1 Corinthians 16:13 in Sunwar

13 होस पा बाक्‍कीने। पोक्‍च थेक्‍शा थमा सुइश्‍शा बाक्‍कीन। ठेयब थुं पा बाक्‍कीने। सक्ति पाइश्‍शो गेय पना पन बाक्‍कीन। एफिसी ६:१०

Other Translations

King James Version (KJV)

Watch ye, stand fast in the faith, quit you like men, be strong.

American Standard Version (ASV)

Watch ye, stand fast in the faith, quit you like men, be strong.

Bible in Basic English (BBE)

Be on the watch, unmoved in the faith, and be strong like men.

Darby English Bible (DBY)

Be vigilant; stand fast in the faith; quit yourselves like men; be strong.

World English Bible (WEB)

Watch! Stand firm in the faith! Be courageous! Be strong!

Young's Literal Translation (YLT)

Watch ye, stand in the faith; be men, be strong;

Cross Reference

Joshua 1:6 in Sunwar

6 गे बोल्‍यो नु महिंब दुमो। मिनु गो ङोंइती ‘इ किकी पिपी आन कली गेनुङ’ दे कसम जशो रागी, गे इस्राएली आन कली आंम के सेल्‍पाइक्‍चा माल्‍नेवे। ब्‍यवस्‍था ३:२८;

Joshua 1:9 in Sunwar

9 गो इ कली ‘बोल्‍यो नु महिंब दुमो’ देंती। इ थुं लुक्‍च मलल। गे गेनायो हिंशा ख्रिंख्रि मपावो। मारदे हना गे ते लते हना यो, गो, परमप्रभु यावे, इ परमप्रभु, गे नु बाक्‍नुङ” दे परमप्रभु यावेमी यहोसु कली देंत।

Joshua 1:18 in Sunwar

18 सुमी इन अरेशो लोव़ ‘मपाइनुङ’ दे इन लोव़ मनेंबा, मेको साइक्‍चा पुंइसीब। मोपतीके गे बोल्‍यो नु महिंब दुमीन” देंतेक्‍म। यहोसु १:६

1 Samuel 4:9 in Sunwar

9 गे पलिस्‍तीपुकी महिनीन। बोल्‍यो दुमीन। मेकोपुकी दोपा इं वाइल दुम्‍मा, मोपा गेपुकी यो हिब्रू आन वाइल मदुम्‍चा ङा पा, इन थुं लुक्‍च मलपाइक्‍थु, लडाइ पने। बोल्‍यो दुम्‍शा, लडाइ पने” देंमा बाक्‍त। न्‍यायाधीस १३:१

2 Samuel 10:12 in Sunwar

12 सक्ति पाइश्‍शो बोल्‍यो दुमीन। गो आंम मुरपुकी नु आंम परमप्रभु आ सहर आ पर्बम महिंथु, लडाइ पय। मिनु परमप्रभु यावेमी आ दाक्‍‍शो पवल” देंमाक्‍त।

1 Kings 2:2 in Sunwar

2 मिनु मेकोमी “गो रागी ङा मुर नेल्‍ल आन खोदेंशो पा बेक्‍नुङ। मोपतीके गे बोल्‍यो नु महिंब दुमो।

1 Chronicles 19:13 in Sunwar

13 सक्ति पाइश्‍शो दुमीन। गोपुकी आंम जात नु इं परमप्रभु आ सहर आ पर्बम महिंथु, लडाइ पय। परमप्रभु यावेम मार मिम्‍शो बाक्‍बा, मेको पाइब” देंमाक्‍त।

1 Chronicles 28:10 in Sunwar

10 मुल होस पावो। मारदे हना परमप्रभु यावेमी आंम आ बाक्‍तीक खिं सेल्‍चा कली इ कलीन योव़तु। इ थुं ग्‍येत्‍थ लुक्‍च मपथु, गेय पावो” दे पिप दाऊदमी आ तौ कली मदा बाक्‍त।

Psalm 27:14 in Sunwar

14 गो इ कली “परमप्रभु यावे आ वारच पतीके रिम्‍दो। बोल्‍यो दुमो। इ थुं बारपतो। मिनु परमप्रभु यावे आ वारच पतीके रिम्‍दो” दे कुम्‍सो पाता।

Isaiah 35:4 in Sunwar

4 हिंब थुं पाइश्‍शो मुर आन कली “इन थुं फ्रेंदीन। महिनीन” दे मतीन। इन परमप्रभु एक बाक्‍ब। मेको क्‍येक्‍क लेत्‍चा कली जाक्‍ब। परमप्रभुमी हिंचा ङा सजाइ गेब। मेको जाक्‍शा इन कली प्रोंइब।

