2 Corinthians 11:3 in Sunwar 3 बुस्सुमी हव्वा कली मिलो शिलो पा जोल पा आ थुं हिरपा, परमप्रभु यावे कली मटीब सेल्शो खोदेंशो पा, दूली शेंबपुकीमी इन थुं क्याल्शा, ख्रीस्त कली दाक्चा रे हेंथे लां खोइक्पाइक्नीम। उत्पत्ती ३:४,१३
Other Translations King James Version (KJV) But I fear, lest by any means, as the serpent beguiled Eve through his subtilty, so your minds should be corrupted from the simplicity that is in Christ.
American Standard Version (ASV) But I fear, lest by any means, as the serpent beguiled Eve in his craftiness, your minds should be corrupted from the simplicity and the purity that is toward Christ.
Bible in Basic English (BBE) But I have a fear, that in some way, as Eve was tricked by the deceit of the snake, your minds may be turned away from their simple and holy love for Christ.
Darby English Bible (DBY) But I fear lest by any means, as the serpent deceived Eve by his craft, [so] your thoughts should be corrupted from simplicity as to the Christ.
World English Bible (WEB) But I am afraid that somehow, as the serpent deceived Eve in his craftiness, so your minds might be corrupted from the simplicity that is in Christ.
Young's Literal Translation (YLT) and I fear, lest, as the serpent did beguile Eve in his subtilty, so your minds may be corrupted from the simplicity that `is' in the Christ;
Cross Reference Genesis 3:4 in Sunwar 4 तन्न बुस्सुमी “गे बेक्सीन मबेक्नीसी। यूहन्ना ८:४४
Genesis 3:13 in Sunwar 13 मिनु परमप्रभु यावेमी मेको मीश मुर कली “मार पवी?” दे हिल्लो पवा बाक्त। मीश मुरुमी “बुस्सुमी आं कली जोल पा ब्वपाइक्ती। मिनु गो ब्वाता” देंमाक्त। २कोरिन्थी ११:३
Psalm 119:53 in Sunwar 53 इन अरेशो लोव़ प्रोंइब मुर आन पर्बम गो गाइश्शा चुरशा बाक्ती।
Matthew 24:24 in Sunwar 24 मारदे हना शुशेमी ‘गो ख्रीस्त नङ’ दे जोल पा गाक्नीम। ‘परमप्रभु यावे आ लोव़ पाइब नकी’ दे जोल पाइबपुकीमी चिन्ड नु छक लाक्चा ङा गेय कोंइनीम। मो पशोमी परमप्रभु यावे आ योव़शो आन कली यो लां प्रोंइपाइक्चा माल्नीम। ब्यवस्था १३:२-४; २थिस्सलोनिकी २:८-९; प्रकाश १३:१३
