Cross Reference Deuteronomy 6:6 in Sunwar 6 मिनु गो इन कली मुलाक्ती अरेशो लोव़ इन थुंम वोइक्चा माल्नीनी। ब्यवस्था ११:१८-२०
Deuteronomy 11:18 in Sunwar 18 मिनु गेपुकीमी आं देंशो लोव़ इन थुंम वोतीन। मेको मिम्चा कली इन गुइमी चिन्ड फ्रेंदीन। मिनु कुप्फीम फ्रेंतीके खोदेंशो पा फ्रेंचा माल्नीम। ब्यवस्था ६:६-९
1 Kings 3:9 in Sunwar 9 मोपतीके इन गेय पाइब, आं कली इन मुर आन कली ठीक पा सासन पचा कली रुप्तीक थुं गेयीनी। मिनु गो रिम्शो नु मरिम्शो तिल्स जोक्नुङ। मो मदुम्त हना, एको इश्का इन मुर आन कली सुम सासन पने चाप्नीमी ङा” देंमाक्त।
1 Kings 3:28 in Sunwar 28 मिनु पिप आ निसाफ नेंशा, इस्राएली नेल्ल आन थुंमी रिम्शो पशो तुइश्शा, हिंमा बाक्त। मारदे हना मेकोपुकीम ठीक पा निसाफ पचा कली मेको आ थुंम परमप्रभु आ रुप्पाइक्तीक थुं बाक्त, दे तुइक्तमे बाक्त।
1 Chronicles 25:7 in Sunwar 7 मेको नु आन खिं खिं ङा मुरपुकी परमप्रभु यावे कली कुम्सो पचा शेंसीशो बाक्मा बाक्त। नेल्ल तुइक्ब जोक्ब बाक्शो बाक्मा बाक्त। कुम्सो पाइब नेल्ल सहे निक्शी ८८ जना बाक्मा बाक्त।
Nehemiah 12:46 in Sunwar 46 मारदे हना दाऊद नु आसाफ आस पालामी कुम्सो पाइब आन कली शेंब का बाक्शो बाक्त। मेना यो परमप्रभु कली ठेयब सेल्तीक नु “गे रिम्शो पाइब बाक्नीनी” दे कुम्सो पाइब बाक्शो बाक्तेक्म। १इतिहास २५:-
Job 23:12 in Sunwar 12 गो मेको आ शेंशो पाता। मेको आ लोव़ नाक्त किंत किंत ङा आं जचा थोव़क क्येङा यो शुश मिम्ताक्ङ।
Psalm 28:7 in Sunwar 7 परमप्रभु यावे आं सक्ति नु आं तेक्तीके बाक्ब। गो मेको कली थमा सुइक्ता। मोपा आं कली वारच पाइक्ती। मोपतीके गो थाम्पा ग्येरसीशो बाक्नुङ। गो आं कुम्सोमी मेको कली ठेयब सेल्नुङ।
Psalm 30:11 in Sunwar 11 गो रोंका पाइब मुर, सिल पाइब दुम्ती। आं रोंका पतीक अरन्डी प्रुइश्शा, ग्येरतीक किप्शुर खोदेंशो पा किप्ताक्यीनी।
Psalm 32:7 in Sunwar 7 गे आं ख्रुइश्शा बाक्तीके बाक्नीनी। गे आं कली श्येत रे प्रोंइनीनी। गे आं कली श्येत रे प्रोंइतीक कुम्सो पपाइक्नीनी। ठेयब सेंदा पा।
Psalm 47:6 in Sunwar 6 परमप्रभु कली ठेयब सेल्तीक कुम्सो पने। लेंशा ठेयब सेल्तीक कुम्सो पने। आंइ पिप कली ठेयब सेल्तीक कुम्सो पने। लेंशा ठेयब सेल्तीक कुम्सो पने।
Psalm 71:23 in Sunwar 23 गे आं कली श्येत रे प्रोंइब बाक्तीनी। मोपतीके गो ग्येरशा सोम्शा इन कली कुम्सो पा ठेयब सेल्नुङ।
Psalm 103:1 in Sunwar 1 दाऊद आ कुम्सो। आं थुं, परमप्रभु यावे कली ठेयब सेलो। मिनु गो आं थुं नेल्लेमी आ नें ठेयब सेल्नुङ।
Psalm 119:11 in Sunwar 11 गो मरिम्शो मपङल, दे इन लोव़ आं थुंम वोइश्शो बाक्नुङ।
