Daniel 12:10 in Sunwar 10 मिनु शुश मुर नाक्चा, रिम्शो सेल्चा नु सुन यपाइश्शो खोदेंशो पा रिम्शो सेल्चा पुंइसीनीम। तन्न परमप्रभु कली मटीब, मटिना टिन बाक्शा, मारेइ मरुप्नीम। तन्न जोक्ब तुइक्बपुकीमी एको लोव़ रुप्नीम।
Other Translations King James Version (KJV) Many shall be purified, and made white, and tried; but the wicked shall do wickedly: and none of the wicked shall understand; but the wise shall understand.
American Standard Version (ASV) Many shall purify themselves, and make themselves white, and be refined; but the wicked shall do wickedly; and none of the wicked shall understand; but they that are wise shall understand.
Bible in Basic English (BBE) Till a number are tested and make themselves clean; and the evil-doers will do evil; for not one of the evil-doers will have knowledge; but all will be made clear to those who are wise.
Darby English Bible (DBY) Many shall be purified, and be made white, and be refined; but the wicked shall do wickedly: and none of the wicked shall understand; but the wise shall understand.
World English Bible (WEB) Many shall purify themselves, and make themselves white, and be refined; but the wicked shall do wickedly; and none of the wicked shall understand; but those who are wise shall understand.
Young's Literal Translation (YLT) Purify themselves, yea, make themselves white, yea, refined are many: and the wicked have done wickedly, and none of the wicked understand, and those acting wisely do understand;
Cross Reference 1 Samuel 24:13 in Sunwar 13 साइ ङोंइती ङा लोव़मी ‘मरिम्शोमी मरिम्शोन जाक्ब’ देंशो बाक्ब। मो हना यो गो आं गुइ इन पर्बम मक्युक्नुङ। रोमी १२:१९; १ पत्रुस २:२३
Psalm 51:7 in Sunwar 7 गे हिस्सोप के ब्राक्सुमी आं पाप क्याम्दीन। मिनु आं पाप क्याम्सीशो बाक्ब। मिनु आं कली चिक्तीनी। मिनु गो फुं क्येङा बुश दुम्नुङ। प्रस्थान १२:२२-२३; यसैया १:१८
Psalm 107:43 in Sunwar 43 सु जोक्ब तुइक्ब बाक्मे, मेकोमी एको लोव़ रुबल। मिनु परमप्रभु यावे आ गेना हना यो दाक्तीके आ पर्बम मिम्तल।
Proverbs 1:5 in Sunwar 5 जोक्ब तुइक्ब नेल्लेमी एको लोव़ रिम्शो पा नेंबमी तेम्शा शुश रुप्ब दुम्नीम। निप्स पाइश्शो मुर जोक्ब दुम्शा,
Proverbs 2:1 in Sunwar 1 आं तौ, गे आं लोव़ नेनो, आं शेंशो इ थुंम वोइक्तीवी हना,
Isaiah 1:18 in Sunwar 18 मिनु परमप्रभु यावेमी “जाक्कीन, गोपुकी बुक्शा, लोव़सी पय। इन पाप हुश खोदेंशो लल बाक्त हना यो, फुं खोदेंशो बुश दुम्ब। शुश लल बाक्त हना यो, मेको ऊन खोदेंशो बुश दुम्ब। यसैया ४४:२२; भजन संग्रह ५१:९
