Deuteronomy 25 in Sunwar

1 मिनु मोसामी “वोंइश मुर निक्‍शी जिम्‍ताक्‍स हना, मुददा कोम्‍मुइनीस। मिनु निसाफ पाइबमी का कली रिम्‍शो नु का कली मरिम्‍शो देंब। प्रस्‍थान २३:७

2 मिनु मरिम्‍शो पाइब का तुप्‍चा सजाइ पुंइसाक्‍व हना, मेको निसाफ पाइब आ ङोंइतीन मेको कली खोल्‍शा, मेको आ पाप गिश खेयप तुप्‍चा ङा बाक्‍मे, मिश खेयप मेको कली तुप्‍चा माल्‍नीम।

3 मेकोमी ४० खेयप सम्‍म तुप्‍चा दुम्‍ब। मेको क्‍येङा शुश तुप्‍पाइक्‍तु हना, इन लोक्‍ब इन ङोंइती मुने दोक्‍ब। २कोरिन्‍थी ११:२४

4 दांइ पशो ब्‍यफ कली फुङला पाइक्‍चा मदुम्‍ब। १कोरिन्‍थी ९:९; १तिमोथी ५:१८

5 मिनु लोक्‍ब निक्‍शी काथा बाक्‍ताक्‍स हना, का तौ मथिथु, बेक्‍त हना, मेको आ मीशेम अर्को खिं ङा मुर नु ग्‍युंबे पचा मदुम्‍ब। बेक्‍शो मुर आ लोक्‍बमी मेको मीश मुर कली ग्‍युंबे पचा माल्‍ब।

6 मिनु मेको आ ङोंइती जरमेशो तौ कली मेको बेक्‍शो आ नें वोइक्‍चा माल्‍नीम। मिनु मोपा आ नें इस्राएल रे मक्‍याम्‍सीब।

7 तन्‍न आ रिउम आ भोग्‍यु वोइक्‍चा मबिस्‍साक्‍व हना, मेको मीश मुरुमी सहर ङा ठेयब लाप्‍चोम बाक्‍ब खाल्‍पा आन नेक्‍था लशा ‘आं रिउम आ लोक्‍ब आ नें इस्राएलम वोइक्‍ने मबिस्‍से। मेकोमी आ पचा माल्‍शो गेय मपावो’ देंचा माल्‍ब।

8 मिनु मेको सहर ङा खाल्‍पापुकीमी मेको कली ब्रेश्‍शा, मेको नु लोव़ पचा माल्‍नीम। मिनु मेकोमी ‘गो एको कली मचाक्‍नुङ’ दे आ थुं मलेत्‍ताक्‍व हना,

9 आ भोग्‍युम सहर ङा खाल्‍पा आन ङोंइती मेको आ जुत्ता प्रुइश्‍शा आ कुलम तोक्‍चा माल्‍ब। मिनु मेको मीश मुरुम ‘सुम आ लोक्‍ब आ खिं ङा मुर सेल्‍चा मदाक्‍बा, मेको कली ओं पाइक्‍चा माल्‍ब’ दे लोव़ पचा माल्‍ब।

10 मिनु इस्राएलमी मेको आ खिं ङा मुर आन कली ‘जुत्ता प्रुंइसीशो मुर’ दे नें वोइक्‍चा माल्‍नीम।

11 मिनु वोंइश मुर निक्‍शी राम्‍शी पाम्‍सेनु, का आ मीश जाक्‍शा, आ वोंइश कली प्रोंइचा, दे अर्को आ ख्रुइश्‍शो थोव़क ग्‍याइक्‍ताक्‍व हना,

12 गेपुकीमी मेको कली शिशी मपाइक्थु, आ गुइ ख्रोइक्‍चा माल्‍ब।

13 मिनु इन पुक्‍तीक नाक्‍तीक ठेयब नु आइक्‍च बाक्‍चा मदुम्‍ब। लेवी १९:३५-३६; इजीकीएल ४५:१०; आमोस ८:५; मीका ६:११

14 इन खिंमी यो निक्‍शी खाल ङा पुक्‍तीके एफाह मदुम्‍ब। एफाह का २२ लिटर रिक्‍ब पुक्‍तीके बाक्‍ब।

15 तन्‍न इन खिंमी ठीक नाक्‍तीक नु ठीक पुक्‍तीक बाक्‍चा माल्‍नीम। मो पाइतीनी हना, परमप्रभु यावे, इन परमप्रभुमी गेशो रागीम शुश नाक्‍त ब्रोंइनीनी।

16 मारदे हना मरिम्‍शो पुक्‍बपुकी, परमप्रभु यावे, इन परमप्रभु आ ङोंइती ग्रांग्रा दित्‍चा ङा बाक्‍नीम।

17 मिनु गेपुकी इजीप्‍त रे पिनीनु, अमालेक ङा मुरपुकीमी इन कली लांम मार पामे मेको मप्रेंदीन। प्रस्‍थान १७:८-१६

18 मेकोपुकीमी इन कली लडाइ तोशा, गेपुकी लांम गाक्‍शो रे दनीनु नोले गाक्‍ब नेल्‍ल आन कली साइश्‍‍शो बाक्‍तेक्‍म। मेकोपुकी परमप्रभु क्‍येङा महिंम।

19 मोपतीके परमप्रभु यावे, इन परमप्रभुमी इन कली योव़शा गेशो इन के सेल्‍चा चिक्‍शो रागीम इन जोरी सत्रु नु लडाइ पशा, नाइक्‍साक्‍नी हना, अमालेकी आन नें रागी रे क्‍याम्‍चा माल्‍नीनी। मेको मप्रेंदीन” देंत। १सामुएल १५:२-३