John 8:44 in Sunwar 44 इन आफ सैतान बाक्ब। मिनु गे इन आफ आ दाक्शो पचा दाक्नीनी। मेको चहिं ङोंइती रे मुर आन कली साइक्ब नु जोल पाइब बाक्त। मारदे हना मेको नु थमा देंशो बाक्सीन मबा। मोपतीके जोल ला पाइब। मेको जोल पना पन बाक्ब। जोल आ आफ बाक्त। १यूहन्ना ३८-१०; उत्पत्ती ३:४,१९
Acts 20:30 in Sunwar 30 गेपुकी नु काथा गाक्ब थमा सुइक्बपुकी यो मोदेंशो खेदा पाइब फर खोदेंशो दुम्नीम। मेकोपुकीमी दूली लोव़ शेंशा, थमा सुइक्ब आन थुं ग्येत्थ लुक्च क्याल्पाइश्शा, आन नोले खोइक्ब सेल्नीम, दे तुइक्नुङ। १यूहन्ना २:१८-१९
Romans 12:8 in Sunwar 8 अर्ती गेब योव़ने पुंइसाक्वे हना, अर्ती गेचा मब्रीदो। मुर आन कली मार गेप्तीवी हना यो, ठेयब सेल्सीचा कली मगेवो। थमा सुइक्ब आन लां कोंइब दुम्ते हना, होस पा गेय पावो। शिशी पवीनु, ग्येरशा पावो। मत्ती ६:३; २कोरिन्थी ८:२; २कोरिन्थी ९:७
Romans 16:18 in Sunwar 18 मेकोपुकीमी येसु ख्रीस्त आ गेय मपाइनीम। आन कोव़ज प्रिंचा ला मिम्शा, गेय पाइनीम। मिलो शिलो लोव़ पा रिम्शो लोव़ नेंब आन थुं क्याल्नीम। मोदेंशो मुर आन क्येङा होस पा बाक्कीन। फिलिप्पी ३:१९; कलस्सी २:४
2 Corinthians 1:12 in Sunwar 12 गो आंइ नें बोरपा बाक्नीकी। मारदे हना परमप्रभु यावेमी सक्ति गेतीकी। मिनु मेको आन मुर दुम्शा, मुर नेल्ल आन कुल, इन कुल यो रिम्शो थुं रे पा गेय कोंइताक्क। आंम आंइ रागी ङा जोक्तीक तुइक्तीक रे ममाइ। तन्न परमप्रभु यावे आ शिशीम पतीके बाक्ब। २कोरिन्थी २:१७; हिब्रू १३:१८; १कोरिन्थी १:१७
2 Corinthians 2:17 in Sunwar 17 तन्न गो परमप्रभु यावे आ लोव़ ग्याप्ब लेयब खोदेंशो पा मलेयनीकी। गो ठीक पाइब मुर बाक्नीकी। गो परमप्रभु यावे आ सोइश्शो, परमप्रभु यावे आ ङोंइती ख्रीस्त आ नेंमी शेंनीकी। २कोरिन्थी १:१२; २कोरिन्थी ४:२; १पत्रुस ४:११
2 Corinthians 4:2 in Sunwar 2 गोपुकीमी मुने दोक्तीक ख्रुइश्शा पतीक गेय प्रोंइशो बाक्नीक। मरिम्शो पा परमप्रभु यावे आ लोव़ फाइक्चा रे ङोन बाक्नीकी। तन्न परमप्रभु यावे आ लोव़ तुइक्पाइक्तीकेमी मुर नेल्ल नु परमप्रभु यावे आ ङोंइती ब्रचा ङा बाक्नीकी। २कोरिन्थी २:१७; १थिस्सलोनिकी २:५
2 Corinthians 11:13 in Sunwar 13 मेकोपुकी परमप्रभु यावे आ सोइश्शो मनम। ख्रुइश्शा जोल पा गेय पाइनीम। ख्रीस्त आ सोइश्शो दुम्खु पा शेंथ गाक्नीम। २कोरिन्थी २:१७
2 Corinthians 11:29 in Sunwar 29 मुरुमी “मचाप्नीकी” देंनीम। गो चहिं गेना हना यो चाप्नुङा ङा? मुरुम पाप पाम्तेक्म हना, गो शुश सुर्ता पाइनुङ।
