Cross Reference Genesis 29:20 in Sunwar 20 मिनु याकूबम राहेल आ पर्बम ७ बर्स गेय पवा बाक्त। मेको ७ बर्स याकूब कली नाक्त का निक्शी खोदेंशो पा लमाक्त। मारदे हना राहेल कली शुश दाक्ता बाक्त।
Ecclesiastes 2:26 in Sunwar 26 परमप्रभुमी आ दाक्शो मुर कली जोक्तीक तुइक्तीके नु रुप्शा ग्येरतीक थुं गेब। तन्न मरिम्शो पाइब आन कली खुप्तीक नु तेल्तीक गेय पपाइक्ब। मिनु नोले मेको नेल्ल आ दाक्शो मुर आन कली गेब। मेको यो जाम्शा लाइब नु फश कली खेदा पशो खोदेंशो ला बाक्ब। हितोपदेस १३:२२; हितोपदेस २८:८
Song of Solomon 8:7 in Sunwar 7 शुश ब्वाक्कुमी दाक्तीक कली क्याम्ने मचाप्ब। बारशो खोलामी यो मेको कली योल्ने मचाप्ब। सुइ मुरुमी आंम दाक्तीक आ पा ङा खिं नु आ शोंप नेल्ल गेप्तु हना, मुरुमी मेको कली शुक्शी पाइनीम।
John 6:27 in Sunwar 27 राक्चा ङा जचा थोव़क कली श्येत मपने। मराक्चा ङा जचा थोव़क कली चहिं गेय पने। मराक्चा ङा जचा थोव़क मार बाक्मे देंशा हना, गेना हना यो ब्रोंइशा बाक्चा बाक्ब। रागीमी जरमेशोमी इन कली मेको जचा थोव़क गेब। मारदे हना आ आफोमी रागीम जरमेशो कली आ छाप थोक्ताक्व” दे येसुमी शेंताक्व। यूहन्ना ५:३६
John 14:15 in Sunwar 15 गेपुकी आं कली दाक्ताक्नी हना, आं अरेशो पाइनीनी। यूहन्ना १५:१०; १यूहन्ना ५:३
John 14:21 in Sunwar 21 सुमी आं अरेशो तुइश्शा पाइबा, मेकोमी आं कली दाक्ब। सुमी आं कली दाक्बा, आं आफोमी मेको कली यो दाक्ब। मिनु गो मेको कली दाक्शा, आं कली तुइक्पांइसीनुङ” दे येसुमी देंत। १यूहन्ना ५:३; यूहन्ना १६:२७
John 15:10 in Sunwar 10 दोपा गो आं आफोमी देंशो लोव़ टिशा, आं आफ नु दाक्मुइनस्कु, मोपा गेपुकी यो आं देंशो लोव़ टीतीनी हना, गो नु दाक्मुशा बाक्नय।
John 21:15 in Sunwar 15 मिनु जने थुम्शा, येसुमी सिमोन पत्रुस कली “योआन्नेस आ तौ सिमोन, गे आं कली एको आन क्येङा दाक्नेवे?” दे हिल्लो पाप्तु। मिनु पत्रुसमी “दाक्नन्नी, प्रभु, गे तुइक्नीनी” दे माइक्तु। मिनु येसुमी “आं पाठा आन कली थुल्मी” देंत। यूहन्ना १:४२
Acts 3:19 in Sunwar 19 मुल चहिं इन थुं परमप्रभु यावे गे लेश्शा, ख्रीस्त कली थमा सुतीन। मिनु मेकोमी इन पाप क्याम्ब। प्रेरित २:३८
Acts 10:31 in Sunwar 31 मेकोमी आं नें थिशा ‘ए कोरनेलीयस, परमप्रभुमी इ प्रार्थना पशो नेंशो बाक्ब। इ शिशी पा मथीब आन कली मार मार गेशो तशो बाक्ब।
