2 Corinthians 1:19 in Sunwar 19 सिल्वानस, तिमोथी नु गो सांफामी इन कली परमप्रभु यावेमी आ तौ येसु ख्रीस्त आ लोव़ नेंपाइक्तक। मेको लोव़ थमा दुम्बा कों मदुम्बा, मार तुइक्चा देंशो लोव़ ममाइ। येसु ख्रीस्त थमा बाक्ब। प्रेरित १८:५
Other Translations King James Version (KJV) For the Son of God, Jesus Christ, who was preached among you by us, even by me and Silvanus and Timotheus, was not yea and nay, but in him was yea.
American Standard Version (ASV) For the Son of God, Jesus Christ, who was preached among you by us, `even' by me and Silvanus and Timothy, was not yea and nay, but in him is yea.
Bible in Basic English (BBE) For the Son of God, Jesus Christ, whom we were preaching among you, even I and Silvanus and Timothy, was not Yes and No, but in him is Yes.
Darby English Bible (DBY) For the Son of God, Jesus Christ, he who has been preached by us among you (by me and Silvanus and Timotheus), did not become yea and nay, but yea *is* in him.
World English Bible (WEB) For the Son of God, Jesus Christ, who was preached among you by us, by me, Silvanus, and Timothy, was not "Yes and no," but in him is "Yes."
Young's Literal Translation (YLT) for the Son of God, Jesus Christ, among you through us having been preached -- through me and Silvanus and Timotheus -- did not become Yes and No, but in him it hath become Yes;
Cross Reference Exodus 3:14 in Sunwar 14 मिनु परमप्रभुमी मोसा कली “आं नें ‘गो नङ’ बाक्ब। इस्राएल जात ङा मुर आन कली ‘गो नङ’ देंबमी आं कली इन बाक्तीकेमी सोइक्ताक्यी, देंचा माल्नेवे” देंत। प्रस्थान ६:२; मलाकी ३:६; प्रकाश १:४,८
Psalm 2:7 in Sunwar 7 परमप्रभु यावेमी लोव़ पा आं कली “गे आं तौ नवे, मुलाक्ती गो इ कली सेल्ता” देंत। भजन संग्रह ८९:२७-२८; २सामुएल ७:१४; प्रेरित १३:३३; हिब्रू १:५, हिब्रू १:५; हिब्रू ५:५
Matthew 3:17 in Sunwar 17 मिनु सरीङ रे “एको आं दाक्शो तौ बाक्ब। एको कली तशा थाम्पा ग्येरसीनुङ” देंशो सेंदा ग्रूमाक्त। मत्ती १७:५; यसैया ४२:१
Matthew 16:16 in Sunwar 16 सिमोन पत्रुसमी “ब्रोंइशा बाक्ब परमप्रभु यावे आ तौ ख्रीस्त बाक्नीनी” देंत। यूहन्ना ६:६९
Matthew 17:5 in Sunwar 5 मोदेंशो लोव़ पना पन बाक्मेनु, जिलील पा बुश तांइसीशो गोस्सुमी नेल्ल आन कली गिल्मी बाक्त। मिनु गोस्स आगा रे “एको आं दाक्शो तौ बाक्ब। एको कली तशा ग्येरसाक्यी। आ लोव़ नेनीने” देंशो सेंदा नेन्मे बाक्त। मत्ती १:१७
Matthew 24:35 in Sunwar 35 सरीङ नु रागी नेल्ल जाम्शा लाइनीम, आं लोव़ चहिं गेना हना यो लीब। मत्ती ५:१८; यसैया ५१:६
Matthew 26:63 in Sunwar 63 मिनु नेल्ल क्येङा ठेयब चढ़ेबमी “ब्रोंइशा बाक्ब परमप्रभु यावे आ नेंमी हिल्लो पाइनन, गे परमप्रभु यावे आ तौ ख्रीस्त नवे, दे मनवे?” देंमेनु, मत्ती २७:१२; यूहन्ना १०:२४
Matthew 27:40 in Sunwar 40 “परमप्रभु यावे आ खिं प्रेश्शा, सां नाक्तीमी नक सेल्नुङ देंते। खोइ मिनु, सेल्ने चबी? थमान परमप्रभु यावे आ तौ नवे हना, शीमी केप्शा कांटी थोक्शा क्याइश्शो रे ब्रोंइशा यीवो” दे शुक्शी पामे बाक्त। मत्ती २६:६१; यूहन्ना २:१९