2 Corinthians 12:20 in Sunwar 20 मुल ग्रुम्यानु, मार दुम्बा, दो दुम्ब, दे थुं ग्येत्थ लुक्च पा बाक्नुङ। मारदे हना ग्रुम्यानु, आं दाक्शो खोदेंशो मपाइनीनी कों, गो यो इन दाक्शो खोदेंशो मपाइनुङा कों? मिनु मगारथु, जिचा बोक्शा, गेहे पमुशा, गाइश्शा, आंम कली ठेयब सेल्मुशा, शुक्शी पमुशा, मुर आन पर्बम मरिम्शो लोव़ पा नोफा मुइक्मुशा, ठेयब लेश्शा, खडङ मडङ दुम्नया कों? २कोरिन्थी १०:२
Galatians 1:6 in Sunwar 6 इन कली तशा, गो छक लाक्ती। मारदे हना इन कली येसु ख्रीस्त रे पा शिशी पा आ गे ब्रेप्ब कली प्रोंइशा, अर्को आन ग्येरपाइक्ब लोव़ नेंतीनी।
Galatians 2:4 in Sunwar 4 तन्न मेकेर खुम्सीशा बाक्ब आन मतुइक्थु थमा सुइक्ब दुम्खु पा, दूली शेंब ब्वांइसाक्म। मोपा गोपुकी नु ब्वांइसीशा, आंइ थुं कोव़शा बाक्तेक्म। गोपुकी ख्रीस्त येसुमी यहूदी आन रिती थिती पचा प्रोंइशा बाक्तक। तन्न मेकोपुकीमी यहूदी आन रिती थितीम लेप्पाइक्चा बोल पाम्तेक्म।
Galatians 3:1 in Sunwar 1 ए गलातीपुकी, गे मरुप्ब मुर दुम्नी बाक्त। सुमी मोपा इन थुं हिरदा? येसु ख्रीस्त कली शीम केप्शा कांटी थोक्शा क्याइश्शा साइक्तेक्म, दे इन मिक्चीमी तशो खोदेंब पा नेंपाइक्तान्नी। मुल मेको लोव़ प्रेंदीनी?
Galatians 4:11 in Sunwar 11 गो शुश श्येत पा येसु ख्रीस्त आ लोव़ शेंताक्न्नी। इन कली शेंशा श्येत ला जङा कों, दे मिम्ताक्ङ। २यूहन्ना ८
Ephesians 4:14 in Sunwar 14 गोपुकीम आल खोदेंशो पा मुर आन शेंशो हेंथे लोव़ थमा सुइक्चा मदुम्नय। दूली शेंबपुकीमी निप्स खाप्शा, मुर आन कली जोल पा फश लोव़ शेंशा, दूली लां खोइक्पाइक्नीम। १कोरिन्थी १४:२०; हिब्रू १३:९; याकूब १:६
Ephesians 6:24 in Sunwar 24 सु सुमी इं प्रभु येसु ख्रीस्त कली गेना हना यो दाक्नीमी, मेको नेल्लेमी शिशी तामेक्ल।
Philippians 3:18 in Sunwar 18 गो इन कली का निक्शी मुर आन पर्बम लोव़ पाता। मुल आं थुं खाइश्शा, ङाक्शा लोव़ पाइनुङ। मारदे हना मेकोपुकी ख्रीस्त आ जोरी सत्रु दुम्शा, आ बेक्शो आ पर्बम मारेइ ममिम्नीम। १कोरिन्थी १:२३; गलाती ६:१२
Colossians 2:4 in Sunwar 4 मारदे इन कली मो देंती देंशा हना, जोल पा शेंब जाक्शा, शुश मिलो शिलो लोव़ पशा, दूली शेंने मचाप्मेक्ल, दे मो देंती। रोमी १६:१८
Colossians 2:8 in Sunwar 8 मिनु गेपुकी दूली लोव़ शेंब आन नोले मखोतीन। मेकोपुकीमी इन कली मुर आन मिम्तीके नु फश लोव़ पशा, मुर आन रिती थिती ला शेंनीमी। मेको रागी रागी ङा मुर आन थुं ङा बाक्ब, ख्रीस्त के ममाइ।
