Ephesians 1:17 in Sunwar

17 मार लोव़ पना पन बाक्‍नुङ देंशा हना “परमप्रभु यावे, आंइ प्रभु येसु ख्रीस्‍त आ आफ ननी। गे नेल्‍ल छेङछेङ ङा आफ बाक्‍नीनी। गे एफिसस ङा थमा सुइक्‍ब आन कली येसु ख्रीस्‍त कली तुइक्‍तीकेमी रिम्‍शो गेय पस जोक्‍तीके नु नोले मार दुम्‍बा तुइक्‍तीक सोक्‍त गेने।

Other Translations

King James Version (KJV)

That the God of our Lord Jesus Christ, the Father of glory, may give unto you the spirit of wisdom and revelation in the knowledge of him:

American Standard Version (ASV)

that the God of our Lord Jesus Christ, the Father of glory, may give unto you a spirit of wisdom and revelation in the knowledge of him;

Bible in Basic English (BBE)

That the God of our Lord Jesus Christ, the Father of glory, may give to you a spirit of wisdom and revelation in the knowledge of him;

Darby English Bible (DBY)

that the God of our Lord Jesus Christ, the Father of glory, would give you [the] spirit of wisdom and revelation in the full knowledge of him,

World English Bible (WEB)

that the God of our Lord Jesus Christ, the Father of glory, may give to you a spirit of wisdom and revelation in the knowledge of him;

Young's Literal Translation (YLT)

that the God of our Lord Jesus Christ, the Father of the glory, may give to you a spirit of wisdom and revelation in the recognition of him,

Cross Reference

Genesis 41:38 in Sunwar

38 मिनु फाराओम आ गेय पाइब आन कली “गो योसेफ खोदेंशो मुर अर्को सु थिन्‍ने चाप्‍नया ङा? परमप्रभु आ सोक्‍तीम ब्रीशो मुर का थिन्‍ने चाप्‍नया ङा?” दे हिल्‍लो पामी बाक्‍त। प्रस्‍थान ३१:३; हितोपदेस २:६

1 Chronicles 29:11 in Sunwar

11 परमप्रभु यावे, नेल्‍ल क्‍येङा ठेयब दुम्‍तीके, सक्ति, छेङछेङ, ग्रातीके नु मान तचा पुंइसीतीके नेल्‍ल इन के बाक्‍नीम। मारदे हना रागी नु सरीङम बाक्‍शो मारेइ मारेइ इन के नम। परमप्रभु यावे, मेको राज्‍य इन के बाक्‍ब। गे नेल्‍ल क्‍येङा ठेयब बाक्‍नीनी। प्रकाश ४:११;५:१३

Psalm 24:7 in Sunwar

7 मिनु “गे ठेयब लाप्‍चोपुकी इन पिया पोक्‍कीन। माइत लाप्‍चोपुकी रोक्‍सीन। मिनु मेकेर रे छेङछेङ ङा पिप ओव़ल। २सामुएल ६:१-१९; यसैया ४०:३-४

Psalm 24:10 in Sunwar

10 मेको छेङछेङ ङा पिप सु बाक्‍मे? मेको मुर नेल्‍ल आन परमप्रभु यावे बाक्‍ब। मेको छेङछेङ ङा पिप बाक्‍ब”। ठेयब सेंदा पा।

Psalm 29:3 in Sunwar

3 परमप्रभु यावे आ सेंदा ब्‍वाक्‍कु तारी बाक्‍ब। छेङछेङ ङा परमप्रभुमी ठेयब ब्‍वाक्‍कु तारी बुंबु पपाइक्‍ब। परमप्रभु यावे ब्‍वाक्‍कु तारी बाक्‍ब।

Proverbs 2:5 in Sunwar

5 गे परमप्रभु यावे कली दोपा मान पा हिंचा माल्‍बा, मेको तुइक्‍ने चाप्‍नेवे। मिनु गे परमप्रभु कली तुइश्‍‍शा शेंसीने चाप्‍नेवे।

