2 Timothy 2:22 in Sunwar 22 ठिटी ठिटा आन दला दाक्स रे ङोन बाक्को। रिम्शो थुंमी प्रभु कली लोव़ पाइबपुकी नु गारशा, ठीक पचा, थमा सुइक्चा, दाक्चा नु थुं नाइक्चा ला मिम्तो। १तिमोथी ४:१२; १तिमोथी ६:११; हिब्रू १२:१४
Other Translations King James Version (KJV) Flee also youthful lusts: but follow righteousness, faith, charity, peace, with them that call on the Lord out of a pure heart.
American Standard Version (ASV) after righteousness, faith, love, pace, with them that call on the Lord out of a pure heart.
Bible in Basic English (BBE) But keep yourself from those desires of the flesh which are strong when the body is young, and go after righteousness, faith, love, peace, with those whose prayers go up to the Lord from a clean heart.
Darby English Bible (DBY) But youthful lusts flee, and pursue righteousness, faith, love, peace, with those that call upon the Lord out of a pure heart.
World English Bible (WEB) Flee from youthful lusts; but pursue righteousness, faith, love, and peace with those who call on the Lord out of a pure heart.
Young's Literal Translation (YLT) and the youthful lusts flee thou, and pursue righteousness, faith, love, peace, with those calling upon the Lord out of a pure heart;
Cross Reference 1 Chronicles 29:17 in Sunwar 17 आं परमप्रभु, गे मुर आन थुं नाक्शा कोव़नीनी, दे तुइक्नुङ। गे ब्रेम्शो थुं पाइश्शो मुर तशा ग्येरनीनी। गो आं ब्रेम्शो थुं दुम्तीकेमी ग्येरशा एको नेल्ल इन कली चढ़ेता। मुल गो एक बाक्शो इन मुर आन कली ताता। ग्येरशो थुंमी एको नेल्ल चढ़ेम्तेक्म। भजन संग्रह ७:१०
Psalm 17:1 in Sunwar 1 दाऊद आ पुंइशो लोव़। “परमप्रभु यावे, गे ठीक पशो आ पर्बम आं लोव़ नेनीन। आं ब्रेश्शो नेनीन। आं जोल मपथु पुंइशो लोव़ इन नोफा दाइश्शा नेनीन।
Psalm 66:18 in Sunwar 18 आं थुंमी पाप बाक्शो हना, परमप्रभुमी आं लोव़ मनेन वा। हितोपदेस २८:९
Psalm 119:9 in Sunwar 9 ठिटा वोंइश मुर दोपा हेंथे मपथु, आन लांम गाक्ने चाप्नीमी? मेको इन लोव़ टिशा ला मो पने चाप्नीम।
Proverbs 6:5 in Sunwar 5 किश्श सिखारी आ गुइ रे ब्रोंइशो नु चिक्ब ग्याइक्ब आ गुइ रे बेरशो खोदेंशो पा, गे यो आंम कली प्रोनो।
Proverbs 15:8 in Sunwar 8 परमप्रभु यावे आ अरेशो मटीब आन चढ़ेशो तशा, परमप्रभु यावे ग्रांग्रा दीब। तन्न रिम्शो थुं पाइश्शो मुर आन पुंइशो नेंशा ग्येरसीब। हितोपदेस २१:२७; यसैया १:११,१५; हितोपदेस २८:९; लूका १८:९-१४
Ecclesiastes 11:9 in Sunwar 9 ए ठिटा मुर, गे ठिटा बाक्ङेनु ग्येरसो। इ थुंमी गे ठिटा बाक्ङेनु ग्येरपदल। इ तशो नु इ थुंमी मिम्शो आस नोले खोतो। तन्न परमप्रभुमी मेको नेल्ल तुइश्शा निसाफ पाइब, दे मिम्तो। उपदेसक २:२४
Acts 7:59 in Sunwar 59 मेको हुलमी स्तीफानस कली फुल्लु क्रोम्स ङा क्रोम्स पामेनु, स्तीफानसमी “प्रभु येसु, आं सोक्त ताक्कीन” दे पुंइदा बाक्त। लूका २३:४६
Acts 9:14 in Sunwar 14 थमा सुइक्ब आन कली ग्याइश्शा फ्रेंशा लाइक्चा कली ठेयब चढ़ेबपुकी रे अधिकार तशो बाक्माक्त, दे तुइक्ताक्ङ” देंमाक्त।
Romans 14:17 in Sunwar 17 परमप्रभु यावे आ राज्य जचा तूचा आ पर्बम ममाइ। परमप्रभु यावे आ सोक्त रे पा थमा सुइक्बपुकीमी रिम्शो गेय पशा, दुशा ग्येरशा बाक्चा आ पर्बम बाक्ब। १कोरिन्थी ८:८; हिब्रू १३:९
Romans 14:19 in Sunwar 19 मोपतीके दुशा गारशा नु थमा सुइक्तीक थुं बारपाइक्मुशा बाक्य। रोमी १२:१८; रोमी १५:२