Matthew 27:54 in Sunwar 54 येसु कली खाल पाइब कप्तान नु सिपाहीपुकीमी ख्रिनु कुशा नु मोपा हिंचा ङा गेय दुम्शो तशा, शुश हिंशा “एको परमप्रभु यावे आ तौ बाक्माक्त” देंमुमा बाक्त।
Mark 1:1 in Sunwar 1 एको परमप्रभु यावे आ तौ येसु ख्रीस्त आ पर्बम ब्रेक्शो ग्येरपाइक्ब लोव़ बाक्ब। मेको लोव़ दोदेंशो पा गोइब देंशा हना,
Luke 1:35 in Sunwar 35 “परमप्रभु यावे आ सोक्तीमी इ कली सुम्ब। मिनु नेल्ल क्येङा ठेयब आ सक्ति ताइनेवे। मोपतीके इ आल परमप्रभु यावे के बाक्ब। मेको कली परमप्रभु यावे आ तौ देंनीम। मत्ती १:१८-२०
John 1:34 in Sunwar 34 मिनु गो मेको नेल्ल ताता। परमप्रभु यावे आ तौ मेकोन बाक्ब, दे तुइश्शा, इन कली तुइक्पाइक्तन्नी” दे यूहन्नामी देंत।
John 1:49 in Sunwar 49 मिनु नथानेलमी “शेंब, गे परमप्रभु यावे आ तौ ननी। गे इस्राएल ङा मुर आन पिप ननी” देंत। यूहन्ना ६:६९; भजन संग्रह २:७; येरमीया २३:५; मत्ती १४:३३; मत्ती १६:१६
John 3:16 in Sunwar 16 परमप्रभु यावेमी रागी ङा मुर आन कली शुश दाक्ताक्व। मोपतीके आ कांइचीक तौ रागीमी सोइक्ताक्व। सु सुमी मेको कली थमा सुइक्नीमी, मेकोपुकी नरक मलाइनीम। तन्न गेना हना यो परमप्रभु यावे नु बाक्चा ताइनीम। रोमी ५:८; रोमी ८:३२; १यूहन्ना ४:९
John 3:35 in Sunwar 35 आफोमी आ तौ कली दाक्शा, मेको कली नेल्ल क्येङा ठेयब अधिकार गेप्तु। यूहन्ना ५:२०; मत्ती ११:२७
John 6:69 in Sunwar 69 गे परमप्रभु यावेमी योव़शा सोइश्शो ननी, दे तुइश्शा थमा सुइक्नीकी” देंत। मत्ती १६:१६
John 8:58 in Sunwar 58 मिनु येसुमी “नोफा दाइश्शा नेनीन, गो अब्राहाम क्येङा ङोंइती रे बाक्शो नङ” देंत। यूहन्ना १:१२
John 19:7 in Sunwar 7 यहूदीपुकीमी “आंइ ऐन कानुन बाक्ब। मिनु मेको ऐन कानुनमी ब्रेक्शो खोदेंशो पा एको मुर बेक्चा माल्ब। मारदे हना एकोमी आंमा कली परमप्रभु यावे आ तौ सेल्सीशो बाक्त” देंतेक्म। यूहन्ना १०:३३; लेवी २४:१६
John 20:28 in Sunwar 28 थोमासमी “आं प्रभु, आं परमप्रभु यावे” देंत। यूहन्ना १:१
John 20:31 in Sunwar 31 मिनु मेको ब्रेक्शो छक लाक्चा ङा गेयपुकी मारदे ब्रेक्शो बाक्नीम देंशा हना, गेपुकीमी “येसु ख्रीस्त, परमप्रभु यावे आ तौ बाक्ब” दे थमा सुइक्ने चापीन। मिनु थमा सुइश्शा, आ नेंमी गेना हना यो ब्रोंइशा बाक्चा ताइनीनी, दे ब्रेक्शो बाक्ब। १यूहन्ना ५:१३
Acts 8:36 in Sunwar 36 मोपा लसा लसा ब्वाक्कु बाक्तीकेमी जाक्दीस्सा बाक्त। मिनु ठेयब मुरुमी “एकेर ब्वाक्कु बाक्त, एको ब्वाक्कुम ख्रुम्शा ग्रुंइचा पुंइसीनुङ, दुम्बा?” देंमाक्त।
Acts 9:20 in Sunwar 20 मिनु सावल ग्रुम्तीक खिं खिं लशा “येसु परमप्रभु यावे आ तौ बाक्ब” दे शेंना शेंन यहूदी आन कली येसु आ पर्बम शुश लोव़ तुइक्पाइक्मी बाक्त।
Acts 15:22 in Sunwar 22 मिनु याकूब आ लोव़ नेंशा, नेल्ल थुं का दुम्शा, आ देंशो बिस्समा बाक्त। मिनु चिठी ब्रेक्शा, मेको चिठी चोव़थ मुर योव़शा, पावल नु बारनाबास, नु काथा एन्टीओक सोइक्चा, दे सल्ला पामे बाक्त। मेको योव़शो का यहूदा नु का सिलास बाक्सा बाक्त। यहूदा आ याइनी नें बारसाबास बाक्माक्त। यहूदा नु सिलास थमा सुइक्ब आन कली शेंब खाल्पा बाक्सा बाक्त।
