Daniel 6:26 in Sunwar 26 आं राज्य ङा मुर नेल्लेमी दानीएल आ परमप्रभु कली मान पा हिंचा माल्नीम। मारदे हना मेको गेना हना यो ब्रोंइशा बाक्ब परमप्रभु बाक्ब। मेको आ राज्य गेना हना यो लीब। मिनु आ अधिकार गेनायो मनुप्ब।
Other Translations King James Version (KJV) I make a decree, That in every dominion of my kingdom men tremble and fear before the God of Daniel: for he is the living God, and stedfast for ever, and his kingdom that which shall not be destroyed, and his dominion shall be even unto the end.
American Standard Version (ASV) I make a decree, that in all the dominion of my kingdom men tremble and fear before the God of Daniel; for he is the living God, and stedfast for ever, And his kingdom that which shall not be destroyed; and his dominion shall be even unto the end.
Bible in Basic English (BBE) Then King Darius sent a letter to all the peoples, nations, and languages, living in all the earth: May your peace be increased.
Darby English Bible (DBY) I make a decree, That in every dominion of my kingdom men tremble and fear before the God of Daniel; for he is the living God, and steadfast for ever, and his kingdom [that] which shall not be destroyed, and his dominion shall be even unto the end.
World English Bible (WEB) I make a decree, that in all the dominion of my kingdom men tremble and fear before the God of Daniel; for he is the living God, and steadfast forever, His kingdom that which shall not be destroyed; and his dominion shall be even to the end.
Young's Literal Translation (YLT) From before me is made a decree, that in every dominion of my kingdom they are trembling and fearing before the God of Daniel, for He `is' the living God, and abiding to the ages, and His kingdom that which `is' not destroyed, and His dominion `is' unto the end.
Cross Reference Deuteronomy 5:26 in Sunwar 26 मिनु सु मुरुम इं खोदेंशो पा ब्रोंइशा बाक्ब परमप्रभु आ सेंदा मी आ दाते रे पा नेंशा यो ब्रोंइशो बाक्बा?
1 Samuel 17:26 in Sunwar 26 मिनु दाऊदमी आ नेक्था बाक्ब आन कली “मेरे पलिस्ती कली साइक्ब नु इस्राएली आन कली मुने दोक्तीक रे प्रोंइबमी मार ताइबा? गेना हना यो ब्रोंइशा बाक्ब परमप्रभु आ लडाइ पाइब आन कली शुक्शी पाइब मेरे ख्रोइक्तीक चिनु मख्रोइश्शो पलिस्तीम मार मिम्बा?” देंमाक्त।
1 Samuel 17:36 in Sunwar 36 गो जोइ वांपुकी साइश्शो बाक्नुङ। मेको ख्रोइक्तीक चिनु मख्रोइश्शो पलिस्ती यो मेको आन खोदेंशो दुम्ब। मेकोमी गेना हना यो ब्रोंइशा बाक्ब परमप्रभु आ लडाइ पाइब आन कली शुक्शी पशो बाक्ब।
Ezra 6:8 in Sunwar 8 मिनु गो हुकुम का पाइनुङ। गे यहूदी आन खाल्पा आन कली परमप्रभु आ खिं सेल्चा कली मार पचा माल्नीनी मेको यो इन कली हुकुम गेनन्नी। मेको सेल्तीक गेय पचा कली युफ्रेटीस आइक्ची हांबु ङा रागी रे पोक्शो तिरो रे पिप आ क्येट वोइक्तीक रे मेको आन कली माल्शो नेल्ल गेने।
Ezra 7:12 in Sunwar 12 ‘पिप आन पिप आरता-सास्तमी स्वर्ग ङा परमप्रभु आ अरेशो लोव़ जोक्ब तुइक्ब चढ़ेब एज्रा कली थुं नाइश्शा बाक्को!’