Isaiah 11:2 in Sunwar

2 मिनु परमप्रभु यावे आ सोक्‍त मेको तारी नाइश्‍शा बाक्‍ब। मेको जोक्‍ब तुइक्‍ब नु रुप्‍तीक सोक्‍त बाक्‍ब। अर्ती गेब नु सक्ति गेब सोक्‍त बाक्‍ब। मेको जोक्‍तीक तुइक्‍तीक थुं गेब नु परमप्रभु यावे कली मान पा हिंब सोक्‍त बाक्‍ब।

Jeremiah 2:11 in Sunwar

11 मार, तेकोइ रागी ङा मुरुम आन देवी देवता फाइश्‍शो बाक्‍नीमी ङा? मेको परमप्रभु मनम हना यो, मफाइक्‍नीम। तन्‍न आं मुरपुकीम आन ठेयब सक्ति पाइश्‍शो कली शोर गाक्‍शो मूर्तिपुकी नु फाइक्‍तेक्‍म। रोमी १:२३

Jeremiah 9:24 in Sunwar

24 तन्‍न सु ठेयब लेत्‍नीमी, मेकोपुकीम ‘गो परमप्रभु यावे कली तुइक्‍नुङ’ देंमल ‘मेको थमा पा परमप्रभु यावे बाक्‍ब, दे तुइक्‍नुङ, दे नें बोरपाइक्‍ने चाप्‍नीम। परमप्रभु यावेमी रागी कली शिशी पाइब, ठीक निसाफ नु ठीक पाइब बाक्‍ब’ देंमल। मारदे हना मेको आं दाक्‍शो बाक्‍ब, दे ग्‍येरसीनुङ” दे परमप्रभु यावेम देंत। १कोरिन्‍थी १:३१; २कोरिन्‍थी १०:१७

Jeremiah 24:7 in Sunwar

7 मिनु गो मेको आन कली ‘गो परमप्रभु यावे नङ’ दे आं कली तुइक्‍तीक थुं गेनुङमी। मेकोपुकी आं मुर दुम्‍नीम। मिनु गो मेको आन परमप्रभु दुम्‍नुङ। मारदे हना मेको आन थुं नेल्‍लेमी आं गे लेत्‍नीम। येरमीया ३१:३३-३४; येरमीया ७:२३

Jeremiah 31:34 in Sunwar

34 मेना रे परमप्रभु यावे कली तुइक्‍तीन, दे मुर कामी अर्को कली मशेंनीम। मारदे हना आइक्‍च रे ठेयब नेल्‍लेम आं कली तुइक्‍नीम। गो मेको आन मरिम्‍शो पशो माफ गेनुङमी। मिनु लेंशा गेनायो मेको आन पाप ममिम्‍नुङ” दे परमप्रभु यावेमी देंत। येरमीया ३३:८; यसैया ४३:२५; रोमी ११:२६-२७

Daniel 2:28 in Sunwar

28 तन्‍न स्‍वर्गमी परमप्रभु का बाक्‍ब। मेकोमी ख्रुइश्‍शो लोव़ कोंइब। मिनु मेकोमी पिप नेबुकदनेसर, इन कली रागी नुप्‍ची ना मार दुम्‍बा, दे कोंइशो बाक्‍ब। मिनु इन इप्‍ची ना तशो ङोमु मार बाक्‍त देंशा हना, उत्‍पत्ती ४१:१६

Daniel 5:11 in Sunwar

11 इन राज्‍यमी ठेयब देवता आन सोक्‍त पाइश्‍शो मुर का बाक्‍ब। इन आफ आ पालामी मेको नु देवी देवता के खोदेंशो पा सोक्‍त आ मिम्‍शो रुप्‍तीके तुइक्‍तीके नु जोक्‍ब तुइक्‍ब थुं बाक्‍त। मोपतीके इन आफ पिप नेबुकदनेसर मी मेको कली जादू, मन्‍तर तन्‍तर पाइब, सोरुल कोव़ब कल्‍दी नु चिन्‍ड आ अर्थ जोक्‍ब आन ठेयब मुर सेल्‍शो बाक्‍त। दानीएल ४:५; दानीएल २:४८