Acts 18:5 in Sunwar 5 मिनु नोले सिलास नु तिमोथी मासीडोनीया रे जाक्शा, मेक जाक्सा बाक्त। मिनु पावलमी “शेंचा गेय ला पाइनुङ” देंशा, यहूदी आन कली “येसु मेको ख्रीस्त बाक्ब, दे रुपीन” दे शेंना शेंन गाक्बाक्माक्त। प्रेरित १७:१४-१५: २कोरिन्थी १:१९
Romans 1:3 in Sunwar 3 येसु ख्रीस्त पिप दाऊद आ थरमी मुर दुम्शा, जरमेशो बाक्माक्त। रोमी ९:५; २सामुएल ७:१२; मत्ती २२:४२
Hebrews 1:11 in Sunwar 11 मो हना यो मेको नेल्ल मलीनीम। गे चहिं गेना हना यो बाक्नीनी। सेल्शोपुकी माइत वा खोदेंशो पा जेक्शा लाइनीम।
Hebrews 13:8 in Sunwar 8 साइ ङोंइती, मुल नु गेना हना यो येसु ख्रीस्त मफांइसीथु बाक्ब, दे तुइक्तीन। यसैया ४१:४; १कोरिन्थी ३:११; प्रकाश १:१७-१८; प्रकाश २२:१३
2 Peter 1:17 in Sunwar 17 इं आफ परमप्रभु यावेमी मेको कली मान पशा, आ छेङछेङ तपाइश्शा “मेको आं दाक्शो तौ बाक्ब। मेको कली तशा, गो ग्येरसाक्यी” देंशो सेंदा छेङछेङ रे ग्रूत। मत्ती १७:५
1 John 1:3 in Sunwar 3 मिनु आंइ तशो नु नेंशो इन कली शेंनीकी। मारदे हना गो नेल्ल थुं का ङा दुम्यल। मिनु गो नेल्ल इं आफ परमप्रभु यावे नु आ तौ येसु ख्रीस्त नु थुं का ङा बाक्नय।
1 John 5:9 in Sunwar 9 गोपुकी मुर आन सांकछी नेंशा थमा सुइक्नय। परमप्रभु यावे आ सांकछी मुर आन सांकछी क्येङा ठेयब बाक्ब। मिनु परमप्रभु यावेमी आ तौ येसु ख्रीस्त आ पर्बम मेको सांकछी गेप्तु।
1 John 5:20 in Sunwar 20 मिनु परमप्रभु यावे आ तौमी इं कली रुप्तीक थुं गेप्तु, दे तुइक्नय। मेको रुप्तीक थुंमी थमा पतीके कली तुइक्नय। गोपुकी मेको थमा पाइब नु थुं का ङा बाक्नय। मोपा आ तौ येसु ख्रीस्त नु यो थुं का ङा बाक्नय। मेको थमा परमप्रभु यावे नु गेना हना यो ब्रोंइशा बाक्तीक बाक्ब। यूहन्ना १७:३
2 John 1:9 in Sunwar 9 सुम चहिं ख्रीस्त आ थमा शेंतीके लोव़ प्रोंइबा, मेको परमप्रभु यावे नु थुं का मबाक्ब। सुम चहिं ख्रीस्त आ थमा शेंतीक लोव़ मप्रोंइबा, मेको आफ नु तौ निम्फा नु थुं का ङा बाक्ब। १यूहन्ना २:२३
Revelation 1:8 in Sunwar 8 परमप्रभु यावे मुल बाक्ब, ङोंइती यो बाक्शो बाक्त। मिनु नोले यो जाक्ब। नेल्ल सक्ति पाइश्शो परमप्रभु यावेमी “गो आल्फा नु ओमेगा नङ” देंत। आल्फा नु ओमेगा माइश्शो ग्रीक लोव़मी ङोंइती नु नोले ङा अच्छेर बाक्नीस।प्रकाश २१:६; यसैया ४१:४; प्रकाश ४:८
Revelation 1:11 in Sunwar 11 मेको सेंदामी आं कली “मार मार ताइनेवे, मेको नेल्ल कागजम ब्रेक्तो। मिनु ब्रेक्शा ङा मिन, एसीया ङा ७ ओटा सहर ङा येसु ख्रीस्त कली थमा सुइक्ब आन ग्रुम्तीके ङा मुर आन कली सोइक्तो। मेको ७ ओटा सहर चहिं एफिसस, स्मिरना पेरगामोम, थिआटीरा, सारडीस, फिलाडेल्फीया नु लाओडीसीया नम” देंत।
Revelation 1:17 in Sunwar 17 मिनु गोमी मेको मोदेंशो तङानु, बेक्शो मुर खोदेंब पा मेको आ खोइलीम गोल्ती। मिनु मेकोमी चहिं आ ग्युरा गुइ आं तारी वोइश्शा “महिनो, गो नेल्ल क्येङा ङोंइती नु नेल्ल क्येङा नोले ङा नङ। दानीएल ८:१८
Revelation 2:18 in Sunwar 18 मिनु परमप्रभु यावे आ तौमी आं कली थिआटीरा सहर ङा थमा सुइक्ब आन शेंब कली ब्रेक्पाइक्ती। एको आ मिक्च हुरुर पा ब्रशो मी खोदेंशो तांइसीशो नु आ खोइली याप्पाइश्शो टल्केशो कांसा खोदेंशो तांइसीशो आ लोव़ बाक्ब। प्रेरित १६:१४; प्रकाश १:१४-१५