Cross Reference Job 1:7 in Sunwar 7 मिनु परमप्रभु यावेमी सैतान कली “गे ते रे जाक्ङे?” दे हिल्लो पवा बाक्त। मिनु सैतानमी परमप्रभु यावे कली “रागी ङा एर ओंथ नेल्ल हिरशा जाक्ती” देंमाक्त।
Job 1:16 in Sunwar 16 मेकोमी मेको लोव़ पन पना अर्को लोव़ कुरब मुर का जाक्शा, मेकोमी “परमप्रभु आ मी सरीङ रे दोक्शा, भेडा नु गोठला नेल्ल आन कली नेक्तु। इन कली एको लोव़ शोव़चा कली गो का ला ब्रोंइती” देंमाक्त। भजन संग्रह ७८:४८
Job 1:19 in Sunwar 19 मेना गोरशो रागी रे फश गिवार जाक्शा, खिं आ एर ओंथ नेल्ल रे थोक्ताक्व। मिनु मेको खिं मेको आन तार ब्रेश्शा, मेको नेल्ल आन कली चिप्शा साइक्तु। इन कली एको लोव़ शोव़चा कली गो का ला ब्रोंइती” देंमाक्त।
Job 31:7 in Sunwar 7 गो ठीक लां रे ग्येत्थ लुक्च लशो बाक्ती हना, आं थुंम आं मिक्चीम दाक्शो खोदेंशो पा पशो बाक्ती हना, आं गुइमी ग्रांग्रा दिशो गेय पशो बाक्ती हना,
Psalm 17:14 in Sunwar 14 परमप्रभु यावे, इन गुइमी रागी दाक्ब मुर आन गुइ रे प्रोंइयीनी। मेकोपुकी मबेक्मा सम्म रिम्शो ला ताइनीम। गे मेको आन कोव़ज ब्रोव़शो थोव़कम प्रिंनीनी। मेको आन तौपुकी यो रूथ्री जाइनीमी। मिनु आन लीशो मारेइ मारेइ आन तौपुकीम ताइनीम।
Isaiah 30:1 in Sunwar 1 मिनु परमप्रभु यावेमी “आबी, गे काइ मटीब आलपुकी, गे आंम इन मिम्शो पाइनीनी। तन्न आं देंशो मटीनीनी। गे कबल का पाइनीनी। तन्न आं दाक्शो मिम्शो कबल ममाइ। पाप तारी पाप तेम्नीनी। यसैया १:२
Isaiah 57:4 in Sunwar 4 गे सुका आ पर्बम शुक्शी लोव़ पनी। सुका आ पर्बम इन शोव़ रोक्नी? मारदे इन लें ग्रुंइनीनी? मार, गे हेंथे पाइब आन तमी तौ मननी ङा? गे जोल पा थिशो आल बाक्नीनी। २राजा १६:२-४; येरमीया २:२०,२३,२४
Jeremiah 23:10 in Sunwar 10 मारदे हना एको रागी तेल्लेम पतीकेम ब्रीशो बाक्ब। सराप रतीके, रागीम रोंका पाइब। मुर मबाक्तीके बस्तु योव़तीके सोव़तेक्म। परमप्रभु यावे आ लोव़ पाइब आन पतीके काइ मरिम्शो बाक्ब। आन सक्ति दूली पा चलेनीम। येरमीया १२:४
Hosea 10:9 in Sunwar 9 गे इस्राएलीपुकीमी गिबा आ नाक्त रे पाप पाइतीनी। मिनु मुल सम्म पाप पना पन बाक्नीनी। गिबा ङा मरिम्शो पाइब मुर आन कली मार, लडाइमी मसदमे ङा? होसे ९:९
Matthew 11:19 in Sunwar 19 रागीम जरमेशोमी चहिं जचा तूचा थोव़क नेल्ल जाइब तूब। मेको कली तशा ‘धोक्रे, शांबु राकसीमी दुक्ब, तिरो पोक्ब नु पापी आन वारच बाक्माक्त’ देंनीम। मेको के दोशो तुइक्तीक बाक्मे, मेको आ गेय रे पा तुंइसीब” दे येसुमी मुर आन कली शेंताक्मी। मत्ती ९:१०-१५; यूहन्ना २:२; १कोरिन्थी १:२४-३०
Matthew 12:43 in Sunwar 43 मुर रे वोल कली ग्रुंइशा खेरमेनु, ग्रांग्रा दिचा ङा वोल ग्रूशा लशा, ब्वाक्कु मबाक्तीकेमी नाइक्तीके माल्थ गाक्ब। माल्शा यो नाइक्तीके मथीब।
Matthew 13:38 in Sunwar 38 रू देंशो रागी बाक्ब। रिम्शो वांचेर देंशो राज्य ङा सन्तान नमी। सुवा देंशो सैतान आ सन्तान नम। १कोरिन्थी ३:९; यूहन्ना ८:४४