Colossians 2:18 in Sunwar 18 सुइमी इन कली “मतुइक्ब मुर ननी” देंचा मगेने। मेकोपुकीमी आंम मिम्शो पशो बाक्नीम, स्वर्ग ङा गेय पाइब आन कली सेउ पचा माल्नीनी, दे शेंनीमी। “गो ङोमु खोदेंशो पा ततीके तुइक्ताक्क” देंनीमी। मेको मुरपुकी मो ठेयब लेश्शा बाक्शा, आन मिम्शो ला शेंनीम।
1 Thessalonians 3:5 in Sunwar 5 गो इन कली श्येत जशो तशा फाल्ने मचबु। मोपतीके तिमोथी कली इन थमा सुइक्तीक दोपा बाक्म, दे तुइक्चा कली कोव़थ सोइक्ताक्ङ। मुर आन कली पाप पपाइक्बमी इन कली बिग्रेवा कों, आंइ पशो गेय यो मोशा लम कों, दे गो हिंती। फिलिप्पी २:१६
2 Thessalonians 2:3 in Sunwar 3 इन कली दूली शेंतीके शेंब आन कली थमा मसुतीन। मारदे हना प्रभु येसु ख्रीस्त आ नाक्त जाक्चा क्येङा ङोंइती परमप्रभु यावे कली मटिथु नेल्ल क्येङा मरिम्शो पाइब का ग्रूब। मेको कली जाम्शा लाइब आ तौ यो देंनीम। १तिमोथी ४:१; १यूहन्ना २:१८
1 Timothy 1:3 in Sunwar 3 गो मासीडोनीया रागी लङानु, गे एफिसस सहरम बाक्को। मेकेर मुर का निक्शीमी दूली लोव़ शेंनीम। मोदेंशो मशेंदीन, दे अरेवो। प्रेरित २०:३
1 Timothy 2:14 in Sunwar 14 आदम ङोंइती हेंथे मगाक्शो बाक्त। मीश मुर चहिं मिक्च सिल्चा पुंइसीशा, परमप्रभु यावे कली मटीब दुम्शो बाक्त। उत्पत्ती ३:६
1 Timothy 4:1 in Sunwar 1 परमप्रभु यावे आ सोक्तीमी “नोले ङा नाक्तीम का निक्शी थमा सुइक्बपुकीमी थमा सुइक्चा प्रोंइनीम। मेको मुरपुकीमी हेंथे लां कोंइब नु जोल पाइब वोल आन शेंशो नेंनीम” देंत। मत्ती २४:२४; २थिस्सलोनिकी २:३; २तिमोथी ३:१; २पत्रुस ३:३; १यूहन्ना २:१८; यहूदा १८
2 Timothy 3:1 in Sunwar 1 नोले ङा नाक्त हिंचा ङा श्येत दुम्ब। गे मेको तुइक्चा माल्नेवे। १तिमोथी ४:१
2 Timothy 3:13 in Sunwar 13 मरिम्शो नु ग्रांग्रा दिचा ङा मुरपुकीमी “मुर आन मिक्च सिल्नीक” दे मिम्तमेनु, ङोंइती ङा क्येङा मरिम्शो दुम्शा, आंमान आन मिक्च सिल्चा पुंइसीनीम। १तिमोथी ४:१
2 Timothy 4:3 in Sunwar 3 मारदे हना इच्का नोले थमा शेंतीक नेंचा काइ मदाक्नीम। आंम दला दाक्स पा अर्को लोव़ कली नोफा दाइश्शा, आंम कली शेंबपुकी तेल्नीम। १तोमोथी ४:-
Titus 1:10 in Sunwar 10 परमप्रभु यावे आ शेंशो लोव़ मटीबपुकी शुश बाक्नीमी। शोर गाक्शो लोव़ पाइब नु हेंथे लां शेंब बाक्नीम। मेको शुश ख्रोइक्तीक चिनु पाइश्शो इस्राएली बाक्नीम।
Hebrews 13:9 in Sunwar 9 मुल सम्म मनेंशो नु दूली शेंब लोव़मी इन थुं क्याल्चा मगेने। परमप्रभु यावे आ शिशीमी रिम्शो थुं पाइश्शो दुम्तय, दे गेनायो मप्रेंदीने। चोव़खो जशोमी ठीक थुं मसेल्ब, दे रुपीने। एफिसी ४:१४; २कोरिन्थी १:२१; रोमी १४:१७; १तिमोथी ४:८
