1 Peter 1:17 in Sunwar 17 गेपुकीमी परमप्रभु यावे कली “इं आफ” दे पुंइना पुंइन बाक्नीनी। मेकोमी मुर आन कुल मकोव़थु, आन पशो कोव़शा, निसाफ पाइब। मोपतीके गे रागीमी बाक्नीनु, पाप पचा हिनीन। रोमी २:११; फिलिप्पी २:१२
Other Translations King James Version (KJV) And if ye call on the Father, who without respect of persons judgeth according to every man's work, pass the time of your sojourning here in fear:
American Standard Version (ASV) And if ye call on him as Father, who without respect of persons judgeth according to each man's work, pass the time of your sojourning in fear:
Bible in Basic English (BBE) And if you give the name of Father to him who, judging every man by his acts, has no respect for a man's position, then go in fear while you are on this earth:
Darby English Bible (DBY) And if ye invoke as Father him who, without regard of persons, judges according to the work of each, pass your time of sojourn in fear,
World English Bible (WEB) If you call on him as Father, who without respect of persons judges according to each man's work, pass the time of your living as strangers here in reverent fear:
Young's Literal Translation (YLT) and if on the Father ye do call, who without acceptance of persons is judging according to the work of each, in fear the time of your sojourn pass ye,
Cross Reference Genesis 47:9 in Sunwar 9 मिनु याकूबमी “गो मुल सम्म रागीम बाक्शो, सहे का ३० बर्स दुम्ती। आं किकी पिपी खोदेंशो पा शुश बर्स मदुम्ङ। गो मरिम्शो नाक्त यो ताता” देंमाक्त। हिब्रू ११:१३
Deuteronomy 10:17 in Sunwar 17 मारदे हना परमप्रभु यावे, इन परमप्रभु देवी देवता आन परमप्रभु बाक्ब। मेको प्रभु आन प्रभु बाक्ब। मेको नेल्ल क्येङा ठेयब, सक्ति पाइश्शो नु हिंचा ङा परमप्रभु बाक्ब। मेकोमी सुइ आन कुल मकोव़ब। मेकोमी घूस मताक्ब।
1 Chronicles 29:15 in Sunwar 15 गोपुकी इन ङोंइती शुश नाक्त मबाक्ब अर्को रागी ङा मुर दुम्शो बाक्नीकी। आंइ किकी पिपी यो मोदेंशो बाक्मा बाक्त। आंइ रागीम बाक्तीके नाक्ती वांकु खोदेंशो बाक्नीम। शुश बाक्तीक आस मबाक्ब। भजन संग्रह ३९:१३; हिब्रू ११:१३; अय्युब १४:२
2 Chronicles 19:7 in Sunwar 7 परमप्रभु यावे कली मान पा हिनीन। होस पा निसाफ पने। मारदे हना परमप्रभु यावे, इं परमप्रभुमी दूली निसाफ मपाइब। मेको कुल मकोव़ब नु घूस मताक्ब निसाफ पाइब बाक्ब” देंमाक्त। प्रस्थान १८:२१; ब्यवस्था १०:१७; रोमी २:३१
Job 34:19 in Sunwar 19 मेकोम पिप आ तौ आन कुल मकोव़ब। मेकोम शोंप पाइश्शो नु प्रुङग नेल्ल आन कली उइक्थ मिम्ब। मारदे हना मेको नेल्ल आ सेल्शो नम।
Psalm 39:12 in Sunwar 12 परमप्रभु यावे, आं पुंइशो लोव़ नेनीन। आं वाइ ब्रेश्शो नेनीन। आं ङाक्शो तशा, वारच पाइय्यीनी। मारदे हना गो इन ङोंइती आं किकी पिप खोदेंशो पा, रागी ङा पौना खोदेंशो बाक्नुङ। भजन संग्रह ११९:१९; लेवी २५:२३; १ पत्रुस २:११; हिब्रू ११:१३
