Daniel 11:33 in Sunwar 33 मिनु मेको आन दाते ङा जोक्ब तुइक्बपुकीमी शुश मुर आन कली रुप्ब सेल्नीम। मोपतीके नाक्त का निक्शी सम्म मेको तरवारम क्योरचा, मीम हुम्चा, ग्याइश्शा चोक्चा नु आन मार मार रोइक्चा पुंइसीनीम।
Other Translations King James Version (KJV) And they that understand among the people shall instruct many: yet they shall fall by the sword, and by flame, by captivity, and by spoil, many days.
American Standard Version (ASV) And they that are wise among the people shall instruct many; yet they shall fall by the sword and by flame, by captivity and by spoil, `many' days.
Bible in Basic English (BBE) And those who are wise among the people will be the teachers of the mass of the people: but they will come to their downfall by the sword and by the flame, being made prisoners and undergoing loss for a long time.
Darby English Bible (DBY) And they that are wise among the people shall instruct the many; and they shall fall by the sword, and by flame, by captivity, and by spoil, [many] days.
World English Bible (WEB) Those who are wise among the people shall instruct many; yet they shall fall by the sword and by flame, by captivity and by spoil, [many] days.
Young's Literal Translation (YLT) And the teachers of the people give understanding to many; and they have stumbled by sword, and by flame, by captivity, and by spoil -- days.
Cross Reference Isaiah 32:3 in Sunwar 3 कोव़ब मुर आन मिक्च ब्राब्रा मदुम्नीम। नेंबपुकीमी नोफा दाइश्शा नेंनीम।
Daniel 12:3 in Sunwar 3 मिनु जोक्ब तुइक्बपुकी सरीङ ङा छेङछेङ खोदेंशो दुम्नीम। मिनु सु सुमी मुर आन कली ठीक लांमी गाक्पदमे, मेकोपुकी गेना हना यो सोरुल आ छेङछेङ खोदेंशो दुम्नीम। दानीएल ११:३३; हितोपदेस ४:१८; मत्ती १३:४३
Daniel 12:10 in Sunwar 10 मिनु शुश मुर नाक्चा, रिम्शो सेल्चा नु सुन यपाइश्शो खोदेंशो पा रिम्शो सेल्चा पुंइसीनीम। तन्न परमप्रभु कली मटीब, मटिना टिन बाक्शा, मारेइ मरुप्नीम। तन्न जोक्ब तुइक्बपुकीमी एको लोव़ रुप्नीम।
Zechariah 8:20 in Sunwar 20 मुर नेल्ल आन परमप्रभु यावेमी “शुश सहर ङा मुर तेम्शा जाक्नीम।
Malachi 2:7 in Sunwar 7 चढ़ेबपुकीमी तुइक्तीक लोव़ होस पा पचा माल्नीम। मिनु मुरपुकीमी मेको आन शेंशो नेंचा माल्नीम। मारदे हना चढ़ेबपुकी मुर नेल्ल आन परमप्रभु यावे आ सोइश्शो लोव़ पाइब बाक्नीम। ब्यवस्था ३३:१०; हाग्गै १:१३
Matthew 10:21 in Sunwar 21 लोक्बमी आ लोक्ब कली साइक्पाइक्चा गेब। आफोमी तमी तौ आन कली नु तमी तौपुकीमी यो आम आफ कली मरिम्शो पा साइक्पाइक्नीम। मीका ७:६