2 Peter 2:1 in Sunwar 1 साइ ङोंइती परमप्रभु यावे आ लोव़ जोल पा दूली शेंबपुकी बाक्मा बाक्त। मुल मोदेंशो जोल पा शेंबपुकी इन ग्रुम्तीक खिंमी यो जाक्नीमी। मेकोपुकीमी ख्रुइश्शोमी खतम सेल्ब शेंतीके शेंनीमी। प्रभुमी मेको आन कली ग्याप्शा यो, मेकोपुकी “गो मेको कली मतुइक्नुङ” दे जाम्शा लाइब बाक्नीम। मत्ती २४:११; १तिमोथी ४:१
2 Peter 3:3 in Sunwar 3 नोले ङा नाक्त शुक्शी पाइबपुकी जाक्नीमी, दे तुइक्चा माल्नीनी। मेकोपुकीमी शुक्शी पा, आंम दला दाक्स पाइनीम। १तिमोथी ४:१; यहूदा:१८
2 Peter 3:17 in Sunwar 17 मोपतीके आं दाक्शो लोक्बपुकी, गे मेको ङोंइती रे तुइश्शा, होस पा बाक्कीन। मोपा मबाक्तीनी हना, गेपुकी दूली शेंब आन दूली शेंतीके खोइश्शा, इन थमा सुइक्तीके साम्नीनी।
1 John 2:18 in Sunwar 18 आं तमी तौपुकी, रागी जाम्चशो बाक्ब। दोपा तुइक्ताक्य देंशा हना, ख्रीस्त आ पर्बम दूली शेंब का जाक्ब, दे ङोंइती रे तुइश्शो ननी। ख्रीस्त आ पर्बम दूली शेंब शुश जाक्तेक्म। मोपतीके रागी जाम्चशो बाक्त, दे तुइक्ताक्य। १पत्रुस ४:७; मत्ती २४:२४; २थिस्सलोनिकी २:३-४
1 John 4:1 in Sunwar 1 आं दाक्शो लोक्बपुकी, शेंबपुकीमी शेंदमेनु, गेपुकीमी परमप्रभु यावे रे पा शेंनीमी देय मशेंनीमी मेको रुपीन। मारदे हना रागीमी शुश दूली पा, परमप्रभु यावे आ लोव़ पाइब बाक्नीम। मत्ती ७:१५
Jude 1:4 in Sunwar 4 तन्न का निक्शी निसाफ पाइक्चा पुंइसीबपुकीमी “थमा सुइक्ब बाक्नीक” देंखु पा, थमा सुइक्ब आन ग्रुम्तीकेमी बाक्नीम। मेकोपुकीमी परमप्रभु यावे कली मटिथु “परमप्रभु यावेमी शिशी पाइब” दे मिम्शा, आंम दला दाक्स पना पन बाक्नीम। मिनु इं होव़प, प्रभु येसु ख्रीस्त आ पर्बम “परमप्रभु यावे आ तौ ममाइ” देंनीम।
Revelation 12:9 in Sunwar 9 मिनु मेको ठेयब बुस्स आ नें मार बाक्त देंशा हना, माइत बुस्स, दियाबलस, सैतान बाक्त। मिनु मेको रागी रागी नेल्ल ङा मुर आन कली पाप पपाइक्चा कली रागीमी तोक्चा पुंइसीशो बाक्त। मिनु मेको आ गेय पाइबपुकी यो रागीमी तोक्चा पुंइसीशो बाक्तेक्म। प्रकाश २०:२; उत्पत्ती ३:१; लूका १०:१८
Revelation 20:2 in Sunwar 2 मिनु मेकोमी ठेयब बुस्स कली ग्याइश्शा पाइक्ताक्व। मेको ठेयब बुस्स आ नें मार बाक्त देंशा हना, साइ ङोंइती ङा बुस्स, दियाबलस नु सैतान मेको आ नें बाक्त। मिनु मेको परमप्रभु यावे आ स्वर्ग ङा गेय पाइबमी मेको कली हजार का बर्स सम्म पाइक्ताक्व। दियाबलस आ देंशो “मुर आन कली खाल्ब” बाक्ब।प्रकाश १२:९