Psalm 119:54 in Sunwar 54 गो ते बाक्ती हना यो, इन फुल्लुम मुशा ब्रेक्शो लोव़ आं कुम्सो दुम्शो बाक्तेक्म।
Psalm 138:1 in Sunwar 1 दाऊद आ कुम्सो। परमप्रभु, गो आं थुं नेल्लेमी इन कली ठेयब सेल्नुङ। गो देवी देवता आन ङोंइती इन कली ला ठेयब सेल्तीक कुम्सो पाइनुङ।
Proverbs 2:6 in Sunwar 6 मारदे हना परमप्रभु यावे तुइक्तीक थुं गेब बाक्ब। आ शोव़ रे जोक्तीक नु रुप्तीक लोव़ ग्रूब। दानीएल २:२०-२३
Proverbs 14:8 in Sunwar 8 निप्स पाइश्शो मुर आन तुइक्तीकेमी तेको लां गाक्चा माल्नीमी तुइक्नीम। तन्न मूर्ख आन मूर्ख पतीकेमी हेंथे लां कोंइब।
Proverbs 18:1 in Sunwar 1 सु मुर रे ब्राशा बाक्बा, मेकोमी आंम कली ला रिम्शो पचा दाक्ब। मेकोमी रुप्तीक थुं पाइश्शो मुर आन लोव़ काइ मनेंब।
Song of Solomon 1:1 in Sunwar 1 सोलोमन आ नेल्ल क्येङा ठेयब कुम्सो।
Isaiah 5:1 in Sunwar 1 गो आं दाक्शो कली कुम्सो का पाइनुङ। आ अङगुर रू आ पर्बम कुम्सो का पाइनुङ। आ दाक्शो के अङगुर रू का बाक्ब। आ अङगुर रू शुश ग्रेल्ब डांडाम बाक्ब। यसैया ३:१४; येरमीया २:२१; मर्कूस १२:१-९
Isaiah 10:2 in Sunwar 2 क्येट मथीब आन कली ठीक निसाफ मपाइनीमी, आन मुर आन दाते ङा प्रुङग आन कली ठीक मपाइनीमी, मेकोपुकीम वोंइश बेक्शो मीश मुर आन मार मार योल्नीमी, रोम रोइक्च आन बाक्शो नेल्ल रोइक्नीम।
Isaiah 26:1 in Sunwar 1 मेको नाक्ती यहूदा रागी ङा मुरपुकीम मार कुम्सो पाइनीम देंशा हना “आंइ सहर बोल्यो बाक्ब। परमप्रभुमी आंइ कली ग्राचा गेब। लडाइ पाइब आन कली ओव़ने मचाप्तीके गारो हिरब।
Isaiah 30:29 in Sunwar 29 गेपुकी चाड मानेतीक नाक्दोम कुम्सो पशो खोदेंशो पा ग्येरसीनीनी। गेपुकी बांसुरी ताप्बपुकी नु परमप्रभु यावे, इस्राएली आन सेरथे फुल्लु आ डांडा लाइब खोदेंशो पा ग्येरसीशो मुर बाक्नीनी। ब्यवस्था १६:१४
Jeremiah 15:16 in Sunwar 16 इन लोव़ बाक्त हना, गो नोफा दाइश्शा नेंता। मेको आं कली ग्येरतीक नु आं थुं कली नाइक्पाइक्ब दुम्त। मारदे हना परमप्रभु यावे, मुर नेल्ल आन परमप्रभु, गो इन के नङ। ब्यवस्था ८:३; ब्यवस्था ३२:४६-४७; इजीकीएल ३:१-३; प्रकाश १०:८-९
Matthew 26:30 in Sunwar 30 मिनु कुम्सो का पशा ङा मीन, मेकेर रे गाक्शा, जैतून डांडा ग्येत्थ लाम्तेक्म।
Luke 2:51 in Sunwar 51 मिनु येसु आ आम आफ नु लेश्शा, नासरथ आ खिं लमाक्त। में ङा मेरे आ आम आफ आस लोव़ टिशा बाक्माक्त। आ ममामी मेको मोदेंशो दुम्शो नेल्ल शुश मिम्शा थुंम वोदा बाक्त।
John 5:39 in Sunwar 39 गे परमप्रभु यावे आ लोव़ शेंसीन सीन बाक्नीनी। मारदे हना मो पशोनु, ब्रोंइशा बाक्चा तांइसीब, दे मिम्नीनी। मिनु परमप्रभु यावे आ लोव़मी आं पर्बम ब्रेक्शो बाक्त। लूका २४:२७,४४; २तिमोथी ३:१५-१७