Daniel 10:19 in Sunwar

19 मिनु मेकोमी आं कली “नेल्‍ल क्‍येङा दाक्‍चा पुंइसीशो, महिनो। इ कली मारेइ मदुम्‍ब। बोल्‍यो नु महिंब दुमो” दे माइक्‍ती। मेकोमी गो नु लोव़ पवा नोले, गो बोल्‍यो दुम्‍ती। मिनु गो “आं प्रभु, लोव़ पने। मारदे हना गे आं कली बोल्‍यो सेल्‍तीनी” देंती। प्रकाश १:१७

Daniel 11:32 in Sunwar

32 मिनु मेको पिपमी परमप्रभु यावे आ कबल पशो मटीब मुर आन कली जोल पा आ नोले खोइक्‍ब सेल्‍ब। तन्‍न आन परमप्रभु कली तुइक्‍ब मुरपुकी बोल्‍यो दुम्‍शा, मेको कबल काइ मप्रोंइनीम।

Haggai 2:4 in Sunwar

4 मिनु मुर नेल्‍ल आन परमप्रभु यावेमी “जेरूब-बाबेल, महिनो। यहो-सादाक आ तौ नेल्‍ल क्‍येङा ठेयब चढ़ेब यहोसु गे यो महिनो। मिनु मेकेर ङा मुर नेल्‍ल महिनीन। गेय पचा गोने। मारदे हना गो गेपुकी नु बाक्‍नुङ।

Zechariah 8:9 in Sunwar

9 मुर नेल्‍ल आन परमप्रभु यावेमी मार देंत देंशा हना “गेपुकी शुश गेय पने। ङोंइती गे आं लोव़ पाइबपुकीम लोव़ पशो नें‍तीनी। मेकोपुकी मुर नेल्‍ल आन परमप्रभु यावे आं खिं लेंशा सेल्‍ची ना ङा जग वोइक्‍ची ना बाक्‍तेक्‍म। यसैया ३५:३

Zechariah 8:13 in Sunwar

13 यहूदा नु इस्राएल ङा मुरपुकी गे रागी रागी ङा मुर आन दातेमी सराप रशो बाक्‍तीनी। दोपा गेपुकी सराप रनी, मोपा आसीक ताइब दुम्‍नीनी। महिनीन, बोल्‍यो दुमीन” देंत। उत्‍पत्ती १२:२

Matthew 24:42 in Sunwar

42 इन प्रभु गेना जाक्‍बा, दे मतुइक्‍नीनी। मोपतीके गेना हना यो सासीशा बाक्‍कीन। मत्ती २५:१३

Matthew 25:13 in Sunwar

13 मेको खोदेंशो पा इन प्रभु गेना जाक्‍ब, दे मतुइक्‍नीनी। मोपतीके गेना हना यो सासीशा बाक्‍कीन। मत्ती २४:४२-४४

Matthew 26:41 in Sunwar

41 थुं थाम्‍चा पुंइसीनीनु, पाप मपय, दे प्रार्थना पने। थुंमी पाइनुङ चाप्‍नुङ देंब, तन्‍न रांमी फाल्‍ने मचाप्‍ब” देंमाक्‍त। एफिसी ६:१८; हिब्रू २:१८

Mark 13:33 in Sunwar

33 मोदेंशो गेना दुम्‍बा मतुइक्‍नीनी। मोपतीके सासीशा बाक्‍कीन। लूका १२:३५-४०; लूका २१:३६

Mark 14:37 in Sunwar

37 लेश्‍शा जाक्‍मेनु, सांफा आन कली इप्‍शो तामी बाक्‍त। मिनु पत्रुस कली “ए सिमोन, इमे? छिन का यो मइप्‍थु बाक्‍ने मचबी? मर्कूस १०:३८

Luke 12:35 in Sunwar

35 बत्ती दाशा वा फेक्‍शा सासीशा बाक्‍कीन। प्रस्थान १२:११; १पत्रुस १:१३; मत्ती २५:१-१३

Luke 21:36 in Sunwar

36 मोपतीके आं देंशो मिम्‍शा बाक्‍कीन। परमप्रभु यावे कली ‘श्‍येत नेल्‍ल फाल्‍शा, थमा सुइक्‍तीक सक्ति गेकी। मिनु रागीम जरमेशो जाक्‍मेनु, सासीशा ग्रुम्‍चा तकल’ दे पुंइना पुंइन बाक्‍कीन” दे अर्ती गेमी बाक्‍त।