Daniel 10:1 in Sunwar

1 मिनु पारसी रागी ङा कोरेस पिप दुम्‍शो बर्स सां दुम्‍‍मेनु, परमप्रभुमी बेल्‍त-शजर माइश्‍शो दानीएल कली लोव़ का तुइक्‍पाइक्‍तु। मेको लोव़ थमा बाक्‍त। ठेयब श्‍येत आ पर्बम बाक्‍त। मेको दानीएलमी मेको कोंइतीक तशा, रुप्‍तीक थुं यो ताप्‍तु। दानीएल १:२१; दानीएल १:७

Matthew 6:13 in Sunwar

13 सैतानमी आंइ थुं हिरपाइक्‍चा मगेने। आंइ कली सैतान रे प्रोनीने। मारदे हना राज्‍य, सक्ति नु छेङछेङ गेना हना यो इन के नम’ आमेन। यूहन्‍ना १७:१५; १कोरिन्‍थी १०:१३; १इतिहास २९:११-१३

Matthew 11:25 in Sunwar

25 काबु येसुमी “आं आफ, सरीङ नु रागी ङा परमप्रभु, गे नेल्‍ल क्‍येङा ठेयब ननी। गे शुश रिम्‍शो पाइतीनी। जोक्‍ब तुइक्‍ब नङ, दे मिम्‍ब आन कली इन लोव़ मरुप्‍तीक थुं गेतीनी। मजोक्‍ब मतुइक्‍ब आन कली रुप्‍तीक थुं गेतीनी। यसैया २९:१४; लूका १०:२१-२२; यूहन्‍ना १७:२५; १कोरिन्‍थी १:२८-२९

Matthew 11:27 in Sunwar

27 आं आफोमी मारेइ मारेइ तुइक्‍पाइक्‍ती। सुइमी आं कली, आ तौ कली मतुइक्‍नीम। आं आफोमी ला तुइक्‍ब। सुइमी आं आफ कली मतुइक्‍नीम। आ तौमी ला तुइक्‍ब। मिनु तौमी सु सु आन कली योव़ङमी, मेको आन कली आ आफ आ पर्बम तुइक्‍पाइक्‍ब। मत्ती २८:१८; यूहन्‍ना ३:३५; यूहन्‍ना १७:२; फिलिप्‍पी २:९

Matthew 16:17 in Sunwar

17 मिनु येसुमी पत्रुस कली “योना आ तौ सिमोन, ग्‍येरसो। मारदे हना इ देंशो लोव़ मुरुमी शेंशो ममाइ। स्‍वर्गम बाक्‍ब आं आफोमी इ कली रुप्‍पाइक्‍तु। मत्ती ११:२७; गलाती १:१५-१६

Luke 2:14 in Sunwar

14 “नेल्‍ल क्‍येङा इर ङा परमप्रभु यावे नेल्‍ल क्‍येङा ठेयब बाक्‍ब। आ दाक्‍शो मुर आन कली थुं नाइश्‍शा बाक्‍चा गेब” दे कुम्‍सो पामे बाक्‍त। लूका १९:३८; गन्‍ती ६:२६; एफिसी २:१४,१७

Luke 12:12 in Sunwar

12 मोपा राप्‍पदमेनु, परमप्रभु यावे आ सोक्‍तीमी इन कली मार देंचा दो देंचा तुइक्‍पाइश्‍शा देंपाइक्‍ब” दे शेंदीमी बाक्‍त।

Luke 21:15 in Sunwar

15 मारदे हना मोपा राप्‍पदमेनु, इन जोरी सत्रुमी लेन्‍ने मचाप्‍चा ङा लोव़ इन शोव़ रे पपाइक्‍नन्‍नी। इन कली ठीक लोव़ पपाइक्‍नुङ। मिनु मेकोपुकीमी इन लोव़ ख्रोइक्‍ने मचाप्‍नीम। प्रेरित ६:१०