Romans 15:5 in Sunwar 5 फाल्तीक सक्ति गेब नु थुं बारपाइक्ब परमप्रभु यावेमी इन कली थुं का दुम्शा, दुशा गारशा बाक्चा गेवल। दुशा गारशा बाक्तीनी हना, ख्रीस्त येसु आ गेय पाइब दुम्नीनी। फिलिप्पी २:२
1 Corinthians 1:2 in Sunwar 2 गे कोरिन्थ सहर ङा ख्रीस्त येसुमी योव़चा पुंइसाक्नी। मोपतीके योव़शोपुकी दे ब्रेत्चा पुंइसीनीनी। गेपुकी ला ममाइ, ते ते इं प्रभु येसु ख्रीस्त आ नेंमी खुम्सीनीमी, मेक मेक ङा मुरपुकी यो इन खोदेंशो पा योव़शा, योव़शोपुकी दे ब्रेत्चा पुंइसीनीम। येसु ख्रीस्त आंइ प्रभु, इं प्रभु, थमा सुइक्ब नेल्ल आन प्रभु बाक्ब। मिनु आ नेंमी गो नेल्ल का दुम्तय। १कोरिन्थी ६:११; प्रेरित ९:१६; प्रेरित १८:१-१७
1 Corinthians 1:10 in Sunwar 10 आं लोक्बपुकी, इं प्रभु येसु ख्रीस्त आ नेंमी, इन कली अर्ती गेनन्नी। लोव़ का, शोव़ का नु थुं का दुम्शा बाक्चा मप्रोनीन। १कोरिन्थी ११:१८; रोमी १५:५; फिलिप्पी २:२
1 Corinthians 6:18 in Sunwar 18 ग्रांग्रा दिशो तेल्लेम पतीक रे ङोन बाक्कीन। मारदे हना मारेइ मारेइ पाप पनीनु, रां आगामी मपाइनीनी। तेल्लेम पनीनु चहिं आंम रां कली पाप पाइनीनी।
1 Corinthians 10:14 in Sunwar 14 आं दाक्शो लोक्बपुकी, मूर्ति पूजा पचा प्रोनीन। १यूहन्ना ५:२१
1 Corinthians 14:1 in Sunwar 1 दाक्तीक पाइश्शो मुर दुमीने। परमप्रभु यावे आ सोक्तीम पपाइश्शो गेय शुश मालीन। परमप्रभु यावे आ लोव़ पतीक शुश मालीन।
1 Timothy 1:5 in Sunwar 5 इं शेंतीके चहिं रिम्शो थुं, रिम्शो थुं ङा मिम्तीके नु रिम्शो थमा सुइक्तीके रे जाक्शो शुश दाक्मुचा आ पर्बम बाक्ब। मत्ती २२:३७-४०; रोमी १३:१०; गलाती ५:६
1 Timothy 1:14 in Sunwar 14 इं प्रभुमी आ दाक्शो थमा सुइक्तीके नु दाक्तीके थुं ब्रीशा, क्युप्चा ङा पा गेती। मेको निम्फा ख्रीस्त येसु नु बाक्नीस।
1 Timothy 2:8 in Sunwar 8 तेइ तेइ ङा वोंइश मुरपुकीमी प्रार्थना पचा माल्नीम। परमप्रभु यावे कली थुं नेल्लेम थमा सुइक्ब गे गुइ पोक्शा, मगाइक्ब नु मजीब दुम्शा, परमप्रभु यावे नु लोव़ पशो तचा दाक्नुङ।
1 Timothy 4:12 in Sunwar 12 गे ठिटा बाक्ते हना यो, लोव़ पतीकेमी, मुर नु गेय पतीकेमी, दाक्तीकेमी, थमा सुइक्तीकेमी नु ग्रांग्रा मदिशोमी थमा सुइक्ब नेल्ल आन कली कोंइतीक दुमो। मिनु तोक्शो लोव़ पचा मगेमी। तीतस २:१५; २तिमोथी २:२२
1 Timothy 6:11 in Sunwar 11 मोपतीके गे परमप्रभु यावे आ मुर दुम्शा, मेको नेल्ल रे ङोन बाक्को। ठीक पतीके, परमप्रभु यावे कली मिम्शा दाक्चा, थमा सुइक्चा, मुर आन कली दाक्चा, थमा सुइक्चा मप्रोंइचा नु ब्रेम्शो दुम्चा ला मिम्तो। २तिमोथी ३:१७; २तिमोथी २:२२
Hebrews 12:14 in Sunwar 14 मुर नेल्ल नु दुशा गारशा बाक्कीने। पाप रे ङोन बाक्शा, रिम्शो थुं पशा गेय पा कोंइदीने। मो पाइतीनी हना, प्रभु नु काथा बाक्चा ताइनीनी। रोमी १२:१८; २तिमोथी २:२२
1 Peter 2:11 in Sunwar 11 आं दाक्शो लोक्बपुकी, गो इन कली इन थुं बारपाइक्तीक लोव़ पाइनुङ। गो रागीम बाक्यानु, रागी ङा पौना खोदेंशो बाक्नय। मोपतीके इन दला दाक्स पा रागी ङा मुर खोदेंशो मपने। ग्रांग्रा दिचा ङा गेय रे ङोन बाक्कीन। मारदे हना मोदेंशो गेय इन थमा सुइक्तीक थुं नु जीब। भजन संग्रह ३९:१३
1 Peter 3:11 in Sunwar 11 मरिम्शो पचा प्रोंइशा, ठीक गेय ला पने।
3 John 1:11 in Sunwar 11 आं दाक्शो थमा सुइक्ब लोक्ब, मरिम्शो मुर आन तस मखोतो। तन्न रिम्शो मुर आन तस खोतो। सु रिम्शो गेय पाइबा, मेको परमप्रभु यावे आ मुर बाक्ब। सु चहिं मरिम्शो पाइबा, मेको परमप्रभु यावे कली मतुइक्ब बाक्ब।