1 Corinthians 5:1 in Sunwar 1 गे नु बाक्ब कामी हेंथे पाप्तु देंशो लोव़ नेंता। मोदेंशो पात्के अर्को रागी ङा मुर आन दातेमी यो मबाक्ब। मुर कामी आ आफ आ मीश वोंइसाक्व, देंशो लोव़ नेंता। लेवी १८:८
Other Translations King James Version (KJV) It is reported commonly that there is fornication among you, and such fornication as is not so much as named among the Gentiles, that one should have his father's wife.
American Standard Version (ASV) It is actually reported that there is fornication among you, and such fornication as is not even among the Gentiles, that one `of you' hath his father's wife.
Bible in Basic English (BBE) It is said, in fact, that there is among you a sin of the flesh, such as is not seen even among the Gentiles, that one of you has his father's wife.
Darby English Bible (DBY) It is universally reported [that there is] fornication among you, and such fornication as [is] not even among the nations, so that one should have his father's wife.
World English Bible (WEB) It is actually reported that there is sexual immorality among you, and such sexual immorality as is not even named among the Gentiles, that one has his father's wife.
Young's Literal Translation (YLT) Whoredom is actually heard of among you, and such whoredom as is not even named among the nations -- as that one hath the wife of the father! --
Cross Reference Genesis 35:22 in Sunwar 22 मिनु इस्राएल मेको रागीमी बाक्मेनु, आ तौ रूबेन आ आफ आ मीश बिल्हाह नु इम्माक्त। मिनु इस्राएलमी मेको नेना बाक्त। उत्पत्ती ४९:४
Genesis 37:2 in Sunwar 2 एको याकूब आ खिं ङा मुर आन कथा बाक्ब। योसेफ १७ बर्स दुम्शा आ लोक्ब आन क्यारश भेडा गोठ ङा गोठला बाक्माक्त। आ आफ आ मीश बिल्हाह नु जिल्पा आस तौ कली वारच पाइब बाक्माक्त। मिनु योसेफमी मेको आन मरिम्शो पशो आ आफ कली शोव़बाक्माक्त।
Genesis 49:4 in Sunwar 4 समुन्द्र ङा छाल खोदेंशो पा गे हिम्सीशो थुं पाइश्शो मुर दुम्नेवे। मारदे हना गे इ आफ आ खाट ङोइश्शा, बिथोलो पाप्तीवी। आं इप्तीकेम बाक्ते। गे मान मताइब दुम्नेवे। उत्पत्ती ३५:२२
Leviticus 18:8 in Sunwar 8 गे इ आफ आ अरु मीश नु मइपो। मो पाइतीनी हना, गेपुकीमी इन आफ कली मुने तोक्नीनी। उत्पत्ती ३५:२२; ब्यवस्था २७:२०; २सामुएल १६:२२; १कोरिन्थी ५:१
Leviticus 20:11 in Sunwar 11 सु आ आफ आ मीश नु इप्बा, मेकोम आ आफ कली मुने तोक्ब। मेको निम्फा आस कली साइक्चा माल्ब। मेको साइक्चा पुंइसीनीस। लेवी १८:६-२३
Deuteronomy 22:30 in Sunwar 30 मुरुमी आ आफ आ मीश कली चाक्ने मचाप्ब। आ आफ नु इप्शो मीश मुर नु आ तौ इप्चा मदुम्ब। लेवी १८:८; २सामुएल १६:२२
Deuteronomy 27:20 in Sunwar 20 मिनु “सु मुर आ आफ आ मीश नु इप्बा, मेको मुर सराप राइब। मारदे हना मेकोमी आ आफ कली मुने तोक्ब” देंतेक्म। मिनु मुर नेल्लेमी “आमेन, मोदेंशो दुम्ल” देंचा माल्नीम। लेवी १८:८
