Ecclesiastes 6:12 in Sunwar 12 मुर इच्का नाक्त ब्रोंइब बाक्ब, मार रिम्शो बाक्मे, मेको सुम तुइक्बा ङा? मुर आ नाक्त वांकु खोदेंशो पा लाक्ब। मेको बेक्शा लम नोले मार दुम्बा, दे सुम देंने चाप्बा ङा? १इतिहास २९:१५; भजन संग्रह १४४:४
Other Translations King James Version (KJV) For who knoweth what is good for man in this life, all the days of his vain life which he spendeth as a shadow? for who can tell a man what shall be after him under the sun?
American Standard Version (ASV) For who knoweth what is good for man in `his' life, all the days of his vain life which he spendeth as a shadow? for who can tell a man what shall be after him under the sun?
Bible in Basic English (BBE) Who is able to say what is good for man in life all the days of his foolish life which he goes through like a shade? who will say what is to be after him under the sun?
Darby English Bible (DBY) For who knoweth what is good for man in life, all the days of his vain life which he spendeth as a shadow? for who can tell man what shall be after him under the sun?
World English Bible (WEB) For who knows what is good for man in life, all the days of his vain life which he spends like a shadow? For who can tell a man what will be after him under the sun?
Young's Literal Translation (YLT) For who knoweth what `is' good for a man in life, the number of the days of the life of his vanity, and he maketh them as a shadow? for who declareth to man what is after him under the sun?
Cross Reference 1 Chronicles 29:15 in Sunwar 15 गोपुकी इन ङोंइती शुश नाक्त मबाक्ब अर्को रागी ङा मुर दुम्शो बाक्नीकी। आंइ किकी पिपी यो मोदेंशो बाक्मा बाक्त। आंइ रागीम बाक्तीके नाक्ती वांकु खोदेंशो बाक्नीम। शुश बाक्तीक आस मबाक्ब। भजन संग्रह ३९:१३; हिब्रू ११:१३; अय्युब १४:२
Job 8:9 in Sunwar 9 मारदे हना गोपुकी सिनाक्त ला जरमेशो बाक्नीकी। मिनु गो मारेइ मतुइक्ब बाक्नीकी। रागीम आंइ नाक्ती वांकु खोदेंशो ला बाक्ब।
Job 14:2 in Sunwar 2 मेको फू खोदेंशो पा बोइश्शा, सोल सुल बेक्ब। वांकु जाम्शो खोदेंशो पा जाम्शा लाइब। भजन संग्रह ९०:५
Job 14:21 in Sunwar 21 मेको आन आल ठेयब दुम्शा मान पाइक्चा पुंइसाक्म हना यो, मेकोपुकीम मतुइक्नीम। आइक्च सेल्चा पुंइसाक्म हना यो, मतुइक्नीम।
Psalm 4:6 in Sunwar 6 शुश मुरुमी “सुमी आंइ कली रिम्शो बाक्चा गेबा” दे हिल्लो पाइनीम। परमप्रभु यावे, इन कुल ङा छेङछेङ आंइ तार ब्रपतीन। गन्ती ६:२५
Psalm 16:5 in Sunwar 5 परमप्रभु यावे, गे आं भाग बाक्नीनी। मिनु आं कचौरा प्रिंनीनी। गे आं थेरशो रू कोव़ब बाक्नीनी। भजन संग्रह ७३:२६; गन्ती १८:२०; बिलाप ३:२४
Psalm 17:15 in Sunwar 15 गो चहिं ठीक पा बाक्शा, थमा पा इन कुल ताइनुङ। सुनी सेंसीशा, इन कली तशा, रूशो खोदेंशो दुम्शा, ग्येरसीनुङ” देंती।
Psalm 39:5 in Sunwar 5 गे आं ब्रोंइतीक नाक्त बित्ता का निक्शी खोदेंशो सेल्तीनी। आं ब्रोंइतीक नाक्त इन ङोंइती मारेइ ममाइ। मुर नेल्ले आन ब्रोंइतीके जाम्शा लाइब फश खोदेंशो बाक्नीम” देंती। भजन संग्रह ९०:५-६ठेयब सेंदा पा।
