Ecclesiastes 8:12 in Sunwar 12 मरिम्शो पाइब मुर सहे का खेयप मरिम्शो पशा यो शुश नाक्त सम्म ब्रोंइशा बाक्नीम। मो हना यो परमप्रभु कली मान पा हिंब नु आ ङोंइती बाक्ब आन कली रिम्शो दुम्ब, दे गो तुइक्नुङ। भजन संग्रह ३७:१८; भजन संग्रह ७३:१७-२६
Other Translations King James Version (KJV) Though a sinner do evil an hundred times, and his days be prolonged, yet surely I know that it shall be well with them that fear God, which fear before him:
American Standard Version (ASV) Though a sinner do evil a hundred times, and prolong his `days', yet surely I know that it shall be well with them that fear God, that fear before him:
Bible in Basic English (BBE) Though a sinner does evil a hundred times and his life is long, I am certain that it will be well for those who go in fear of God and are in fear before him.
Darby English Bible (DBY) Though a sinner do evil a hundred times, and prolong his [days], yet I know that it shall be well with them that fear God, because they fear before him;
World English Bible (WEB) Though a sinner commits crimes a hundred times, and lives long, yet surely I know that it will be better with those who fear God, who are reverent before him.
Young's Literal Translation (YLT) Though a sinner is doing evil a hundred `times', and prolonging `himself' for it, surely also I know that there is good to those fearing God, who fear before Him.
Cross Reference Deuteronomy 12:25 in Sunwar 25 गेपुकीम मेको मब्वचा। मिनु गे परमप्रभु यावे आ ङोंइती मार ठीक बाक्मे, मेको पतीके, गेपुकी नु इन नोले ङा इन आल आन कली रिम्शो दुम्ल।
1 Kings 2:5 in Sunwar 5 सेरूयाह आ तौ योआबम आं कली मार पवा? गे मेको तुइक्नेवे। मेकोमी इस्राएल ङा लडाइ पाइब आन ठेयब मुर नेर आ तौ आब्नेर नु येथेर आ तौ आमासा आस कली साइक्तीम्सी। मेको लोव़ गे आंमा तुइश्शो बाक्नेवे। मेकोमी मेको निम्फा आस कली लडाइ मदुम्थु, थुं नाइश्शा बाक्तीक ना साइक्तीम्सी। मिनु मेको हुशेमीन आ किप्शुर नु आ जुत्ता दोस ताइब सेल्तु। २सामुएल ३:२७; २सामुएल २०:१०
1 Kings 21:25 in Sunwar 25 आहाबम आ मीश इजेबेल आ लोव़ नेंशा, परमप्रभु यावे आ ङोंइती काइ मरिम्शो पवा बाक्त। मोदेंशो मुर अर्को सुइ मबाक्मा बाक्त।
1 Kings 22:34 in Sunwar 34 तन्न मुर कामी आ लिब्रा खुक्शा, हेंथे पा ब्रा आप्शा सोइक्ता बाक्त। मिनु मेको ब्रामी इस्राएल ङा पिप आ कुचु तेक्तीक पाता आ बोंइसेम ख्रवा बाक्त। मिनु पिपम आ बग्गी खुल्ब कली “बग्गी हिरशा लडाइ रे ग्रुंइदी। गो ठेयब गार दुम्शो बाक्नुङ” देंमाक्त।
1 Chronicles 16:30 in Sunwar 30 रागी नेल्ल मेको आ ङोंइती थिर थिर पा ख्रिंख्रि पने। रागी नेल्ल कली गेना हना यो मदुक्चा ङा पा वोइश्शो बाक्ब।
Psalm 37:11 in Sunwar 11 ब्रेम्शोपुकी रागीम बाक्चा ताइनीम। मारेइ मारेइ तशा ग्येरशा, ठेयब थुं पा बाक्चा ताइनीम। मत्ती ५:५
Psalm 37:18 in Sunwar 18 परमप्रभु यावेमी दोस मताइब आन नाक्ती तुइक्ब। मिनु मेको आन शोंप गेना हना यो लीब। उपदेसक ८:१२
Psalm 96:9 in Sunwar 9 रिम्शो पतीकेमी ग्योम्सीशा, परमप्रभु यावे कली “गे ठेयब बाक्नीनी” दे लोव़ पने। रागी ङा मुर नेल्ले मेको आ ङोंइती मेको कली मान पा ख्रिंख्रि पने।
