1 Timothy 6:12 in Sunwar 12 थमा सुइश्शा ग्राङो। “गेना हना यो परमप्रभु यावे नु बाक्ब दुम्ती” दे मिम्तो। गे शुश मुर आन ङोंइती इ थमा सुइश्शो आ पर्बम रिम्शो लोव़ पाप्तीवी। मेना गे गेना हना यो ब्रोंइशा बाक्चा ताइब, दे ब्रेत्चा पुंइसीशो बाक्ते। १तिमोथी १:१८; १कोरिन्थी ९:२५-२६; २तिमोथी ४:७; १तिमोथी ४:१४; हिब्रू ३:१
Other Translations King James Version (KJV) Fight the good fight of faith, lay hold on eternal life, whereunto thou art also called, and hast professed a good profession before many witnesses.
American Standard Version (ASV) Fight the good fight of the faith, lay hold on the life eternal, whereunto thou wast called, and didst confess the good confession in the sight of many witnesses.
Bible in Basic English (BBE) Be fighting the good fight of the faith; take for yourself the life eternal, for which you were marked out, and of which you gave witness in the eyes of all.
Darby English Bible (DBY) Strive earnestly [in] the good conflict of faith. Lay hold of eternal life, to which thou hast been called, and hast confessed the good confession before many witnesses.
World English Bible (WEB) Fight the good fight of faith. Lay hold of the eternal life to which you were called, and you confessed the good confession in the sight of many witnesses.
Young's Literal Translation (YLT) be striving the good strife of the faith, be laying hold on the life age-during, to which also thou wast called, and didst profess the right profession before many witnesses.
Cross Reference Deuteronomy 26:3 in Sunwar 3 मिनु गे मेना गेय पाइब चढ़ेब आन बाक्तीक लचा माल्नीनी। मिनु मेको कली गो परमप्रभु यावे, इन परमप्रभु आ ङोंइती ‘परमप्रभु यावेमी आंइ किकी पिपी नु कसम जशा गेनुङ, देंशो रागीम गो मुलाक्ती जाक्ती’ देंचा माल्नीनी।
Deuteronomy 26:17 in Sunwar 17 गेपुकीमी मुलाक्ती परमप्रभु यावे कली ‘गे आंइ परमप्रभु बाक्नीनी। गो इन लां खोइक्नीकी। मिनु इन फुल्लुम मुशा ब्रेक्शो लोव़, इन शेंशो नु इन निसाफ पतीके लोव़ पाइनीकी नु इन देंशो टीनीकी’ दे परमप्रभु कली लोव़ पाइतीनी।
Psalm 63:8 in Sunwar 8 आं थुं गे नु बाक्ब। गे आं कली कोव़ब बाक्नीनी।
Proverbs 3:18 in Sunwar 18 मेको नु बाक्बपुकी शुश नाक्त ब्रोंइनीम। मेको कली मुप्शा बाक्ब आन पर्बम मुरपुकीमी “मेकोपुकी ग्येरसीशो मुर बाक्नीम” देंनीम। हितोपदेस ११:३०; हितोपदेस १३:१२; हितोपदेस १५:४
Song of Solomon 3:4 in Sunwar 4 मिनु गो मेको आन कली प्रोंइशा इच्का आइक्ची ला जाक्दीश्शो नङ। गो आं दाक्शो वोंइश मुर कली थित्ता। मिनु गो मेको कली आं ममा आ खिं, आं जरमेसीशो कोठा मचाक्गु सम्म मेको कली ग्याइश्शा मप्रोनु। ठेयब कुम्सो ८:२
Isaiah 44:5 in Sunwar 5 मिनु कामी ‘गो परमप्रभु यावे आ मुर नङ’ देंब। अर्कोमी ‘आ नें याकूब बाक्ब’ देंब। मिनु अर्कोमी ‘गो परमप्रभु यावे आ मुर नङ’ दे आ गुइम ब्रेक्शा ‘आं नें इस्राएल बाक्ब’ देंब” देंत।