1 Corinthians 9:25 in Sunwar

25 मोपा दोरबपुकीमी दोरने चबुल, दे हेंथे मजाइनीम मतूनीम। आन रां नेल्‍ल चलेस जोक्‍नीम। मोदेंशो पाइबपुकीमी जाम्‍शा लाइब इनाम ला ताइनीम। गोपुकीमी चहिं गेनायो जाम्‍शा मलाइब इनाम ताइनय, दे तुइश्‍शा, मेको आन क्‍येङा रिम्‍शो पचा ममाल्‍नया ङा? २तिमोथी २:४-५; १पत्रुस ५:४

1 Corinthians 14:20 in Sunwar

20 आं लोक्‍बपुकी, आलमी मिम्‍शो खोदेंशो पा ममिम्‍तीने। मरिम्‍शो गेय पचा कली मजोक्‍ब आल खोदेंशो दुम्‍शा बाक्‍कीने। तन्‍न इन मिम्तीकेमी निप्‍स पाइश्‍शो मुरुम मिम्‍शो खोदेंशो पा मिम्‍तीन। एफिसी ४:१४; यसैया २८:११-१२

1 Corinthians 15:1 in Sunwar

1 आं लोक्‍बपुकी, इन कली ङोंइती येसु ख्रीस्‍त आ पर्बम शेंशो ग्‍येरपाइक्‍तीक लोव़ मिम्‍पाइक्‍नुङ। गेपुकीमी एको लोव़ नेंशा थमा सुइक्‍तीनी। मिनु मुल यो थमा सुइक्‍ना सुइक्‍न बाक्‍तीनी।

1 Corinthians 15:58 in Sunwar

58 मोपतीके आं दाक्‍शो लोक्‍बपुकी, इन खोइली थेक्‍शा, दल्‍गीर मपथु, प्रभु आ गेय पना पन बाक्‍कीन। प्रभु आ नेंमी पशो गेय गेनायो मोशीन मलाइब, दे तुइक्‍तीन।

2 Corinthians 1:24 in Sunwar

24 गो इन थमा सुइक्‍तीके कली हुकुम मपाइ‍नीकी। इन ग्‍येरसीचा ङा पा, गे नु गेय पाइनीकी। मारदे हना इन थमा सुइक्‍तीके बोल्‍यो बाक्‍ब। २कोरिन्‍थी ४:५; १पत्रुस ५:३

2 Corinthians 12:9 in Sunwar

9 तन्‍न मेकोमी आं कली “आं शिशी इ कली गारब। मारदे हना मचाप्‍ब मुर आगाम आं सक्ति नेल्‍ल क्‍येङा ठीक बाक्‍ब” देंत। मोपा तुइक्‍तु रे ख्रीस्‍त आ सक्ति गो नु बाक्‍शो तांइसेक्‍ल, दे गो मारेइ पने मचाप्‍ब दुम्‍शोमी, थाम्‍पा ग्‍येरसीशा आं नें बोरपाइक्‍नुङ।

Galatians 5:1 in Sunwar

1 ख्रीस्‍तमी रिती थिती पतीके लां खोइक्‍चा प्रोंइपा, थमा सुइक्‍तीके लां कोंइशा, इं थुं हिरताक्‍व। मोपतीके जवा लाप्‍शो खोदेंशो पा लेंशा रिती थिती पा वाइलीम वाइल मदुमीने। गलाती ४:५; प्रेरित १५:१०

Ephesians 3:16 in Sunwar

16 मिनु गोमी परमप्रभु यावे कली “इन शुश छेङछेङ नु सक्तिम, एफिसस ङा थमा सुइक्‍ब आन थुं बोल्‍यो से‍लीन। मिनु इन सोक्‍त आन थुंमी बाक्‍मेनु, महिंब दुम्‍नीम। एफिसी १:७; एफिसी ६:१०; २कोरिन्थी ४:१६‍

Ephesians 6:10 in Sunwar

10 मिनु आं नोले ङा लोव़, प्रभु कली तुइश्‍शा सक्ति पाइश्‍शो मुर दुमीन। मोपा प्रभु आ सक्तिमी बोल्‍यो दुम्‍शा बाक्‍कीन। एफिसी ३:१६; १कोरिन्‍थी १६:१३; २तिमोथी २:१; १यूहन्‍ना २:१४

