Daniel 7:25 in Sunwar 25 मिनु मेकोमी नेल्ल क्येङा ठेयब आ पर्बम मरिम्शो लोव़ पा, नेल्ल क्येङा ठेयब आ मुर आन कली यो खतम सेल्ब। मिनु मेकोमी परमप्रभु आ देंशो चाड नु आ अरेशो लोव़ कली फाइक्चा दाक्ब। मिनु परमप्रभु आ मुर आन पाला का, पाला निक्शी नु आधा पाला मेको आ अधिकारमी गेचा पुंइसीनीमी। प्रकाश १३:५-६; दानीएल १२:७
Other Translations King James Version (KJV) And he shall speak great words against the most High, and shall wear out the saints of the most High, and think to change times and laws: and they shall be given into his hand until a time and times and the dividing of time.
American Standard Version (ASV) And he shall speak words against the Most High, and shall wear out the saints of the Most High; and he shall think to change the times and the law; and they shall be given into his hand until a time and times and half a time.
Bible in Basic English (BBE) And he will say words against the Most High, attempting to put an end to the saints of the Most High; and he will have the idea of changing times and law; and the saints will be given into his hands for a time and times and half a time.
Darby English Bible (DBY) And he shall speak words against the Most High, and shall wear out the saints of the most high [places], and think to change seasons and the law; and they shall be given into his hand until a time and times and a half time.
World English Bible (WEB) He shall speak words against the Most High, and shall wear out the saints of the Most High; and he shall think to change the times and the law; and they shall be given into his hand until a time and times and half a time.
Young's Literal Translation (YLT) and words as an adversary of the Most High it doth speak, and the saints of the Most High it doth wear out, and it hopeth to change seasons and law; and they are given into its hand, till a time, and times, and a division of a time.
Cross Reference Isaiah 37:23 in Sunwar 23 गे सु कली शुक्शी पवी? सु आ पर्बम गे ठेयब लेश्शो लोव़ पवी? गे इस्राएली आन का ला बाक्शो परमप्रभु आ ङोंइती ठेयब लेश्शो दुमे?
Daniel 2:21 in Sunwar 21 गे हिउंद नु बर्खा फाइक्ब, पिप आन कली वोइक्ब नु तिल्ब बाक्नीनी। गे जोक्ब तुइक्ब आन कली तुइक्तीक थुं गेनीनी। मिनु रुप्ब थुं पाइश्शो मुर आन कली जोक्तीक थुं गेनीनी। दानीएल ४:१४,२२,२९
Daniel 4:25 in Sunwar 25 गे मुर आन बाक्तीके रे खेरचा पुंइसीनीनी। मिनु गे जन्तुपुकी नु बाक्नीनी। बी ब्यफोमी खोदेंशो पा घांस ब्वाइनीनी। मिनु नाक्दो ङा सीतम जित्नीनी। मिनु ७ बर्स सम्म मोदेंशो दुम्नीनी। नेल्ल क्येङा ठेयब परमप्रभुमी मुर आन राज्यम सासन पाइब। मिनु परमप्रभुमी मेको राज्य आ दाक्शो मुर आ गुइमी गेब, दे इन कली तुइक्पाइक्चा कली मोदेंशो पाप्तु।