Zechariah 10:5 in Sunwar 5 मिनु मेको नेल्ल लडाइम बाक्शो लडाइ पाइब खोदेंशो बाक्नीम। मेकोपुकीम आन जोरी सत्रु लां ङा हिलोम खोल्शा दिम्नीम। परमप्रभु यावे मेकोपुकी नु बाक्तीके मेकोपुकीमी लडाइ पाइनीम। शारा ङोइक्ब आन कली मुने तोक्नीम।
Luke 12:8 in Sunwar 8 सुमी मुर आन कली ‘गो येसु आ मुर नङ’ देंबा, रागीम जरमेशोमी यो मेको आ पर्बम परमप्रभु यावे आ स्वर्ग ङा गेय पाइब आन ङोंइती ‘मेको आं मुर बाक्ब’ देंब।
Romans 8:28 in Sunwar 28 गो परमप्रभु यावे आ योव़शो, मेको कली दाक्बपुकीमी दोदेंशो श्येत जाम्तेक्म हना यो, दोदेंशो ग्येरसाक्म हना यो, मार दुम्त हना यो, इं कली रिम्शो दुम्ब, दे तुइश्शो बाक्नय। एफिसी १:११
Romans 9:23 in Sunwar 23 मेकोमी आ ठेयब गेय कोंइचा कली का निक्शी आन कली शिशी पशा, गेना हना यो काथा बाक्शा, आ छेङछेङ कोंइचा कली योव़तीमी। एफिसी १:३-१२
Romans 10:9 in Sunwar 9 मिनु गेपुकीमी “येसु प्रभु बाक्ब” देंशा इन थुंमी “परमप्रभु यावेमी मेको कली बेक्शो रे सेंताक्व” दे थमा सुइक्तीनी हना, गे ब्रोंइचा ताइनीनी। मत्ती १०:३२; २कोरिन्थी ४:५
1 Corinthians 9:25 in Sunwar 25 मोपा दोरबपुकीमी दोरने चबुल, दे हेंथे मजाइनीम मतूनीम। आन रां नेल्ल चलेस जोक्नीम। मोदेंशो पाइबपुकीमी जाम्शा लाइब इनाम ला ताइनीम। गोपुकीमी चहिं गेनायो जाम्शा मलाइब इनाम ताइनय, दे तुइश्शा, मेको आन क्येङा रिम्शो पचा ममाल्नया ङा? २तिमोथी २:४-५; १पत्रुस ५:४
2 Corinthians 6:7 in Sunwar 7 थमा लोव़ पाइनीकी, परमप्रभु यावे आ सक्तिमी गेय कोंइनीकी, ग्युरा नु पेरा निम्फा रे ठीक पतीके पाइश्शो बाक्नीकी।
2 Corinthians 9:13 in Sunwar 13 एको क्येट पोक्तीक गेय पशा इन टितीक नाक्सीशो बाक्ब। मिनु गे परमप्रभु यावे कली ठेयब सेल्शो बाक्नीनी। मिनु इन हाइश्शा मेको आन कली नु अरु आन कली गेशोमी गे ख्रीस्त आ ग्येरपाइक्ब लोव़ तुइक्ब बाक्नीनी, दे कोंइनीनी।
2 Corinthians 10:3 in Sunwar 3 मारदे हना गो रागीम बाक्तक हना यो, रागी ङा मुर खोदेंशो पा मजीनीकी।
Ephesians 6:10 in Sunwar 10 मिनु आं नोले ङा लोव़, प्रभु कली तुइश्शा सक्ति पाइश्शो मुर दुमीन। मोपा प्रभु आ सक्तिमी बोल्यो दुम्शा बाक्कीन। एफिसी ३:१६; १कोरिन्थी १६:१३; २तिमोथी २:१; १यूहन्ना २:१४
Philippians 3:12 in Sunwar 12 मुल सम्म गो मेको नेल्ल मतङ। मिनु ठीक मदुम्ङ। तन्न मेको आं के दुम्ल, दे शुश गेय पाइनुङ। मारदे हना ख्रीस्त येसुम आं कली आ मुर सेल्ती। कलस्सी १:२९; १तिमोथी ६:१२; प्रेरित ९:३-६
Colossians 3:15 in Sunwar 15 ख्रीस्त आ थुं इन थुंम नाइश्शा हुकुम पचा गेने। गेपुकी रां का ङा दुम्चा कली योव़सीशो बाक्नीनी। गेपुकीमी प्रभु कली “गे रिम्शो पाइब बाक्नीनी” दे शुश देनीन। फिलिप्पी ४:७; १कोरिन्थी १२:१३,२७; एफिसी ४:३-४
1 Thessalonians 2:12 in Sunwar 12 “परमप्रभु यावे आ मुर दुम्शा, मेको आ ङोंइती शिरशो दुम्शा बाक्कीन” दे इन कली पन कि पन, दे शेंशा शुश अरेतक। परमप्रभु यावेमी इन कली आंम राज्य नु आ छेङछेङमी बाक्चा गेचा कली ब्रेप्ब। एफिसी ४:१-२; फिलिप्पी १:२७