Ephesians 6:13 in Sunwar

13 मोपतीके परमप्रभु यावे आ गेशो या नेल्‍ल लतीन। मेकोमी ला मरिम्‍शो नाक्‍त ग्राशा राप्‍ने चाप्‍नीनी।

Philippians 1:27 in Sunwar

27 गे इन नाक्‍त किंत किंत ङा पतीकेमी ख्रीस्‍त आ ग्‍येरपाइक्‍ब लोव़ कली शिरशो दुम्‍शा बाक्‍कीन। गो गेपुकी नु बाक्‍ती हना यो, मबाक्‍ती हना यो, इन सोक्‍त का दुम्‍शा, इन थुं का दुम्‍शा, ग्‍येरपाइक्‍ब लोव़ ङा थमा सुइक्‍तीके गेय पा वारच पमुने।

Philippians 4:1 in Sunwar

1 मोपतीके आं दाक्‍शो लोक्‍बपुकी, प्रभु कली थमा सुइश्‍शा, खोइल थेक्‍शा बाक्‍कीन। गो इन कली दाक्‍शा शुश मिम्‍नुङ। गेपुकीम आं कली ग्‍येरपाइश्‍शा, आं ग्रातीक सिरपेच खोदेंशो दुम्‍तीनी। २कोरिन्‍थी १:१४; १थिस्‍सलोनिकी २:१९-२०

Philippians 4:13 in Sunwar

13 आं कली सक्ति गेब आ नेंमी गो नेल्‍ल पने चाप्‍नुङ। २कोरिन्‍थी १२:१०

Colossians 1:11 in Sunwar

11 इन छेङछेङ ङा सक्ति खोदेंशो पा मेको आन कली सक्ति पाइश्‍शो, बोल्‍यो सेलीन। मिनु सक्ति पाइश्‍शो बोल्‍यो दुम्‍शा, मारेइ मारेइ फाल्‍ने चाप्‍नीम” दे प्रार्थना पाइतस्‍कु।

Colossians 1:23 in Sunwar

23 गेपुकीमी थमा सुइक्‍ना सुइक्‍न बाक्‍शा, नोले मशोंइ‍सीथु खोइल थेक्‍शा, इन नेंशो ग्‍येरपाइक्‍ब लोव़ मप्रोंइथु बाक्‍तीनी हना, मोदेंशोन लीनीनी। मुल मेको ग्‍येरपाइक्‍ब लोव़ नेल्‍ल मुर आन कली नेंपाइश्‍शो बाक्‍त। गो पावल, मेको लोव़ शेंब दुम्‍ती।

Colossians 4:2 in Sunwar

2 गेपुकीमी प्रार्थना पचा मप्रोंइथु, पना पन बाक्‍कीन। परमप्रभु यावे कली “गे रिम्‍शो पाइब बाक्‍नीनी” देंचा मप्रेंदीन। रोमी १२:१२; १थिस्‍सलोनिकी ५:१७

Colossians 4:12 in Sunwar

12 ख्रीस्‍त येसु आ गेय पाइब इन मुर इपाफ्रासमी इन कली “रिम्‍शो बाक्‍कीन” देंत। मेकोमी इन कली मिम्‍शा, परमप्रभु यावे कली “कलस्‍सी आन कली रुप्‍तीक थुं गेशा, इन दाक्‍शो नेल्‍ल तुइक्‍तमेक्‍ल” दे पुंइना पुंइन बाक्‍ब। कलस्‍सी १:७; फिलेमोन २३

1 Thessalonians 3:8 in Sunwar

8 मारदे हना गे प्रभु कली मप्रोंइब बाक्‍नीनी, दे तुइश्‍शा, गोपुकी ङोंइती रोइ पशा, मुल चहिं साशा ब्रोंइशो मुर खोदेंशो बाक्‍नीकी।

1 Thessalonians 5:6 in Sunwar

6 मोपतीके अरु खोदेंशो पा गो मइप्‍य, सासीशा “प्रभु यीब” दे मिम्‍ना मिम्‍न बाक्‍य। १पत्रुस ५:८

2 Thessalonians 2:15 in Sunwar

15 आंइ लोक्‍बपुकी, खोइल थेक्‍शा बाक्‍कीन। आंइ शेंशो मप्रोनीन। गो शोव़म शेंशो नु चिठीम ब्रेक्‍शा शेंशो मप्रोनीन। २थिस्‍सलोनिकी ३:६