Daniel 4:32 in Sunwar 32 गे मुर आन बाक्तीके रे खेरचा पुंइसीनेवे। मिनु गे जन्तुपुकी नु बाक्नेवे। बी ब्यफोमी खोदेंशो पा घांस ब्वाइनेवे। मिनु नाक्दो ङा सीतम जित्नेवे। मिनु ७ बर्स सम्म मोदेंशो दुम्नेवे। नेल्ल क्येङा ठेयब परमप्रभुमी मुर आन राज्य कली सासन पाइब। मिनु परमप्रभुमी मेको राज्य आ दाक्शो मुर आ गुइमी गेब, दे इन कली तुइक्पाइक्चा कली मोदेंशो पाइब” देंत। दानीएल ५:२१
Daniel 7:8 in Sunwar 8 मिनु गो मेको ग्रोव़ आन कली रिम्शो पा कोव़ङुनु, मेको आन दातेमी अर्को आइक्च ग्रोव़ का ग्रूशो ताता। मेको आइक्च ग्रोव़ कली बाक्तीक गेचा कली ङोंइती ङा ग्रोव़ सां आन शाक्श सुन्दा एत्तेक्म। मेको नक ग्रूशो ग्रोव़मी मिक्च बाक्तेक्म। मेको मुर आ मिक्च खोदेंशो बाक्तेक्म। मिनु मेको के ठेयब लेश्शा लोव़ पाइब शोव़ का बाक्त। दानीएल ११:३६
Daniel 7:20 in Sunwar 20 मिनु मेको आ पियामी बाक्शो १० ओटा ग्रोव़ नु अर्को ग्रोव़ का आ पर्बम रुप्चा थुं पाता। मेको ग्रोव़ का ग्रूमेनु, ङोंइती ङा ग्रोव़ सां एत्तेक्म। मेको ग्रूशो ग्रोव़ के मिक्च नु ठेयब लेश्शो लोव़ पतीक शोव़ बाक्त। मिनु मेको अरु ग्रोव़ आन क्येङा ठेयब बाक्त। मेको आ पर्बम यो रुप्चा थुं पाता।
Daniel 8:24 in Sunwar 24 मेको शुश बोल्यो दुम्ब। मिनु मेकोमी मारेइ मारेइ खतम पोक्ब। आ पतीक मारेइ मारेइमी ग्राब। मिनु मेकोमी सक्ति पाइश्शो मुर नु थमा सुइक्ब आन कली खतम पोक्ब।
Daniel 11:28 in Sunwar 28 मिनु उत्तर ङा पिप शुश शोंप लाइश्शा, आ रागी लेश्शा लाइब। तन्न मेकोमी परमप्रभु यावे आ कबल पशो आ पर्बम शुश गाइश्शो बाक्ब। मिनु मेको पिपमी मार दाक्ता, मेको पाइब। मिनु आ रागीम लेश्शा लाइब।
Daniel 11:30 in Sunwar 30 कित्तीम रे पा मेको नु लडाइ पचा कली जहाजपुकी जाक्नीम। मिनु मेको पिप आ थुं लुक्च लशा, आ रागी लेप्ब। मेकोमी परमप्रभु यावे आ कबल पशो आ पर्बम गाइश्शा, थमा सुइक्ब आन कली खेदा पाइब। मिनु परमप्रभु यावे आ कबल प्रोंइशो मुर नु गारब।
Daniel 11:36 in Sunwar 36 पिपमी मार दाक्बा, मेको पाइब। मिनु मेकोमी ‘देवी देवता नेल्ल आन क्येङा ठेयब नङ’ देंब। मिनु परमप्रभु नेल्ल आन क्येङा ठेयब परमप्रभु आ पर्बम गेनायो मनेंसीशो मरिम्शो लोव़ पाइब। मेको आ नोले ङा नाक्त मजाक्म सम्म आ माल्शो ताइब। परमप्रभुमी मेको कली सजाइ मगेवा सम्म मोदेंशो दुम्ब। मारदे हना परमप्रभुमी मार पचा मिम्बा, मेको पाइब। २थिस्सलोनिकी २:४; दानीएल ७:८,२५; प्रकाश १३:५-६
Daniel 12:7 in Sunwar 7 मिनु मेको आइक्ची हांबु बाक्ब बुश सुती वा फेक्शोमी आ गुइ निम्फा सरीङ गे पोक्तु। मिनु गेना हना यो ब्रोंइशा बाक्ब आ नें थिशा कसम जशो नेंता। मिनु मेकोमी “एको पाला का बाक्शो ना, पाला निक्शी बाक्शो ना नु आधा पाला बाक्शो ना कली दुम्ब। मिनु परमप्रभु यावे आ मुर आन कली श्येत जची ना नु्म्मेनु, मेको देंशो लोव़ नेल्ल गाप्ब” दे गेना हना यो ब्रोंइशा बाक्ब आ नेंमी कसम जाप्तु। दानीएल ७:२५; प्रकाश १०:५-६
Daniel 12:11 in Sunwar 11 मिनु नाक्त किंत किंत ङा चोशा चढ़ेतीक चढ़ेचा नाइक्तमे नोले नु ग्रांग्रा दिशो थोव़क चढ़ेमे सम्म हजार का, सहे निक्शी ९० नाक्त दुम्नीम। दानीएल ९:२७
2 Thessalonians 2:4 in Sunwar 4 मेकोमी “मानेचा ङा मारेइ मबा” देंब। परमप्रभु यावे नु मानेचा ङा थोव़क आन क्येङा आंम कली ठेयब सेल्शा, परमप्रभु यावे आ खिंमी निश्शा “गो का ला परमप्रभु यावे नङ” देंब। दानीएल ११:३६; मत्ती २४:१५
