Ephesians 3:8 in Sunwar 8 गो परमप्रभु यावे आ मुर नेल्ल आन क्येङा आइक्च बाक्नुङ। मिनु परमप्रभु यावेमी आ शिशी रे आं कली “अर्को रागी ङा मुर आन कली ख्रीस्त आ शिशी गिश ठेयब बाक्बा तुइक्पाइक्मी” दे शेंब सेल्ती। १कोरिन्थी १५:९-१०; गलाती १:१६; एफिसी १:७
Other Translations King James Version (KJV) Unto me, who am less than the least of all saints, is this grace given, that I should preach among the Gentiles the unsearchable riches of Christ;
American Standard Version (ASV) Unto me, who am less than the least of all saints, was this grace given, to preach unto the Gentiles the unsearchable riches of Christ;
Bible in Basic English (BBE) To me, who am less than the least of all the saints, was this grace given, so that I might make clear to the Gentiles the good news of the unending wealth of Christ:
Darby English Bible (DBY) To me, less than the least of all saints, has this grace been given, to announce among the nations the glad tidings of the unsearchable riches of the Christ,
World English Bible (WEB) To me, the very least of all saints, was this grace given, to preach to the Gentiles the unsearchable riches of Christ,
Young's Literal Translation (YLT) to me -- the less than the least of all the saints -- was given this grace, among the nations to proclaim good news -- the untraceable riches of the Christ,
Cross Reference 1 Chronicles 17:16 in Sunwar 16 मिनु पिप दाऊद परमप्रभु यावे आ बाक्तीक लशा “परमप्रभु यावे, परमप्रभु, गो सु नङा? मिनु आं खिं मार बाक्बा? मिनु गे आं कली एक सम्म चाक्यीनी। उत्पत्ती ३२:११
1 Chronicles 29:14 in Sunwar 14 मिनु गो आंइ थुंम ग्येरशा सोम्शा ओपा शुश गेने चाप्नीकी? गो सु नङा? आं मुरपुकी सु बाक्नीमी? मारदे हना नेल्ल थोव़क इन गुइ रे जाक्नीम। गोपुकीमी इन गेशो रे इन कली गेतक।
Psalm 31:19 in Sunwar 19 गे इन कली मान पा हिंब आन कली गेना हना यो शुश दाक्नीनी। इन कली जिम्मा गेंसीब आन कली दाक्तीके मुर आन ङोंइती कोंइनीनी।
Proverbs 30:2 in Sunwar 2 थमा पा गो मुर आन दातेमी निप्स मपाइश्शो मुर दुम्ती। गो नु मुर आन के खोदेंशो रुप्तीक मबाक्ब।
John 1:16 in Sunwar 16 आ शिशी पतीक गो शुश शिशी तना तन बाक्तक। यूहन्ना ३:३४; कलस्सी १:१९
Acts 5:41 in Sunwar 41 मिनु सोइश्शोपुकी ग्येरसीशा, मेकेर रे लमा बाक्त। मारदे हना “येसु आ नेंमी श्येत जचा रिम्शो दुम्ब” देंमा बाक्त। मत्ती ५:१०-१२; १पत्रुस ४:१३
Acts 9:15 in Sunwar 15 प्रभुमी “मोदेंशो तुइक्ताक्वी हना यो, मुल छुल बोक्शा लावो। मारदे हना अर्को रागी ङा मुर, पिपपुकी नु इस्राएली आन कली आं नें तुइक्पाइक्चा, दे गो मेको कली योव़ने थुम्ता। प्रेरित १३:४६; प्रेरित २६:२; प्रेरित २७:२४