1 Samuel 2:24 in Sunwar 24 आं तौ निक्शी ओदेंशो गेय पचा प्रोनीस। मारदे हना, परमप्रभु यावे आ मुर आन दातेमी एको लोव़ ब्रशो नेंता। एको थम मरिम्शो बाक्ब। गे परमप्रभु यावे आ मुर आन कली पाप पपाइक्नीसी।
2 Samuel 16:22 in Sunwar 22 मोपतीके मेकोपुकीम अब्सालोम कली खिं तार ताम्बु का कीङमे बाक्त। मिनु अब्सालोममी इस्राएली नेल्लेम तचा ङा पा, आ आफ आ नोले चाक्शो मीशपुकी नु इम्माक्त।
2 Samuel 20:3 in Sunwar 3 मिनु दाऊद आ खिं यरूसलेमम जाक्माक्त। मिनु मेकोम आ खिं कोव़चा कली वोइश्शो मेको १० जना नोले चाक्शो मीश आन कली खिं कामी कोव़ब मुर का वोइश्शा वोइक्मी बाक्त। मेकोमी आन माल्शो नेल्ल गेमी बाक्त। तन्न मेको नु गेनायो मइम्माक्त। मोपा मेको आन बेक्ची नाक्त सम्म यो मप्रोंइथु वोइक्मी बाक्त। मोपा मेकोपुकी वोंइश बेक्शो मीश मुर खोदेंशो पा बाक्मा बाक्त। २सामुएल १६:२१
1 Chronicles 5:1 in Sunwar 1 इस्राएल आ तौ आन दाते ङा नेल्ल क्येङा ङोंइती थिशो रूबेन बाक्माक्त। नेल्ल क्येङा ङोंइती थिशो बाक्त हना यो, आ आफ आ मीश नु इप्तीके, आ ङोंइती थिशो तौ आ तचा ङा अधिकार इस्राएल आ तौ योसेफ आ तौ आस कली गेशो बाक्माक्त। मिनु रूबेन आ नें, ङोंइती ङा तौ आ नें ब्रेक्तीकेम मब्रेक्शो बाक्माक्त। उत्पत्ती ३५:२२; उत्पत्ती ४९:३-४
Jeremiah 2:33 in Sunwar 33 गे दाक्मुतीक माल्शा गाक्चा कली शुश जोक्ब बाक्नेवे? मिनु गे परमप्रभु यावे आ अरेशो लोव़ मटीब मीश मुर अरु लां शेंशा गाक्पाइक्तीवी।
Ezekiel 16:47 in Sunwar 47 गे मेको आन गाक्शो लांम ला मगाक्ङे। मिनु मेको आन मूर्ति पूजा पशो आ नोले यो खोइक्तीवी। मिनु इच्का नाक्तीमीन इ पतीक नेल्लेम मेको आन क्येङा यो शुश मरिम्शो पाप्तीवी” देंत।
Ezekiel 16:51 in Sunwar 51 सामरीयामी इ पशो पाप क्येङा उइक्थ यो मपावो। गे मेको आन क्येङा शुश मूर्ति पूजा पाप्तीवी। मिनु गे इ पशो गेय नेल्ल रे पा, इ लोक्ब आस कली ठीक पाइब तांइसीब खोदेंशो सेल्शो बाक्नेवे। येरमीया ३:११
Ezekiel 22:10 in Sunwar 10 मेकेर मुरपुकी आन आफ आन मीश नु इप्नीम। मेकेर मुरपुकी रां ब्रोल्शो मीश मुर नु इप्नीम। लेवी १८:७-८; लेवी १८:१९
Amos 2:7 in Sunwar 7 मिनु प्रुङग आन पिया फुरकुम खोल्शा दिम्नीम। श्येत जाइब आन कली नेप्शा ग्रुंइनीम। पोबु निम्फा मीश आल का नु बाक्शा, आं नें ग्रांग्रा दिशो सेल्नीम। आमोस ८:४
Acts 15:20 in Sunwar 20 मेको आन कली ‘मूर्ति कली चढ़ेशो मजचा, तेल्लेम मपचा, हुश मचुइक्थु साइश्शो श्ये मब्वचा, हुश मब्वचा’ दे चिठी ब्रेक्शो बाक्त। लेवी १९:४; लेवी १९:२९; लेवी ३:१७
Acts 15:29 in Sunwar 29 मेको लोव़ मार बाक्ब देंशा हना ‘मूर्ति कली चढ़ेशो मजचा, हुश मब्वचा, हुश मचुइक्थु साइश्शो श्ये मब्वचा, तेल्लेम मपचा’ एको लोव़ टीतीनी हना, गे रिम्शो दुम्नीनी। आंइ लोव़ ओशोन बाक्ब” दे ब्रेक्शो बाक्माक्त।
1 Corinthians 1:11 in Sunwar 11 “कोरिन्थीपुकी जिशा बाक्नीम” दे इन पर्बम ख्लोए आ खिं ङा मुरपुकीमी तुइक्पाइक्तीमी।
1 Corinthians 5:11 in Sunwar 11 तन्न थमा सुइश्शा प्रभु आ मुर दुम्ती देंब लोक्बम पात्के पा तेल्लेम पा, शिंम दुम्शा, मूर्ति पूजा पा, शुक्शी पा गाक्ब नु शांबु राकसीमी दुक्शा, खुइ पा गाक्ब दुम्तेक्म हना, मेकोपुकी नु काथा बाक्शा जचा यो मदुम्ब। २थिस्सलोनिकी ३:६