Isaiah 32:6 in Sunwar 6 मारदे हना मूर्ख मुर मूर्ख लोव़ ला पाइनीम। मेको आन थुंमी मरिम्शो पचा ला मिम्शा बाक्नीम। परमप्रभु यावे कली मटीनीम। मेको आ पर्बम दूली शेंनीम। शोव़लु बेक्ब आन थुं श्येत्थ लीपाइक्नीम। मिनु तूतू दाक्ब आन कली तूचा मगेनीम।
Ezekiel 36:25 in Sunwar 25 गो इन तार रिम्शो ब्वाक्कु ब्रुइक्नुङ। मिनु गे इन ग्रांग्रा दिशो गेय नु इन मूर्ति पूजा पतीक ताइश्शा रिम्शो दुम्नीनी। इन ग्रांग्रा दिशो दुम्शो नेल्ल रे ग्रांग्रा मदिशो सेल्नन्नी। जकरिया १३:१; हिब्रू १०:२२
Ezekiel 47:11 in Sunwar 11 तन्न मेको समुन्द्र आ सिम नु हिलो बाक्तीके ङा ब्वाक्कु रिम्शो मदुम्ब। मेको हिक्सी ग्रुंइचा कली बाक्नीम।
Daniel 11:33 in Sunwar 33 मिनु मेको आन दाते ङा जोक्ब तुइक्बपुकीमी शुश मुर आन कली रुप्ब सेल्नीम। मोपतीके नाक्त का निक्शी सम्म मेको तरवारम क्योरचा, मीम हुम्चा, ग्याइश्शा चोक्चा नु आन मार मार रोइक्चा पुंइसीनीम।
Daniel 11:35 in Sunwar 35 मिनु मुरुम जोक्ब तुइक्ब आन कली मोदेंशो खेदा पतीके रागीम नोले ङा नाक्ती सम्म मेको आन कली सुन खोदेंशो पा यपाइक्चा, नाक्चा नु रिम्शो दुम्पाइक्चा कली बाक्ब। मेको मुल सम्म मजाक्शो बाक्ब।
Daniel 12:3 in Sunwar 3 मिनु जोक्ब तुइक्बपुकी सरीङ ङा छेङछेङ खोदेंशो दुम्नीम। मिनु सु सुमी मुर आन कली ठीक लांमी गाक्पदमे, मेकोपुकी गेना हना यो सोरुल आ छेङछेङ खोदेंशो दुम्नीम। दानीएल ११:३३; हितोपदेस ४:१८; मत्ती १३:४३
Hosea 14:9 in Sunwar 9 सु जोक्ब तुइक्ब बाक्बा, मेकोमी एको लोव़ तुइक्तल। सु के रुप्ब थुं बाक्मे, मेकोमी एको लोव़ रुबल। परमप्रभु यावे आ लां ठीक बाक्नीम। मिनु ठीक पाइबपुकी मेको आ लांमी गाक्नीम। तन्न आ देंशो मटीबपुकी मेको आ लांमी दाइल पाइसीनीम” दे परमप्रभुम देंत।
Zechariah 13:9 in Sunwar 9 मिनु मेको लीशो भाग आन कली गो मीम कुरपाइनुङमी। चांदी याप्पाइश्शो खोदेंशो पा याप्पाइक्नुङमी। मिनु सुन नाक्शो खोदेंशो पा नाक्नुङमी। मिनु मेकोपुकीमी आं कली थोइनीम। मिनु गो मेको आन कली लोव़ लेत्नुङमी। मेकोपुकी आं मुर नम’ देंनुङ। मिनु मेकोपुकीमी ‘परमप्रभु यावे, आंइ परमप्रभु बाक्ब’ देंनीम” दे परमप्रभु यावेमी देंत। होसे २:२५
Mark 4:11 in Sunwar 11 मिनु येसुमी “परमप्रभु यावे आ राज्य दोदेंशो बाक्ब दे इन कली रुप्तीक थुं गेशो बाक्त। लाङगाम बाक्ब आन कली चहिं कथा सेल्शा शेंनुङमी।
Luke 24:25 in Sunwar 25 मिनु येसुमी “गे मरुप्ब नसी। साइ नेसी परमप्रभु यावे आ लोव़ पाइब आन देंशो लोव़ रुप्शा थमा सुइक्ने मचाप्नीसी? लूका ९:२२