Romans 2:4 in Sunwar 4 मिनु गे परमप्रभु यावेमी मुर आन कली दाक्तीके, फाल्तीके नु आ गे लेत्नीनी कों, दे रिम्तीके कली आइक्च मिम्नीनी? परमप्रभु यावेमी “आन थुं आं गे लेत्नीमी कों” दे रिम्शो मतुइक्नीनी? २पत्रुस ३:९,१५
Romans 11:33 in Sunwar 33 परमप्रभु यावेमी नेल्ल तुइक्ब। परमप्रभु यावे सक्ति पाइश्शो नेल्ल क्येङा ठेयब बाक्ब। मुरपुकीमी परमप्रभु यावे आ निसाफ पशो, मुर आन कली पाइश्शो, सुइमी रुम्ने मचाप्नीम। यसैया ४५:१५; यसैया ५५:८-९
Romans 12:10 in Sunwar 10 लोक्बपुकीमी दाक्मुशो खोदेंशो पा दाक्मुशा बाक्कीन। आंम कली मान पचा मपुंइसीथु, अरु आन कली मान पने। यूहन्ना १३:४-१५; फिलिप्पी २:३
Romans 15:15 in Sunwar 15 परमप्रभु यावेमी आं कली शिशी पा शेंब सेल्ती। मोपतीके गो एको चिठीमी इच्का ठेयब लोव़ पा ब्रेक्ताक्ङ। रोमी १:५; रोमी १२:३
1 Corinthians 1:30 in Sunwar 30 मेकोमी येसु ख्रीस्त आ नेंमी इन कली ब्रोंइचा गेब। मेको इन जोक्तीक तुइक्तीक, इन ठीक पतीके, परमप्रभु यावे आ मुर दुम्तीके नु पाप रे प्रोंइतीके बाक्ब। येरमीया २३:५-६; २कोरिन्थी ५:२१; यूहन्ना १७:३९; मत्ती २०:२८
1 Corinthians 2:9 in Sunwar 9 मिनु “मिक्चीम मतशो, नोफाम मनेंशो, मुर आन थुंमी ममिम्शो लोव़ परमप्रभु यावेमी आ कली दाक्ब आन कली तुइक्पाइश्शा, रुप्चा गेम्तीमी” दे ब्रेक्शो बाक्ब। यसैया ६४:४
1 Corinthians 15:9 in Sunwar 9 मारदे हना गो सोइश्शो आन दातेमी नेल्ल क्येङा आइक्च बाक्नुङ। आं कली सोइश्शो देंचा मशिरचा ङा बाक्नुङ। मारदे हना गो परमप्रभु यावे कली थमा सुइक्ब आन कली खेदा पाता। एफिसी ३:८; प्रेरित ८:३
Galatians 1:16 in Sunwar 16 मोपतीके आ तौ येसु ख्रीस्त कली तपाइक्ती। मिनु शुश अर्को रागी ङा मुर आन कली आ तौ आ पर्बम शेंथ सोइक्ताक्यी। मेको शेंचा आ पर्बम गो सुइ नु लोव़सी मपङ। अर्को मुर आन अर्ती यो मनेंनु। मत्ती १६:१७; गलाती २:७
Galatians 2:8 in Sunwar 8 पत्रुस कली यहूदी आन कली शेंथ सोइक्ब नु आं कली अर्को रागी ङा मुर आन कली शेंथ सोइक्ब कानाइ बाक्ब, दे रुप्तेक्म।
Ephesians 1:7 in Sunwar 7 मोपा गोपुकी येसु ख्रीस्त आ हुशेम पतीके माफ तशा ब्रोंइशा बाक्नय। इं हेंथे पशो आ पर्बम माफ ताइनय। दोपा माफ तशा ब्रोंइशा बाक्नय देंशा हना, मुरुमी मिम्ने मचाप्चा ङा आ शिशी रे पा माफ ताइनय। कलस्सी १:१४; एफिसी २:७; एफिसी ३:८,१६
Ephesians 2:7 in Sunwar 7 मुरुमी मिम्ने मचाप्चा ङा ठेयब शिशी आंम आ दाक्तीकेमी ख्रीस्त येसु रे नोले ङा मुर आन कली कोंइचा कली पाप्तु। एफिसी १:७
Ephesians 3:2 in Sunwar 2 परमप्रभु यावेमी “अर्को मुर आन कली आं शिशी आ पर्बम शेंदो” दे आं कली गेय पाइब सेल्ती। गेपुकीम एको लोव़ नेंशो बाक्नी माइ, दे मिम्नुङ। गलाती २:७
Ephesians 3:16 in Sunwar 16 मिनु गोमी परमप्रभु यावे कली “इन शुश छेङछेङ नु सक्तिम, एफिसस ङा थमा सुइक्ब आन थुं बोल्यो सेलीन। मिनु इन सोक्त आन थुंमी बाक्मेनु, महिंब दुम्नीम। एफिसी १:७; एफिसी ६:१०; २कोरिन्थी ४:१६