Psalm 2:11 in Sunwar 11 परमप्रभु यावे कली मान पा हिंशा, मेको आ देंशो गेय पने। हिंशा ख्रिंख्रि पा मेको आ ङोंइती ग्येरशा बाप्पीन। फिलिप्पी २:१२; हिब्रू १२:२८
Psalm 29:10 in Sunwar 10 परमप्रभु यावे आ ठेयब नित्तीके ब्वाक्कु तारी बाक्ब। मेको आ ठेयब नित्तीकेम निश्शा, गेना हना यो सासन पाइब।
Psalm 93:1 in Sunwar 1 परमप्रभु यावेमी सासन पाइब। मेको पिप आ वाम ग्योम्सीशो बाक्ब। परमप्रभु यावेमी आ सक्ति किम्सीशो बाक्ब। रागी आ जग बोल्यो बाक्ब, मेको गेनायो महिम्सीब। भजन संग्रह ४७:८; भजन संग्रह ९६:१०; भजन संग्रह ९७:१; भजन संग्रह ९८:६; भजन संग्रह ९९:१; भजन संग्रह १४६:१०; प्रस्थान १५:१८
Psalm 99:1 in Sunwar 1 परमप्रभु यावे पिप बाक्ब। जात जात ङा मुरपुकी ख्रिंख्रि पामेक्ल। मेको करूब आन तारी बाक्ब। रागीम ख्रिनु कुल। भजन संग्रह ९३:१; भजन संग्रह १८:११
Psalm 119:120 in Sunwar 120 गो इन कली मान पा हिंशा ख्रिंख्रि पाइनुङ। मिनु गो इन निसाफ पतीक मिम्शा हिंनुङ।
Psalm 145:12 in Sunwar 12 मेकोपुकीमी इन ठेयब सक्ति पाइश्शो गेय नु इन राज्य ङा दारस आ पर्बम मुर आन कली तुइक्पाइक्चा माल्नीम।
Psalm 146:10 in Sunwar 10 परमप्रभु यावेमी गेना हना यो सासन पाइब। सियोन, इ परमप्रभुमी पाला पाला सम्म सासन पाइब। परमप्रभु यावे कली ठेयब सेलीन। भजन संग्रह ९३:१
Isaiah 9:7 in Sunwar 7 मेको आ अधिकार गेना हना यो बारब। दाऊद आ राज्य कली गेना हना यो थुं नाइक्तीके दुम्ब। मेको आ राज्य गेना हना यो ठीक निसाफ नु ठीक पतीकेमी बाक्ब। मेको मुर नेल्ल आन परमप्रभु यावेमी पाइब। २सामुएल ७:१२-१३; लूका १:३२; यसैया ११:१-५; भजन संग्रह ७२:३-४
Isaiah 66:2 in Sunwar 2 मारेइ मारेइ आं सेल्शो मनमी ङा? मोपतीके मेको नेल्ल आं के नम” दे परमप्रभु यावेम देंत। मिनु लेंशा “मो हना यो गो आं लोव़ नेंशा, हिंशा, ख्रिंख्रि पा श्येत जाइब नु आ थुं जिक्शो मुर आन कली कोव़नुङ।
Jeremiah 10:10 in Sunwar 10 तन्न परमप्रभु यावे थमा ङा परमप्रभु बाक्ब। मेको ब्रोंइशा बाक्ब परमप्रभु नु गेना हना यो लीब पिप बाक्ब। मेको गाइक्तानु, रागीम ख्रिनु कुइब। मिनु रागी रागी ङा मुरपुकीम मेको आ गाइश्शो फाल्ने मचाप्नीम। येरमीया ५:२
Daniel 2:44 in Sunwar 44 मेको पिप आन पालामी स्वर्ग ङा परमप्रभुमी अर्को राज्य का सेल्ब। मेको राज्य गेनायो ब्रोल चिल मदुम्ब। मेको राज्य ङा मुर खाल का ङा बाक्नीम। मेकोमी अरु राज्य नेल्ल आन कली रोब चिब पा थुम्पाइक्ब। तन्न मेको आ राज्य गेना हना यो लीब। दानीएल १४:२७; यसैया ९:६; १कोरिन्थी १५:२४; प्रकाश ११:१५