John 7:17 in Sunwar 17 सु मुरुमी परमप्रभु यावे आ दाक्शो पाइबा, मेकोमी आं शेंतीके लोव़ परमप्रभु यावे के बाक्बा कों, आंम के बाक्बा, दे तुइक्ब।
John 8:47 in Sunwar 47 सु चहिं परमप्रभु यावे रे जाक्बा, मेको परमप्रभु यावे आ लोव़ नेंब। गेपुकी परमप्रभु यावे रे मजाक्नी। मोपतीके परमप्रभु यावे आ लोव़ नेंने मचाप्नीनी” दे माइक्तीमी। यूहन्ना १८:३७
John 18:37 in Sunwar 37 पिलातसमी “मिनु गे पिपन ननी?” दे हिल्लो पाप्तु। मिनु येसुमी “गो पिप नङ, दे गे आंमा देंतीनी। मिनु थमा मार बाक्बा, दे कोंइचा कली रागीम जरमेशा जाक्ती। सु थमामी बाक्बा, मेकोमी आं सेंदा नेंब” देंत। १तिमोथी ६:१३
Romans 11:8 in Sunwar 8 मेको आन पर्बम यसैयामी “परमप्रभु यावेमी मेको आन कली मरुप्ब थुं गेप्तु। मेकोपुकी मिक्च मताइब नु नोफा मनेंब दुम्शा बाक्शो बाक्नीम। मुल सम्म मोदेंशो दुम्शा बाक्नीम” दे ब्रेक्शो बाक्त। यसैया २९:१०; ब्यवस्था २९:४
1 Corinthians 2:10 in Sunwar 10 मेको लोव़ परमप्रभु यावेमी आ सोक्त रे पा इं कली तुइक्पाइश्शा रुप्पाइक्तु। मारदे हना परमप्रभु यावे आ सोक्तीम नेल्ल तुइक्ब। ख्रुइश्शो लोव़ यो माल्शा ग्रुंइब। परमप्रभु यावे आ सोक्तीम परमप्रभु यावे आ थुं ङा लोव़ यो नेल्ल तुइक्ब।
1 Corinthians 6:11 in Sunwar 11 इन दातेमी का निक्शी मोदेंशो बाक्मा बाक्त। तन्न मुल गे चिक्शो खोदेंशो पा, परमप्रभु यावे आ मुर दुम्शा, प्रभु येसु ख्रीस्त आ नेंमी नु इं परमप्रभु यावे आ सोक्तीम पतीके ठीक मुर सेल्चा पुंइसाक्नी। तीतस ३:३-७; १कोरिन्थी १:२; रोमी ३:२६
2 Corinthians 7:1 in Sunwar 1 आं दाक्शोपुकी, गो नेल्लेमी परमप्रभु यावे आ गेशो लोव़ तुइश्शो बाक्नय। मोपतीके इं रां थुं नेल्ल मरिम्शो पतीक रे ङोन बाक्नय। मिनु इं परमप्रभु यावे कली ला मान पा हिंशा ठेयब सेल्नय।
2 Thessalonians 2:10 in Sunwar 10 जाम्शा लाइब आन कली जोल शेंब। मारदे हना मेकोपुकीमी थमा शेंतीक नेंचा मदाक्तेम। मिनु पाप रे ब्रोंइतीक ताक्चा मदाक्तेम।
Titus 2:14 in Sunwar 14 येसु ख्रीस्तम आंम कली काइ ममिम्थु, साइक्चा पुंइसाक्व। मारदे साइक्चा पुंइसाक्व देंशा हना, इं कली मटितीके रे प्रोंइचा कली साइक्चा पुंइसाक्व। मिनु इं कली परमप्रभु यावे आ योव़शो मुर सेल्चा नु इं कली शुश रिम्शो गेय पपाइक्चा कली आंम कली साइक्चा, दे जिम्मा गेसाक्व। गलाती १:४; १तिमोथी २:६; प्रस्थान १९:५; एफिसी २:१०
Hebrews 12:10 in Sunwar 10 इं आफपुकीमी इं कली आन मिम्स पा नाक्ती का निक्शी सम्म शेंताक्म। स्वर्ग ङा आफोमी चहिं इं कली रिम्शो थुं पाइश्शो सेल्चा दाक्ब। पाप रे ङोन बाक्शो आ खोदेंशो दुम्शो तचा दाक्ब। मोपतीके इं कली शेंब।
