2 Thessalonians 2:13 in Sunwar 13 प्रभु आ दाक्शो लोक्बपुकी, गोपुकीमी गेना हना यो इन कली मिम्शा, परमप्रभु यावे कली “गे रिम्शो पाइब बाक्नीनी” देंनीकी। मारदे हना परमप्रभु यावेमी इन कली ङोंइती रे आ मुर दुम्नीम, दे योव़तु। दोपा आ मुर दुम्नीनी देंशा हना, परमप्रभु यावे आ सोक्तीमी इन कली पाप रे ङोन वोइश्शा, थमा शेंतीके थमा सुइक्पाइक्तु। रोमी ८:३०
Other Translations King James Version (KJV) But we are bound to give thanks alway to God for you, brethren beloved of the Lord, because God hath from the beginning chosen you to salvation through sanctification of the Spirit and belief of the truth:
American Standard Version (ASV) But we are bound to give thanks to God always for you, brethren beloved of the Lord, for that God chose you from the beginning unto salvation in sanctification of the Spirit and belief of the truth:
Bible in Basic English (BBE) But it is right for us to give praise to God at all times for you, brothers, loved by the Lord, because it was the purpose of God from the first that you might have salvation, being made holy by the Spirit and by faith in what is true:
Darby English Bible (DBY) But we ought to give thanks to God always for you, brethren beloved of [the] Lord, that God has chosen you from [the] beginning to salvation in sanctification of [the] Spirit and belief of [the] truth:
World English Bible (WEB) But we are bound to always give thanks to God for you, brothers loved by the Lord, because God chose you from the beginning for salvation through sanctification of the Spirit and belief in the truth;
Young's Literal Translation (YLT) And we -- we ought to give thanks to God always for you, brethren, beloved by the Lord, that God did choose you from the beginning to salvation, in sanctification of the Spirit, and belief of the truth,
Cross Reference Deuteronomy 33:12 in Sunwar 12 मिनु बेन्यामीन आ पर्बम मार देंशो बाक्त, देंशा हना “परमप्रभु यावे आ दाक्शो महिंचा ङा पा नाइक्ब। नेल्ल क्येङा ठेयबमी मेको कली नाक्त रे कोव़ब। मेको आ दाक्शो मुर आ बला आस दातेम नाइक्ब” देंत।
2 Samuel 12:25 in Sunwar 25 मिनु मेको आ नें येदीदीयाह वोइक्चा माल्ब, दे आ लोव़ पाइब नाथान रे पा दाऊद कली लोव़ सोइक्ता बाक्त। येदीदीयाह आ अर्थ चहिं “परमप्रभु यावे आ दाक्शो मुर” बाक्ब।
Proverbs 8:23 in Sunwar 23 नेल्ल क्येङा ङोंइती ङा गो नङ। रागी क्येङा ङोंइती यो गो नङ।