Romans 2:7 in Sunwar 7 सुमी परमप्रभु यावे आ राज्य माल्शा, रिम्शो गेय पना पन बाक्नीमी नु गेना हना यो ब्रोंइचा माल्नीमी, मेको गेना हना यो परमप्रभु यावे नु बाक्चा ताइनीम।
Romans 5:3 in Sunwar 3 मेको ला ममाइ। श्येत जयानु, ग्येरनय। मारदे हना श्येत जशोमी फाल्तीक सक्ति बारपाइक्ब। याकूब १:२-३
Romans 8:24 in Sunwar 24 मेको थमा मदुम सम्म आस पा बाक्नय। थमा दुम्शा नोले आस पा बाक्चा ममाल्नय। सुमी आ तने थुम्शो कली आस पाइबा ङा? २कोरिन्थी ५:७
Romans 12:12 in Sunwar 12 आस पा ग्येरसीशा बाक्कीन। श्येत जनीनु, फाल्शा बाक्कीन। प्रार्थना पना पन बाक्कीन। लूका १८:१-८; कलस्सी ४:२; १थिस्सलोनिकी ५:१७
Romans 15:4 in Sunwar 4 ङोंइती ब्रेक्शो नेल्ल इं कली शेंचा कली ब्रेक्शो बाक्त। मेको लोव़ पढेशा, फाल्शा इं थुं बारपा, आस पा बाक्य। १कोरिन्थी १०:११
Romans 15:13 in Sunwar 13 आस गेब परमप्रभु यावे आ सोक्तीमी इन कली शुश ग्येरपा, थुं नाइक्पा बाक्चा गेवल। मोपा इन थमा सुइक्तीकेमी ठेयब आस पा बाक्कीन।
Romans 16:6 in Sunwar 6 इन कली शुश वारच पाइब मरीयम कली यो “रिम्शो बाक्को” दे माइक्चा।
Romans 16:26 in Sunwar 26 परमप्रभु यावे आ लोव़ पाइबपुकीम मेको ख्रुइश्शो लोव़ ब्रेक्शो बाक्तेक्म। मेको गेना हना यो बाक्ब परमप्रभु यावे आ दाक्शो बाक्ब। मेको लोव़ रागी रागी ङा मुर आन कली तुइक्पाइश्शा थमा सुइक्ब सेल्चा कली बाक्त।
1 Corinthians 13:4 in Sunwar 4 दाक्तीकेमी श्येत फाल्ने नु शिशी पने चाप्ब। दाक्तीकेमी गेहे मपाइब मबोरब।
1 Corinthians 13:13 in Sunwar 13 थमा सुइक्चा, परमप्रभु यावेमी आ देंशो नेल्ल खाप्ब, दे आस पा बाक्चा नु दाक्तीक सांफा बाक्नीम। मेको सांफामी दाक्तीक चहिं नेल्ल क्येङा ठेयब बाक्ब। १थिस्सलोनिकी १:३; १यूहन्ना ४:१६
1 Corinthians 15:58 in Sunwar 58 मोपतीके आं दाक्शो लोक्बपुकी, इन खोइली थेक्शा, दल्गीर मपथु, प्रभु आ गेय पना पन बाक्कीन। प्रभु आ नेंमी पशो गेय गेनायो मोशीन मलाइब, दे तुइक्तीन।
2 Corinthians 2:17 in Sunwar 17 तन्न गो परमप्रभु यावे आ लोव़ ग्याप्ब लेयब खोदेंशो पा मलेयनीकी। गो ठीक पाइब मुर बाक्नीकी। गो परमप्रभु यावे आ सोइश्शो, परमप्रभु यावे आ ङोंइती ख्रीस्त आ नेंमी शेंनीकी। २कोरिन्थी १:१२; २कोरिन्थी ४:२; १पत्रुस ४:११