Psalm 112:1 in Sunwar 1 परमप्रभु यावे कली ठेयब सेलीन। सु परमप्रभु यावे कली मान पा हिंबा, मेको ग्येरसीशो मुर बाक्ब। मेकोमी परमप्रभु आ शेंशो शुश दाक्ब। भजन संग्रह १:२; हितोपदेस २०:७
Psalm 115:13 in Sunwar 13 मेकोमी परमप्रभु यावे कली मान पा हिंब आइक्च ठेयब नेल्ल आन कली आसीक गेब।
Proverbs 1:32 in Sunwar 32 मारदे हना मारेइ मजोक्ब आन मटितीके साइक्चा पुंइसीनीम। मूर्ख आन मारेइ ममिम्तीके खतम दुम्नीम।
Proverbs 13:21 in Sunwar 21 मरिम्शो पाइब आन कली श्येतम खोइक्ब। तन्न ठीक पाइब आ माल्शो मारेइ मारेइ जाक्दीप्ब। हितोपदेस २८:८; अय्युब २७:१३-१७; उपदेसक २:२६
Ecclesiastes 3:14 in Sunwar 14 परमप्रभुमी मार पाइबा, मेको गेना हना यो लीब, दे गो तुइश्शो बाक्नुङ। मेकेर मारेइ तेम्ने नु ग्रुंइने मचाम्सीब। मुर नेल्लेमी परमप्रभु कली हिंशा मान पामेक्ल, दे मोदेंशो पाप्तु।
Ecclesiastes 5:16 in Sunwar 16 एको यो श्येत लाक्चा ङा मरिम्शो का बाक्ब। मुर दोपा जाक्बा, मोपान लेश्शा लाइब। मिनु मेको कली मार रिम्शो दुम्बा ङा? मारदे हना मेको आ पशो श्येत नेल्ल फश खोदेंशो दुम्ब।
Ecclesiastes 7:15 in Sunwar 15 गो आं इच्का नाक्त ब्रोंइतीकेमी ठीक पाइब मुर आ ठीक पशोमी खतम दुम्शो नु मरिम्शो मुर आ मरिम्शो पशोमी शुश बर्स ब्रोंइशो ताता। उपदेसक ८:१४; भजन संग्रह ७३:१२-१४
Ecclesiastes 7:18 in Sunwar 18 का कली वोतीन नु अर्को कली यो मप्रोनीन। मारदे हना परमप्रभु कली मान पा हिंब, मेको नेल्ल रे ङोन बाक्नीम।
Isaiah 3:10 in Sunwar 10 दोस मताइब मुर आन कली रिम्शो दुम्ब। मारदे हना मेकोमी आ गेय पशो रे जाइब।
Isaiah 65:13 in Sunwar 13 मोपतीके परमप्रभु यावेमी “आं गेय पाइबपुकी जचा ताइनीम। गे चहिं शोव़लु बेक्नीनी। आं गेय पाइब तूचा ताइनीम। गे चहिं तूतू दाक्शा बाक्नीनी। आं गेय पाइबपुकी ग्येरनीमी, गे चहिं मुने दोक्नीनी। यसैया ५५:१
Isaiah 65:20 in Sunwar 20 का निक्शी नाक्त ला ब्रोंइब आल मेकेर मबाक्नीम। मिनु मेकेर सुइ यो खूशो दुम्चा क्येङा ङोंइती मबेक्नीम। सहे का बर्स ब्रोंइशा बेक्ब कली ठिटा देंनीम। मिनु सहे का बर्स मगाप्थु, बेक्ब मुर कली ‘सराप रशो मुर का बाक्त’ देंनीम। जकरिया ८:४
Matthew 25:34 in Sunwar 34 मिनु पिपमी आ ग्युरा गे राप्शो आन कली ‘आं आफ आ आसीक तशोपुकी, आं नेक्थान जाक्कीने। रागी सेल्चा ङोंइती एको राज्य इन कली सेल्शा वोइश्शो बाक्त। मुल बाक्कीने।
Matthew 25:41 in Sunwar 41 मिनु आ पेरा गे राप्शो आन कली हिरशा ‘सराप तशोपुकी, गो नु मबाक्कीने। सैतान नु आ गेय पाइब आन कली गेनायो मकाप्ब मी वोइश्शो बाक्ब। मेकेर लने। प्रकाश २०:१०,१५
Luke 1:50 in Sunwar 50 सु सुम मेको कली मान पा हिंनीमी, मेको आन कली शिशी पाइब। भजन संग्रह १०३:१३,१७
Romans 2:5 in Sunwar 5 इन थुं परमप्रभु यावे गे मलेत्तीके परमप्रभु यावे आ गाइश्शो तेम्नीनी। मिनु आ ठीक निसाफ पची नाक्त शुश सजाइ ताइनीनी।
Romans 9:22 in Sunwar 22 परमप्रभु यावेमी आ गाइश्शो कोंइताक्व हना, मरिम्शो पाइब आन कली शुश फाल्शो बाक्त हना यो, नोले ला खतम दुम्पाइक्ब। रोमी २:४; हितोपदेस १६:४
2 Peter 2:9 in Sunwar 9 परमप्रभु यावेमी चहिं आंम कली टीब मुर आन कली “दोपा थुं थाम्चा ङा श्येत रे ग्रुंइनुङा” दे तुइक्ब। मिनु ठीक मपाइब आन कली सजाइ गेचा कली निसाफ पची नाक्त सम्म वोइक्ब। १कोरिन्थी १०:१३