1 Peter 2:12 in Sunwar 12 थमा मसुइक्ब आन दातेमी रिम्शो पने। मेकोपुकीमी इन पर्बम “मरिम्शो पाइब बाक्नीम” दे मरिम्शो लोव़ पाम्तेक्म हना यो, इन रिम्शो पतीक तशा, परमप्रभु यावे नु ग्रुम्ची ना मेकोपुकीमी परमप्रभु यावे कली ठेयब सेल्मेक्ल। मत्ती ५:१६
Other Translations King James Version (KJV) Having your conversation honest among the Gentiles: that, whereas they speak against you as evildoers, they may by your good works, which they shall behold, glorify God in the day of visitation.
American Standard Version (ASV) having your behavior seemly among the Gentiles; that, wherein they speak against you as evil-doers, they may by your good works, which they behold, glorify God in the day of visitation.
Bible in Basic English (BBE) Being of good behaviour among the Gentiles; so that though they say now that you are evil-doers, they may see your good works and give glory to God when he comes to be their judge.
Darby English Bible (DBY) having your conversation honest among the Gentiles, that [as to that] in which they speak against you as evildoers, they may through [your] good works, [themselves] witnessing [them], glorify God in [the] day of visitation.
World English Bible (WEB) having good behavior among the nations, so in that which they speak against you as evil-doers, they may by your good works, which they see, glorify God in the day of visitation.
Young's Literal Translation (YLT) having your behaviour among the nations right, that in that which they speak against you as evil-doers, of the good works having beheld, they may glorify God in a day of inspection.
Cross Reference Genesis 13:7 in Sunwar 7 मिनु अब्राम आ गोठलापुकी लोत आ गोठलापुकी नु जीमे बाक्त। मेना मेको रागीम कनानी नु परिज्जीपुकी बाक्मा बाक्त।
Psalm 37:14 in Sunwar 14 परमप्रभु आ अरेशो मटीबपुकीमी प्रुङग नु श्येत जाइब आन कली साइक्चा कली तरवार शोइक्नीम। आन लिब्रा कीनीम। रिम्शो थुं पाइश्शो मुर आन कली साइक्चा माल्नीम।
Psalm 50:23 in Sunwar 23 सु सुमी ‘गे रिम्शो पाइब बाक्नीनी’ देंनीमी, मेकोपुकीमी आं कली ठेयब सेल्नीम। मिनु गो मेको आन कली लां सेल्नुङ। गो मेको आन कली आं पाप रे प्रोंइतीके कोंइनुङमी” दे परमप्रभुमी देंत।
Isaiah 10:3 in Sunwar 3 मिनु सजाइ गेतीक नाक्तीमी मार पाइनीनी? ङोन रे जाक्शो हिंचा ङा श्येतमी मार पाइनीनी? “वारच पाइय्यीनी” दे सु आ बाक्तीके प्रोक्नीनी? इन शोंप ते वोइक्नीनी?