John 8:54 in Sunwar

54 येसुमी “गो ठेयब सेल्‍साक्‍यी हना, गो ठेयब मदुम्‍नुङ। आं आफोमी चहिं आं कली ठेयब सेल्‍ब। गे आं आफ कली ‘आंइ परमप्रभु यावे’ देंनीनी। यसैया ६३:१६

John 14:17 in Sunwar

17 मेको वारच पाइब थमा ङा सोक्‍त बाक्‍ब। आं कली थमा मसुइक्‍बपुकीमी मेको सोक्‍त ताक्‍ने मचाप्‍नीम। मारदे हना मेकोपुकीमी मेको सोक्‍त कली मतुइक्‍नीम। गेपुकी चहिं मेको कली तुइक्‍नीनी। मारदे हना मेको गेपुकी नु बाक्‍ब। मिनु इन आगामी बाक्‍ब। यूहन्‍ना १६:१३

John 14:26 in Sunwar

26 आं नेंमी आं आफोमी इन कली वारच पाइब आ सोक्‍त सोइक्‍ब। मेको सोक्‍तीमी इन कली मारेइ मारेइ शेंब नु आं देंशो लोव़ नेल्‍ल फ्रुक्‍पाइक्‍ब।

John 16:3 in Sunwar

3 मोदेंशो पाइनीम। मारदे हना आं आफ नु आं कली मतुइक्‍नीम। यूहन्‍ना १५:२३

John 17:3 in Sunwar

3 गेना हना यो गे नु ब्रोंइशा बाक्‍चा मार बाक्‍ब देंशा हना, सुमी इन कली गे ला थमा परमप्रभु यावे बाक्‍नीनी नु गो, इन सोइश्‍शो येसु ख्रीस्‍त नङ, दे तुइक्‍नीमी, मेको ला गेना हना यो गे नु ब्रोंइशा बाक्‍चा ताइनीम। १यूहन्‍ना ५:२०

John 17:25 in Sunwar

25 आं आफ, गे नेल्‍ल रिम्‍शो नु ठीक पाइब बाक्‍नीनी। रागी ङा मुरपुकीमी इन कली मतुइक्‍नीम। गो चहिं इन कली तुइक्‍नुङ। मिनु आं शेंसीबपुकीमी गे आं कली सोइक्‍ताक्‍यीनी, दे तुइक्‍नीम।

John 20:17 in Sunwar

17 मिनु येसुमी “मग्‍याइक्‍ती। मारदे हना मुल सम्‍म आं आफ आ बाक्‍तीक मलङ। आं लोक्‍ब आन बाक्‍तीक लशा, मेको आन कली ‘गो इं आफ, परमप्रभु यावे आ बाक्‍तीक लाइनुङ’ गे मेको आन कली शेंदो” दे माइक्‍तु। हिब्रू २:११-१२

Acts 6:10 in Sunwar

10 तन्‍न स्‍तीफानस परमप्रभु यावे आ सोक्‍तीम ब्रीशा जोक्‍शो तुइश्‍शो ब्‍वाक्‍मेनु, सुइमी ग्राने मचाप्‍मे बाक्‍त। लूका २१:१५

Acts 7:2 in Sunwar

2 स्‍तीफानसमी “आं आफ, बाजे नु आं लोक्‍बपुकी, गो लोव़ का निक्‍शी पाइनुङ। दोपा छेङछेङ नु सक्ति पाइश्‍शो परमप्रभु यावेमी इं किकी पिपी अब्राहाम कली तपांइसे, गो मेको नेल्‍लेमी तुइक्‍नय। उत्‍पत्ती ११:- ५०:-; यहोसु २४:३२

Romans 1:28 in Sunwar

28 आन थुंमी “परमप्रभु यावे कली तुइक्‍चा ममाल्‍ब” दे मिम्‍ताक्‍म। मोपतीके परमप्रभु यावेमी मेको आन कली आन मरिम्‍शो मिम्‍शो पचा गेशा, प्रोंइतु।

Romans 15:6 in Sunwar

6 मिनु गे थुं का नु लोव़ का पा इं प्रभु येसु ख्रीस्‍त आ आफ परमप्रभु यावे कली ठेयब सेल्‍ब दुम्‍नीनी।

