1 Chronicles 21:13 in Sunwar 13 मिनु दाऊदम गाद कली “गो थम श्येत जाइब दुम्ती। परमप्रभु यावे आ गुइमी दुम्चा गेयीनी। मारदे हना मेको आ शिशी थम ठेयब बाक्ब। तन्न मुर आन गुइमी दुम्चा मगेयीनी” दे मदा बाक्त।
Other Translations King James Version (KJV) And David said unto Gad, I am in a great strait: let me fall now into the hand of the LORD; for very great are his mercies: but let me not fall into the hand of man.
American Standard Version (ASV) And David said unto Gad, I am in a great strait: let me fall, I pray, into the hand of Jehovah; for very great are his mercies: and let me not fall into the hand of man.
Bible in Basic English (BBE) And David said to Gad, This is a hard decision for me to make: let me come into the hands of the Lord, for great are his mercies: let me not come into the hands of men.
Darby English Bible (DBY) And David said to Gad, I am in a great strait: let me fall, I pray thee, into the hand of Jehovah, for his mercies are very great; but let me not fall into the hand of man.
Webster's Bible (WBT) And David said to Gad, I am in a great strait: let me fall now into the hand of the LORD; for very great are his mercies: but let me not fall into the hand of man.
World English Bible (WEB) David said to Gad, I am in a great strait: let me fall, I pray, into the hand of Yahweh; for very great are his mercies: and let me not fall into the hand of man.
Young's Literal Translation (YLT) And David saith unto Gad, `I am greatly distressed, let me fall, I pray thee, into the hand of Jehovah, for very many `are' His mercies, and into the hand of man let me not fall.'
Cross Reference Exodus 34:6 in Sunwar 6 मिनु परमप्रभु यावे मोसा आ नेक्था गाक्ना गाक्न “यावे, यावे, शिशी पाइब नु दाक्ब परमप्रभु बाक्ब। रीब पा मगाइक्ब। गेना हना यो शिशी पाइब नु आ दाक्चा मप्रोंइब बाक्ब। प्रस्थान ३३:१८-२६; गन्ती १४:१८; भजन संग्रह १०३:८; नहुम १:३; १यूहन्ना ४:१६
2 Kings 6:15 in Sunwar 15 मिनु परमप्रभु आ मुर आ गेय पाइब सुनी कना बोक्शा लाङगा ग्रूमाक्त। मिनु मेना शारा नु बग्गी पाइश्शो लडाइ पाइब आन हुलमी सहर पुम्शो तवा बाक्त। मिनु मेको गेय पाइब लशा आ होव़प कली “आबी, आं प्रभु, मुल मार पय” देंमाक्त।
2 Kings 7:4 in Sunwar 4 गो सहर ओव़तय हना, मेकेर ङा अन्कालम बेक्नय। एक उइ बाक्तय हना यो, शोव़लुम बेक्नय। मोपतीके गो अरामी आन लडाइ पाइब आन बाक्तीकेम लशा, जिम्मा गेसय। मिनु मेकोपुकीम इ कली प्रोंइतेक्म हना, गो ब्रोंइनय। साइक्तेक्म हना, यो बेक्य” देंमुमा बाक्त।
2 Chronicles 28:9 in Sunwar 9 तन्न मेकेर ओदेद नें पाइश्शो परमप्रभु यावे आ लोव़ पाइब का बाक्माक्त। मिनु लडाइ पाइबपुकी सामरीया लेम्मानु, मेको आन कली ग्रुम्थ जाक्माक्त। मिनु मेकोमी मेको लडाइ पाइब आन कली “परमप्रभु यावे, इन किकी पिपी आन परमप्रभु यहूदा ङा मुरपुकी नु गाइक्तीके, मेकोमी मेको आन कली इन गुइमी गेप्तु। तन्न गेपुकीम इन गाइक्तीकेम मेको आन कली साइक्तीनी। मेको मो पशो इर स्वर्ग सम्म जाक्दीश्शो बाक्ब। लेवी १९:१८