1 Timothy 4:1 in Sunwar 1 परमप्रभु यावे आ सोक्तीमी “नोले ङा नाक्तीम का निक्शी थमा सुइक्बपुकीमी थमा सुइक्चा प्रोंइनीम। मेको मुरपुकीमी हेंथे लां कोंइब नु जोल पाइब वोल आन शेंशो नेंनीम” देंत। मत्ती २४:२४; २थिस्सलोनिकी २:३; २तिमोथी ३:१; २पत्रुस ३:३; १यूहन्ना २:१८; यहूदा १८
Revelation 6:9 in Sunwar 9 मिनु पाठामी मेको लीशो छाप सां रे का प्राक्गानु, गो चढ़ेतीके आगाम शुश मुर आन कली ताता। मेकोपुकी परमप्रभु यावे आ लोव़ टिचा कली नु अर्को आन कली येसु ख्रीस्त परमप्रभु यावे आ तौ बाक्ब, दे शेंचा आ पर्बम साइक्चा पुंइसीशो मुर बाक्तेक्म।
Revelation 11:2 in Sunwar 2 मिनु परमप्रभु यावे आ खिं ङा लाङगा रागी रागी ङा मुर आन कली गेशो बाक्त। मेको मपुक्को। मेकोपुकीमी परमप्रभु यावे आ योव़शो सहर ४२ महिना सम्म खोइलीमी दिप्शा ताइश्शा बिग्रेनीम” देंत। लूका २१:२४
Revelation 11:7 in Sunwar 7 मिनु मेको निक्शीमी परमप्रभु यावे आ लोव़ थुम्से नोले, मेको पुं मपाइश्शो ढोडोङगा रे ठेयब जन्तु कुशा, मेको निक्शी नु राम्शी पा ग्रात। ग्राशा ङा मिन मेको आस कली साइक्तु। प्रकाश १३:३; प्रकाश १३:७
Revelation 12:6 in Sunwar 6 मिनु मेको मीश मुर आल थिशा नोले गोरशो रागीमी प्रोक्त। मेकेर परमप्रभु यावेमी बाक्तीके ठीक पशो बाक्त। मिनु मेको कली हजार का सहे निक्शी ६० नाक्त थुल्तेक्म। प्रकाश ११:३
Revelation 12:14 in Sunwar 14 मिनु मेको मीश मुरुमी ठेयब ककाकुली आ फ्रां निक्शी ताक्तु। मारदे ताक्तु देंशा हना, मेको ठेयब बुस्स रे ब्रोंइशा, गोरशो रागीमी बेरशा, प्रोक्चा कली ताक्तु। मेको गोरशो रागीमी परमप्रभु यावेमी आ दाक्ची ना सम्म मेकेर थुल्शो बाक्त।
Revelation 13:5 in Sunwar 5 मिनु मेको जन्तु कली ठेयब लेश्शा, ब्वाक्चा नु परमप्रभु आ पर्बम मरिम्शो लोव़ पचा कली शोव़ गेशो बाक्त। मेको कली ४२ महिना सम्म सासन पचा कली अधिकार गेशो बाक्त। प्रकाश ११:२
Revelation 13:15 in Sunwar 15 मिनु मेकोमी जन्तु आ मूर्ति कली ब्रोंइचा सोक्त गेचा अधिकार यो तशो बाक्त। मिनु मेकोमी सोक्त गेवानु, मेको ब्रोंइतीक सोक्त पाइश्शो मूर्ति लोव़ पचा गोप्तु। मिनु मेको जन्तुमी मूर्ति आ ङोंइती खुम्की पा सेउ मपाइब मुर आन कली साइक्पाइक्तु।
Revelation 14:12 in Sunwar 12 मेना रागीमी परमप्रभु यावे आ योव़शो थमा सुइक्बपुकीमी श्येत फाल्चा माल्नीम। मारदे हना मेकोपुकीमी परमप्रभु यावे आ अरेशो लोव़ पाइनीम। मिनु येसु कली थमा सुइक्नीम। प्रकाश १३:१०
Revelation 16:6 in Sunwar 6 रागी ङा मुरपुकीमी इन योव़शो मुर नु इन लोव़ पाइब आन कली क्योरशा, आन हुश शाइक्पाइश्शा साइक्तेक्म। मिनु गे मेको रागी ङा मुर आन कली हुश तूपाइक्तीनी। मार पामे, मेको ताम्तेक्म” देंशो नेंता।
Revelation 17:6 in Sunwar 6 मिनु गो मेको मीश मुर कली परमप्रभु यावे आ योव़शो मुर नु येसु आ सांकछी आन हुशेमी दुक्शो ताता। मेको कली तङानु, गो शुश छक लाक्ती। प्रकाश १८:२४
Revelation 18:24 in Sunwar 24 मिनु मेको सहर ङा मुरपुकीमी परमप्रभु यावे आ लोव़ पाइबपुकी नु परमप्रभु यावे आ योव़शो मुर आन कली साइश्शो बाक्तेक्म। नेल्ल रागी ङा सु सु मुर साइश्शो बाक्मा, मेको सहरमी साइश्शो बाक्तेक्मे” दे परमप्रभु यावे आ स्वर्ग ङा गेय पाइबमी देंत। प्रकाश ६:१०; प्रकाश १७:६