1 Corinthians 2:8 in Sunwar

8 मेको लोव़ रागी ङा ठेयब मुरपुकीमी मरुबेम। रुप्‍तेक्‍म हना, सक्ति पाइश्‍शो प्रभु कली शीम केप्‍शा कांटी थोक्‍शा क्‍याइश्‍शा मसदेम वा।

1 Corinthians 2:10 in Sunwar

10 मेको लोव़ परमप्रभु यावेमी आ सोक्‍त रे पा इं कली तुइक्‍पाइश्‍शा रुप्‍पाइक्‍तु। मारदे हना परमप्रभु यावे आ सोक्‍तीम नेल्‍ल तुइक्‍ब। ख्रुइश्‍शो लोव़ यो माल्‍शा ग्रुंइब। परमप्रभु यावे आ सोक्‍तीम परमप्रभु यावे आ थुं ङा लोव़ यो नेल्‍ल तुइक्‍ब।

1 Corinthians 12:8 in Sunwar

8 परमप्रभु यावे आ सोक्‍तीमी का कली जोक्‍तीक तुइक्‍तीक लोव़ पपाइक्‍ब। अर्को कली मेकोन सोक्‍तीमी शेंतीक सक्ति गेब।

1 Corinthians 14:6 in Sunwar

6 आं लोक्‍बपुकी, गो परमप्रभु यावे आ सोक्‍त आ लोव़ पा, इन ग्रुम्‍तीकेमी जाक्‍ती हना, इन कली मरुप्‍चा ङा बाक्‍त। गो इन कली नोले दुम्‍तीक लोव़, जोक्‍तीक तुइक्‍तीक लोव़, परमप्रभु यावे आ लोव़ नु आ शेंतीक लोव़ पाता हना चहिं इन कली रिम्‍शो दुम्‍ब। १कोरिन्‍थी १२:८

2 Corinthians 12:1 in Sunwar

1 नें बोरपाइक्‍तीक लोव़ शोर गाक्‍शो बाक्‍त हना यो, गो आं नें बोरपा लोव़ पचा मप्रोंइनुङ। मारदे हना प्रभुमी छेङछेङ पा तपांइसीशा तुइक्‍पाइक्‍ती, दे मुल सम्‍म इन मतुइश्‍शो लोव़ तुइक्‍पाइक्‍नन्‍नी।

Ephesians 1:3 in Sunwar

3 इं प्रभु येसु ख्रीस्‍त आ आफ परमप्रभु यावे कली “गे ठेयब बाक्‍नीनी” देंय। मारदे हना मेकोमी स्‍वर्गम आ सोक्‍तीम पतीके इं कली आसीक गेप्‍तु। मेको नेल्‍ल ख्रीस्‍तम बाक्‍ब।

Ephesians 3:5 in Sunwar

5 मुल परमप्रभु यावे आ सोक्‍तीमी येसु ख्रीस्‍त आ सोइश्‍शो नु परमप्रभु यावे आ लोव़ पाइब आन कली परमप्रभु यावे आ ख्रुइश्‍शो मार बाक्‍बा, दे शेंताक्‍ङमी। ङोंइती ङा मुरपुकीमी चहिं मतुइश्‍शो बाक्‍तेक्‍म। कलस्‍सी १:२६

Ephesians 3:18 in Sunwar

18 मो दुम्‍मेनु, मेकोपुकी नु नेल्‍ल थमा सुइक्‍बपुकीमी येसु ख्रीस्‍त आ मुर आन कली दाक्‍तीके गिश ब्रेम्‍शो, गिश दुइश्‍शो, गिश लाइश्‍शो नु गिश लुक्‍च लशो बाक्‍मे, मेको नेल्‍ल रुप्‍तीक थुं गेने।

Colossians 1:9 in Sunwar

9 मिनु मेको लोव़ नेंस्‍कु रे इन कली मिम्‍शा, प्रार्थना पना पन बाक्‍तस्‍कु। मार प्रार्थना पाइतस्‍कु देंशा हना “कलस्‍सीपुकीमी इन दाक्‍शो मार बाक्‍बा, मेको तुइक्‍तमेक्‍ल। परमप्रभु यावे, इन सोक्‍त ङा तुइक्‍तीके नु रुप्‍तीके शुश तामेक्‍ल। एफिसी १:१५-१७