Daniel 3:29 in Sunwar 29 मोपतीके गो ‘जात जात ङा, रागी रागी ङा नु आंम आंम लोव़ पाइब मुर नेल्ल, सु सुमी शद्रक, मेशक नु अबेद-नेगो आन परमप्रभु आ पर्बम मरिम्शो लोव़ पा शुक्शी पाइनीमी, मेको आन गुइ खोइल ख्रोइश्शा साइक्चा पुंइसीनीम। मिनु मेको आन खिं यो प्रेश्शा गेचा पुंइसीनीम’ दे हुकुम पाइनुङ। मारदे हना मेको आन परमप्रभु का ला बाक्ब। देवी देवताम मोदेंशो पा प्रोंइने मचाप्नीम” देंत। दानीएल २:४७
Daniel 4:3 in Sunwar 3 मेको आ कोंइशो चिन्ड गिश ठेयब बाक्नीमी। मिनु आ छक लाक्चा ङा गेय गिश सक्ति पाइश्शो बाक्नीमी। आ राज्य गेना हना यो लीब। मिनु आ अधिकार यो गेना हना यो लीब। दानीएल २:४४; दानीएल ४:३१; दानीएल ६:२७; दानीएल ७:१४,२७; भजन संग्रह १४५:१३
Daniel 4:34 in Sunwar 34 मिनु पिपमी “मेको देंशो नेल्ल जाक्दीम नोले, गो आं पिया पोक्शा सरीङ गे कोव़ता। मिनु आं निप्स लेंशा रिम्शो दुम्त। मिनु गो नेल्ल क्येङा ठेयब नु गेना हना यो ब्रोंइशा बाक्ब परमप्रभु कली ठेयब सेल्शा, मान पाता। मेको आ सासन पतीके गेना हना यो लीब। मेको आ राज्य पाला पाला सम्म लीब। दानीएल ३:३३
Daniel 6:20 in Sunwar 20 मिनु गुप्स आन बाक्तीके आ नेक्था जाक्दीश्शा, शुश हिंशा दानीएल कली “दानीएल, ब्रोंइशा बाक्ब परमप्रभु आ गेय पाइब, इ गेना हना यो ठेयब सेल्ना सेल्न बाक्शो परमप्रभुमी इ कली गुप्स रे प्रोना?” दे हिल्लो पा ब्रेत्ताक्व। दानीएल ३:१७
Daniel 7:14 in Sunwar 14 मिनु मेको कली सासन पतीक अधिकार, मान ततीक नु पिप सेल्शा राज्य गेशो ताता। मिनु जात जात नु रागी रागी ङा आंम आंम लोव़ पाइब मुर नेल्लेमी मेको कली गेय पशो ताता। आ सासन पतीके अधिकार गेना हना यो लीबाक्त। आ पिप दुम्शो राज्य गेनायो खतम मदुम्बाक्त।
Daniel 7:27 in Sunwar 27 मिनु राज्य, सासन पतीक अधिकार नु राज्य नेल्ल आन ठेयब दुम्तीके नेल्ल क्येङा ठेयब आ मुर आन कली गेचा पुंइसीनीम। मेको आन राज्य गेना हना यो लीब राज्य दुम्ब। मिनु सक्ति पाइश्शो नेल्लेमी मेको आ गेय पा, मेको कली टीनीम” देंत।
Hosea 1:10 in Sunwar 10 इस्राएलीपुकी समुन्द्र ङा बाल्वा खोदेंशो पा शुश दुम्नीम। मिनु सुइमी मेको आन कली पुक्ने नु हिक्ने मचाप्नीम। ते मेको आन कली ‘गेपुकी आं मुर मननी’ देंशो बाक्मे मेकेर मेको आन कली ‘गेना हना यो ब्रोंइशा बाक्ब परमप्रभु आ मुर’ देंनीम। उत्पत्ती २२:१७; रोमी ९:२६
Malachi 3:6 in Sunwar 6 मिनु मेकोमी “गो, परमप्रभु यावे, गेनायो मफांइसीनुङ। मोपतीके गे याकूब आ चच युइ मुल सम्म ब्रोंइशो बाक्नीनी।
Matthew 6:13 in Sunwar 13 सैतानमी आंइ थुं हिरपाइक्चा मगेने। आंइ कली सैतान रे प्रोनीने। मारदे हना राज्य, सक्ति नु छेङछेङ गेना हना यो इन के नम’ आमेन। यूहन्ना १७:१५; १कोरिन्थी १०:१३; १इतिहास २९:११-१३