1 Corinthians 6:9 in Sunwar 9 ठीक मपाइबपुकी परमप्रभु यावे आ राज्य ओव़चा मताइनीम दे मतुइक्नीनी? दूली ममिम्तीने। मरिम्शो पाइबपुकीमी दोदेंशो पाइनीम देंशा हना, पात्के, तेल्लेम पाइनीमी, मूर्ति कली पूजा पाइनीमी, मुर आन मीश लाइक्नीमी, वोंइश मुर वोंइश मुर ब्वांइसीनीमी, १तिमोथी १:९-११; गलाती ५:१९-२१
1 Corinthians 6:13 in Sunwar 13 जचा थोव़क कोव़ज कली बाक्ब, कोव़ज जचा थोव़क कली बाक्ब। मिनु परमप्रभु यावेमी निम्फा आस कली जाम्शा लाइब सेल्शो बाक्ब। मुर आ रां ग्रांग्रा दिशो तेल्लेम पचा कली मसेल्शो बाक्ब। तन्न रां प्रभु कली सेल्शो बाक्ब। मिनु प्रभु यो रां कली सेल्शो बाक्ब। १थिस्सलोनिकी ४:३-५
1 Corinthians 6:18 in Sunwar 18 ग्रांग्रा दिशो तेल्लेम पतीक रे ङोन बाक्कीन। मारदे हना मारेइ मारेइ पाप पनीनु, रां आगामी मपाइनीनी। तेल्लेम पनीनु चहिं आंम रां कली पाप पाइनीनी।
2 Corinthians 7:12 in Sunwar 12 मुल देंचा लीशो लोव़ नेनीने, इन कली ङोंइती ब्रेक्शो चिठी मारदे ब्रेक्ताक्ङ देंशा हना, गेपुकी नु बाक्ब मरिम्शो पाइब नु मरिम्शो पचा पुंइसीब आस कली गारपाइक्चा लोव़ ला ममाइ। परमप्रभु यावेमी पावल कली अधिकार गेशो बाक्ब। मोपतीके आ देंशो टिचा माल्ब, दे रुप्शा, गेय कोंइदीने, दे ब्रेक्ताक्ङ।
2 Corinthians 12:21 in Sunwar 21 गो लेश्शा जाक्ङानु, परमप्रभु यावेमी आं कली आइक्च सेल्बा कों, दे हिंनुङ। मिनु ङोंइती पाप पाइब नु परमप्रभु यावे गे मलेप्ब आन पर्बम सुर्ता पचा माल्नुङा कों? ङोंइती मेकोपुकीमी ग्रांग्रा दिचा ङा, तेल्लेम नु हेंथे गेय पाम्तेक्म। २कोरिन्थी १३:२
Galatians 5:19 in Sunwar 19 आन दला दाक्स पा मुर आ थुंमी मिम्शो पाइबपुकीमी दोदेंशो गेय पाइनीम देंशा हना, तेल्लेम पाइनीमी, ग्रांग्रा दिचा ङा गेय पाइनीमी, हेंथे गाक्नीमी, १कोरिन्थी ६:९-१०
Ephesians 5:3 in Sunwar 3 मोपतीके गेपुकी परमप्रभु यावे आ मुर दुम्शा, इन दातेमी तेल्लेम पचा, ग्रांग्रा दिचा ङा गेय पचा नु शिंम पचा आ पर्बम लोव़ सम्म यो मपने। मेको परमप्रभु यावे आ मुर आन कली रिम्शो दुम्ब। कलस्सी ३:५
Colossians 3:5 in Sunwar 5 मोपतीके इन आगामी बाक्शो माइत रागी ङा थुं कली सतीन। रागी ङा मुर आन थुंमी मार बाक्ब देंशा हना, हेंथे पचा, मार मार ग्रांग्रा दिचा ङा गेय पचा, आंम दला दाक्स पचा, मरिम्शो मिम्तीके नु शिंम दुम्तीके बाक्ब। शिंम दुम्तीके चहिं मूर्ति पूजा पचा खोदेंशो बाक्ब। एफिसी ५:३
1 Thessalonians 4:7 in Sunwar 7 परमप्रभु यावेमी इं कली ग्रांग्रा दिचा ङा गेय पचा कली मयोव़ङ। पाप रे ङोन बाक्चा कली योव़तु।
Revelation 2:21 in Sunwar 21 गोमी मेको कली ‘इ थुं आं गे लेत्तो। इ तेल्लेम पचा ताइक्तो’ दे रिम्ताक्ङ। मेकोमी आ थुं गो आं गे लेत्चा नु आ तेल्लेम पचा ताइक्ने मबीस।
Revelation 21:8 in Sunwar 8 तन्न मुर तशा हिंबपुकी, परमप्रभु यावे कली थमा मसुइक्बपुकी, पापमी ग्रुम्शोपुकी, मुर आन कली साइक्बपुकी, तेल्लेम पाइबपुकी, टुना मुना पाइबपुकी, देवी देवता आन कली पूजा पाइबपुकी, नु जोल पाइबपुकी नेल्ल गन्धक रे हुरुर पा ब्रशो मीमी हुम्चा पुंइसीनीम। मिनु मेको नोले ङा बेक्तीक बाक्ब” दे माइक्ती।