ब। हिन का ४ लिटर पुक्तीके बाक्ब।
Numbers 15:24 in Sunwar 24 गे नु ग्रुम्तीक ङा मुरुमी मतुइक्थु पशो पाप आ पर्बम मेको ग्रुम्तीक ङा मुर नेल्लेमी ब्यफ का चोशा चढ़ेचा माल्नीम। मेको परमप्रभु यावे कली आ दाक्शो ब्रोव़शो रिना पाइश्शो बाक्ब। मेको आ शेंशो खोदेंशो पा अन्न चढ़ेतीक नु तूचा थोव़क चढ़ेतीक यो चढ़ेचा माल्नीम। मिनु पाप आ पर्बम बोका का यो चढ़ेचा माल्नीम।
Numbers 28:5 in Sunwar 5 मेको नु अन्न चढ़ेतीके कली एफाह का ङा १० भाग ङा भाग का रिम्शो फस नु हिन का ङा ४ भाग ङा भाग का ख्राक्शो तेल ब्वाइश्शा चढ़ेचा माल्नीनी। एफाह का २२ लिटर पुक्तीक बाक्ब। हिन का ४ लिटर बाक्ब। ४ भाग ङा भाग का लिटर का बाक्ब।
Numbers 28:10 in Sunwar 10 मेको नाइक्तीक नाक्ती ङा चोशा चढ़ेतीके बाक्ब। मेको नाक्त किंत किंत ङा चोशा चढ़ेतीके नु तूचा थोव़क चढ़ेतीके चढ़ेशा यो मेको चढ़ेचा माल्नीनी।
Numbers 28:13 in Sunwar 13 मिनु मेको ७ ओटा पाठा नु का का पा एफाह ङा १० भाग ङा भाग का तेलम निशो रिम्शो फस चढ़ेचा माल्नीनी। एको परमप्रभु यावे कली आ दाक्शो ब्रोव़शो रिना पाइश्शो मीम चोशा चढ़ेतीके बाक्ब।
Numbers 28:24 in Sunwar 24 गे मोदेंशो चढ़ेतीके ७ नाक्त सम्म नाक्त किंत किंत जचा थोव़क कली चढ़ेचा माल्नीनी। मेको परमप्रभु यावे कली आ दाक्शो ब्रोव़शो रिना पाइश्शो मीम चोशा चढ़ेतीक बाक्ब। मेको नाक्त किंत किंत ङा चोशा चढ़ेतीके नु तूचा थोव़क चढ़ेतीके चढ़ेशा यो मेको चढ़ेचा माल्नीनी।
Numbers 29:16 in Sunwar 16 मिनु मेको नु पाप पशो आ पर्बम बोका का चढ़ेचा माल्नीनी। मेको पाप पशो क्याम्तीक गेय पचा कली चढ़ेशा यो नाक्त किंत किंत ङा चोशा चढ़ेतीके, मेको नु अन्न चढ़ेतीके नु तूचा थोव़क चढ़ेतीके चढ़ेचा माल्नीम।
Deuteronomy 32:38 in Sunwar 38 आन क्योरशा चढ़ेतीके ङा बोंसो सुमी ब्ववा? मिनु तूचा थोव़क चढ़ेतीके रे सुम तूङा? मेकोपुकी बोक्शा इन कली वारच पामेक्ल। मिनु इन कली प्रोन्मेक्ल। न्यायाधीस १०:१४; येरमीया २:२८
Isaiah 57:6 in Sunwar 6 बेंसी ङा खोला ङा रिम्शो फुल्लु इन कली वारच पाइब बाक्नीम। मेको आन कली तूचा थोव़क चढ़ेतीनी। मिनु अन्न यो चढ़ेतीनी। मार, गो मेको कोव़शा इन पर्बम सिक्सी पा बाक्नुङा ङा?
