Colossians 2:6 in Shuar

6 Nu asamtai átum ii Uuntri̱ Jesukrístu nekas enentáimtusrum Yus-shuar ajasmarmena núnisrum yamaisha Nii nekas enentáimtusrum Niiji̱a̱i̱ tsaniṉkrum ashí túratarum. Nu túrakrum Nii enentáimtakrum tuke tsakaki wétatrume. Tura te tariara wajasrum Yusja̱i̱ kanakchattarme. Yus-Chicham núnisaṉ etsernakmatai nekamarme. Tuma asarum Yus tuke yumiṉsarum, núnisaṉ péṉker wekasatarum.

Other Translations

King James Version (KJV)

As ye have therefore received Christ Jesus the Lord, so walk ye in him:

American Standard Version (ASV)

As therefore ye received Christ Jesus the Lord, `so' walk in him,

Bible in Basic English (BBE)

As, then, you took Christ Jesus the Lord, so go on in him,

Darby English Bible (DBY)

As therefore ye have received the Christ, Jesus the Lord, walk in him,

World English Bible (WEB)

As therefore you received Christ Jesus, the Lord, walk in him,

Young's Literal Translation (YLT)

as, then, ye did receive Christ Jesus the Lord, in him walk ye,

Cross Reference

Matthew 10:40 in Shuar

40 ‘Atumin itiaarma nuka Winia itiaarui. Tura itiaarea nuka Winia akuptukmia nunasha itiaawai.

John 1:12 in Shuar

12 Tuma aiṉ chíkich shuar Nin enentáimtuiniak ni enentái̱n itiaawarua nuna Yusa uchirí̱ ajastinian Yus tsaṉkatkamiayi.

John 13:20 in Shuar

20 Wi tájana nu nekasaiti. Shuar Wi akupeaj nuna shiir itiaakka Winiasha shiir itiaarui. Tura Winia shiir itiaarna nusha Winia Akuptukuncha itiaawai” tímiayi.

John 14:6 in Shuar

6 Jesussha tímiayi “Wi nekas jíntiaitjai. Wíji̱a̱i̱nchu wekaana nuka winia Aparuí̱ jeatniun peṉké tujintiawai. Tura Wisha tuke nekas tiniu asan nekas ana nuna shuáran nékamtikiajai. Wisha shuáran yamaram iwiaakman tuke amuukashtinian súwitjai.

1 Corinthians 1:30 in Shuar

30 Tura Yus atumin Krístuja̱i̱ tsaniṉ apujtamsaiti. Tura Kristu enentáimtusar Yus nekas nekataiṉkia nekaattaji. Kristu enentáimtakrin Yus shiir enentáimturmaji, péṉker awajtamji, tura uwemtikramji.

Galatians 2:20 in Shuar

20 Wisha Krístuja̱i̱ krúsnum jákaitjai. Tuma asamtai yamaikia wikia iwiaaktsujai wi wakeraj nuna túratniun antsu Kristu winí iwiaakui ni wakera nuna túratniun. Tura ju̱ aya̱shnium pujayatan aya Kristu enentáimtakun iwiaakjai. Krístusha Yusa Uchirí̱ntiat winia ti anentuk jarutkamiayi.

Ephesians 4:1 in Shuar

1 Atumsha ni shuari̱ ajastin Yus achikma asarum péṉker wekasatarum tájarme. Ii Úuntri̱niun étserkun sepunam pujakun seajrume.

Ephesians 5:1 in Shuar

1 Nekas Yusa Uchirí̱ aneamu asarum Nii tura núnis túratin wakeruktarum.

Philippians 1:27 in Shuar

27 Kristu chichame̱ ti peṉker asamtai atumsha aya péṉkera nuke túratarum. Wi atumja̱i̱ pujaknasha tura yajá pujaknasha átum ti shiir túrarmena nuna antuktinian wakerajai. Ashí shuar uwempratin chichaman nekaawar umirkarat tusarum chikichik enentáiji̱a̱i̱ kakaram ajastarum.

Colossians 1:10 in Shuar

10 Atumsha Krístunu ainia núnisrum péṉker túrutak tusar seaji. Tura ashí ni wakerana nu umíakrum ashí péṉker ana nu, nerektinia áintsarmek, túrattarme. Núnis túrarum Yus unuimiatki wéakrum Nin ti peṉker nekaak tusar seaji.

Colossians 3:17 in Shuar

17 Tura takaakmesha, chichaakmesha, kame ashí túramna nuka Jesukrístu shiir awajsataj tusam ni kakarmari̱ji̱a̱i̱ṉ túrata. Túrakum Krístuja̱i̱ Yus Apa yumiṉsata.

1 Thessalonians 4:1 in Shuar

1 Iikia Uunt Jesus akupkamuitji. Tuma asar nu kakarmaja̱i̱ atumniasha ju̱ túratarum tusan akupeajrume. Atumsha iwiaaku pujarmena nui̱ Yus shiir waramtiksatarum tura tuke péṉker túrukrum wetarum tusar seajrume. Iisha nuik atumin unuiniarmajrumna nútiksarmek túratarum.

Hebrews 3:14 in Shuar

14 Yámankamtaik Kristu shiir enentáimtusmaj núnisrik tuke iniaitsuk émeteakrikia Krístuja̱i̱ shiir tsaniṉkiar pujustatji.

1 John 2:6 in Shuar

6 “Yusja̱i̱ tsaniṉkia wekaajai” tana nú shuar Jesukrístu wekasamia núnisaṉ wekasatniuiti.

1 John 5:11 in Shuar

11 Yus ni Uchirí̱n timia jú̱iti: Tuke iwiaaku pujutai nérenniuiti tura nu iwiaakmancha in suramsaitji.

1 John 5:20 in Shuar

20 Yusa Uchiri̱ ju̱ nuṉkanam taa nekas-Yus aa nuna paant jintintramji. Yusa Uchiri̱ Jesukrístuja̱i̱ tsaniṉkia wekaakur nekas-Yusa nuja̱i̱sha tsaniṉkiar wekaaji. Nekas-Yus asa tuke iwiaaku átinia nuna nérenniuiti.

2 John 1:8 in Shuar

8 Nu shuarja̱i̱ aneartarum. Yajauch shuar ántar yaya̱krumin Yus átum takasman métek akirmakchamniaiti. Antsu aneara takasakrumin Yus métek akirmakarmi.

Jude 1:3 in Shuar

3 Aneamu yatsurú, iikia mai metek Yus-shuar asar ju̱ uwempratin chichaman áatratniun wakerukjarme. Túrasha ti yajauch shuar anaṉkramawar atumí̱i̱n pachiinkiarmai. Niisha “Yus ti aneṉkartin asamtai páchitsuk tunáa túramniaitji” tuiniawai. Nu arantcha Yus in Akuptamniuncha tura ii Uuntri̱ Jesukrístuncha nakitin áiniawai. Nu asamtai nu shuaran “yaunchu sumamawaruiti” tímiayi Yus. Tuma asamtai tájarme “Tuke Yus-Chicham yapaji̱áshtinian ashí Yus-shuar akasmatkarat tusar susamuiti. Wátsek, kakaram ajastarum” tájarme.