Colossians 2:2 in Sunwar

2 मेकोपुकी दाक्‍मुशा आन थुं बारपदमेक्‍ल। थमा पा रुप्‍तीके गिश ठेयब बाक्‍बा, परमप्रभु यावेमी ख्रीस्‍त आ पर्बम ख्रुइश्‍शो लोव़ मार बाक्‍बा, मेको नेल्‍ल रुप्‍मेक्‍ल।

2 Timothy 2:25 in Sunwar

25 जिचा पोक्‍ब आन कली रिम्‍शो लोव़मी ठीक सेल्‍चा माल्‍ब। परमप्रभु यावेमी मेको आन कली आ गे लेप्‍पाइश्‍शा, थमा शेंतीके तुइक्‍पाइक्‍ब कों?

Titus 1:1 in Sunwar

1 गो परमप्रभु यावे आ वाइल नु येसु ख्रीस्‍त आ सोइश्‍शो, थमा सुइक्‍ब पावल नङ। परमप्रभु यावे आ योव़शो मुर आन कली थमा सुइक्‍चा आ पर्बम शेंतीक नु मेको तुइश्‍शो रे रिम्‍शो गेय पचा माल्‍ब, दे शेंब दुम्‍ती।

James 2:1 in Sunwar

1 आं लोक्‍बपुकी, इं प्रभु येसु ख्रीस्‍त कली थमा सुइक्‍नीनी। मेको छेङछेङ ङा प्रभु बाक्‍ब। मोपतीके गेपुकी यो मुर आन कुल मकोव़ङीन।

James 3:17 in Sunwar

17 परमप्रभुमी गेशो निप्‍स पाइश्‍शो थुंमी मुर कली ग्रांग्रा दिचा ङा गेय मपपाइक्‍ब। सुइ नु मजिपाइक्‍ब। ब्रेम्‍शो सेल्‍ब। गाइश्‍शो फाल्‍पाइक्‍ब। शुश शिशी पपाइक्‍ब। रिम्‍शो गेय पपाइक्‍ब। कुल कोव़शा, गेय मपपाइक्‍ब। जोल मपपाइक्‍ब।

2 Peter 1:3 in Sunwar

3 परमप्रभु यावे आ सक्तिमी ब्रोंइचा नु परमप्रभु यावे आ ङोंइती बाक्‍चा कली मार मार माल्‍या, मेको नेल्‍ल इं कली मो गेप्‍तु। दोपा गेप्‍तु देंशा हना, मेको कली तुइक्‍तीके गेप्‍तु। आ छेङछेङमी बाक्‍चा नु आ पतीके नेल्‍ल पचा कली योव़तु। १पत्रुस २:४

2 Peter 3:18 in Sunwar

18 तन्‍न इं प्रभु, इं कली पाप रे प्रोंइब येसु ख्रीस्‍त आ शिशी नु मेको कली तुइक्‍तीकेम बारना बारन लल। मेको कली मुल नु गेना हना यो ठेयब सेल्‍य। आमेन।

1 John 2:3 in Sunwar

3 मिनु गोपुकी येसु ख्रीस्‍त आ मुर दुम्‍शो, दोपा तुइक्‍नय देंशा हना, परमप्रभु यावे आ अरेशो लोव़ पना पन बाक्‍तीके येसु ख्रीस्‍त कली थमा पा तुइक्‍नय।

Revelation 7:12 in Sunwar

12 मेकोपुकीमी “आमेन। नेल्‍ल आसीक गेचा नु छेङछेङ, जोक्‍ब तुइक्‍ब थुं, रिम्‍शो पाइब, मान सक्ति नु सासन पतीके नेल्‍ल गेना हना यो आंइ परमप्रभु यावे केन बाक्‍ल। आमेन” दे नेल्‍लेमी देंतेक्‍म।