Ezekiel 4:11 in Sunwar 11 गे तूचा कली ब्वाक्कु यो पुक्चा माल्नेवे। हिन का ६ भाग ङा भाग का तूचा माल्नेवे। मेको गेना तूचा माल्नेवे, इ कली देंनुङ। हिन का ४ लिटर खोदेंशो बाक्ब।
Ezekiel 20:28 in Sunwar 28 गो कसम जशा मेको आन कली गेनुङ देंशो रागीम चाक्तामी। मेकोपुकीम मेकेर लाइश्शो डांडा नु शुश सफा पाइश्शो रवा ताम्तेक्म। मेकेर आन मार मार चढ़ेम्तेक्म। आं कली गाइक्पाइक्चा कली आन पोक्शो मार मार चढ़ेम्तेक्म। मेकेर आन ब्रोव़शो रिना पाइश्शो धूप चोशा, आन तूचा थोव़क चढ़ेतीक चढ़ेम्तेक्म।
Ezekiel 45:17 in Sunwar 17 तन्न सासन पाइबमी मेको चोशा चढ़ेतीक, अन्न चढ़ेतीक नु तूचा थोव़क चढ़ेतीक आं देंशो चाडम चढ़ेचा माल्ब। मेकोमी औंसी, नाइक्तीक नाक्ती नु इस्राएल आ खिं ङा मुर आन चाड नेल्लेमी चढ़ेचा माल्ब। मेकोमी पाप आ पर्बम चढ़ेतीक, अन्न चढ़ेतीक, चोशा चढ़ेतीक नु दुशा बाक्चा आ पर्बम चढ़ेतीक इस्राएली आन पाप क्याम्चा कली चाक्चा माल्ब” दे परमप्रभु यावेमी देंत। २सामुएल ६:१७-१८
Ezekiel 45:24 in Sunwar 24 मेको बोहोर का नु एफाह का अन्न चढ़ेचा माल्ब। सांड का नु एफाह का अन्न चढ़ेचा माल्ब। मिनु मेको का का पा, एफाह का कली हिन का तेल चढ़ेचा माल्ब। एफाह का २२ लिटर पुक्तीके बाक्ब। हिन का ४ लिटर बाक्ब।इजीकीएल ४६:५; गन्ती १५:४-१२
Ezekiel 46:5 in Sunwar 5 मेको जचा थोव़क चढ़ेचा कली सांड नु एफाह का अन्न चढ़ेचा माल्ब। मिनु पाठा नु अन्न गिश चढ़ेचा दाक्बा, मिश चढ़ेने चाप्ब। मिनु एफाह का का अन्न कली तेल चढ़ेचा माल्ब। एफाह का २२ लिटर पुक्तीक बाक्ब। हिन का ४ लिटर खोदेंशो बाक्ब।इजीकीएल ४५:२४
Ezekiel 46:7 in Sunwar 7 मिनु जचा थोव़क चढ़ेचा कली बोहोर नु एफाह का अन्न नु सांड नु एफाह का अन्न चढ़ेचा माल्ब। मिनु पाठा नु अन्न गिश चढ़ेचा दाक्बा, मिश चढ़ेने चाप्ब। मिनु एफाह का का अन्न कली हिन का का तेल चढ़ेचा माल्ब।
Ezekiel 46:11 in Sunwar 11 मिनु चाडपुकी नु देंशो नाक्त कली जचा थोव़क चढ़ेचा कली बोहोर नु एफाह का अन्न नु सांड नु एफाह का अन्न चढ़ेचा माल्ब। मिनु पाठा नु अन्न गिश चढ़ेचा दाक्बा, मिश चढ़ेने चाप्ब। मिनु एफाह का का अन्न कली हिन का का तेल चढ़ेचा माल्ब। एफाह का २२ लिटर पुक्तीक बाक्ब। मेको ५ पाथी आधा खोदेंशो बाक्ब।
Ezekiel 46:14 in Sunwar 14 मेको नु सुनी कुस कुस चढ़ेतीक नु एफाह ङा ६ भाग ङा भाग का अन्न, हिन का ङा ३ भाग ङा भाग का तेल रिम्शो फस ब्वाइक्चा कली चढ़ेचा माल्ब। एको परमप्रभु यावे कली अन्न चढ़ेतीक बाक्ब। मिनु मेको गेना हना यो परमप्रभु यावे कली अन्न चढ़ेतीक बाक्ब। एफाह का २२ लिटर पुक्तीक बाक्ब। हिन का ४ लिटर खोदेंशो बाक्ब।
Joel 1:9 in Sunwar 9 अन्न चढ़ेतीके नु तूचा थोव़क चढ़ेतीके परमप्रभु यावे आ खिंमी चढ़ेचा देक्शो बाक्ब। परमप्रभु यावे आ ङोंइती गेय पाइब चढ़ेबपुकी रोंका पाइनीम। योएल २:१४
Joel 1:13 in Sunwar 13 चढ़ेबपुकी, सुर्ता पा अरन्डी फेक्शा रोंका पने। चढ़ेतीकेमी गेय पाइबपुकी रोंका पने। आं परमप्रभु आ गेय पाइबपुकी, नाक्दो यो सुर्ता पा अरन्डी फेक्शा बाक्कीन। मारदे हना इन परमप्रभु आ खिंमी अन्न चढ़ेतीके नु तूचा थोव़क चढ़ेतीके देक्शो बाक्ब।
Joel 2:14 in Sunwar 14 मिनु परमप्रभु यावेमी आ थुं लेश्शा, सजाइ मगेथु, आसीक गेबा कों? मेको सुम तुइक्बा ङा? मिनु गेपुकीम परमप्रभु यावे, इन परमप्रभु कली अन्न चढ़ेतीक नु तूचा थोव़क चढ़ेतीके चढ़ेने। योना ३:९
Philippians 2:17 in Sunwar 17 गो इन थमा सुइक्चा आ पर्बम गेय पा, साइक्चा पुंइसाक्यी हना यो, ग्येरसीनुङ। गे नेल्ल नु ग्येरशा बाक्नुङ। २तिमोथी ४:६