Isaiah 46:10 in Sunwar 10 गो साइ ङोंइती रे नोले सम्म मार दुम्मे, नेल्ल शेंनुङ। ङोंइती रे मुल सम्म मदुम्शो यो देंनुङ। मिनु गो आं मिम्शो मफाइक्थु, नेल्ल पाइनुङ। आ मिम्शो नेल्ल खाप्नुङ।
Jeremiah 31:3 in Sunwar 3 परमप्रभु यावे ङोन आ बाक्तीके रे जाक्ब। मिनु मेकोमी ‘गो इ कली गेना हना यो लीब दाक्तीकेम दाक्ताक्न। मोपतीके गो इ कली दाक्चा मप्रोंइनुङ।
Ezekiel 16:8 in Sunwar 8 गो लेंशा इ नेक्था रे पा लङानु, गे ग्युंबे पची ना दुम्शो बाक्ते। मिनु गो आं वा आ सुरमी इ शिश्रा रां सुम्ता। गो गे नु कबल का पाता। मिनु गे आं के दुम्ते। रूथ ३:९; प्रस्थान १९:५
Daniel 9:23 in Sunwar 23 मिनु गे गेना पुंइचा गोवी, मेना गो लोव़ का नेंता। मिनु गो इ कली मेको लोव़ शेंथ जाक्ती। मारदे हना गे शुश दाक्चा पुंइसीशो मुर बाक्नेवे। मेको लोव़ मिम्शा, मेको कोंइतीक रुपो।
Daniel 10:11 in Sunwar 11 मिनु मेकोमी आं कली “दानीएल, गे शुश दाक्चा पुंइसीशो मुर बाक्नेवे। आं देंशो लोव़ नोफा दाइश्शा नेनो। बोक्शा बाक्को। मारदे हना गो इ बाक्तीकेमी सोइक्चा पुंइसीशो बाक्नुङ” दे माइक्ती। मिनु मेकोमी लोव़ पवानु, गो आ ङोंइती ख्रिंख्रि पा राप्ती।
Daniel 10:19 in Sunwar 19 मिनु मेकोमी आं कली “नेल्ल क्येङा दाक्चा पुंइसीशो, महिनो। इ कली मारेइ मदुम्ब। बोल्यो नु महिंब दुमो” दे माइक्ती। मेकोमी गो नु लोव़ पवा नोले, गो बोल्यो दुम्ती। मिनु गो “आं प्रभु, लोव़ पने। मारदे हना गे आं कली बोल्यो सेल्तीनी” देंती। प्रकाश १:१७
Luke 1:75 in Sunwar 75 आ मुर दुम्शा, ब्रोंइका सम्म ठीक गेय पा बाक्ने चाप्यल’ दे परमप्रभु यावे आ लोव़ पाइबमी देंमा बाक्त। तीतस २:१२-१४
John 1:1 in Sunwar 1 नेल्ल क्येङा ङोंइती लोव़ माइश्शो का बाक्त। मेको लोव़ माइश्शो परमप्रभु यावे नु बाक्शा, मेको नु उइक्थी बाक्त। यूहन्ना १७:५; उत्पत्ती १:१; १यूहन्ना १:१२; प्रकाश १९:१३
John 8:44 in Sunwar 44 इन आफ सैतान बाक्ब। मिनु गे इन आफ आ दाक्शो पचा दाक्नीनी। मेको चहिं ङोंइती रे मुर आन कली साइक्ब नु जोल पाइब बाक्त। मारदे हना मेको नु थमा देंशो बाक्सीन मबा। मोपतीके जोल ला पाइब। मेको जोल पना पन बाक्ब। जोल आ आफ बाक्त। १यूहन्ना ३८-१०; उत्पत्ती ३:४,१९
John 14:6 in Sunwar 6 मिनु येसुमी “गो थमा नु ब्रोंइचा गेब लां नङ। सुइ आन पतीक गेना हना यो आं आफ नु बाक्चा मताइनीम। तन्न आं पतीके रे ला गेना हना यो परमप्रभु यावे नु बाक्चा ताइनीम। यूहन्ना १०:९; मत्ती ११:२७; रोमी ५:१-२; हिब्रू १०:२०
