Ephesians 3:5 in Sunwar 5 मुल परमप्रभु यावे आ सोक्तीमी येसु ख्रीस्त आ सोइश्शो नु परमप्रभु यावे आ लोव़ पाइब आन कली परमप्रभु यावे आ ख्रुइश्शो मार बाक्बा, दे शेंताक्ङमी। ङोंइती ङा मुरपुकीमी चहिं मतुइश्शो बाक्तेक्म। कलस्सी १:२६
Other Translations King James Version (KJV) Which in other ages was not made known unto the sons of men, as it is now revealed unto his holy apostles and prophets by the Spirit;
American Standard Version (ASV) which in other generation was not made known unto the sons of men, as it hath now been revealed unto his holy apostles and prophets in the Spirit;
Bible in Basic English (BBE) Which in other generations was not given to the sons of men, but the revelation of it has now been made to his holy Apostles and prophets in the Spirit;
Darby English Bible (DBY) which in other generations has not been made known to the sons of men, as it has now been revealed to his holy apostles and prophets in [the power of the] Spirit,
World English Bible (WEB) which in other generations was not made known to the children of men, as it has now been revealed to his holy apostles and prophets in the Spirit;
Young's Literal Translation (YLT) which in other generations was not made known to the sons of men, as it was now revealed to His holy apostles and prophets in the Spirit --
Cross Reference Matthew 13:17 in Sunwar 17 नोफा दाइश्शा नेनीने, गेमी मुल तशो नेंशो साइ नेसी रे परमप्रभु यावे आ लोव़ पाइबपुकीमी तचा नेंचा दाक्बाक्मा बाक्त। तन्न तचा नेंचा मतामे बाक्त। १पत्रुस १:१०
Matthew 23:34 in Sunwar 34 मोपतीके गो इन बाक्तीके परमप्रभु यावे आ लोव़ पाइब, जोक्ब तुइक्ब मुर नु परमप्रभु यावे आ लोव़ शेंब सोइक्नुङमी। का निक्शी आन कली साइक्नीनी, का निक्शी आन कली शीमी क्याइश्शा साइक्नीनी, का निक्शी आन कली ग्रुम्तीक खिंमी लाइश्शा, कोर्रामी युक्नीनी, मिनु तेइ बाक्चा मगेथु, खेदा पा खेरनीनी।
Luke 2:26 in Sunwar 26 परमप्रभु यावे आ सोक्तीमी मेको कली “इ मबेक्थु, प्रभु, पाप रे प्रोंइब ख्रीस्त ग्रुम्पाइक्नन” देंशो बाक्माक्त।
Luke 10:24 in Sunwar 24 मारदे हना इन तशो नेंशो साइ नेसी रे परमप्रभु यावे आ लोव़ पाइब नु पिपीपुकीमी तचा नेंचा दाक्ताक्मे। तन्न तचा नेंचा मतामे” दे माइक्मी बाक्त। १पत्रुस १:१०
Luke 11:49 in Sunwar 49 साइ नेसी परमप्रभु यावे आ तुइक्तीक पाइश्शोमी ‘गो आं लोव़ शेंब मुर सोइक्नुङमी। मेको आं सोइश्शो मुर का निक्शी आन कली खेदा पा श्येत गेनीम, का निक्शी आन कली साइक्नीम’ देंशो बाक्त।
John 14:26 in Sunwar 26 आं नेंमी आं आफोमी इन कली वारच पाइब आ सोक्त सोइक्ब। मेको सोक्तीमी इन कली मारेइ मारेइ शेंब नु आं देंशो लोव़ नेल्ल फ्रुक्पाइक्ब।
John 16:13 in Sunwar 13 मिनु थमा ङा सोक्त जाक्शा, इन कली थमा लां कोंइशा शेंब। मेकोमी आंम मिम्शो मशेंब। तन्न मार मार नेंबा, मेकोन शेंब। नोले मार मार दुम्बा, मेको यो शेंब। यूहन्ना १४:२६; १यूहन्ना २:२७
Acts 10:19 in Sunwar 19 पत्रुसमी मुल यो आ तशो मार बाक्म माइ, दे मिम्न मिम्न बाक्मेनु, परमप्रभु यावे आ सोक्तीमी मेको कली “इ कली ब्रथ मुर सां जाक्तेक्मे।