Luke 1:33 in Sunwar 33 मिनु मेको याकूब आ खिं ङा मुर, यहूदी आन पिप दुम्शा, हुकुम पाइब। मिनु आ राज्य गेनायो मनुप्ब” देंमाक्त।
Luke 12:5 in Sunwar 5 तन्न परमप्रभु यावे कली मान पा हिनीन। मारदे हना मुर आन कली साइश्शा, नाराक सोइक्तीक सक्ति मेको नु बाक्ब। मोपतीके मेको कली तशा मान पा हिनीन। हिब्रू १२:२९
Acts 17:25 in Sunwar 25 मुरपुकीमी परमप्रभु कली मारेइ गेचा ममाल्नीमी। आं कका रागीमी बाक्ब नेल्ल आन कली ब्रोंइतीक सोक्त नु आन माल्शो नेल्ल गेशो बाक्ब। भजन संग्रह ५०:९-१२
Romans 9:26 in Sunwar 26 ङोंइती मेको रागीमी परमप्रभु यावे आ मुर मबाक्म। नोले चहिं ब्रोंइशा बाक्ब परमप्रभु यावे आ तमी तौ ब्रेत्चा पुंइसीनीम” दे ब्रेक्शो बाक्त। होसे २:२५; होसे २:१
1 Thessalonians 1:9 in Sunwar 9 मेकोपुकीमी इं पर्बम लोव़ पाम्तेक्म। मार लोव़ पाम्तेक्म देंशा हना, थिस्सलोनिकी सहर ङा मुरपुकीमी आंइ कली मिश रिम्शो ब्राम्तेक्म। मिनु गेपुकी इन मूर्ति कली प्रोंइशा, परमप्रभु यावे कली थमा सुइक्ब दुम्शा, ब्रोंइशा बाक्ब, थमा परमप्रभु यावे आ गेय पाइब दुम्तीनी। प्रेरित १४:१५; १कोरिन्थी १२:२
Hebrews 6:17 in Sunwar 17 मोपतीके परमप्रभु यावेमी “आं गेशो लोव़ गेनायो मफाइक्नुङ” दे आ गेशो लोव़ ताइब आन कली रुप्पाइक्चा, दे कसम जशा, आ लोव़ थोक्ता बाक्त।
Hebrews 12:29 in Sunwar 29 इं परमप्रभु यावे नेल्ल खतम सेल्ब मी खोदेंशो बाक्ब। हिब्रू १०:३१; ब्यवस्था ४:२४
James 1:17 in Sunwar 17 हाइश्शो नु रिम्शो ठीक मिम्तीके थुं नेल्ल परमप्रभु यावे रे जाक्ब। मिनु परमप्रभु यावे छेङछेङ कली सेल्ब बाक्ब। मोपतीके परमप्रभु यावे छेङछेङमी बाक्ब। छिङछिङ ङा गेय काइ मपाइब। आ थुं यो मफांइसीब। मत्ती ७:११; १यूहन्ना १:५
Revelation 4:10 in Sunwar 10 मेको २४ जना शेंब खाल्पामी मेको ठेयब नित्तीकेमी निप्ब आ ङोंइती आन पोक्च थेक्शा सेउ पाम्तेक्म। मिनु गेना हना यो ब्रोंइशा बाक्ब कली मान पाम्तेक्म। मिनु मेकोपुकीमी आन सिरपेच पुइश्शा, मेको ठेयब नित्तीकेमी निप्ब आ ङोंइती वोइश्शा
Revelation 5:14 in Sunwar 14 मिनु मेको ४ ओटा सेस जन्तुमी “आमेन” देंतेक्म। मिनु मेको खाल्पापुकीमी बाप्शा सेउ पाम्तेक्म।
Revelation 11:15 in Sunwar 15 मिनु मेको नोले ङा परमप्रभु यावे आ स्वर्ग ङा गेय पाइबमी आ तुराही ताप्तु। मिनु स्वर्गमी ठेयब सेंदापुकी नेंता। मेकोपुकीमी “आंइ परमप्रभु नु आ ख्रीस्तमी रागी नेल्ल कली सासन पाइब दुम्ताक्से। मिनु गेना हना यो सासन पना पन बाक्नीसी” देंशो नेंता।