Matthew 5:11 in Sunwar 11 आं पर्बम मुरपुकीमी इन कली हेला पा, खेदा पा, जोल पा, मरिम्शो लोव़ पाम्तेक्म हना यो, आसीक राइनीनी। मत्ती १०:२२; प्रेरित ५:४१; १पत्रुस ४:१४
Matthew 5:16 in Sunwar 16 मेको ब्रशो बत्ती खोदेंशो पा गेमी इन रिम्शो गेय रे पा इन छेङछेङ मुर आन कली कोंइदीने। मिनु इन रिम्शो पशो तशा, स्वर्गमी बाक्ब इन आफ कली ठेयब सुइश्शा मान पाइनीम। फिलिप्पी २:१४-१५; यूहन्ना १५:८; एफिसी ५:८-९
Matthew 9:8 in Sunwar 8 मोदेंब दुम्शो तशा, मेकेर देल्शोपुकी हिंमा बाक्त। मिनु मुर आन कली मोदेंशो अधिकार गेब परमप्रभु कली ठेयब सुइश्शा मान पामे बाक्त।
Matthew 10:25 in Sunwar 25 शेंब नु शेंसीब, होव़प नु आ गेय पाइब कांइचीक दुम्ने चाप्नीम। खिं ङा ठेयब मुर कली बेल्जीबुल, दे शुक्शी पाइक्तेक्म हना, आ खिं ङा मुर आन कली शुक्शी मपाइनीमी ङा? मत्ती १२:२४
Luke 1:68 in Sunwar 68 मेकोमी “परमप्रभु, इस्राएली आन परमप्रभु यावे ठेयब बाक्ब। मारदे हना इस्राएल ङा मुर इं कली शिशी पा पाप रे प्रोंइब सोइक्चाप्तु। लूका ७:१६
Luke 6:22 in Sunwar 22 मुरुमी इन कली आं पर्बम काइ मदाक्थु, खेरशा हेला पामेनु, रागीम जरमेशो आ पर्बम इन कली दिप्मेनु, गे शुश ग्येरसीन। यूहन्ना १५:१८-१९
Luke 19:44 in Sunwar 44 मेकोपुकीमी इ कली नु इ आल आन कली खपीम राप्नीम। मेकेर फुल्लु का सम्म ख्रोप्शा मलीनीम। मारदे हना गे इ कली ग्रुम्थ जाक्ब कली मतुइक्ती” देंमाक्त। लूका २१:६
Acts 15:14 in Sunwar 14 परमप्रभु यावेमी अर्को रागी ङा मुर आन कली यो योव़शा, आ मुर सेल्तु, दे सिमोनमी तुइक्पाइक्तु। नेल्ल क्येङा ङोंइती दोदेंशो दुम्मे, मार दुम्मे, मेको लोव़ शेंताक्व।
Acts 24:5 in Sunwar 5 मेको इन ङोंइती राप्पा वोइश्शो मुर कली गो रिम्शो पा तुइक्नीकी। मेको मुर थम हिंचा ङा रोइ खोदेंशो बाक्ब। रागी रागी हिरशा गाक्मेनु, यहूदी आन कली पोक्शा मरिम्शो पपाइक्बाक्त। एको नासरथ ङा दूली थमा सुइक्ब आन ठेयब मुर बाक्ब। प्रेरित १७:६
Acts 24:13 in Sunwar 13 आं कली शुश अरु दोस यो गेतीमी। तन्न थमा पा ग्रुंइशा कोंइने मचबेम।
Acts 25:7 in Sunwar 7 मिनु आ ङोंइती राप्पदानु, यरूसलेम रे जाक्शो यहूदीपुकीमी शुश दोस गेमे बाक्त। तन्न लोव़ का यो थमा बाक्ब, दे कोंइने मचाप्मे बाक्त।
Romans 12:17 in Sunwar 17 इन कली मरिम्शो पाइब आन कली मरिम्शो मपने। मुर आन कली मार रिम्शो बाक्बा, मेको मिम्तीन। हितोपदेस २०:२२; १थिस्सलोनिकी ५:१५; २कोरिन्थी ८:२१
Romans 13:13 in Sunwar 13 नाक्ती छेङछेङ दुम्शो खोदेंशो पा रिम्शो गेय पय। छिङछिङ ङा गेय मार बाक्नीम देंशा हना, शुश जचा ब्वचा, दुक्शा हेंथे गाक्चा, तेल्लेम पा, ग्रांग्रा दिचा ङा गेय पचा, जिचा खेचा नु रुश पचा बाक्नीम। लूका २१:३४; एफिसी ५:१८