1 Peter 1:7 in Sunwar 7 मारदे श्येत जाइनीनी देंशा हना, इन थमा सुइश्शो थमा कों, जोल कों, दे नाक्चा कली श्येत जाइनीनी। मोपा श्येत जाइतीनी हना, इन थमा सुइक्तीके मीम याप्पाइश्शो सुन क्येङा शुश क्येट लाइब दुम्ब। मिनु येसु ख्रीस्त आ यिची ना ठेयब सेल्तीक, छेङछेङ नु मान पतीक दुम्ब। हितोपदेस १७:३, यसैया ४८:१०
1 Peter 1:22 in Sunwar 22 दोपा येसु ख्रीस्त आ देंशो टिशा, थमा गेय पा पाप रे ङोन बाक्नी, मोपा गे लोक्ब आन कली यो थमा पा दाक्नीनी। गे थमा सुइक्बपुकी इन थुं नेल्लेमी थमा पा दाक्मुने।
1 John 5:20 in Sunwar 20 मिनु परमप्रभु यावे आ तौमी इं कली रुप्तीक थुं गेप्तु, दे तुइक्नय। मेको रुप्तीक थुंमी थमा पतीके कली तुइक्नय। गोपुकी मेको थमा पाइब नु थुं का ङा बाक्नय। मोपा आ तौ येसु ख्रीस्त नु यो थुं का ङा बाक्नय। मेको थमा परमप्रभु यावे नु गेना हना यो ब्रोंइशा बाक्तीक बाक्ब। यूहन्ना १७:३
Revelation 3:18 in Sunwar 18 मोपतीके गो इन कली लोव़ का पाइनुङ, मार लोव़ पाइनुङ देंशा हना, गे शोंप पाइश्शो दुम्चा कली आं सुन ग्यापीन। मेको सुन याप्पाइश्शो बाक्ब। मेको ग्याप्तीनी हना, गे शोंप पाइश्शो दुम्नीनी। मिनु फेक्चा कली बुश वा ग्यापीन। मेको ग्याप्तीनी हना, मुने मदोक्नीनी। मिनु इन मिक्च, सापाइक्चा कली मिक्चीम ख्रेक्तीके ग्यापीन। ग्याप्शा ख्रेक्साक्नी हना, गे ताइनीनी।
Revelation 7:13 in Sunwar 13 मिनु मेको शेंब खाल्पा कामी आं कली “मेको बुश वा फेक्शो मुरपुकी सु नमी? ते रे जाक्मा?” दे हिल्लो पती।
Revelation 9:20 in Sunwar 20 मिनु मबेक्थु लीशो मुरपुकीमी मेको आन मरिम्शो पचा मप्रोनेम। मार मरिम्शो पाम्तेक्म देंशा हना, वोल नु देवी देवता आन कली खुम्की पा सेउ पाम्तेक्म। मताइब, मनेंब, मगाक्ब सुन, चांदी, कांसा, फुल्लु नु शी के सेल्शो मूर्ति आन कली खुम्की पा सेउ पाम्तेक्म। प्रकाश १६:९
Revelation 16:11 in Sunwar 11 मोपतीके स्वर्ग ङा परमप्रभु कली सराप पाम्तेक्म। मारदे हना मेकोमी ठेयब मरिम्शो गार दुम्पाइश्शा, श्येत गेप्तु। तन्न आन मरिम्शो पचा मप्रोनेम।
Revelation 19:8 in Sunwar 8 मेको ग्युम्ली कली सुती के रिम्शो बुश टल्केशो वा फेक्चा कली गेशो बाक्त” देंशो नेंता। मिनु मेको सुती के रिम्शो वा मार बाक्ब देंशा हना, परमप्रभु यावे आ योव़शो आन ठीक पतीके बाक्ब। यसैया ६१:१०
Revelation 19:14 in Sunwar 14 मिनु स्वर्ग ङा फौजपुकी बुश शारा ङोइश्शा, मेको आ नोले खोइश्शो बाक्तेक्म। मेको शारा ङोइक्बपुकी रिम्शो बुश सुती के वा फेक्शो बाक्तेक्म। प्रकाश १७:३४
Revelation 22:11 in Sunwar 11 सु सुमी पाप पाइनीमी, मेको पामेक्ल। सु सु ग्रांग्रा दिचा ङा बाक्मा, मेको मोदेंन बाक्मल। सु सु चहिं ठीक पाइब बाक्नीमी, मेको ठीक पा बाक्मल। सु सु प्रभु आ मुर बाक्मा, मेको मोदेंशोन बाक्मल” दे परमप्रभु यावे आ स्वर्ग ङा गेय पाइबमी देंत। दानीएल १२:१०