Luke 11:21 in Sunwar 21 बोल्यो मुर कामी या शेशा आ दरवार खाल पाप्तु हना, आ शोंप सुइमी खुइ पने मचाप्नीम।
Luke 16:8 in Sunwar 8 मिनु जेर लाइक्ब नेल्ल आन के नक कागज सेल्शा, होव़प कली कोंइदा बाक्त। मिनु मेकोमी कोव़शा ‘गे मेको आन कली वारच सेल्शा, निप्स पाइश्शो गेय पा कोंइताक्यी’ देंमाक्त। रागीमी थमा सुइक्ब क्येङा थमा मसुइक्बपुकीमी निप्स पाइश्शो गेय पाइनीम। एफिसी ५:८-९
Luke 22:2 in Sunwar 2 मिनु ठेयब चढ़ेब नु सास्त्रीपुकीमी “येसु कली दोपा ग्याइश्शा साइक्चा?” दे लोव़ पमुशा, साइक्चा माल्मे बाक्त। तन्न शुश मुरुमी येसु आ लोव़ नेंशो तशा, हिंमा बाक्त। लूका २०:१९
Luke 22:31 in Sunwar 31 मिनु प्रभुमी सिमोन पत्रुस कली “ए सिमोन, नेनो। सैतानमी गे इ कली चेरब खोदेंशो पा क्राप्चा गेयीनी, दे पुंइशो बाक्ब। २कोरिन्थी २:११
John 7:7 in Sunwar 7 रागी ङा मुरपुकीमी इन कली श्येत मगेनीम। आं कली चहिं श्येत गेनीम। मारदे हना गो मेको आन कली ‘आन पशो गेय मरिम्शो बाक्ब’ दे कोंइनुङमी। यूहन्ना १५:१८
John 8:23 in Sunwar 23 मिनु येसुमी मेको आन कली “गेपुकी उइ ङा ननी। गो चहिं इर ङा नङ। गेपुकी रागी ङा ननी। गो चहिं रागी ङा मनङ। यूहन्ना ३:३१
John 8:44 in Sunwar 44 इन आफ सैतान बाक्ब। मिनु गे इन आफ आ दाक्शो पचा दाक्नीनी। मेको चहिं ङोंइती रे मुर आन कली साइक्ब नु जोल पाइब बाक्त। मारदे हना मेको नु थमा देंशो बाक्सीन मबा। मोपतीके जोल ला पाइब। मेको जोल पना पन बाक्ब। जोल आ आफ बाक्त। १यूहन्ना ३८-१०; उत्पत्ती ३:४,१९
John 12:31 in Sunwar 31 मुल रागी नेल्ल ङा मुर आन कली निसाफ पची नाक्त जाक्त। मुल रागी कली हुकुम पाइब कली तिल्नीम। यूहन्ना १४:३०; यूहन्ना १६:११; लूका १०:१८
John 13:2 in Sunwar 2 मिनु येसु नु आ शेंसीबपुकी नाक्दो ङा खमे जना जन बाक्शो बाक्तेक्म। आ शेंसीब सिमोन आ तौ इस्कारीयोती ङा यहूदा यो बाक्शो बाक्त। सैतानमी “येसु कली साइक्चा माल्ब आन कली वारच पावो” दे यहूदा कली मिम्पाइश्शो बाक्त। लूका २२:३
John 13:27 in Sunwar 27 यहूदामी शोब्ले ताक्तु। मेना सैतान आ थुंमी ओव़त। मिनु येसुमी यहूदा कली “इ मिम्शो पावो” देंत।
John 14:30 in Sunwar 30 मुल ङा मेरे शुश मशेंनन्नी। मारदे हना रागी ङा मुर आन कली हुकुम पाइब जाक्ब। मेकोमी आं कली ग्राने मचाप्ब। यूहन्ना १२:३१; एफिसी २:२
John 15:19 in Sunwar 19 गेपुकी रागी ङा मुर खोदेंशो बाक्तीनी हना, रागी ङा मुरपुकीमी इन कली दाक्नीमी। तन्न गे रागी ङा मुर मननी। गो इन कली रागी ङा मुरपुकी रे योव़तन्नी। मोपतीके रागी ङा मुरपुकीमी इन कली मदाक्नीम। यूहन्ना १७:१४; १यूहन्ना ४:४-५
John 16:11 in Sunwar 11 मिनु निसाफ पचा आ पर्बम मार शेंब देंशा हना, परमप्रभु यावेमी रागी ङा मुर आन कली हुकुम पाइब सैतान कली निसाफ पने थुम्तु, दे शेंब। यूहन्ना १२:३१
Acts 5:3 in Sunwar 3 मिनु सोइश्शो आन बाक्तीके जाक्दीश्शा, क्येट गेवानु, पत्रुसमी “हनानीया, मारदे गे इ थुंम सैतान ओव़चा गेशा, परमप्रभु यावे आ सोक्त कली जोल पवी? रू लेयशो क्येट नेल्ल ओशो ला बाक्ब, दे मारदे इच्का ख्रुइश्शा वोदी?
