Ephesians 3:9 in Sunwar 9 मिनु मारेइ मारेइ सेल्ब परमप्रभु यावेमी रागी सेल्शो रे ख्रुइश्शा वोइश्शो नेल्ल आन कली तपाइक्चा, दे कोंइब सेल्ती। एफिसी १:९-१०; रोमी १६:२५-२६; कलस्सी १:१६
Other Translations King James Version (KJV) And to make all men see what is the fellowship of the mystery, which from the beginning of the world hath been hid in God, who created all things by Jesus Christ:
American Standard Version (ASV) and to make all men see what is the dispensation of the mystery which for ages hath been hid in God who created all things;
Bible in Basic English (BBE) And make all men see what is the ordering of the secret which from the first has been kept in God who made all things;
Darby English Bible (DBY) and to enlighten all [with the knowledge of] what is the administration of the mystery hidden throughout the ages in God, who has created all things,
World English Bible (WEB) and to make all men see what is the administration{TR reads "fellowship" instead of "administration"} of the mystery which for ages has been hidden in God, who created all things through Jesus Christ;
Young's Literal Translation (YLT) and to cause all to see what `is' the fellowship of the secret that hath been hid from the ages in God, who the all things did create by Jesus Christ,
Cross Reference Psalm 33:6 in Sunwar 6 परमप्रभु यावेमी लोव़ पशा, सरीङ सेल्तु। आ मुइश्शोमी सोरुल नेल्ल दुम्तेक्म। उत्पत्ती १:६,१४
Isaiah 44:24 in Sunwar 24 मिनु परमप्रभु यावे, इ कली श्येत रे प्रोंइब, इ कली कोव़जीम सेल्बमी “गो मारेइ मारेइ सेल्ब परमप्रभु यावे नङ। गो आं कामी सरीङ प्राक्ता। रागी वोइक्ता। यसैया ४५:१२
Matthew 10:27 in Sunwar 27 गोमी इन कली छिङछिङमी माइश्शो लोव़ छेङछेङमी मतीने। इन कली नोफाम देंशो लोव़ नोले ठेयब सेंदा पा नेंपतीने।
Matthew 13:35 in Sunwar 35 मारदे हना साइ नेसी परमप्रभु यावे आ लोव़ पाइबमी देंशो लोव़ मुल थमा दुम्ल, दे कथा रे पा शेंताक्मी। मेको साइ ब्रेक्शो लोव़ चहिं मार बाक्ब देंशा हना “सरीङ नु रागी सेल्शो रे मुल सम्म ख्रुइश्शो लोव़ कथा सेल्शा नेंपाइक्नुङमी” दे ब्रेक्शो बाक्त। भजन संग्रह ७८:२
Matthew 25:34 in Sunwar 34 मिनु पिपमी आ ग्युरा गे राप्शो आन कली ‘आं आफ आ आसीक तशोपुकी, आं नेक्थान जाक्कीने। रागी सेल्चा ङोंइती एको राज्य इन कली सेल्शा वोइश्शो बाक्त। मुल बाक्कीने।
Matthew 28:19 in Sunwar 19 मोपतीके रागीम नेल्ल हिरशा, नेल्ल जात, थर ङा मुर आन कली आं पर्बमी शेंशा, आं नोले खोइक्ब शेंसीब सेलीने। आं आफ, परमप्रभु यावे, आ तौ नु परमप्रभु यावे आ सोक्त आन नेंमी मेको आन कली ब्वाक्कुम ख्रुम्शा ग्रुंइदीने। मत्ती २४:१४; मर्कूस १६:१५-१६; २कोरिन्थी ५:२०
Mark 16:15 in Sunwar 15 मिनु येसुमी आ शेंसीब ११ जना आन कली “रागी नेल्ल हिरशा, ग्येरपाइक्ब लोव़ नेल्ल आन कली नेंपतीने। मर्कूस १३:१०; मत्ती २८:१६-२०