1 Thessalonians 5:8 in Sunwar 8 तन्न गोपुकी नाक्त ङा मुर दुम्शा “प्रभु यीब” दे मिम्ना मिम्न बाक्शा, परमप्रभु यावे आ या ङा पीतल के भोटो खोदेंशो पा, थमा सुइक्तीके नु दाक्तीके फेक्शा बाक्य। पीतल के ताकी गुप्शो खोदेंशो पा पाप रे प्रोंइशो बाक्नुङ, दे तुइश्शा आस पय। एफिसी ६:१४-१७
2 Thessalonians 2:14 in Sunwar 14 गोपुकीमी इन कली ग्येरपाइक्ब लोव़ पकानु, मेकोमी इं प्रभु येसु ख्रीस्त आ छेङछेङ पाइश्शो मुर दुम्मल, दे इन कली ब्रेत्ताक्व।
1 Timothy 1:18 in Sunwar 18 आं तौ तिमोथी, परमप्रभु यावेमी इ पर्बम पशो लोव़ तुइक्पाइक्ती। मेको लोव़ इ कली मिम्पाइक्नुङ। मेको लोव़ मिम्शा ग्राने चाप्नेवे। १तिमोथी ४:१४; १तिमोथी ६:१२; यहूदा ३
1 Timothy 6:13 in Sunwar 13 नेल्ल आन कली ब्रोंइचा गेब परमप्रभु यावे नु ख्रीस्त येसु पन्तीयस पिलातस कली रिम्शो सांकछी गेब बाक्त। गो इ कली परमप्रभु यावे नु ख्रीस्त येसु आस ङोंइती अरेनुङ। यूहन्ना १८:३६-३७; प्रकाश १:५
1 Timothy 6:19 in Sunwar 19 मो पाम्तेक्म हना, नोले रिम्शो दुम्नीम। बोल्यो जग खोदेंशो पा, गेना हना यो ब्रोंइशा बाक्चा ताइब दुम्नीम। मेको ला थमा ब्रोंइचा बाक्ब। मत्ती ६:२०; लूका १६:९
2 Timothy 1:9 in Sunwar 9 परमप्रभु यावेमी सैतान रे प्रोंइशा “आं मुर नम” दे ब्रेत्ताक्व। इं रिम्शो पतीके कोव़शा ममाइ, आ माल्शो नु शुश ङोंइती रे ख्रीस्त येसुमी इं कली गेशो दाक्तीके आ पर्बम ब्रेत्ताक्व। तीतस ३:५
2 Timothy 4:7 in Sunwar 7 गो थमा सुइश्शा ग्राती। दाम पशो खोदेंशो पा ग्राती। थमा सुइक्चा मप्रोंइथु बाक्ती। १कोरिन्थी ९:२५; १तिमोथी ६:१२; प्रेरित २०:२४; फिलिप्पी ३:१४
Hebrews 3:14 in Sunwar 14 इं ङोंइती नाक्त ङा थमा सुइक्तीके नोले सम्म मप्रोंइतय हना, गो ख्रीस्त नु थुं का ङा दुम्शा बाक्नय। हिब्रू ६:११
Hebrews 6:18 in Sunwar 18 मिनु परमप्रभु यावेमी गेनायो जोल मपाइब, आ गेशो लोव़ नु आ कसम जशो, एको निक्शी गेनायो मफांइसीनीस दे तुइश्शा, गो सजाइ तचा रे प्रोंइचा पुंइसीबपुकी इं ङोंइती वोइश्शो आस तचा कली इं थुं बारपाइक्चा ताइनय।
Hebrews 13:23 in Sunwar 23 नेनीने, इं लोक्ब तिमोथी कली जेल्खान रे प्रोंइतेक्म। आं गाक्चा क्येङा ङोंइती एक जाक्त हना, इन कली ग्रुम्थ पीनस्कु।
1 Peter 3:9 in Sunwar 9 इन कली मरिम्शो पाइब आन कली मरिम्शो मपने। इन कली शुक्शी लोव़ पाइब आन कली शुक्शी लोव़ मपने, आसीक गेने। मारदे हना गे आसीक ताइब दुम्चा कली योव़शो बाक्नीनी। १थिस्सलोनिकी ५:१५
1 Peter 5:10 in Sunwar 10 मिनु का निक्शी नाक्त श्येत जनी नोले नेल्ल शिशी पाइब परमप्रभु यावेमी “गेना हना यो छेङछेङमी बाक्चा गेनुङमी” दे ख्रीस्त आ नेंमी इन कली ब्रेश्शो बाक्त। मेकोमी इन कली आ राज्यम गारचा ङा सक्ति पाइश्शो नु ठीक सेल्ब। १पत्रुस १:६
1 John 2:25 in Sunwar 25 परमप्रभु यावेमी “गो इन कली गेना हना यो ब्रोंइशा बाक्चा गेनुङ” देंशो बाक्ब।
Revelation 3:3 in Sunwar 3 मिनु इन तशो नु इन नेंशो मिम्तीन। मेको कली मप्रेंथु, इन थुं गो आं गे लेत्तीन। गे मो मपाइतीनी हना, गो खुइ खोदेंशो पा इन बाक्तीकेमी जाक्नुङ। मिनु गो गेना जाक्नुङा, गे मतुइक्नीनी। १थिस्सलोनिकी ५:२