Acts 19:35 in Sunwar 35 मिनु नोले सहर ङा ठेयब मुरुमी मेको आन कली रेयके पचा नाइक्पाइक्मी बाक्त। मिनु “इं एफिसीपुकी, आं लोव़ नेनीने। इं एफिसस सहरमी बाक्ब आरतेमीस देवी आ मन्दीर, आ नें यो नेल्ल क्येङा ठेयब बाक्ब, दे मुर नेल्लेमी ममिम्नीमी ङा? सरीङ रे दोक्शो मूर्ति कली मान पा ठेयब मसेल्नीमी ङा?
Romans 12:2 in Sunwar 2 परमप्रभु यावे कली मटीब आन पशो खोदेंशो मपने। तन्न परमप्रभु यावे कली इन थुं कली फाइक्चा गेन। मो पाइतीनी हना, परमप्रभु यावे आ मिम्शो मार में, रिम्शो मार में, आ दाक्शो मार में नु नेल्लेम ठीक दुम्शो तुइक्नीनी। एफिसी ४:२३; एफिसी ५:१०,१७
1 Corinthians 5:10 in Sunwar 10 आं देंशो मार बाक्त देंशा हना, रागी ङा पात्के नु तेल्लेम पाइब, शिंम पाइब, खुइ पा रोइश्शा गाक्ब, मूर्ति कली पूजा पाइब नु काथा बाक्चा मदुम्ब, दे मशेंदन्नी। मोदेंशोपुकी नु काथा बाक्चा मदुम्ब हना दा, रागीमी ते बाक्चा ङा?
1 Corinthians 6:11 in Sunwar 11 इन दातेमी का निक्शी मोदेंशो बाक्मा बाक्त। तन्न मुल गे चिक्शो खोदेंशो पा, परमप्रभु यावे आ मुर दुम्शा, प्रभु येसु ख्रीस्त आ नेंमी नु इं परमप्रभु यावे आ सोक्तीम पतीके ठीक मुर सेल्चा पुंइसाक्नी। तीतस ३:३-७; १कोरिन्थी १:२; रोमी ३:२६
2 Corinthians 4:4 in Sunwar 4 मेको आन थुं दोपा मोदेंशो दुम्त देंशा हना, रागी कली हुकुम पाइब सैतानमी मेको आन कली मिक्च मताइब खोदेंशो पा मरुप्ब सेल्शो बाक्त। मोपा ख्रीस्त आ ग्येरपाइक्ब लोव़ आ छेङछेङ तने मचाप्नीम। ख्रीस्त परमप्रभु यावे आ कोंइतीके बाक्ब। हिब्रू १:३
Galatians 1:4 in Sunwar 4 प्रभु येसु ख्रीस्तमी इं पाप क्याम्चा नु रागीम ग्रूशो मरिम्शो पतीके रे प्रोंइचा कली आ गिंम गेप्तु। आ मोदेंशो पशो चहिं इं आफ परमप्रभु यावे आ दाक्शो बाक्त। गलाती २:२०; १तिमोथी २:६; तीतस २:१४; १यूहन्ना ५:१९
Ephesians 2:3 in Sunwar 3 मिनु ङोंइती गो नेल्ल मोदेंशो रागी ङा मुर बाक्तय। गोपुकी यो मार दाक्तय, मेकोन पाइतय। इं रां नु थुंमी मार दाक्ता, मेकोन पाइतय। मोपतीके गोपुकी यो अरु मुर खोदेंशो पा गाइक्ब आ आल दुम्तय। १पत्रुस ४:३; कलस्सी ३:६
Ephesians 4:22 in Sunwar 22 मोपतीके इन ङोंइती ङा ग्रांग्रा दिचा ङा दला दाक्स पाइब माइत थुं ङा मुर दुम्शा बाक्चा ताइक्तीने। मारदे हना मेकोम इन कली खतम सेल्ब। कलस्सी ३:९-१०; रोमी ८:१३; गलाती ६:८
Ephesians 5:6 in Sunwar 6 सुइ मुरुमी इन कली फश लोव़ पा, हेंथे लां खोइक्पाइक्चा मगेने। मारदे हना परमप्रभु यावे आ कली मटीब आन कली तशा गाइक्ब। कलस्सी ३:६