John 15:7 in Sunwar 7 गेपुकी आं आगामी बाक्शा नु आं लोव़ इन आगामी बाक्त हना, इन दाक्शो पुनीन। मिनु इन पुंइशो ताइनीनी। मर्कूस ११:२४
Romans 10:17 in Sunwar 17 ङोंइती ख्रीस्त आ लोव़ नेंशा तुइक्पाइक्चा माल्नीम। मेको लोव़ नेंशा ला थमा सुइक्ने चाप्नीम।
Romans 15:14 in Sunwar 14 आं लोक्बपुकी, गे इन दातेमी दाक्मुशा, रिम्शो पा जोक्ब तुइक्ब दुम्शा नु शेंमुने चाप्ब दुम्शो बाक्नीनी, दे तुइक्ताक्ङ।
1 Corinthians 14:15 in Sunwar 15 गो मुल मार पाइनुङ देंशा हना, गो सोक्त आ लोव़मी प्रार्थना पङानु, आ थुंमी यो प्रार्थना पाइनुङ। परमप्रभु यावे आ सोक्तीम कुम्सो पङानु, आं थुंमी यो कुम्सो पाइनुङ। एफिसी ५:१९
1 Corinthians 14:26 in Sunwar 26 आं लोक्बपुकी, मुल मार देंनुङ देंशा हना, गे खुम्सीशा बाक्नीनु, नेल्ल इन के गेय का का बाक्ब। कामी परमप्रभु यावे कली कुम्सो पाइब, कामी लोव़ शेंबा, कामी नोले दुम्तीक लोव़ पाइब, कामी परमप्रभु यावे आ सोक्त आ लोव़ पाइब नु अर्कोमी मेको लोव़ आ अर्थ शेंब। मेको गेय नेल्ल थुं बारपाइक्चा कली दुम्ल। १कोरिन्थी १२:८-१०; एफिसी ४:१२
Ephesians 1:17 in Sunwar 17 मार लोव़ पना पन बाक्नुङ देंशा हना “परमप्रभु यावे, आंइ प्रभु येसु ख्रीस्त आ आफ ननी। गे नेल्ल छेङछेङ ङा आफ बाक्नीनी। गे एफिसस ङा थमा सुइक्ब आन कली येसु ख्रीस्त कली तुइक्तीकेमी रिम्शो गेय पस जोक्तीके नु नोले मार दुम्बा तुइक्तीक सोक्त गेने।
Ephesians 5:17 in Sunwar 17 मोपतीके गेपुकी मूर्ख मदुमीन, प्रभु आ दाक्शो मार बाक्मे मेको रुपीन।
Ephesians 5:19 in Sunwar 19 परमप्रभु यावे आ लोव़ ङा कुम्सो, परमप्रभु यावे कली ठेयब सेल्ब कुम्सो नु परमप्रभु यावे आ सोक्तीम इन कली शेंशो कुम्सो पने। मोपा इन थुं बार पमुशा, प्रभु कली कुम्सो पना पन बाक्कीन। भजन संग्रह ३३:२-३; कलस्सी ३:१६
Colossians 1:9 in Sunwar 9 मिनु मेको लोव़ नेंस्कु रे इन कली मिम्शा, प्रार्थना पना पन बाक्तस्कु। मार प्रार्थना पाइतस्कु देंशा हना “कलस्सीपुकीमी इन दाक्शो मार बाक्बा, मेको तुइक्तमेक्ल। परमप्रभु यावे, इन सोक्त ङा तुइक्तीके नु रुप्तीके शुश तामेक्ल। एफिसी १:१५-१७
Colossians 1:28 in Sunwar 28 गोपुकीमी येसु ख्रीस्त सु बाक्बा, मार पाइबा, दे शेंनीकी। मुर नेल्ल आन कली “होस पा बाक्कीन” दे यो शेंनीकी। मोपा गोपुकीमी मुर आन कली का का पा ख्रीस्त कली थमा पा तुइक्ब सेल्शा, परमप्रभु यावे आ ङोंइती राप्पाइक्चा दाक्नीकी।
Colossians 4:6 in Sunwar 6 इन पशो लोव़ हिक्सी ङाम्शो खोदेंशो दुम्ल। इन कली हिल्लो पाइब नेल्ल आन कली दोपा लोव़ लेत्चा, दे तुइक्चा माल्नीनी। मर्कूस ९:५०; एफिसी ४:२९
1 Thessalonians 4:18 in Sunwar 18 मोपतीके मेको लोव़ पा थुं बारपाइक्मुने।