Proverbs 14:16 in Sunwar 16 जोक्बपुकी होस पा मरिम्शो पतीक रे ङोन लाइनीम। तन्न मूर्ख मारेइ ममिम्थु, होस मपाइब।
Proverbs 28:14 in Sunwar 14 परमप्रभु यावे कली मान पा हिंब मुर गेना हना यो ग्येरशा बाक्चा ताइब। तन्न मरिम्शो थुं पाइश्शो मुर श्येत जाइनीम।
Jeremiah 3:19 in Sunwar 19 मिनु गो इन कली आंम आल आन दातेमी बाक्चा गेनुङ। गो इन कली रिम्शो रागी का गेनुङ। मेको रागी नेल्ल आन दाते ङा नेल्ल क्येङा दारशो रिम्शो रागी बाक्ब। मिनु गे आं कली ‘आं आफ’ देंनीनी। गे नोले मशोइक्ब दुम्नीनी, दे मिम्ताक्ङ। ब्यवस्था ७:६; ब्यवस्था ३२:६; ब्यवस्था ८:७; येरमीया ३:४
Zephaniah 3:9 in Sunwar 9 मेना जात जात ङा मुर आन कली रिम्शो लोव़ पाइब सेल्नुङ। मिनु मेको नेल्लेमी परमप्रभु यावे कली पुंइशा ठेयब सेल्मेक्ल। मेको नेल्ल गारशा आ गेय पामेक्ल।
Matthew 6:9 in Sunwar 9 ओदें प्रार्थना पने ‘स्वर्गम बाक्ब आंइ आफ, इन नें ठेयब बाक्ल। लूका ११:२-४; इजीकीएल ३६:२३
Matthew 7:7 in Sunwar 7 परमप्रभु यावे कली पुनीने। मिनु इन पुंइशो ताइनीनी। मालीने, मिनु इन माल्शो थित्नीनी। बाक्नी? दे लाप्चो ख्रोकोल पने। मिनु गे ओव़चा ताइनीनी। मर्कूस ११:२४; यूहन्ना १४:१३; येरमीया २९:१३-१४
Matthew 22:16 in Sunwar 16 मिनु आन शेंसीब नु हेरोद आ वारच आन कली येसु आ बाक्तीके ओं माइक्थ सोइक्तीमी बाक्त “हे शेंब, गे थमा पाइब ननी। मुर आन कुल मकोव़थु सुइ नु महिंथु, परमप्रभु यावे आ लोव़ थमा पा शेंनीनी, दे तुइक्नीक। यूहन्ना ३:२
Acts 10:34 in Sunwar 34 मिनु पत्रुसमी “परमप्रभु यावेमी सुइ आन कली मतिल्थु, उइक्थ उइक्थ मिम्ब। ब्यवस्था १०:१७; १सामुएल १६:७; रोमी २:११
Romans 2:10 in Sunwar 10 रिम्शो पाइबपुकी परमप्रभु यावे आ राज्य जाक्शा, मान तशा, आन थुं नाइश्शा बाक्चा ताइनीम। ङोंइती यहूदी आन कली मोदेंशो दुम्ब। मिनु ग्रीक आन कली यो मोदेंशो दुम्ब।
Romans 11:20 in Sunwar 20 इन देंशो ठीक बाक्ब। मेकोपुकीमी थमा मसुदेम। मिनु परमप्रभु यावेमी मेको आन कली क्योरशा ताइक्ताक्व। इन थमा सुइश्शो तशा इन कली चहिं रिम्शो फल रवाम केप्शो खोदेंशो पा आ मुर सेल्तु। काइ ठेयब मलेत्थु, परमप्रभु यावे कली मान पा हिंशा बाक्कीन। १कोरिन्थी १०:१२
2 Corinthians 1:2 in Sunwar 2 इं आफ परमप्रभु यावे नु प्रभु येसु ख्रीस्तमी इन कली शिशी पा इन थुं नाइश्शा बाक्चा गेम्सेक्ल।
2 Corinthians 5:6 in Sunwar 6 मोदेंशो दुम्मेनु, ठेयब थुं पाइश्शो दुम्शा बाक्नय। रांमी बाक्यानु, प्रभु रे ङोन बाक्नीकी। हिब्रू ११:१३
2 Corinthians 7:1 in Sunwar 1 आं दाक्शोपुकी, गो नेल्लेमी परमप्रभु यावे आ गेशो लोव़ तुइश्शो बाक्नय। मोपतीके इं रां थुं नेल्ल मरिम्शो पतीक रे ङोन बाक्नय। मिनु इं परमप्रभु यावे कली ला मान पा हिंशा ठेयब सेल्नय।