Ephesians 6:12 in Sunwar 12 गोपुकी मुर नु लडाइ मपाइनय। हुकुम पाइबपुकी, अधिकार पाइबपुकी नु रागी कली मुल छिङछिङमी गेय पाइब वोल नु लडाइ पाइनय। मेको स्वर्गम बाक्ब सैतान आ गेय पाइबपुकी बाक्नीम। एफिसी २:२; लूका २२:३१
Colossians 1:21 in Sunwar 21 ङोंइती गेपुकी परमप्रभु यावे क्येङा ङोन दुम्शा, इन थुंमी मेको कली ममिम्थु, मरिम्शो पना पन बाक्तीनी। एफिसी २:१२-१३; एफिसी ४:१८; रोमी ५:१०
Colossians 3:6 in Sunwar 6 परमप्रभु यावे मोदेंशो पाइब मटीब मुर आन पर्बम शुश गाइक्ब। एफिसी ५:६
2 Timothy 4:10 in Sunwar 10 मारदे हना डेमासमी रागी ङा गेय दाक्शा, आं कली प्रोंइती। मिनु थिस्सलोनिकी सहर लत। क्रेसेन्स गलातीया नु तीतस डाल्मातीया रागी लाम्ताक्स। कलस्सी ४:७,१०,१४
James 1:7 in Sunwar 7 मोदेंशो मुरुम मारेइ मताइब।
James 4:4 in Sunwar 4 गे परमप्रभु यावे आ लां प्रोंइशा हेंथे गाक्बपुकी, गे थमा मसुइक्ब आन वारच बाक्तीनी हना, परमप्रभु यावे आ जोरी सत्रु दुम्नीनी। सु थमा मसुइक्ब आन वारच दुम्चा माल्बा, मेको परमप्रभु यावे नु जोरी सत्रु दुम्ब। लूका ६:२६; रोमी ८:७; १यूहन्ना २:१५
1 Peter 1:14 in Sunwar 14 मुल टीब आल खोदेंशो पा इन ङोंइती मतुइक्थु पशो मरिम्शो पचा क्येङा ङोन बाक्कीन। रोमी १२:२
1 Peter 4:3 in Sunwar 3 ङोंइती परमप्रभु यावे कली मतुइक्थु मारेइ मारेइ पाइतीनी, मुल मेको गाप्त। थमा मसुइक्बपुकीमी मार पाइनीम देंशा हना, महिंब दुम्शा आन दला दाक्स पाइनीम। दुक्शा बाक्नीम, शुश जशा तूशा बाक्नीम नु ग्रांग्रा दिचा ङा मूर्ति पूजा पाइनीम। एफिसी २:२-३; तीतस ३:३
2 Peter 2:14 in Sunwar 14 मेकोपुकीमी मुर आन मीश तशा वाल्नीम। पाप पचा गेनायो “मोक्ल” मदेंनीम। सक्ति मपाइश्शो थमा सुइक्ब आन कली लेम्शा, आंम दूली लां खोइक्पाइक्नीमी। मेकोपुकी शीम बाक्नीम। मिनु सराप रशो मुर बाक्नीम।
1 John 2:15 in Sunwar 15 गेपुकी रागी नु रागी ङा थोव़क कली मदाक्तीन। सु चहिं रागी कली दाक्बा, मेको आ थुंमी इं आफ, परमप्रभु यावे आ दाक्शो मबाक्ब। याकूब ४:४
1 John 3:8 in Sunwar 8 सु चहिं मरिम्शो पना पन बाक्बा, मेको मुर सैतान रे जाक्शो बाक्ब। मारदे हना सैतान ङोंइती रे मरिम्शो पना पन बाक्शो बाक्ब। मोपतीके परमप्रभु यावे आ तौ सैतान आ गेय थुम्चा कली रागीमी जाक्त। यूहन्ना ८:४४