Romans 15:9 in Sunwar 9 अर्को रागी ङा मुरपुकीमी परमप्रभु यावे आ शिशी आ पर्बम मेको कली ठेयब सेल्मेक्ल। मोपतीके “अर्को रागी ङा मुर आन दातेमी इन नें तुइक्पा कुम्सो पाइनुङ” दे ब्रेक्शो बाक्ब। भजन संग्रह १८:४९
1 Corinthians 14:25 in Sunwar 25 आ थुं ङा ख्रुइश्शो नेल्ल तुइश्शा, बाप्शा “परमप्रभु यावे ठेयब बाक्ब” देंशा, परमप्रभु यावे थमा पा, इन दातेमी बाक्ब, दे तुइक्ब। यूहन्ना १६:८
2 Corinthians 1:12 in Sunwar 12 गो आंइ नें बोरपा बाक्नीकी। मारदे हना परमप्रभु यावेमी सक्ति गेतीकी। मिनु मेको आन मुर दुम्शा, मुर नेल्ल आन कुल, इन कुल यो रिम्शो थुं रे पा गेय कोंइताक्क। आंम आंइ रागी ङा जोक्तीक तुइक्तीक रे ममाइ। तन्न परमप्रभु यावे आ शिशीम पतीके बाक्ब। २कोरिन्थी २:१७; हिब्रू १३:१८; १कोरिन्थी १:१७
2 Corinthians 8:21 in Sunwar 21 गो प्रभु आ ङोंइती रिम्शो पशो ला ममाइ। मुर नेल्ल आन ङोंइती यो रिम्शो पशा कोंइनीकी।
2 Corinthians 13:7 in Sunwar 7 गे मारेइ मरिम्शो मपन, दे गो परमप्रभु यावे कली पुंइनीकी। गो ग्राशो मुर खोदेंशो दुम्चा ममाइ, तन्न ठीक पाइब दुम्मीन। गो ठीक मपाइब खोदेंशो दुम्तक हना यो, गे रिम्शो पाइब दुम्नीकी।
Ephesians 2:3 in Sunwar 3 मिनु ङोंइती गो नेल्ल मोदेंशो रागी ङा मुर बाक्तय। गोपुकी यो मार दाक्तय, मेकोन पाइतय। इं रां नु थुंमी मार दाक्ता, मेकोन पाइतय। मोपतीके गोपुकी यो अरु मुर खोदेंशो पा गाइक्ब आ आल दुम्तय। १पत्रुस ४:३; कलस्सी ३:६
Ephesians 4:22 in Sunwar 22 मोपतीके इन ङोंइती ङा ग्रांग्रा दिचा ङा दला दाक्स पाइब माइत थुं ङा मुर दुम्शा बाक्चा ताइक्तीने। मारदे हना मेकोम इन कली खतम सेल्ब। कलस्सी ३:९-१०; रोमी ८:१३; गलाती ६:८
Philippians 1:27 in Sunwar 27 गे इन नाक्त किंत किंत ङा पतीकेमी ख्रीस्त आ ग्येरपाइक्ब लोव़ कली शिरशो दुम्शा बाक्कीन। गो गेपुकी नु बाक्ती हना यो, मबाक्ती हना यो, इन सोक्त का दुम्शा, इन थुं का दुम्शा, ग्येरपाइक्ब लोव़ ङा थमा सुइक्तीके गेय पा वारच पमुने।
Philippians 2:15 in Sunwar 15 मोपा दोस गेचा मपुंइसीब, परमप्रभु यावे आ रिम्शो आल दुम्नीनी। मरिम्शो नु दूली पाइब मुर आन दातेमी स्वर्ग ङा छेङछेङ खोदेंशो दुम्नीनी। फिलिप्पी १:१०; मत्ती ५:१४; एफिसी ५:८-९
Philippians 4:8 in Sunwar 8 आं लोक्बपुकी, आं नेल्ल क्येङा नोले ङा लोव़ मार बाक्ब देंशा हना, तेको थमा बाक्बा, तेको शिरशो बाक्बा, तेको ठीक बाक्बा, तेको ग्रांग्रा मदिशो बाक्बा, तेको दाक्चा ङा बाक्बा, तेको रिम्शो लोव़ बाक्बा, तेको नेल्ल क्येङा रिम्शो नु दोस गेचा मपुंइसीब बाक्बा, तेको “रिम्शो पाइब” दे माइक्चा पुंइसीब बाक्बा, मेको आ पर्बम मिम्तीन।
1 Thessalonians 4:12 in Sunwar 12 मो पाइतीनी हना, अरु मुरपुकीमी इन कली ठेयब सेल्नीम। मिनु सुइ के मारेइ ममाल्नीनी। कलस्सी ४:५