Ephesians 3:19 in Sunwar 19 ख्रीस्त आ दाक्तीके गिश ठेयब बाक्बा, मेको रुप्ने मचाप्चा ङा बाक्त हना यो, मेको आन कली रुप्पतीन। मिनु परमप्रभु यावे, गे दोपा मारेइ मारेइमी गाप्शो बाक्नीनी, मोपा मेको आन कली यो इन सक्तिमी प्रिंदीन। कलस्सी २:२-३
Philippians 2:3 in Sunwar 3 गेपुकी ठेयब लेश्शा “गो ठेयब नङ” दे मिम्शा, काइ गेय मपने। ब्रेम्शो थुंमी “मेको मुर आं क्येङा ठेयब बाक्ब” दे मिम्तीन। गलाती ५:२६; रोमी १२:१०
Philippians 4:19 in Sunwar 19 मिनु आं परमप्रभु यावेमी इन माल्शो नेल्ल आ स्वर्ग ङा बाक्तीक येसु ख्रीस्त आ पतीक रे शुश गेब।
Colossians 1:27 in Sunwar 27 परमप्रभु यावेमी मेको आन कली “आं ङोंइती ख्रुइश्शो लोव़ अर्को रागी ङा मुर आन कली गिश रिम्शो, गिश ठेयब बाक्ब” दे तुइक्पाइक्तु। मेको ख्रुइश्शो लोव़ मार बाक्ब देंशा हना, ख्रीस्त इन आगामी बाक्ब। मिनु इन कली परमप्रभु यावे आ छेङछेङम बाक्चा गेब आस यो ख्रीस्तम बाक्ब। १तिमोथी १:१
Colossians 2:1 in Sunwar 1 गो इन पर्बम, लाओडीसीया सहर ङा थमा सुइक्ब आन पर्बम नु का निक्शी अरु आं कली गेनायो मताइब मुर आन पर्बम गिश श्येत जङा, मेको नेल्ल इन कली तुइक्पाइक्चा दाक्नुङ।
1 Timothy 1:13 in Sunwar 13 ङोंइती गो मेको कली शुक्शी पाइब, श्येत गेब नु शुश मरिम्शो पाइब बाक्ती। तन्न मतुइक्ब नु थमा मसुइक्ब बाक्तीके परमप्रभु यावे आ शिशी ताता।
1 Timothy 1:15 in Sunwar 15 मरिम्शो पाइब आन कली नरक रे प्रोंइचा, दे ख्रीस्त येसु रागीम जाक्त। एको लोव़ थमा बाक्ब नु थमा सुइक्चा माल्शो बाक्ब। गो नेल्ल क्येङा मरिम्शो पाइब नङ। लूका १९:१०
1 Timothy 2:7 in Sunwar 7 मोपतीके परमप्रभु यावेमी एको लोव़ शेंब नु ख्रीस्त आ सोइश्शो सेल्ती। गो जोल मपथु, थमा लोव़ पाइनुङ। इस्राएली आन कली ममाइ, तन्न रागी रागी ङा मुर आन कली थमा सुइक्तीके आ पर्बम शेंब नु थमा लोव़ शेंब सेल्ती। २तिमोथी १:११; गलाती २:७-८
2 Timothy 1:11 in Sunwar 11 मेको ग्येरपाइक्ब लोव़ तुइक्पाइक्चा, दे गो लोव़ पाइब, ख्रीस्त आ सोइश्शो नु शेंब दुम्ती। १तिमोथी २:७
1 Peter 5:5 in Sunwar 5 मिनु गे ठिटापुकी, शेंब खाल्पा आन देंशो लोव़ टिने। गे नेल्ल ब्रेम्शो थुं पाइश्शो दुम्शा, गेय पमुने। मारदे हना परमप्रभु यावेमी ठेयब लेश्शो मुर आन कली मकोव़ब, ब्रेम्शो थुं पाइश्शो मुर आन कली ला शिशी पाइब। एफिसी ५:२१; अय्युब २२:२९; हितोपदेस ३:३४; मत्ती २३:१२; याकूब ४:६
Revelation 3:18 in Sunwar 18 मोपतीके गो इन कली लोव़ का पाइनुङ, मार लोव़ पाइनुङ देंशा हना, गे शोंप पाइश्शो दुम्चा कली आं सुन ग्यापीन। मेको सुन याप्पाइश्शो बाक्ब। मेको ग्याप्तीनी हना, गे शोंप पाइश्शो दुम्नीनी। मिनु फेक्चा कली बुश वा ग्यापीन। मेको ग्याप्तीनी हना, मुने मदोक्नीनी। मिनु इन मिक्च, सापाइक्चा कली मिक्चीम ख्रेक्तीके ग्यापीन। ग्याप्शा ख्रेक्साक्नी हना, गे ताइनीनी।