Luke 24:47 in Sunwar 47 मिनु यरूसलेम रे पा रागी नेल्ल ङा मुर आन कली ‘गे इन थुं परमप्रभु यावे गे लेत्चा माल्नीनी। मिनु येसु ख्रीस्त आ नेंमी पाप क्याम्चा तांइसीब’ दे नेंपाइक्चा माल्ब” देंमाक्त। प्रेरित २:३८ प्रेरित १७:३०
John 1:1 in Sunwar 1 नेल्ल क्येङा ङोंइती लोव़ माइश्शो का बाक्त। मेको लोव़ माइश्शो परमप्रभु यावे नु बाक्शा, मेको नु उइक्थी बाक्त। यूहन्ना १७:५; उत्पत्ती १:१; १यूहन्ना १:१२; प्रकाश १९:१३
John 5:17 in Sunwar 17 मिनु येसुमी मेको आन कली “आं आफ मुल सम्म गेय पना पन बाक्ब। गो यो गेय पाइनुङ” देंत। यूहन्ना ९:४
John 5:19 in Sunwar 19 मिनु येसुमी यहूदी आन कली “नोफा दाइश्शा नेनीन, आं आफोमी मार पाइबा, आ तौमी मेको मतवा सम्म मारेइ पने मचाप्ब। मिनु आफोमी दोदेंशो पाइबा, तौमी मोदेंशोन पाइब। यूहन्ना ३:११,३२
John 10:30 in Sunwar 30 गो नु आं आफ उइक्थ उइक्थ नस्कु” देंत।
Acts 15:18 in Sunwar 18 साइ रे गो मोदेंशो लोव़ तुइक्पाइक्ना पाइक्न पिती’ दे ब्रेक्शो बाक्ब। आमोस ९:११-१२
Romans 16:25 in Sunwar 25 परमप्रभु यावेमी इन कली आ ग्येरपाइक्तीक लोव़ नु येसु ख्रीस्त आ पर्बम शेंतीक नेंशा, बोल्यो पा थमा सुइक्ब सेल्ने चाप्ब, दे तुइक्ताक्ङ। मोपा साइ ङा ख्रुइश्शो लोव़ नेल्ल तुइक्पाइश्शो बाक्ब। १कोरिन्थी २:७; एफिसी १:९; एफिसी ३:४-९
1 Corinthians 2:7 in Sunwar 7 तन्न गो दोदेंशो जोक्तीक तुइक्तीक ङा लोव़ शेंनीकी देंशा हना, परमप्रभु यावे आ जोक्तीक तुइक्तीक ङा लोव़ शेंनीकी। मेको लोव़ ङोंइती ख्रुइश्शा वोइश्शो बाक्त। मुल इन कली रिम्शो दुम्मल, दे शेंनीकी। मत्ती ११:२५; कलस्सी १:२६
Ephesians 1:4 in Sunwar 4 मोपतीके रागी सेल्चा क्येङा ङोंइती परमप्रभु यावेमी इं कली योव़तु। मार कली योव़तु देंशा हना, गोपुकी परमप्रभु यावे आ मुर दुम्शा, दोस मताइब नु दाक्ब दुम्यल, दे योव़तु। रोमी ८:२८-३०; एफिसी ५:२७
Ephesians 1:9 in Sunwar 9 परमप्रभु यावेमी इं कली ङोंइती ख्रीस्त रे आ थुंमी ख्रुइश्शा वोइश्शो लोव़ तुइक्पाइक्चा दाक्ताक्व।
Ephesians 3:3 in Sunwar 3 दोपा परमप्रभु यावेमी आ ख्रुइश्शो लोव़ आं कली तुइक्पदा, मोपा ङोंइतीन इन कली इचइच्का ब्रेक्ने थुम्शो बाक्ती। एफिसी १:९-१०; गलाती १:१२
Colossians 1:16 in Sunwar 16 सरीङ नु रागीमी बाक्ब, तांइसीब नु मतांइसीब नेल्ल, पिपपुकी, मान पचा पुंइसीबपुकी, हुकुम पाइबपुकी, अधिकार पाइब नेल्ल नु मार मार सेल्शो बाक्मा, मेको नेल्ल येसु ख्रीस्तमी आंम कली सेल्तु। यूहन्ना १:३,१०; हिब्रू १:२
Colossians 1:23 in Sunwar 23 गेपुकीमी थमा सुइक्ना सुइक्न बाक्शा, नोले मशोंइसीथु खोइल थेक्शा, इन नेंशो ग्येरपाइक्ब लोव़ मप्रोंइथु बाक्तीनी हना, मोदेंशोन लीनीनी। मुल मेको ग्येरपाइक्ब लोव़ नेल्ल मुर आन कली नेंपाइश्शो बाक्त। गो पावल, मेको लोव़ शेंब दुम्ती।
Colossians 1:26 in Sunwar 26 साइ ङोंइती रे परमप्रभु यावे आ मिम्शो ख्रुइश्शो बाक्त। मुल चहिं मेको आ मुर आन कली कोंइशो बाक्त। रोमी १६:२५; एफिसी ३:३-६
Colossians 3:3 in Sunwar 3 मारदे हना गे बेक्तीनी। इन थुं ख्रीस्त नु परमप्रभु यावेमी ख्रुइश्शा वोइश्शो बाक्ब। रोमी ६:२