Acts 13:48 in Sunwar 48 मिनु अर्को रागी ङा मुरपुकीमी “मुल गो यो पाप रे ब्रोंइचा ताइबाक्तक” दे रुप्शा थाम्पा ग्येरसीशा, परमप्रभु यावे कली ठेयब सेल्मे बाक्त। परमप्रभु यावेमी ङोंइती रे योव़शोपुकीमी ख्रीस्त कली थमा सुइश्शा, गेना हना यो ब्रोंइशा बाक्चा ताइब दुम्मा बाक्त। रोमी ८:२९-३०
Acts 15:9 in Sunwar 9 मेकोपुकीमी येसु ख्रीस्त कली थमा सुइक्तीकेमी माफ तशा, गो नेल्ल का दुम्शो बाक्नीकी।
Romans 1:7 in Sunwar 7 गे योव़चा पुंइसीशा, परमप्रभु यावे आ दाक्शो रोम सहरम बाक्बपुकी इन कली एको लोव़ ब्रेक्ताक्ङ। इं आफ परमप्रभु यावे नु प्रभु येसु ख्रीस्तम इन कली शिशी पा इन थुं नाइश्शा बाक्चा गेम्सेक्ल। १कोरिन्थी १:२; २कोरिन्थी १:१-२; एफिसी १:१; गन्ती ६:२४-२६
Romans 6:17 in Sunwar 17 इन पर्बम परमप्रभु यावे कली “मेको आन कली रिम्शो पाइतीनी” दे ठेयब सेल्नुङ। मारदे हना ङोंइती गेपुकी पाप आ वाइल बाक्तीनी। मुल चहिं इन थुं रे पा परमप्रभु यावे आ शेंशो दाक्शा टीतीनी।
Romans 8:33 in Sunwar 33 परमप्रभु यावे आ योव़शो आन कली सुमी दोस गेने चाप्बा ङा? सुइमी मचाप्नीम। मारदे हना परमप्रभु यावेमी मेको आन कली ठीक दुम्पाइक्तु। यसैया ५०:८
Romans 9:11 in Sunwar 11 मेको आल निम्फामी रिम्शो मरिम्शो मारेइ मतुइक्थु, आस जरमेचा ङोंइती परमप्रभु यावेमी का कली योव़ङा बाक्त। आल आ पशो तशा, योव़शो ममाइ। परमप्रभु यावे आ दाक्शो पा ब्रेश्शो बाक्त।
Galatians 3:1 in Sunwar 1 ए गलातीपुकी, गे मरुप्ब मुर दुम्नी बाक्त। सुमी मोपा इन थुं हिरदा? येसु ख्रीस्त कली शीम केप्शा कांटी थोक्शा क्याइश्शा साइक्तेक्म, दे इन मिक्चीमी तशो खोदेंब पा नेंपाइक्तान्नी। मुल मेको लोव़ प्रेंदीनी?
Ephesians 1:4 in Sunwar 4 मोपतीके रागी सेल्चा क्येङा ङोंइती परमप्रभु यावेमी इं कली योव़तु। मार कली योव़तु देंशा हना, गोपुकी परमप्रभु यावे आ मुर दुम्शा, दोस मताइब नु दाक्ब दुम्यल, दे योव़तु। रोमी ८:२८-३०; एफिसी ५:२७
Ephesians 2:8 in Sunwar 8 मिनु गेपुकी परमप्रभु यावे आ शिशी तशा, थमा सुइक्तीके पाप रे ब्रोंइतीनी। मेको इन पतीके ममाइ, परमप्रभु यावेमी मोशा गेशो बाक्ब। रोमी ३:२३-२४; गलाती २:१६
Colossians 1:5 in Sunwar 5 स्वर्गमी इन कली रिम्शो दुम्ब, दे तुइक्ताक्नी। गेपुकीमी ङोंइती रे थमा लोव़ पशो नेंतीनी। मेकोन ग्येरपाइक्ब लोव़ बाक्ब। १पत्रुस १:३-४
Colossians 3:12 in Sunwar 12 गेपुकी परमप्रभु यावे आ योव़शो, आंम आ दाक्शो मुर दुम्तीनी। मोपतीके शिशी पचा, रिम्शो पमुचा, ब्रेम्शो थुं पाइश्शो, ठेयब मलेत्थु टीब नु फाल्ब मुर दुमीने।
1 Thessalonians 1:4 in Sunwar 4 आंइ थमा सुइक्ब लोक्बपुकी, परमप्रभु यावेमी इन कली दाक्शा योव़तु, दे तुइक्नीकी।
1 Thessalonians 5:9 in Sunwar 9 मारदे हना परमप्रभु यावे इं पर्बम मगाइक्ब। प्रभु येसु ख्रीस्त आ पतीके पाप रे ब्रोंइब सेल्तु।