Esther 4:11 in Sunwar 11 “पिप आ गेय पाइब नु रागी ङा मुर नेल्ल पिपमी मब्रेत्थु, वोंइश मुर नु मीश मुर सुइ पिप आ ङोंइती लाम्तेक्म हना, साइक्चा पुंइसीनीम। मेको ऐन कानुनम ब्रेक्शो बाक्ब। तन्न पिपमी आ राज दन्ड मेको मुर गे दिंशा कोंइताक्व हना ला, मेको मुर ब्रोंइचा ताइब। मिनु गो ३० नाक्त सम्म मब्रेस्सीशो बाक्नुङ” दे देंचा कली सोइक्ताक्व। एस्तर ५:२; एस्तर ८:४
Esther 4:16 in Sunwar 16 “सुसा सहरमी लशा, यहूदी नेल्ल आन कली आं पर्बम माइजा बाक्चा कली पुक्कीन। नाक्त सां नु नाक्दो सां सम्म मारेइ मजने, मारेइ मतूङीन। मिनु गो नु आं गेय पाइबपुकी यो गे खोदेंशो पा माइजा बाक्नीकी। मिनु में नोले ऐन कानुनमी मगेशो बाक्त हना यो, गो पिप आ बाक्तीकेम लाइनुङ। गो खतम दुम्ती हना, यो दुम्ङल” दे लोव़ सोइक्ताक्व।
Psalm 5:7 in Sunwar 7 गो चहिं इन गेना हना यो ठेयब दाक्तीकेमी इन खिं ओव़चा ताइनुङ। मिनु गो इन कली मान पा हिंशा, इन खिं गे कोव़शा, पोक्च थेक्शा ठेयब सेल्नुङ। भजन संग्रह २६:८
Psalm 51:1 in Sunwar 1 कुम्सो पपाइक्ब कली दाऊदमी बाथ्शेबा नु हेंथे पवा नोले नाथान जाक्मेनु, पशो दाऊद आ कुम्सो। २सामुएल १२:१-१५ परमप्रभु इन गेना हना यो दाक्तीकेमी आं कली शिशी पने। इन शुश शिशीमी आं हेंथे पशो क्याम्दीन। लूका १८:१७
Psalm 69:13 in Sunwar 13 तन्न परमप्रभु यावे, गो इन कली इन शिशी पाइक्ची ना लोव़ पाइनुङ। इन गेना हना यो दाक्तीकेमी आं पुंइशो श्येत रे प्रोंइतीके गेयीनी। परमप्रभु आं कली लोव़ लेत्तीनी। यसैया ४९:८
Psalm 69:16 in Sunwar 16 परमप्रभु यावे, इन गेना हना यो दाक्तीकेमी आं कली लोव़ लेत्तीनी। इन ठेयब शिशी आं गे लेत्तीन। गन्ती ६:२६
Psalm 86:5 in Sunwar 5 परमप्रभु, गे रिम्शो पाइब नु माफ गेब बाक्नीनी। इन कली पुंइब नेल्ल आन कली गेना हना यो दाक्नीनी।
Psalm 86:15 in Sunwar 15 तन्न परमप्रभु, गे दाक्ब नु शिशी पाइब परमप्रभु बाक्नीनी। रीब पा मगाइक्ब, गेना हना यो दाक्शा मप्रोंइब बाक्नीनी। भजन संग्रह १०३:८; प्रस्थान ३४:६
Psalm 103:8 in Sunwar 8 परमप्रभु यावे शिशी पाइब नु रिम्शो पाइब बाक्ब। मेको रीब पा मगाइक्थु, आ गेना हना यो दाक्तीके शुश कोंइब। भजन संग्रह ८६:१५
Psalm 106:7 in Sunwar 7 इजीप्त रागीम बाक्शो आंइ किकी पिपीम इन छक लाक्चा ङा गेय ममिम्शो बाक्तेक्म। मिनु इन शुश गेना हना यो दाक्तीके प्रेंशो बाक्तेक्म। मिनु लल समुन्द्रमी नेल्ल क्येङा ठेयब कली गाइश्शा लोव़ पशो बाक्तेक्म। प्रस्थान १४:११-१२
Psalm 130:4 in Sunwar 4 गे माफ गेनीनी। मोपतीके मुर इन कली मान पा हिंचा माल्नीम। यसैया ५५:७; रोमी ६:१-२
Psalm 130:7 in Sunwar 7 इस्राएल, परमप्रभु यावे कली आस पा बाक्को। मारदे हना परमप्रभु यावेमी गेना हना यो दाक्ब। मेको नु मरिम्शो पशो रे प्रोंइतीक शुश बाक्ब।
Proverbs 12:10 in Sunwar 10 ठीक पाइब मुरपुकीमी आंम बी ब्यफ, क्यारश भेडा आन कली रिम्शो कोव़नीम। तन्न परमप्रभु यावे आ अरेशो मटीबपुकीमी शिशी मपाइनीम। प्रस्थान २३:५