1 Timothy 6:12 in Sunwar

12 थमा सुइश्‍शा ग्राङो। “गेना हना यो परमप्रभु यावे नु बाक्‍ब दुम्‍ती” दे मिम्‍तो। गे शुश मुर आन ङोंइती इ थमा सुइश्‍शो आ पर्बम रिम्‍शो लोव़ पाप्‍तीवी। मेना गे गेना हना यो ब्रोंइशा बाक्‍चा ताइब, दे ब्रेत्‍चा पुंइसीशो बाक्‍ते। १तिमोथी १:१८; १कोरिन्‍थी ९:२५-२६; २तिमोथी ४:७; १तिमोथी ४:१४; हिब्रू ३:१

2 Timothy 2:1 in Sunwar

1 आं तौ, गे ख्रीस्‍त येसुमी बाक्‍शो शिशी मिम्‍शा, बोल्‍यो दुम्‍शा बाक्‍को। एफिसी ६:१०

2 Timothy 2:3 in Sunwar

3 ख्रीस्‍त येसु आ रिम्‍शो सिपाही खोदेंशो दुम्‍शा, श्‍येत फलो। २तिमोथी १:८; २तिमोथी ४:५

2 Timothy 4:5 in Sunwar

5 गे चहिं मार पाप्‍तीवी हना यो, मिम्‍ना मिम्‍न गेय पावो, श्‍येत फलो, ग्‍येरपाइक्‍ब लोव़ शेंदो। इ कली गेशो गेय नेल्‍ल पावो” दे माइक्‍नन। २तिमोथी २:३

2 Timothy 4:7 in Sunwar

7 गो थमा सुइश्‍शा ग्राती। दाम पशो खोदेंशो पा ग्राती। थमा सुइक्‍चा मप्रोंइथु बाक्‍ती। १कोरिन्‍थी ९:२५; १तिमोथी ६:१२; प्रेरित २०:२४; फिलिप्‍पी ३:१४

Hebrews 11:32 in Sunwar

32 में ङा लाक्‍शा मार देंनुङा? मारदे हना मोदेंशो थमा सुइक्‍ब शुश बाक्‍नीम। गिदोन, बाराक, साम्‍सोन, येफ्‍‍ता, दाऊद, सामुएल नु परमप्रभु यावे आ लोव़ पाइब नेल्‍ल आन पशो मिम्‍पाइक्‍तन्‍नी हना, आं लोव़ गेनायो मनुप्‍ब। न्‍यायाधीस ६:११- ८:३२; न्‍यायाधीस ४:४-२४; न्‍यायाधीस १३:१-१६,३१; न्‍यायाधीस ११:१-१२,७; १सामुएल १७:-; दानीएल ६:-

1 Peter 4:7 in Sunwar

7 रागी नु रागीमी बाक्‍शो मारेइ मारेइ नुप्‍चा चिक्‍शो बाक्‍तेक्‍म। मोपतीके इन गेय पचा ङोंइती मिम्‍शा नु आंम रां कली अरेशा प्रार्थना पने। १कोरिन्‍थी १०:११; १यूहन्‍ना २:१८

1 Peter 5:8 in Sunwar

8 गेय पचा ङोंइती मिम्‍तीन। होस पा बाक्‍कीन। मारदे हना इन कली मदाक्‍ब सैतानमी शोव़लु बेक्‍शो गुप्‍स खोदेंशो पा “सु कली ब्‍वाइनुङा” दे माल्‍ना माल्‍न गाक्‍ब। १थिस्‍सलोनिकी ५:६; लूका २२:३१; २कोरिन्‍थी २:११

Revelation 3:2 in Sunwar

2 मोपतीके सेंशा बोक्‍कीन। इन बेक्‍चा चिक्‍शो थमा सुइक्‍तीके बारपतीन। गोमी इन गेय ताता। मेको इन गेय आं परमप्रभु यावे कली मगारनीम। लूका २२:३२

Revelation 16:15 in Sunwar

15 “नेनीन, गो खुइ खोदेंब पा जाक्‍नुङ। सु थमा सुइश्‍शा मइप्‍थु सेंशा, ठीक दुम्‍शा बाक्‍मे, मेको ग्‍येरसेक्‍ल। तन्‍न सु पाप पाइबा, मेको शिश्रा गाक्‍ब मुर खोदेंब पा मुने दोक्‍ब” दे येसुमी माइक्‍तीमी। १थिस्‍सलोनिकी ५:२