Psalm 47:4 in Sunwar 4 मेकोमी आंइ कली शोंप योव़शा गेप्तु। मेको याकूब आ दाक्शो रागी बाक्त। मारदे हना परमप्रभुमी याकूब कली शुश दाक्ताक्व।ठेयब सेंदा पा।ब्यवस्था ३२:९
Psalm 89:47 in Sunwar 47 परमप्रभु, आं ब्रोंइशा बाक्तीक नाक्त इच्का ला बाक्ब। गे मुर नेल्ल आन कली जाम्शा लाइब सेल्शो बाक्नीनी।
Psalm 90:10 in Sunwar 10 आंइ ब्रोंइतीके ७० बर्स ला बाक्ब। बोल पा ब्रोंइतक हना, ८० बर्स सम्म ब्रोंइनीकी। मो हना यो आंइ ब्रोंइतीक नाक्ती नेल्ल श्येत नु मरिम्शो दुम्तीके ला बाक्ब। ब्रोंइतीक नाक्ती रीब पा नुप्ब। मिनु गो बेक्शा लाइनीकी। उपदेसक १:३
Psalm 102:11 in Sunwar 11 आं ब्रोंइतीक नाक्त पेरचा चिक्शो नां खोदेंशो बाक्ब। मिनु गो घांस खोदेंशो पा बेक्शो बाक्नुङ। भजन संग्रह ९०:५-६
Psalm 109:23 in Sunwar 23 गो नां लाक्शो ना ङा वांकु खोदेंशो पा जाम्शो बाक्नुङ। थुर थुर पाइश्शो सल्हा खोदेंशो बाक्नुङ।
Psalm 144:4 in Sunwar 4 मुर कीशो सोक्त खोदेंशो बाक्नीम। मेको आन ब्रोंइतीक नाक्ती जाम्शा लाइब वांकु खोदेंशो बाक्नीम। अय्युब १४:२
Ecclesiastes 2:3 in Sunwar 3 गो आंम कली ग्येरपाइक्चा कली इच्का अङगुर शांबु तूता। मो पङानु आं थुंम बाक्शो जोक्तीक तुइक्तीक मला। मूर्ख आ गेय रुप्चा कली मोदेंशो पाता। मिनु गो मुर आन कली इच्का नाक्त रागीम ब्रोंइचा कली रिम्शो गेय मार बाक्बा, दे रुप्चा माल्ता। हितोपदेस ३१:४
Ecclesiastes 3:22 in Sunwar 22 मोपतीके मुर नेल्ले आंम गेयमी ग्येरसीशा बाक्कीन। मेको नेल्ल क्येङा रिम्शो बाक्ब। मारदे हना मुरुमी आ नोले मार दुम्बा, दोपा तुइक्ने चाप्बा ङा?
Ecclesiastes 8:7 in Sunwar 7 नोले ङा लोव़ सुइमी मतुइक्नीम। मोपतीके सुइम मुर आन कली नोले मार दुम्बा, मेको देंने मचाप्नीम। उपदेसक १०:१४
Ecclesiastes 8:13 in Sunwar 13 तन्न परमप्रभु यावे आ अरेशो मटीब आन कली गेनायो रिम्शो मदुम्ब। मिनु शुश ब्रोंइचा यो मताइनीम। मारदे हना मेकोपुकीमी परमप्रभु कली मान पा महिंनीम।
Ecclesiastes 9:6 in Sunwar 6 मेको आन दाक्तीके, काइ मदाक्तीक नु गेहे पतीक नेल्ल जाम्शा लत। मेकोपुकीम रागीम मार दुम्शो बाक्मे, मेको मारेइ ममिम्नीम।
Ecclesiastes 12:13 in Sunwar 13 नेनो, नेल्ल क्येङा नोले ङा लोव़ मार बाक्ब देंशा हना, परमप्रभु कली मान पा हिनो। मिनु मेको आ शेंशो टिवो। मारदे हना मुर नेल्ल आन पचा माल्शो एकोन बाक्ब। ब्यवस्था ६:२
Lamentations 3:24 in Sunwar 24 आं थुंमी “परमप्रभु यावे आं भाग बाक्ब। मोपतीके गो मेको कली आस पाइनुङ” देंती। भजन संग्रह १६:५; भजन संग्रह ३:२६
Micah 6:8 in Sunwar 8 परमप्रभु यावेमी इन कली, गे बेक्शा लाइब मुर, इन कली मार रिम्शो बाक्मे नु मार पचा माल्नीनी, मेको देंशो बाक्ब। मार देंशो बाक्ब देंशा हना, गे ठीक निसाफ पने, शिशी पतीक कली दाक्तीन। मिनु इन परमप्रभु आ ङोंइती ब्रेम्शो दुम्शा गाक्कीन। ब्यवस्था १०:१२; १सामुएल १५:२२
James 4:14 in Sunwar 14 दीसा नित्थी मार दुम्बा, ब्रोंइनीनी कों, बेक्नीनी कों मारेइ मतुइक्नीनी। इन गिंम मार में? मेको गोस्स खोदेंशो बाक्ब, इच्का का ला लीशा, जाम्ब। लूका १२:२०