2 Corinthians 5:14 in Sunwar 14 मारदे हना ख्रीस्तमी इं कली दाक्ब, दे शुश मिम्नीकी। मेको नेल्ल मुर आन पर्बम बेक्त, दे तुइश्शा, गो नेल्ल बेक्चा ङा मुर बाक्नय, दे तुइक्नीकी।
2 Corinthians 8:7 in Sunwar 7 गे मार पाइतीनी हना यो, शुश पाइतीनी। इन थमा सुइक्चा, इन लोव़ पस जोक्चा, इन तुइक्चा, इन रिम्शो गेय पतीके नु इन आंइ कली दाक्तीकेमी शुश गेय पाइनीनी। मुल गे मेको दाक्तीक गेयमी यो रिम्शो गेय कोंइताक्नी। १कोरिन्थी १:५; १कोरिन्थी १६:१-२
Galatians 1:4 in Sunwar 4 प्रभु येसु ख्रीस्तमी इं पाप क्याम्चा नु रागीम ग्रूशो मरिम्शो पतीके रे प्रोंइचा कली आ गिंम गेप्तु। आ मोदेंशो पशो चहिं इं आफ परमप्रभु यावे आ दाक्शो बाक्त। गलाती २:२०; १तिमोथी २:६; तीतस २:१४; १यूहन्ना ५:१९
Galatians 5:6 in Sunwar 6 ख्रीस्त येसु नु थुं का दुम्शा, ख्रोइक्तीक चिनु ख्रोइश्शो, मख्रोइश्शो आन कली मतिल्थु, थमा सुइक्तीकेमी दुशा गारशा दाक्मुशा बाक्शोम सक्ति बाक्ब। गलाती ६:१५; रोमी २:२६; १कोरिन्थी ७:१९
Galatians 5:13 in Sunwar 13 आं लोक्बपुकी, प्रभुमी रिती थिती पचा प्रोंइपाइक्तीकी, दे गेनायो मप्रेंदीने। मोपा ब्रोंइशा यो इन दला दाक्स मपने। तन्न दाक्मुशा, वारच पमुशा बाक्कीने। १पत्रुस २:१६; २पत्रुस २:१९
Galatians 6:9 in Sunwar 9 रिम्शो गेय पचा मदने। मोपा ला गो रुप्ची ना रुप्ने चाप्नीकी। २थिस्सलोनिकी ३:१३
1 Thessalonians 2:13 in Sunwar 13 गेपुकीमी आंइ शेंशो परमप्रभु यावे आ लोव़ नेंशा, मुर आ लोव़ ममाइ, थमा पा परमप्रभु यावे आ लोव़ बाक्ब, दे तुइक्ताक्नी। थमा सुइश्शा मेको लोव़मी इन थुंमी गेय पना पन बाक्ब। मो दुम्मेनु, गोपुकीमी परमप्रभु यावे कली “गे थिस्सलोनिकी ङा मुर आन कली रिम्शो पाइतीनी” देंना देंन बाक्नीकी। गलाती १:११-१२
1 Thessalonians 3:6 in Sunwar 6 मिनु तिमोथी इन कली ग्रुम्थ पिशा, लेश्शा जाक्त। मेकोमी इन थमा सुइक्तीके नु इन दाक्तीके रिम्शो बाक्ब। गेपुकी आंइ कली गेना हना यो शुश मिम्नीनी, गोपुकी खोदेंशो पा आंइ कली ग्रुम्चा दाक्नीनी, दे तिमोथीमी आंस कली देंत। प्रेरित १८:५
2 Thessalonians 1:3 in Sunwar 3 आंइ लोक्बपुकी, इन कली मिम्शा, परमप्रभु यावे कली “गे रिम्शो पाइब बाक्नीनी” देंचा ठीक बाक्ब। मारदे हना इन थमा सुइक्तीके हु बारशा, इन दाक्मुतीक यो बारना बारन लाइब। १थिस्सलोनिकी १:२-३