Isaiah 46:7 in Sunwar 7 मिनु मेको कली गुप्शा, बलाम कुरशा, लाइश्शा, आ बाक्तीकेम वोदमेनु, मेकेर मदुक्थु, मगाक्थु बाक्ब। सुइमी मेको आ ङोंइती जाक्शा ‘प्रोंइयीनी’ देंत हना, मेकोमी लोव़ मलेप्ब। सुइ आन कली श्येत रे प्रोंइने मचाप्ब” देंत। १राजा १८:२६
Isaiah 47:6 in Sunwar 6 गो आं मुर आन कली तशा गाइश्शा, मेको आन कली ‘आं मुर मनम’ खोदेंशो सेल्तामी। मेना इ गुइमी गेतामी। मिनु गे मेको आन कली काइ शिशी मपदी। खूशो आन कली यो श्येत गेशा, हेल्शो जवा लाप्ताक्वी। जकरिया १:१५
Isaiah 55:7 in Sunwar 7 परमप्रभु यावे आ अरेशो मटीबमी आन लां प्रोन्मेक्ल। मिनु ठीक मपाइबमी आन मरिम्शो मिम्शो प्रोन्मेक्ल। परमप्रभु यावे गे लेम्मल। मिनु मेकोमी मेको आन कली शिशी पाइब। मेकोपुकी आंइ परमप्रभु गे लेम्मल। मारदे हना मेकोमी शुश माफ गेब। इजीकीएल १८:२७; इजीकीएल ३३:१; भजन संग्रह १३०:४
Isaiah 63:7 in Sunwar 7 गो परमप्रभु यावे आ मुर आन कली शिशी पतीक गेय मिम्नुङ। मारदे हना मेको आ पर्बम परमप्रभु यावे कली ठेयब सेल्चा माल्नीकी। मिनु आंइ कली मार मार पशो आ पर्बम, इस्राएल आ खिं ङा मुर आन कली शुश दाक्ताक्व। मिनु मेको आन कली शिशी कोंइशा, गेना हना यो दाक्शो बाक्त। मोपतीके मेको कली ठेयब सेल्चा माल्नीकी।
Isaiah 63:15 in Sunwar 15 सरीङ ङा इन छेङछेङ ङा बाक्तीके रे उइ कोव़ङीन। इन वारच पचा दाक्तीके नु इन सक्ति ते बाक्मे? इन थुं ङा आंइ कली दाक्तीके नु इन शिशी पतीके ते बाक्म? गो मेको मतक। ब्यवस्था २६:१५
Lamentations 3:32 in Sunwar 32 मेकोमी श्येत गेप्तु हना यो, लेंशा शिशी पाइब। मेको आ गेना हना यो दाक्तीक थम ठेयब बाक्ब।
Jonah 3:9 in Sunwar 9 परमप्रभु आ शुश गाइक्तीक रे लेप्बा, कों? मेकोमी आंइ कली मसाइक्बा, कों? सुम तुइक्बा, ङा?” देंमा बाक्त। योएल २:१४
Jonah 4:2 in Sunwar 2 “परमप्रभु यावे, आं रागीम बाक्ङानु, गो एको तुइश्शो नङ। मोपतीके गो टारशीश गे प्रोक्शो नङ। गे नेल्ल कली शिशी पाइब नु दाक्ब परमप्रभु ननी। इन गाइक्चा रीब पा मबोक्ब। इन शिशी ठेयब बाक्ब। इन थुं श्येत गेचा बाक्त हना यो, इन थुं लेश्शा, मेको आन कली मारेइ मपाइनीनी, दे गो तुइश्शो नङ। प्रस्थान ३४:६
Micah 7:18 in Sunwar 18 इन खोदेंशो परमप्रभु अर्को सु बाक्बा ङा? गे ठीक मपशो क्याम्ब बाक्नीनी। इन लीशो मुर आन मरिम्शो पतीके माफ गेनीनी। गे गेना हना यो गाइक्स ङा गाइक्स मबाक्नीनी। तन्न शिशी पचा कली ग्येरशा बाक्नीनी। भजन संग्रह १०३:३,८-१३
Habakkuk 3:2 in Sunwar 2 “परमप्रभु यावे, गो इन पशो नेल्ल नेंता। परमप्रभु यावे, गो इन पशो तशा, इन कली ठेयब सेल्नुङ। आंइ ब्रोंइतीक नाक्तीमी मेको लेंशा कोंइदीन। मेको तुइक्पतीन। गे गाइक्ताक्नी हना, यो इन शिशी मिम्तीन।
John 12:27 in Sunwar 27 मिनु येसुमी “मुल आं थुं खाइक्ती। गो मार देंनुङा, आफ, आं कली मोपा साइक्चा रे प्रोंइयी, दे पुंइनुङा ङा? गो साइक्चा पुंइसीचा कली रागीमी जाक्ती। मत्ती २६:३८
Philippians 1:23 in Sunwar 23 गो निम्फा आस दातेमी बाक्नुङ। मेकेर रे लशा, ख्रीस्त नु बाक्चा आं दाक्शो बाक्ब। मारदे हना मेको शुश रिम्शो बाक्ब। २कोरिन्थी ५:८
Hebrews 10:31 in Sunwar 31 मोपतीके ब्रोंइशा बाक्ब परमप्रभु यावे आ गुइ रे पा सजाइ गेचा पुंइसीचा चहिं नेल्ल क्येङा हिंचा ङा बाक्ब, दे तुइक्नय। हिब्रू १२:२९