1 Timothy 2:2 in Sunwar 2 पिप नु सरकार ङा ठेयब अधिकार पाइश्शो मुर आन पर्बम यो मोदेंशो पुंइतीक लोव़ पचा माल्नय। मो पा गो रिम्शो, थुं नाइश्शा, इं गेयमी परमप्रभु यावे कली मिम्चा, दाक्चा नु नेल्ल गेयमी ठीक दुम्शा बाक्य।
1 Timothy 4:12 in Sunwar 12 गे ठिटा बाक्ते हना यो, लोव़ पतीकेमी, मुर नु गेय पतीकेमी, दाक्तीकेमी, थमा सुइक्तीकेमी नु ग्रांग्रा मदिशोमी थमा सुइक्ब नेल्ल आन कली कोंइतीक दुमो। मिनु तोक्शो लोव़ पचा मगेमी। तीतस २:१५; २तिमोथी २:२२
Titus 2:7 in Sunwar 7 मिनु नेल्ल क्येङा ठेयब मार बाक्ब देंशा हना, गे रिम्शो गेय पशा, थमा सुइक्बपुकी दोदेंशो मुर बाक्नीमी, दे कोंइचा माल्नेवे। मिनु मुर आन कली शेंदीनु, हेंथे लोव़ मपथु, रिम्शो शेंतीक शेंचा माल्नेवे। २तिमोथी २:१५; १पत्रुस २:१५; १तिमोथी ४:१२; १पत्रुस ५:२
Hebrews 13:5 in Sunwar 5 क्येट चेम्चा गे इन थुं महिरदीने। गेपुकी नु मार मार बाक्मा, मेको मोशोमीन इन थुं नाइश्शा बाक्कीन। मारदे हना मेकोमी “गे नु बाक्नुङ, मिनु गेनायो मप्रोंइनन” देंब। यहोसु १:५; १तिमोथी ६:६
Hebrews 13:18 in Sunwar 18 आंइ पर्बम परमप्रभु यावे कली पुंइना पुंइन बाक्कीने। मारेइ दोस ताइब मदुम्क, दे आंइ थुं नाइश्शो बाक्नीकी। मारेइ पाइतक हना यो, रिम्शो पय, दे थुं फ्रेंशा बाक्तक। रोमी १५:३०; २कोरिन्थी १:११-१२
James 3:13 in Sunwar 13 मिनु इन दातेमी सु निप्स पाइश्शो नु रुप्तीक थुं पाइश्शो मुर बाक्मा, मेकोमी आ गेय रे पा आ ब्रेम्तीके रुप्तीक थुं रे जाक्ब, दे कोंइदल।
1 Peter 3:1 in Sunwar 1 गे मीश मुरपुकी, आंम वोंइश आ देंशो टिने। का निक्शी वोंइश मुरपुकी परमप्रभु यावे आ लोव़ मटीब बाक्तेक्म हना यो, आ मीश आ रिम्शो पशो तशा, लोव़ मपथु यो, थमा सुइक्ब दुम्नीम। एफिसी ५:२२; १कोरिन्थी ७:१६
1 Peter 3:16 in Sunwar 16 इन थुं ङा मिम्तीक कली पाप रे ङोन वोतीन। इन कली शुक्शी पाइबपुकी ख्रीस्त आ नेंमी रिम्शो पशो तशा, मुने दोक्मल। १पत्रुस ४:६
1 Peter 4:11 in Sunwar 11 सुमी लोव़ पाइबा, मेकोमी परमप्रभु यावे आ ख्रुइश्शो लोव़ पवल। सुमी गेय पाइबा, मेकोमी परमप्रभु यावे आ गेशो सक्तिमी पवल। मोपा नेल्लेमी येसु ख्रीस्त आ नेंमी परमप्रभु यावे कली ठेयब सेल्मेक्ल। मेको छेङछेङमी बाक्शा, गेना हना यो सक्ति पाइश्शो बाक्ब। आमेन। रोमी १२:७
1 Peter 4:14 in Sunwar 14 ख्रीस्त आ नेंमी श्येत जाइतीनी हना, आसीक ताइब दुम्नीनी। मारदे हना छेङछेङ ङा परमप्रभु यावे आ सोक्त गे नु बाक्ब। मत्ती ५:११; एफिसी १:१३
2 Peter 3:11 in Sunwar 11 मोदेंशो दुम्मेनु, नेल्ल मीम ग्रोइश्शा, मारेइ मलीब। मोपतीके गेपुकी परमप्रभु यावे कली थमा सुइश्शा, आ देंशो लोव़ टिशा, पाप रे ङोन बाक्शा, परमप्रभु आ नेक्था बाक्चा माल्नीनी।