Matthew 13:11 in Sunwar 11 मिनु येसुमी “इन कली स्वर्ग ङा राज्य आ पर्बम ख्रुइश्शो लोव़ रुप्तीक थुं गेशो बाक्त। तन्न मेको आन कली मगेमी बाक्त। १कोरिन्थी २:१०
Matthew 13:51 in Sunwar 51 आं शेंतीक लोव़ नेल्ल रुम्नी?” दे हिल्लो पवानु “रुप्तक” देंतेक्म।
Matthew 20:23 in Sunwar 23 मिनु येसुमी “थमा आं कचौराम तूनीसी। तन्न आं ग्युरा पेरा गे बाक्चा गेचा आं गुइमी ममाइ। आं आफोमी योव़शो आन कली बाक्ब” दे माइक्तीम्सी। प्रेरित १२:२; प्रकाश १:९
Matthew 24:9 in Sunwar 9 इन कली खेदा पा शुश श्येत गेनीम, साइक्नीम। नेल्ल जात ङा मुरपुकीमी आं पर्बम इन कली मदाक्थु आइक्च सेल्नीम। मत्ती १०:२१-२२; यूहन्ना १६:२
Matthew 28:20 in Sunwar 20 मिनु गोमी इन कली मार मार शेंदन्नी, मेको नेल्ल मेको आन कली शेंशा पपतीने। नेनीने, रागी मनुप्ची सम्म गो गेनायो गेपुक नु बाक्नुङ” देंत। मत्ती १६:२०
Luke 24:44 in Sunwar 44 मिनु येसुमी आ शेंसीब आन कली “गो गे नु बाक्ची ना आ देंशो मोसा आ अरेशो लोव़, परमप्रभु यावे आ लोव़ पाइब आन ब्रेक्शो नु भजन संग्रह आं पर्बम ब्रेक्शो लोव़ नेल्ल गाप्चा माल्ब, दे इन कली लोव़ पाता” देंमाक्त। लूका १८:३१-३३; लूका २४:२६-२७; लूका १८:३१
John 16:2 in Sunwar 2 मुरपुकीमी इन कली ग्रुम्तीक खिं रे तिल्नीम। थमा, इच्का नोले इन कली साइक्बपुकीमी ‘गो परमप्रभु यावे आ दाक्शो पना पन बाक्ती’ दे मिम्नीम। मत्ती १०:१७,२२; मत्ती २४:९
Acts 4:2 in Sunwar 2 मिनु “येसु बेक्शो रे सेंसाक्व। मिनु मुर नेल्ले यो बेक्शो रे सेंसीनीम” दे शेंशो नेंशा, थुं मनुमा बाक्त। प्रेरित २३:८
Acts 11:26 in Sunwar 26 मिनु थिश्शा एन्टीओकम जाक्शा बाक्सा बाक्त। मिनु बर्स का सम्म थमा सुइक्बपुकी नु काथा बाक्शा, शुश मुर आन कली प्रभु आ लोव़ शेंना शेंन बाक्सा बाक्त। एन्टीओक सहरमीन येसु आ लां खोइक्ब नेल्ल क्येङा ङोंइती “ख्रीस्तीयन” दे नें वोइक्चा पुंइसमा बाक्त। मेना रे मेको नें लीमाक्त। गलाती २:११
Acts 12:2 in Sunwar 2 यूहन्ना आ लोक्ब याकूब कली तरवारमी क्योरपा साइक्पदा बाक्त। मत्ती २०:२०-२३
Acts 14:21 in Sunwar 21 मिनु डेरबे सहरमी शुश मुर आन कली येसु आ ग्येरपाइक्ब लोव़ शेंशा रुप्पदसेनु, शुश मुरुमी थमा सुदमे बाक्त। मिनु मेकेर रे लशा लेंशा लिस्त्रा, आइकोनीयम नु पिसीदीया ङा एन्टीओकमी जाक्दीस्सा बाक्त।
1 Corinthians 4:9 in Sunwar 9 परमप्रभु यावेमी आ सोइश्शो, आंइ कली मुर नेल्ल आन क्येङा आइक्च सेल्शा साइक्चा पुंइसीचा कली वोइक्तु, दे मिम्नुङ। मारदे हना रागी रागी ङा मुर नेल्ल नु परमप्रभु यावे आ स्वर्ग ङा गेय पाइबम आंइ कली कोव़ना कोव़न बाक्नीमी। रोमी ८:३६; हिब्रू १०:३३
2 Timothy 1:12 in Sunwar 12 मोपतीके गो यो श्येत जाइनुङ। तन्न गो मुने मपाइनुङ, मारदे हना सु कली थमा सुइक्नुङा मेको तुइक्नुङ। मेकोमी आं कली मबेक्ङा सम्म कोव़ने चाप्ब, दे यो तुइक्नुङ।