2 Thessalonians 1:11 in Sunwar 11 मोपतीके गो इन पर्बम प्रार्थना पना पन बाक्नीकी। परमप्रभु यावेमी इन कली ब्रेश्शा, आ ब्रेश्शो शिरशो सेलल, दे गोपुकीमी गेना हना यो, पुंइना पुंइन बाक्नीकी। इन रिम्शो पतीके नु इन थमा सुइश्शो ङा गेय आ सक्तिमी पपदल।
1 Timothy 2:3 in Sunwar 3 मोदेंशो मरिम्शो गेय प्रोंइब परमप्रभु यावे आ ङोंइती रिम्शो नु दाक्चा ङा बाक्ब।
2 Timothy 1:3 in Sunwar 3 गो परमप्रभु यावे कली “गे रिम्शो पाइब बाक्नीनी” दे गेय पाइनुङ। आं के किकी पिपी यो मोदेंशो पशो बाक्तेक्म। आं प्रार्थनामी इ कली गेना हना यो मिम्नुङ। फिलिप्पी ३:५; प्रेरित २३:१; प्रेरित २४:१६
Philemon 1:5 in Sunwar 5 मारदे हना गे थमा सुइक्ब नेल्ल आन कली शुश दाक्शो नु इ येसु ख्रीस्त कली थमा सुइश्शो आ पर्बम नेंता।
Hebrews 4:11 in Sunwar 11 मोपतीके सुइमी परमप्रभु यावे आ लोव़ मटिथु जाम्शा मलमल। गो नेल्ले नाइक्चा ततीकेमी ओव़चा माल्य। हिब्रू ३:१६-१९
Hebrews 6:10 in Sunwar 10 मारदे हना परमप्रभु यावे आ नेंमी अरु थमा सुइक्ब आन कली वारच पा रिम्शो पाइतीनी। मुल यो रिम्शो पाइनीनी। मिनु मेकोमी इन रिम्शो पशो गेनायो मप्रेंब। हिब्रू १०:३२-३४
Hebrews 6:15 in Sunwar 15 मिनु अब्राहाममी शुश बर्स सम्म रिम्शा बाक्शा, परमप्रभु यावे आ देंशो नेल्ल लोव़ गाप्शो ताप्तु।
Hebrews 10:36 in Sunwar 36 गे फाल्तीक सक्ति माल्नीनी। परमप्रभु यावे आ दाक्शो गेय पना पन बाक्कीन। मिनु आ गेनुङ देंशो थोव़क ताइनीनी। लूका २१:१९; याकूब ५:७
Hebrews 11:7 in Sunwar 7 नोआह यो थमा सुइक्ब बाक्माक्त। यावेमी मेको कली “नोले ओदेंशो दुम्ब” मदानु, मेको लोव़ थमा सुइश्शा टिशा, ठेयब डोंगा सेल्शा, आ खिं ङा मुर आन कली ओंइशा, बेक्चा मगेथु प्रोंइमी बाक्त। नोआहमी मो पशो तशा यो अरुमी थमा मसुदमे बाक्त। मिनु आन थमा मसुइक्तीके दोसी दुम्शा, नेल्ल बेक्चा माल्मा बाक्त। नोआह चहिं थमा सुइश्शोमी ब्रोंइचा तांइसीब, दे कोंइब दुम्माक्त। उत्पत्ती ६:८-९,१३-२२
Hebrews 11:17 in Sunwar 17 अब्राहाममी आ थुं थाम्चा पुंइसीशा थमा सुइश्शा, आ तौ इसहाक कली चढ़ेवा बाक्त। इसहाक अब्राहाम आ कांइचीक तौ बाक्माक्त। मेको रे पा परमप्रभु यावे आ गेशो लोव़ थमा दुम्चा माल्शो बाक्माक्त। उत्पत्ती २२:१-१९; याकूब २:२१
Hebrews 11:24 in Sunwar 24 मिनु मोसा मोपा कोल्शा ठेयब दुम्शा, परमप्रभु यावे कली थमा सुइश्शा, मार पवा बाक्त देंशा हना “मुल ङा मेरे फाराओ आ तमी आ तौ मदुम्नुङ, आं मुर नु लाइनुङ” दे लमाक्त।