1 Thessalonians 5:11 in Sunwar 11 मोपतीके अरेपमुशा, इन थुं बारपमुने। गेपुकी मोदेंशो पना पन यो बाक्तीनी। हिब्रू ३:१३
2 Thessalonians 3:15 in Sunwar 15 मोदेंशो पशा यो, मेको मुर कली जोरी सत्रु खोदेंशो पा ममिम्तीन। थमा सुइक्ब लोक्ब कली खोदेंशो अर्ती गेने। १थिस्सलोनिकी ५:१४
1 Timothy 6:17 in Sunwar 17 गे मुल शुश क्येट थीब आन कली “ठेयब लेश्शो मदुमीन। जाम्शा लाइब शोंप कली आस मपथु, परमप्रभु यावे कली आस पने। मारदे हना परमप्रभु यावेमी इं कली शुश तेम्शा गेब। आ गेशो तशा ग्येरसीन” दे माइक्मी। भजन संग्रह ६२:११; लूका १२:१५-२१
2 Timothy 3:15 in Sunwar 15 गे आल रे ना परमप्रभु यावे आ लोव़ तुइश्शो बाक्नेवे। मेको लोव़मी ख्रीस्त येसु कली थमा सुइश्शा “दोपा पाप रे प्रोंइचा” दे इ कली शेंने चाप्ब। यूहन्ना ५:३९
Titus 3:6 in Sunwar 6 मिनु परमप्रभु यावेमी आ सोक्त इं तारी मोइक्तु। दोपा मोइक्तु देंशा हना, इं पाप रे प्रोंइब येसु ख्रीस्त आ पतीकेमी मोइक्तु।
Hebrews 4:12 in Sunwar 12 मारदे हना परमप्रभु यावे आ लोव़ ब्रोंइतीक सक्ति पाइश्शो, गेय पाइब नु निम्फा पटटी हेश्शो तरवार क्येङा हेश्शो बाक्ब। मेकोमी श्ये नु रुश, सोक्त नु थुं तिल्ब। मिनु मिम्तीके नु थुं ङा लोव़ नेल्ल नाक्ने चाप्ब। प्रकाश २:१२; येरमीया २३:२९
Hebrews 12:12 in Sunwar 12 मोपतीके श्येत जाइतीनी हना यो, लांमी गाक्शा दशो खोदेंशो मदुमीन, इन गुइ खोइल सेस दुम्शा गाक्कीन।
James 1:5 in Sunwar 5 तुइक्ब थुं माल्तीनी हना, गेपुकीमी परमप्रभु यावे कली “गो तुइक्ब थुं माल्नुङ” दे पुनीन। परमप्रभु यावेमी मगाइक्थु, शुश तुइक्ब थुं गेब। याकूब ३:१५; हितोपदेस २:३-६
James 3:17 in Sunwar 17 परमप्रभुमी गेशो निप्स पाइश्शो थुंमी मुर कली ग्रांग्रा दिचा ङा गेय मपपाइक्ब। सुइ नु मजिपाइक्ब। ब्रेम्शो सेल्ब। गाइश्शो फाल्पाइक्ब। शुश शिशी पपाइक्ब। रिम्शो गेय पपाइक्ब। कुल कोव़शा, गेय मपपाइक्ब। जोल मपपाइक्ब।
James 5:13 in Sunwar 13 इन दातेमी सु सु श्येत जामे, मेकोमी परमप्रभु यावे नु लोव़ पामेक्ल। सु सु ग्येरशो बाक्मा, मेकोपुकीमी “परमप्रभु यावे नेल्ल क्येङा ठेयब बाक्ब” दे कुम्सो पामेक्ल। भजन संग्रह ५०:१५; कलस्सी ३:१६
1 Peter 1:11 in Sunwar 11 मेकोपुकीमी आन आगामी बाक्शो ख्रीस्त आ सोक्त कली “पाप रे प्रोंइब सु बाक्मे, गेना जाक्बा?” दे हिल्लो पामे बाक्त। मोदेंशो पा माल्ना माल्न ख्रीस्त आ श्येत जचा नु छेङछेङम लचा आ पर्बमी नोले दुम्ब लोव़ पामे बाक्त। भजन संग्रह २२:-, यसैया ५२:१३- ५३:१२