2 Thessalonians 2:13 in Sunwar 13 प्रभु आ दाक्शो लोक्बपुकी, गोपुकीमी गेना हना यो इन कली मिम्शा, परमप्रभु यावे कली “गे रिम्शो पाइब बाक्नीनी” देंनीकी। मारदे हना परमप्रभु यावेमी इन कली ङोंइती रे आ मुर दुम्नीम, दे योव़तु। दोपा आ मुर दुम्नीनी देंशा हना, परमप्रभु यावे आ सोक्तीमी इन कली पाप रे ङोन वोइश्शा, थमा शेंतीके थमा सुइक्पाइक्तु। रोमी ८:३०
1 Timothy 3:16 in Sunwar 16 इं परमप्रभु यावे कली थमा सुइक्तीके थम ख्रुइश्शो बाक्ब। मेको मार बाक्ब देंशा हना “मेको मुर दुम्शा, रागीमी जरमेसाक्व। परमप्रभु यावे आ सोक्तीमी ‘परमप्रभु यावे आ तौ बाक्ब’ दे सांकछी गेप्तु। परमप्रभु यावे आ स्वर्ग ङा गेय पाइबपुकीमी मेको कली ताम्तेक्म। आ नें मार बाक्बा, दे रागी रागी ङा मुर आन कली शेंताक्मे। रागी रागी ङा मुरपुकीम मेको कली थमा सुइक्तेक्म। मिनु मेको परमप्रभु यावे आ छेङछेङमी लाइक्चा पुंइसाक्व” देंशो बाक्ब। यूहन्ना १:१४; रोमी १:४; प्रेरित २८:२८; मर्कूस १६:१९; एफिसी १:२०-२१
2 Timothy 1:9 in Sunwar 9 परमप्रभु यावेमी सैतान रे प्रोंइशा “आं मुर नम” दे ब्रेत्ताक्व। इं रिम्शो पतीके कोव़शा ममाइ, आ माल्शो नु शुश ङोंइती रे ख्रीस्त येसुमी इं कली गेशो दाक्तीके आ पर्बम ब्रेत्ताक्व। तीतस ३:५
2 Timothy 4:17 in Sunwar 17 तन्न प्रभु गो नु बाक्शा, अर्को रागी ङा मुर आन कली परमप्रभु यावे आ लोव़ नेल्ल शेंचा सक्ति गेती। मोपा आं कली गुप्स रे प्रोंइती। प्रेरित २३:११; प्रेरित २७:२३
Titus 1:2 in Sunwar 2 मोदेंशो दुम्मेनु, गो नेल्ल गेना हना यो परमप्रभु यावे नु बाक्शा ब्रोंइनय, दे आस पाइनय। २तिमोथी २:१३
Hebrews 1:2 in Sunwar 2 नोले ङा नाक्ती आ तौ रे पा इं कली लोव़ पाप्तु। आ तौ कली नेल्ल अधिकार गेशो बाक्त। सरीङ नु रागी नेल्ल आ तौ रे पा सेला बाक्त। भजन संग्रह २:८; यूहन्ना १:३; कलस्सी १:१६
Hebrews 3:3 in Sunwar 3 दोपा खिं क्येङा खिं सेल्ब शुश मान पाइक्चा पुंइसीबा, मोपा मोसा क्येङा येसु शुश मान पाइक्चा पुंइसीशो बाक्ब।
1 Peter 1:20 in Sunwar 20 परमप्रभु यावेमी रागी सेल्चा क्येङा ङोंइती “येसु ख्रीस्त पाप रे प्रोंइब दुम्ब” दे मिम्शो बाक्माक्त। मेको रागी नुप्ची ना इन पर्बम तुइक्पाइश्शो बाक्त। रोमी १६:२५-२६
Revelation 4:11 in Sunwar 11 “गे प्रभु, आंइ परमप्रभु यावे ननी। गे सक्ति पाइश्शा, छेङछेङम बाक्शा, मान ताइब बाक्नीनी। मारदे हना गे मारेइ मारेइ सेल्तीनी, मोपा इन दाक्शा सेल्शो मुल सम्म बाक्ब” दे कुम्सो पना पन बाक्तेक्म।
Revelation 13:8 in Sunwar 8 मिनु सु सु आन नें क्योरशो पाठा आ ब्रोंइतीक किताबमी मब्रेक्शो बाक्मे, मेकोपुकीमी मेको जन्तु कली खुम्की पा सेउ पाइनीम। मेको किताब रागी सेल्चा क्येङा ङोंइती रे बाक्त।
Revelation 14:6 in Sunwar 6 मिनु स्वर्ग आ दातेमी गो परमप्रभु यावे आ स्वर्ग ङा गेय पाइब का बेरशो ताता। मेको रागीमी लीशो मुर आन कली गेना हना यो पाप रे प्रोंइब जाक्त, दे ग्येरपाइक्ब लोव़ शेंथ यित। मेको नेल्ल रागी ङा, नेल्ल जात ङा, नेल्ल लोव़ पाइब नु शुश मुर आन कली शेंथ यित।
Revelation 17:8 in Sunwar 8 इ तशो जन्तु ङोंइती बाक्त, मुल चहिं मबा। तन्न नोले पुं मपाइश्शो ढोडोङगा रे कुशा खतम दुम्ब। रागी सेल्चा रे ङा ब्रोंइतीक किताबमी आन नें मब्रेक्शो मुरपुकी चहिं मेको जन्तु तशा छक लाक्नीम। मारदे हना मेको जन्तु ङोंइती बाक्त, मुल मबा, नोले जाक्ब।