Ephesians 6:9 in Sunwar 9 गे होव़पपुकी, इन वाइलीम वाइल आन कली प्रभुम पशो खोदेंशो पा पने। हिंच कोंइचा प्रोनीन। मारदे हना मेको आन के नु इन के प्रभु स्वर्गमी बाक्ब। मिनु प्रभुमी मुर नेल्ल आन कली उइक्थ मिम्ब।
Other Translations King James Version (KJV) And, ye masters, do the same things unto them, forbearing threatening: knowing that your Master also is in heaven; neither is there respect of persons with him.
American Standard Version (ASV) And, ye masters, do the same things unto them, and forbear threatening: knowing that he who is both their Master and yours is in heaven, and there is no respect of persons with him.
Bible in Basic English (BBE) And, you masters, do the same things to them, not making use of violent words: in the knowledge that their Master and yours is in heaven, and he has no respect for a man's position.
Darby English Bible (DBY) And, masters, do the same things towards them, giving up threatening, knowing that both their and your Master is in heaven, and there is no acceptance of persons with him.
World English Bible (WEB) You masters, do the same things to them, and give up threatening, knowing that he who is both their Master and yours is in heaven, and there is no partiality with him.
Young's Literal Translation (YLT) And the masters! the same things do ye unto them, letting threatening alone, having known that also your Master is in the heavens, and acceptance of persons is not with him.
Cross Reference Leviticus 19:13 in Sunwar 13 गे आंम नेक्था ङा मुर आन कली श्येत गेशा, मदिपीन। मिनु मेको आन मार मार मरोइक्तीन। गाल्च ताक्शा गेय पाइब आन क्येट काब नाक्दो यो इन खिंम वोइक्चा मदुम्ब। ब्यवस्था २४:१४-१५; येरमीया २२:१३; याकूब ५:४
Leviticus 25:39 in Sunwar 39 मिनु गे इन इस्राएली लोक्ब शुश प्रुङग दुम्शा, आंमा इन कली लेयसाक्म हना, मेको आन कली वाइल खोदेंशो पा गेय मपपतीन। प्रस्थान २१:२
Deuteronomy 10:17 in Sunwar 17 मारदे हना परमप्रभु यावे, इन परमप्रभु देवी देवता आन परमप्रभु बाक्ब। मेको प्रभु आन प्रभु बाक्ब। मेको नेल्ल क्येङा ठेयब, सक्ति पाइश्शो नु हिंचा ङा परमप्रभु बाक्ब। मेकोमी सुइ आन कुल मकोव़ब। मेकोमी घूस मताक्ब।
Deuteronomy 15:11 in Sunwar 11 मारदे हना रागीम श्येत जशो प्रुङगपुकी गेना हना यो बाक्नीम। मोपतीके गो इन कली इन रागीम बाक्शो श्येत जाइब इन लोक्ब नु प्रुङग आन कली तशा, हाइश्शो मुर दुम्शा गेन। मत्ती २६:११; यसैया ५८:७; याकूब २:१५-१६