Hebrews 13:21 in Sunwar 21 परमप्रभु यावेमी येसु ख्रीस्त रे पा इन थुं रिम्शो सेलल, आ दाक्शो गेय पपदल, आ कली ग्येरपाइक्ब सेलल। येसु ख्रीस्त कली गेना हना यो ठेयब सेल्य। आमेन। आमेन आ अर्थ “गो यो मेकोन मिम्नुङ” बाक्ब।
James 1:3 in Sunwar 3 मारदे हना इन थमा सुइक्चा ठीक बाक्त हना, गेपुकी खोइली थेक्शा शुश फाल्ब दुम्नीनी।
James 2:17 in Sunwar 17 इन थमा सुइक्तीकेमी गेय मपाप्तु हना, मेको थमा सुइक्तीके बेक्शो बाक्ब।
James 5:7 in Sunwar 7 मिनु आं दाक्शो लोक्बपुकी, नेनीने, रूमी गेय पाइब मुरुमी मेको आ ख्रुम्शो बाली नाली मीब, दे आ थुं नाइश्शा, हिंउद नु बर्खा रिम्शो खोदेंशो पा प्रभु आ जाक्चा रिम्दीन। लूका २१:१९; हिब्रू १०:३६
1 Peter 3:4 in Sunwar 4 मुर आन थुंमी ख्रुइश्शो जाम्शा मलाइब पांइतीके बाक्ब। मेको मार बाक्ब देंशा हना, ब्रेम्शो नु सिक्सी पा बाक्तीक थुं बाक्ब। मेको परमप्रभु यावे आ ङोंइती शुश रिम्शो बाक्ब।
1 John 3:3 in Sunwar 3 मिनु सु मेको आ मग्रूम सम्म रिम्शा बाक्बा, मेको येसु ख्रीस्त पाप रे ङोन बाक्शो खोदेंशो पा, मेको यो पाप रे ङोन बाक्ब।
1 John 3:18 in Sunwar 18 आं आइक्च आलपुकी, गोपुकी दाक्मुय। मिनु “इ कली दाक्नुङ” दे लोव़ पशा ममाइ, तन्न पतीकेमी दाक्मुचा माल्नय। याकूब २:१५-१६
1 John 3:21 in Sunwar 21 आं दाक्शो लोक्बपुकी, इं थुंमी इं कली दोस मगेप्तु हना, गोपुकी महिंथु, परमप्रभु यावे आ ङोंइती जाक्दीत्नय।
1 John 5:3 in Sunwar 3 गोपुकीमी “परमप्रभु यावे कली दाक्नय” देंतय हना, आ अरेशो लोव़ टिशा पाइनय। आ देंशो लोव़ टिशा पचा श्येत ममाइ। यूहन्ना१४:१५,२३,२४; मत्ती११:३०
Revelation 2:2 in Sunwar 2 मेकोमी “गो इन पशो गेय, इन फाल्शो श्येत नेल्ल तुइक्नुङ। मिनु गे मरिम्शो मुर आन कली फाल्ने मचाप्नीनी। मिनु गे सोइश्शो, आं लोव़ शेंब दुम्खु पाइब मुर आन कली नाक्शा, जोल्फे बाक्नीम, दे तुइक्नीनी। १यूहन्ना ४:१
Revelation 2:19 in Sunwar 19 मेकोमी “गो इन पशो गेय तुइक्नुङ। इन आं कली दाक्शो, इन थमा सुइश्शो, इन थमा सुइक्ब आन कली पशो गेय नु इन श्येत फाल्शो तुइक्नुङ। गे ङोंइती क्येङा शुश गेय पाइनीनी।
Revelation 3:10 in Sunwar 10 मिनु गे शुश श्येत फाल्शा, आं देंशो लोव़ मप्रोंइनी। मोपतीके रागी नेल्ल ङा मुर आन थुं थाम्चा कली जाक्शो श्येत रे प्रोंइनन्नी। प्रकाश १४:१२; मत्ती ६:१३