1 John 2:14 in Sunwar 14 मिनु आं आलपुकी, गो इन कली मारदे ब्रेक्ताक्ङ देंशा हना, गे इं आफ कली तुइक्नीनी। गो आम आफ इन कली मारदे ब्रेक्ताक्ङ देंशा हना, गे ङोंइती रे बाक्ब कली तुइक्ब बाक्नीनी। गो ठेयब वोंइश आल इन कली मारदे ब्रेक्ताक्ङ देंशा हना, गेपुकी बोल्यो दुम्तीनी। गे परमप्रभु यावे आ लोव़ इन थुंमी वोइश्शा, सैतान कली ग्रातीनी। मोपतीके गो इन कली ब्रेक्ताक्ङ। एफिसी ६:१०;
1 John 2:24 in Sunwar 24 मिनु इन ङोंइती रे नेंशो शेंतीके मिम्शा बाक्कीन। इन ङोंइती रे नेंशो शेंतीके मिम्शा बाक्तीनी हना, गेपुकी इं आफ, परमप्रभु यावे नु आ तौ नु थुं का ङा दुम्शा बाक्नीनी।
1 John 2:27 in Sunwar 27 येसु ख्रीस्तमी इन कली परमप्रभु यावे आ सोक्त गेप्तु। मिनु मेको गेपुकी नु बाक्ब। मेको परमप्रभु यावे आ सोक्त गेपुकी नु बाक्मेनु, अर्को शेंब ममाल्नीनी। परमप्रभु यावे आ सोक्तीमी इन कली नेल्ल शेंना शेंन बाक्ब। मेको आ शेंशो थमा बाक्तीके जोल मदुम्ब। मेकोमी ङोंइती इन कली शेंशो टिशा, मेको नु थुं का ङा दुम्शा, बाक्कीन। यूहन्ना १६:१३; २कोरिन्थी १:२१-२२; येरमीया ३१:३४
2 John 1:2 in Sunwar 2 मारदे हना परमप्रभु यावे आ थमा शेंतीके इं थुंम बाक्ब, मेको गेना हना यो लीब।
Revelation 5:9 in Sunwar 9 मिनु मेकोपुकीमी पाठा कली नक कुम्सो का पाम्तेक्म। मार नक कुम्सो पाम्तेक्म देंशा हना “मेको कागज ताक्ने नु प्राक्ने चाप्ब, गे का ला ननी। मारदे हना गे मुर आन कली परमप्रभु यावे आ नेक्था बाक्पाइक्चा कली ग्याप्तीनी। दोपा ग्याप्तीनी देंशा हना, साइक्चा पुंइसीशा, इन हुश शाइश्शा ग्याप्तीनी। मिनु गे मार मुर ग्याप्तीनी देंशा हना, नेल्ल थर रे, नेल्ले लोव़ रे, नेल्ल जात रे नु नेल्ल रागी रे मुरपुकी ग्याप्तीनी। भजन संग्रह ३३:३
Revelation 14:3 in Sunwar 3 मिनु मेको ठेयब ताप्तीके ताप्बपुकीमी ठेयब नित्तीक आ ङोंइती, मेको ४ ओटा सेस जन्तु नु शेंब खाल्पा आन ङोंइती नक कुम्सो का पाम्तेक्म। मेको कुम्सो सुइमी शेंसीने मचबेम। तन्न मेको लाख का ४४ हजार मुरुम ला मेको कुम्सो शेंसीने चाप्तेक्म।
Revelation 15:3 in Sunwar 3 मिनु परमप्रभु यावे आ वाइल मोसा नु पाठा आ कुम्सो पाम्तेक्म। मिनु मेको कुम्सोम मार लोव़ बाक्त देंशा हना “परमप्रभु यावे, गे नेल्ल सक्ति पाइश्शो परमप्रभु बाक्नीनी। इन गेय ठेयब नु छक लाक्चा बाक्नीमी। गे इन लां नेल्ल ठीक नु थमा बाक्नीमी। गे गेना हना यो पिप बाक्नीनी। प्रस्थान १५:१,११; येरमीया १०:६-७; ब्यवस्था ३२:४; भजन संग्रह १४५:१७
Revelation 19:10 in Sunwar 10 मिनु नोले गो मेको परमप्रभु यावे आ स्वर्ग ङा गेय पाइब कली सेउ पचा कली आ खोइलीमी बाप्ती। मेकोमी चहिं आं कली “मपावो। गो गे नु इ लोक्बपुकी खोदेंशो येसु आ लोव़ पाइब, परमप्रभु यावे आ वाइल नङ। परमप्रभु यावे कली मान पावो। मारदे हना येसु आ लोव़ पाइबपुकीम परमप्रभु यावेमी तुइक्पाइश्शो लोव़ ला पाइनीम” दे माइक्ती। प्रकाश २२:८-९