2 Corinthians 7:11 in Sunwar 11 परमप्रभु यावेमी इन थुं खाइक्पाइश्शोमी मार दुम्मे, दे तुइक्तीने। गे रिम्शो दुम्चा कली शुश गेय पाइतीनी। गे सल्ला पा, जिशा, हिंशा, रिम्शो दुम्चा कली शुश बोल पा दोस मताइब दुम्चा कली गे मेको मुर कली सजाइ गेतीनी। मोपा गे दोस मताइब बाक्नीनी, दे कोंइताक्नी।
Galatians 2:6 in Sunwar 6 परमप्रभु यावेमी मुर आन कली ठेयब आइक्च मसेल्ब। मुर आन थुं नेल्ल तुइक्ब। मुल लां कोंइब दुम्शो आन कली मान पाइनुङमी। मेको लां कोंइबपुकीमी अर्को लोव़ शेंचा कली मतेम्देम।
Ephesians 1:17 in Sunwar 17 मार लोव़ पना पन बाक्नुङ देंशा हना “परमप्रभु यावे, आंइ प्रभु येसु ख्रीस्त आ आफ ननी। गे नेल्ल छेङछेङ ङा आफ बाक्नीनी। गे एफिसस ङा थमा सुइक्ब आन कली येसु ख्रीस्त कली तुइक्तीकेमी रिम्शो गेय पस जोक्तीके नु नोले मार दुम्बा तुइक्तीक सोक्त गेने।
Ephesians 3:14 in Sunwar 14 मोदेंशो पा गो इं आफ परमप्रभु यावे आ ङोंइती बाप्शा, पोक्च थेक्शा, इन कली मिम्शा पुंइशा बाक्नुङ।
Ephesians 6:9 in Sunwar 9 गे होव़पपुकी, इन वाइलीम वाइल आन कली प्रभुम पशो खोदेंशो पा पने। हिंच कोंइचा प्रोनीन। मारदे हना मेको आन के नु इन के प्रभु स्वर्गमी बाक्ब। मिनु प्रभुमी मुर नेल्ल आन कली उइक्थ मिम्ब।
Philippians 2:12 in Sunwar 12 आं दाक्शो लोक्बपुकी, गेपुकीमी नेल्ल नाक्त आं देंशो टीतीनी। गो बाक्ङानु ला ममाइ, गो मबाक्ङानु यो मेको क्येङा शुश रिम्शो पने। गेपुकी हिंशा ख्रिंख्रि पा इन पाप रे ब्रोंइतीक गेय पने। १पत्रुस १:१७
Colossians 3:25 in Sunwar 25 मरिम्शो पाइबपुकीम मरिम्शो पतीके कुल मकोव़थु निसाफ पचा पुंइसीनीम। रोमी २:११
Hebrews 4:1 in Sunwar 1 मोपतीके होस पांइसय, थुं नाइक्चा ताइनीनी देंशो लोव़ मुल यो लीशो बाक्तीके, होस पा बाक्य। मारदे हना सु सुमी आ लोव़ मटीमे, मेको ओव़चा मताइनीम।
Hebrews 11:13 in Sunwar 13 अब्राहाम नु आ खिं ङा मुरपुकीमी परमप्रभु यावेमी गेशो लोव़ थमा सुइश्शा बेक्मा बाक्त। मेको लोव़ गाप्शो मतथु, ङोन रे तशा मजाक्दीत्थु, बेक्मा बाक्त। मेकोपुकीमी “इं रागी मजाक्दीत्थु, अर्को आन रागीम बाक्तय” देंशो बाक्मा बाक्त। उत्पत्ती २३:४; उत्पत्ती ४७:९; १इतिहास २९:१५
Hebrews 12:28 in Sunwar 28 मोपतीके गेनायो महिम्सीब राज्य ओव़चा ताइनय, दे तुइश्शा, परमप्रभु यावे कली मान पा ठेयब सेल्ना सेल्न “गे रिम्शो पाइब बाक्नीनी” देंशा, ग्येरशा आ दाक्शो गेय पना पन बाक्य।
1 Peter 2:11 in Sunwar 11 आं दाक्शो लोक्बपुकी, गो इन कली इन थुं बारपाइक्तीक लोव़ पाइनुङ। गो रागीम बाक्यानु, रागी ङा पौना खोदेंशो बाक्नय। मोपतीके इन दला दाक्स पा रागी ङा मुर खोदेंशो मपने। ग्रांग्रा दिचा ङा गेय रे ङोन बाक्कीन। मारदे हना मोदेंशो गेय इन थमा सुइक्तीक थुं नु जीब। भजन संग्रह ३९:१३
1 Peter 3:15 in Sunwar 15 तन्न इन थुंमी “ख्रीस्त ला प्रभु बाक्ब” दे मेको कली ठेयब सेलीन। गे गेना हना यो “इन थमा सुइक्तीके मार में” दे हिल्लो पाइब आन कली लोव़ लेत्चा ठीक दुम्शा बाक्कीन। ब्रेम्शो थुंमी रिम्शो लोव़ पा लोव़ लेत्तीने। १पत्रुस २:२१-१४