Deuteronomy 24:14 in Sunwar 14 गेपुकीमी इस्राएल ङा कि इन सहरम बाक्शो अर्को रागी ङा प्रुङग नु श्येत जाइब खेत्लाम इन कली गेय पाप्तु हना, आ ततीक ठीक पा गेने।
1 Samuel 15:17 in Sunwar 17 मिनु सामुएलमी “ङोंइती गे आंमा कली आंमान शोर गाक्शो मुर मिम्शो ननी। तन्न मुल गे इस्राएली आन पिप बाक्नीनी। परमप्रभु यावेमी इन कली तेल लुक्शा इस्राएल ङा पिप सेल्तु। १सामुएल ९:२१
Nehemiah 5:5 in Sunwar 5 गो यो आंइ लोक्ब खोदेंशो बाक्नीकी। आंइ तमी तौ मेको आन तमी तौ खोदेंशो बाक्नीम। मिनु गो आंइ तमी तौ आन कली वाइलीम वाइल दुम्चा कली लेयचा माल्नीकी। आंइ तमी का निक्शी ङोंइतीन लेयचा पुंइसाक्म। गोपुकीमी मेको आन कली प्रोंइने मचाप्नीकी। मारदे हना आंइ रू नु अङगुर रू नेल्ल मुर आन के दुम्ने थुम्तु” देंतेक्म। लेवी २५:३९; २राजा ४:१; यसैया ५०:१; मत्ती १८:२५
Nehemiah 5:8 in Sunwar 8 मिनु गो मेको आन कली “गोपुकीमी अर्को रागीम लेयशो वाइलीम वाइल दुम्शो आंइ लोक्ब यहूदी आन कली आंइ चाप्शो थाप्शा, मुर आन गुइ रे प्रोंइतक। गेपुकी चहिं आंम इन लोक्ब रागी रागी ङा मुर आन कली लेयनीनी? मिनु मेकोपुकीम गो आंमान लेंशा ग्याप्चा माल्नीकी?” दे शुश हुइक्ताक्ङ। मिनु मेकोपुकी सिक्सी पा मारेइ मदेंम। लेवी २५:४७-४९
Job 24:10 in Sunwar 10 मेकोपुकी वा मबाक्तीके शिश्रा गाक्नीम। शोव़लु बेक्शा यो, क्योव़ज चेरब आ मुठा कुरनीम। यसैया ५८:७
Job 31:13 in Sunwar 13 गो आं वाइलीम वाइल आन थुं मनुशो लोव़ पाता हना, सिक्सी पपाइक्तामी।
Psalm 140:12 in Sunwar 12 परमप्रभु यावे, श्येत जशो आन कली वारच पाइब नु प्रुङग आन कली ठीक निसाफ पाइब बाक्नीनी, दे तुइक्नुङ।
Ecclesiastes 5:8 in Sunwar 8 राज्य कामी प्रुङग आन कली दिप्शो नु मेको आन कली ठीक निसाफ मपशो ताइतीनी हना, छक मलाक्कीन। मारदे हना मेको आन क्येङा अधिकार पाइश्शो का बाक्ब। मिनु मेको नेल्ल आन क्येङा ठेयब अर्को का बाक्ब। प्रस्थान २३:६
Isaiah 47:6 in Sunwar 6 गो आं मुर आन कली तशा गाइश्शा, मेको आन कली ‘आं मुर मनम’ खोदेंशो सेल्तामी। मेना इ गुइमी गेतामी। मिनु गे मेको आन कली काइ शिशी मपदी। खूशो आन कली यो श्येत गेशा, हेल्शो जवा लाप्ताक्वी। जकरिया १:१५
Isaiah 58:3 in Sunwar 3 मेकोपुकीमी ‘गो मारदे माइजा बाक्का? गे मताइनीनी। गो मारदे आंम कली ब्रेम्शो सेल्का? गे मतुइक्तीनी’ देंतेक्म। गे इन माइजा बाक्ची ना इन आंम मिम्शो पाइनीनी। मिनु इन गेय पाइब नेल्ल आन कली दिप्नीनी। येरमीया १४:१२
Daniel 3:6 in Sunwar 6 मिनु सु सुमी मोदेंशो मपाइनीमी, मेको ठेयब मी ब्रतीकेमी हुम्चा पुंइसीनीम” दे ठेयब सेंदामी तुइक्पाइश्शा देंत।