2 Thessalonians 1:3 in Sunwar 3 आंइ लोक्बपुकी, इन कली मिम्शा, परमप्रभु यावे कली “गे रिम्शो पाइब बाक्नीनी” देंचा ठीक बाक्ब। मारदे हना इन थमा सुइक्तीके हु बारशा, इन दाक्मुतीक यो बारना बारन लाइब। १थिस्सलोनिकी १:२-३
2 Thessalonians 2:10 in Sunwar 10 जाम्शा लाइब आन कली जोल शेंब। मारदे हना मेकोपुकीमी थमा शेंतीक नेंचा मदाक्तेम। मिनु पाप रे ब्रोंइतीक ताक्चा मदाक्तेम।
2 Thessalonians 2:12 in Sunwar 12 दूली शेंतीक थमा सुइक्बपुकी जाम्शा लाइनीम। मारदे हना थमा लोव़ थमा मसुइक्थु, मदुम्शो गेय दाक्ताक्मे।
2 Thessalonians 2:16 in Sunwar 16 इं प्रभु येसु ख्रीस्त नु इं आफ परमप्रभु यावे आस शिशीमी इं कली दाक्शा, गेना हना यो थुं बारपाइश्शा, रिम्शो आस गेम्ताक्स।
2 Timothy 1:9 in Sunwar 9 परमप्रभु यावेमी सैतान रे प्रोंइशा “आं मुर नम” दे ब्रेत्ताक्व। इं रिम्शो पतीके कोव़शा ममाइ, आ माल्शो नु शुश ङोंइती रे ख्रीस्त येसुमी इं कली गेशो दाक्तीके आ पर्बम ब्रेत्ताक्व। तीतस ३:५
2 Timothy 2:15 in Sunwar 15 गे परमप्रभु यावे आ ङोंइती रिम्शो गेय पाइब दुम्चा कली बल पावो। थमा शेंतीके रिम्शो पा शेंचा कली काइ मुने पचा ममाल्नेवे। १तिमोथी ४:६; तीतस २:७-८
2 Timothy 3:15 in Sunwar 15 गे आल रे ना परमप्रभु यावे आ लोव़ तुइश्शो बाक्नेवे। मेको लोव़मी ख्रीस्त येसु कली थमा सुइश्शा “दोपा पाप रे प्रोंइचा” दे इ कली शेंने चाप्ब। यूहन्ना ५:३९
Hebrews 1:10 in Sunwar 10 अरु लोव़मी यो “प्रभु, गे नेल्ल क्येङा ङोंइती रागी ङा जग वोइक्तीनी। मिनु सरीङ इन गुइ ङा गेय बाक्ब।
James 1:18 in Sunwar 18 परमप्रभु यावेमी इं कली आ थमा लोव़ पतीकेमी नक जरमेशो मुर सेल्तु। मोदेंशो पा ङोंइती सिश्शो फल खोदेंशो पा आ मुर दुम्तय। यूहन्ना १:१३; १पत्रुस १:१:२३
1 Peter 1:2 in Sunwar 2 इं आफ परमप्रभु यावेमी इन कली योव़शा, आ मुर दुम्नीम देंत। मिनु आ सोक्तीमी इन कली येसु ख्रीस्त कली टीब सेल्तु। आ हुशेमी चोव़खो सेल्तु। परमप्रभु यावे आ गेशो शिशी नु थुं नाइक्तीके ङोंइती क्येङा मुल गे नु शुश बाक्ल। रोमी ८:२९
1 John 4:10 in Sunwar 10 मिनु परमप्रभु यावे आ दाक्चा मार बाक्ब देंशा हना, गोपुकी ङोंइती परमप्रभु यावे कली काइ मदाक्ताक्य हना यो, परमप्रभु यावेमी इं कली दाक्ताक्व। गिश दाक्ताक्व देंशा हना, आंम तौ कली साइक्चा पुंइसीब पपाइक्चा कली रागीमी सोइक्ताक्व। इं कली मरिम्शो गेय नु सैतान आ राज्य रे प्रोंइचा, दे साइक्चा पुंइसीचा कली रागीमी सोइक्ताक्व।
1 John 4:19 in Sunwar 19 गोपुकी चहिं परमप्रभु यावे कली मारदे दाक्नय देंशा हना, मेकोमी ङोंइती इं कली शुश दाक्ताक्व।