Acts 10:28 in Sunwar 28 मिनु पत्रुसमी मेको देल्शा बाक्ब आन कली “गो आंइ यहूदी अर्को रागी ङा मुरपुकी नु काथा बाक्चा, जचा, आन खिं ओव़चा मदुम्ब, दे नेल्लेमी तुइक्नीनी। मोदेंशो बाक्त हना यो, परमप्रभु यावेमी आं कली सुइ आन कली आइक्च ममिम्चा, दे शेंताक्यी।
Romans 16:25 in Sunwar 25 परमप्रभु यावेमी इन कली आ ग्येरपाइक्तीक लोव़ नु येसु ख्रीस्त आ पर्बम शेंतीक नेंशा, बोल्यो पा थमा सुइक्ब सेल्ने चाप्ब, दे तुइक्ताक्ङ। मोपा साइ ङा ख्रुइश्शो लोव़ नेल्ल तुइक्पाइश्शो बाक्ब। १कोरिन्थी २:७; एफिसी १:९; एफिसी ३:४-९
1 Corinthians 12:8 in Sunwar 8 परमप्रभु यावे आ सोक्तीमी का कली जोक्तीक तुइक्तीक लोव़ पपाइक्ब। अर्को कली मेकोन सोक्तीमी शेंतीक सक्ति गेब।
1 Corinthians 12:28 in Sunwar 28 परमप्रभु यावेमी थमा सुइक्ब आन ग्रुम्तीकेमी ङोंइती ख्रीस्त आ सोइश्शोपुकी, मेको आन नोले आ लोव़ पाइबपुकी, मेको आन नोले शेंबपुकी, मेको आन नोले छक लाक्चा ङा गेय पाइबपुकी, मेको आन नोले सापाइक्बपुकी, मेको आन नोले वारच पाइबपुकी, मेको आन नोले कोव़बपुकी नु मेको आन नोले सोक्त आ लोव़ पाइबपुकी वोइक्तीमी। एफिसी ४:११-१२
Ephesians 2:20 in Sunwar 20 मिनु ख्रीस्त आ सोइश्शो नु साइ ङा परमप्रभु यावे आ लोव़ पाइबपुकी जग खोदेंशो दुम्तेक्म। गेपुकी चहिं मेको तारी सेल्शो खिं खोदेंशो ननी। ख्रीस्त येसु मेको खिं ङा ङोंइती वोइश्शो जग फुल्लु खोदेंशो बाक्ब। मत्ती १६:१८; यसैया २८:१६; १पत्रुस २:४-६मत्ती १६:१८
Ephesians 3:9 in Sunwar 9 मिनु मारेइ मारेइ सेल्ब परमप्रभु यावेमी रागी सेल्शो रे ख्रुइश्शा वोइश्शो नेल्ल आन कली तपाइक्चा, दे कोंइब सेल्ती। एफिसी १:९-१०; रोमी १६:२५-२६; कलस्सी १:१६
Ephesians 4:11 in Sunwar 11 मिनु येसु ख्रीस्तम मुर आन कली गेशो गेय मार बाक्ब देंशा हना, का निक्शी आ सोइश्शो दुम्नीम, का निक्शी परमप्रभु यावे आ लोव़ पाइब दुम्नीम, का निक्शी ग्येरपाइक्ब लोव़ नेंपाइक्ब दुम्नीम, का निक्शी थमा सुइक्ब आन कली कोव़ब नु शेंब दुम्नीम। १कोरिन्थी १२:२८; प्रेरित २१:८
2 Timothy 1:10 in Sunwar 10 मुल इं कली पाप रे प्रोंइब येसु ख्रीस्त कली रागीम सोइश्शा, मुर नेल्ल आन कली तपाइक्तु। ख्रीस्त येसुमी बेक्तीक कली ग्राशा, ब्रोंइतीके नु गेना हना या ब्रोंइशा बाक्शा, परमप्रभु यावे आ ग्येरपाइक्ब लोव़ आ पतीकेमी छेङछेङमी वोइश्शो खोदेंशो पा तुइक्पाइक्तु। १कोरिन्थी १५:५५-५७; हिब्रू २:१४
Titus 1:1 in Sunwar 1 गो परमप्रभु यावे आ वाइल नु येसु ख्रीस्त आ सोइश्शो, थमा सुइक्ब पावल नङ। परमप्रभु यावे आ योव़शो मुर आन कली थमा सुइक्चा आ पर्बम शेंतीक नु मेको तुइश्शो रे रिम्शो गेय पचा माल्ब, दे शेंब दुम्ती।
Hebrews 11:39 in Sunwar 39 मेको नेल्ले थमा सुइश्शा, परमप्रभु यावे आ ङोंइती ठीक दुम्मा बाक्त। परमप्रभु यावे आ गेशो लोव़ चहिं गाप्शो मतामे बाक्त। हिब्रू ११:४-५
1 Peter 1:10 in Sunwar 10 साइ ङोंइती परमप्रभु यावे आ लोव़ पाइबपुकीमी गे शिशी ताइब दुम्नीनी, दे लोव़ पशो बाक्तेक्म। मिनु पाप रे ब्रोंइतीके तुइक्चा कली शुश माल्शो बाक्तेक्म। लूका १०:२४
2 Peter 3:2 in Sunwar 2 इन कली मार फ्रुक्पाइक्चा दाक्ताक्ङ देंशा हना, परमप्रभु यावे आ साइ ङा लोव़ पाइब आन ब्रेक्शो लोव़ फ्रुक्पाइक्चा दाक्ताक्ङ। पाप रे प्रोंइब प्रभु आ अरेशो लोव़ इन कली मिम्पाइक्चा दाक्ताक्ङ। इन शेंबपुकीमी इन कली शेंताक्मे।
Jude 1:17 in Sunwar 17 आं दाक्शो लोक्बपुकी, इं प्रभु येसु ख्रीस्त आ सोइश्शोपुकीमी ङोंइती देंशो लोव़ ति फ्रुक्शा मिम्चा माल्नीनी।