1 John 3:10 in Sunwar 10 मिनु तेको मुर परमप्रभु यावे आ आल बाक्नीमी नु तेको मुर सैतान आ आल बाक्नीमी, दे तुंइसीब। दोपा तुंइसीब देंशा हना, सु सु ठीक गेय मपाइनीमी नु आ लोक्ब आन कली मदाक्नीमी, मेको परमप्रभु यावे आ आल मनमी। मेको सैतान आ आल बाक्नीम। यूहन्ना ५:१८
1 John 4:4 in Sunwar 4 आं आइक्च आलपुकी, गेपुकी परमप्रभु यावे नु थुं का ङा दुम्शा, मेको रागीमी बाक्ब दूली शेंब आन कली ग्रातीनी। मारदे हना रागी ङा मुर आन थुंमी बाक्शो दूली शेंब सोक्त क्येङा इन थुंमी बाक्ब परमप्रभु यावे आ सोक्त ठेयब बाक्ब।
1 John 5:4 in Sunwar 4 मिनु परमप्रभु यावे आ आलपुकीमी रागी ङा मुर आन दाक्शो गेय कली ग्रानीम। दोपा ग्रानीम देंशा हना, येसु ख्रीस्त कली थमा सुइक्चा मप्रोंइथु ग्रानीम। यूहन्ना १६:३३; १कोरिन्थी १५:५७
1 John 5:19 in Sunwar 19 मिनु गोपुकीमी “गोपुकी परमप्रभु यावे आ मुर नय” तन्न सैतानमी नेल्ल रागी ङा मुर आन कली हुकुम पाइब, दे तुइक्नय। गलाती १:४
Revelation 12:9 in Sunwar 9 मिनु मेको ठेयब बुस्स आ नें मार बाक्त देंशा हना, माइत बुस्स, दियाबलस, सैतान बाक्त। मिनु मेको रागी रागी नेल्ल ङा मुर आन कली पाप पपाइक्चा कली रागीमी तोक्चा पुंइसीशो बाक्त। मिनु मेको आ गेय पाइबपुकी यो रागीमी तोक्चा पुंइसीशो बाक्तेक्म। प्रकाश २०:२; उत्पत्ती ३:१; लूका १०:१८
Revelation 13:8 in Sunwar 8 मिनु सु सु आन नें क्योरशो पाठा आ ब्रोंइतीक किताबमी मब्रेक्शो बाक्मे, मेकोपुकीमी मेको जन्तु कली खुम्की पा सेउ पाइनीम। मेको किताब रागी सेल्चा क्येङा ङोंइती रे बाक्त।
Revelation 13:14 in Sunwar 14 मेकोमी ङोंइती ङा जन्तु नु बाक्शा, आ पशो छक लाक्चा ङा गेयमी मुर आन कली “परमप्रभु आ सक्ति पाइश्शो नङ” दे जोल पा छक लाक्चा ङा गेय पशा, मुर आन कली पाप पपाइक्तु। मार पाप पपाइक्तु देंशा हना, मेकोमी रागी ङा मुर आन कली “गार पाइश्शो जन्तु आ मूर्ति सेल्चा” दे शेंताक्मी।
Revelation 16:17 in Sunwar 17 मिनु नोले ङा परमप्रभु यावे आ स्वर्ग ङा गेय पाइबमी आ कुरशो डप्का फशेमी मोइक्तु। मिनु मेकोमी मोदानु, परमप्रभु यावे आ खिं रे नु आ नित्तीक रे ठेयब सेंदा कामी “मुल नुप्त” देंशो नेंता।
Revelation 20:2 in Sunwar 2 मिनु मेकोमी ठेयब बुस्स कली ग्याइश्शा पाइक्ताक्व। मेको ठेयब बुस्स आ नें मार बाक्त देंशा हना, साइ ङोंइती ङा बुस्स, दियाबलस नु सैतान मेको आ नें बाक्त। मिनु मेको परमप्रभु यावे आ स्वर्ग ङा गेय पाइबमी मेको कली हजार का बर्स सम्म पाइक्ताक्व। दियाबलस आ देंशो “मुर आन कली खाल्ब” बाक्ब।प्रकाश १२:९