Daniel 3:15 in Sunwar 15 गेपुकीमी मुल ग्रोव़, मुराली, ठेयब नु आइक्च तार पाइश्शो नु मार मार ताप्तीक ताप्शो नेंनीनु, आं सेल्शो मूर्ति आ ङोंइती खुम्की पा बाप्शा, सेउ पाइतीनी हना, मेको इन कली रिम्शो दुम्ब। तन्न खुम्की पा बाप्शा, सेउ मपाइतीनी हना, इन कली ठेयब मी ब्रतीकेमी बो हुम्चा पुंइसीनीनी। मिनु इन कली आं गुइ रे तेको परमप्रभुम प्रोंइबाक्म?” दे माइक्तीमी। प्रस्थान ५:२; २राजा १८:३५
Daniel 5:19 in Sunwar 19 मोपा परमप्रभुमी मेको कली ठेयब दुम्तीके गेतीके जात जात नु रागी रागी ङा आंम आंम लोव़ पाइब मुर नेल्ल मेको क्येङा हिंशा, ख्रिंख्रि पाम्तेक्म। मिनु मेकोमी सु कली साइक्चा दाक्ता, मेको कली साइक्तु। सु कली ब्रोंइचा गेचा दाक्ता, मेको कली ब्रोंइचा गेप्तु। मिनु मान बारपाइक्चा दाक्शो कली मान बारपाइक्तु। सु कली दिप्चा दाक्ता, मेको कली दिप्तु।
Amos 8:4 in Sunwar 4 मिनु परमप्रभु यावेमी “गे मारेइ मथीब आन कली दिम्बपुकी नु रागी ङा प्रुङग आन कली खतम सेल्बपुकी, नेनीन। आमोस २:७
Malachi 3:5 in Sunwar 5 तन्न मेको क्येङा ङोंइती “गो निसाफ पचा कली इन बाक्तीकेमी जाक्नुङ। गो टुना मुना पाइबपुकी, मुर आन मीश वोंइश नु इप्बपुकी, जोल पा कसम जाइबपुकी, गेय पाइब आन कली गाल्च मगेबपुकी, वोंइश बेक्शो मीश मुर, रोम रोइक्च, नु अर्को रागी ङा मुर आन कली निसाफ पा मगेबपुकी नु आं क्येङा महिंब नेल्ल आन कली निसाफ पथ जाक्नुङ” दे मुर नेल्ल आन परमप्रभु यावेमी देंत।
Matthew 7:12 in Sunwar 12 गेमी दोदेंशो पपांइसीचा दाक्नीनी, गे यो मुर आन कली मोदेंशो पने। मारदे हना परमप्रभु यावे आ अरेशो लोव़ नु परमप्रभु यावे आ लोव़ पाइब आन शेंतीक लोव़ मेकोन बाक्ब। मत्ती २२:३६-४०; रोमी १३:८-१०; गलाती ५:१४
Matthew 22:8 in Sunwar 8 मिनु आ गेय पाइब आन कली ‘आं तौ आ ग्युंबे भोज ठीक सेल्ता। ब्रेश्शोपुकी चहिं भोजम जाक्चा मशिरसीशो बाक्मा बाक्त।
Matthew 22:10 in Sunwar 10 मिनु मेकोपुकीमी लां पित्थ लशा, रिम्शो मरिम्शो दोदेंशो मुर थिदमे, मोदेंशो नेल्ल आन कली खुप्शा चाक्गमे बाक्त। मिनु ग्युंबे खिं पौनापुकीम ब्रीमाक्त।
Matthew 24:48 in Sunwar 48 मरिम्शो थुं पाइश्शो गेय पाइबमी चहिं आ होव़प लम नोले ‘इच्ची ना मजाक्ब’ दे मिम्शा, २पत्रुस ३:४
Matthew 24:51 in Sunwar 51 मिनु मेको कली तुप्शा, फस सेल्शा कपटीपुकी नु काथा वोइक्ब। मेकेर मुरपुकी आन ख्रुइ शेप्शा ङाक्नीम।
Luke 6:31 in Sunwar 31 गेमी दोदेंशो पचा पुंइसीचा दाक्नीनी, गे यो मुर आन कली मोदेंशो पने। मत्ती ७:१२