2 Timothy 2:24 in Sunwar 24 प्रभु आ गेय पाइबमी जिचा मदुम्ब। नेल्ल आन कली रिम्शो पाइब दुम्चा माल्ब। रुप्पाइश्शा शेंबमी मुर आन मरिम्शो पतीके फाल्चा माल्ब। तीतस १:७-९
2 Timothy 4:6 in Sunwar 6 मारदे हना गो चढ़ेशो खोदेंशो दुम्शा, आं लची ना जाक्त। फिलिप्पी २:१७
Hebrews 11:34 in Sunwar 34 मीम हुम्चा पुंइसीशा यो मबेक्मा बाक्त। तरवारमी क्योरचामेनु यो ब्रोंइमा बाक्त। मारेइ पने मचाप्ब बाक्मा बाक्त हना यो, पने चाप्ब दुम्मा बाक्त। लडाइ पामेनु यो ठेयब थुं पाइश्शो दुम्शा, आन जोरी सत्रु आन कली फ्रुशा खेरमे बाक्त।
Hebrews 11:36 in Sunwar 36 का निक्शी शुक्शी लोव़ पा कोर्राम युक्शा, गुइ खोइली साङलोम पाइश्शा, जेल्खानम चोक्शा वोइक्चा पुंइसमा बाक्त। १राजा २२:२७; येरमीया २०:१-३; येरमीया ३७:११-१६
Revelation 1:9 in Sunwar 9 मिनु गो इन लोक्ब यूहन्ना, येसु ख्रीस्त कली थमा सुइक्ब नङ। गो इन बुदी श्येत जशो परमप्रभु यावे आ राज्य ङा मुर यो नङ। मोपतीके श्येत जशा, इन खोदेंशो पा येसु ख्रीस्त कली रिम्शा बाक्नुङ। गो येसु आ सांकछी दुम्ती। मिनु परमप्रभु यावे आ लोव़ शेंताक्ङ। मोपतीके मुरुमी आं कली पात्मोस माइश्शो टापुमी लाइश्शा प्रोंइतीमी।
Revelation 2:13 in Sunwar 13 “इन बाक्तीक सहरम सैतान आ नित्तीके बाक्ब, दे गो तुइक्नुङ। गेपुकीमी ‘गो येसु ख्रीस्त आ मुर नकी’ दे आं कली थमा सुइक्चा मप्रोंइनी। मिनु इन सहरम सैतान आ नित्तीके बाक्मेनु, अन्टीपास माइश्शो आं कली मप्रोंइथु, थमा सुइक्ब नु आं लोव़ शेंब बाक्त। मिनु मुरुमी मेको कली सैतान आ बाक्तीकेमी बाक्शा, साइक्तेक्म हना यो, गे आं कली थमा सुइक्चा मप्रोंइनी।
Revelation 6:9 in Sunwar 9 मिनु पाठामी मेको लीशो छाप सां रे का प्राक्गानु, गो चढ़ेतीके आगाम शुश मुर आन कली ताता। मेकोपुकी परमप्रभु यावे आ लोव़ टिचा कली नु अर्को आन कली येसु ख्रीस्त परमप्रभु यावे आ तौ बाक्ब, दे शेंचा आ पर्बम साइक्चा पुंइसीशो मुर बाक्तेक्म।
Revelation 7:14 in Sunwar 14 मिनु गोमी “हजुर, गो मतुइक्नुङ, गे तुइक्नीनी” देंती। मिनु मेको खाल्पामी “मेकोपुकी ठेयब श्येत रे जाक्तेक्म। मिनु मेको आन मरिम्शो पतीके लुम्सीशो वा पाठा आ हुशेमी मुरतीके बुश दुम्त। मत्ती २४:२१; प्रकाश १२:११
Revelation 13:7 in Sunwar 7 मेकोमी परमप्रभु यावे आ योव़शो मुरपुकी नु लडाइ पशा, ग्राचा कली अधिकार तशो बाक्त। मिनु मेको कली जात नेल्ल, मुर नेल्ल, आंम आंम लोव़ पाइब नु रागी रागी ङा मुर नेल्ल आन कली सासन पतीके अधिकार यो गेशो बाक्त। प्रकाश ११:७; दानीएल ७:२१
Revelation 17:6 in Sunwar 6 मिनु गो मेको मीश मुर कली परमप्रभु यावे आ योव़शो मुर नु येसु आ सांकछी आन हुशेमी दुक्शो ताता। मेको कली तङानु, गो शुश छक लाक्ती। प्रकाश १८:२४