Luke 12:45 in Sunwar 45 तन्न मेको गेय पाइबमी ‘आं होव़प इच्का नोले जाक्ब’ दे मिम्शा, मेकोमी गेय पाइब वोंइश मुर, मीश मुर आन कली तुप्शा श्येत गेशा, जशा तूशा, दुक्शा पाप्तु हना,
John 13:13 in Sunwar 13 गेपुकीमी आं कली शेंब नु प्रभु देंनीनी। मेको ठीक देंतीनी। मारदे हना गो मेकोन नङ। मत्ती २८:८,१०
Acts 10:34 in Sunwar 34 मिनु पत्रुसमी “परमप्रभु यावेमी सुइ आन कली मतिल्थु, उइक्थ उइक्थ मिम्ब। ब्यवस्था १०:१७; १सामुएल १६:७; रोमी २:११
Romans 2:11 in Sunwar 11 मारदे हना परमप्रभु यावेमी मुर आन कली आइक्च जात, ठेयब जात मतिल्थु ठीक निसाफ पाइब। २इतिहास १९:७; प्रेरित १०:३४; कलस्सी ३:२५; १पत्रुस १:१७
1 Corinthians 1:2 in Sunwar 2 गे कोरिन्थ सहर ङा ख्रीस्त येसुमी योव़चा पुंइसाक्नी। मोपतीके योव़शोपुकी दे ब्रेत्चा पुंइसीनीनी। गेपुकी ला ममाइ, ते ते इं प्रभु येसु ख्रीस्त आ नेंमी खुम्सीनीमी, मेक मेक ङा मुरपुकी यो इन खोदेंशो पा योव़शा, योव़शोपुकी दे ब्रेत्चा पुंइसीनीम। येसु ख्रीस्त आंइ प्रभु, इं प्रभु, थमा सुइक्ब नेल्ल आन प्रभु बाक्ब। मिनु आ नेंमी गो नेल्ल का दुम्तय। १कोरिन्थी ६:११; प्रेरित ९:१६; प्रेरित १८:१-१७
1 Corinthians 7:22 in Sunwar 22 मारदे हना प्रभुमी ब्रेत्ची ना वाइलीम वाइल बाक्तीनी, प्रभु आ ङोंइती प्रोंइचा पुंइसीशो मुर दुम्तीनी। ब्रेत्ची ना प्रोंइचा पुंइसीशो मुर बाक्तीनी हना, मुल ख्रीस्त आ वाइलीम वाइल दुम्तीनी।
Ephesians 6:5 in Sunwar 5 गे वाइलीम वाइलपुकी, इन रागी ङा होव़प कली टिने। दोपा टिचा माल्नीनी देंशा हना, गेपुकी ख्रीस्त कली टिशो खोदेंशो पा, मेको आन क्येङा हिंशा ख्रिंख्रि पा, थुं का पा रिम्शो गेय पने। तिमोथी ६:१२; तीतस २:९-१०; १पत्रुस २:१८
Philippians 2:10 in Sunwar 10 येसु आ नें नेंशा, स्वर्गम बाक्ब, रागीम नु रागी आगाम बाक्ब नेल्लेमी बाप्शा, पोक्च थेक्चा माल्नीम। यसैया ४५:२३; यूहन्ना ५:२३; प्रकाश ५:१२-१३
Colossians 3:25 in Sunwar 25 मरिम्शो पाइबपुकीम मरिम्शो पतीके कुल मकोव़थु निसाफ पचा पुंइसीनीम। रोमी २:११
James 2:8 in Sunwar 8 परमप्रभु यावे आ राज्य ङा अरेशो लोव़म मार ब्रेक्शो बाक्ब देंशा हना “अरु आन कली आंम इन कली दाक्शो खोदेंशो पा दाक्तीन” दे ब्रेक्शो बाक्ब। मो पाइतीनी हना, गेपुकी रिम्शो पाइनीनी। लेवी १९:१८
James 2:13 in Sunwar 13 शिशी मपाइबपुकीमी निसाफ पची नाक्त शिशी मताइनीम। निसाफ क्येङा शिशी ठेयब बाक्ब। मत्ती ५:७; मत्ती १८:३०,३४; मत्ती २५:४०,४६
James 5:4 in Sunwar 4 इन रूम गेय पाइब आन गाल्च मुल सम्म जोल पा मगेनी। मेको खेत्ला आन कली मगेशो गाल्चम आ मुर नेल्ल आन परमप्रभु यावे नु लोव़ पाप्तु। मिनु मेकोमी मेको खेत्ला आन पुंइशो लोव़ नेंने थुम्तु। ब्यवस्था २४:१४-१५