Romans 16:25 in Rikbaktsa 25 O kytsa Deus bo tsimysakibaziknahaktsa! Katsaktsa: — O Deus ikia zuba apunihikrẽnikita hỹ. Ikia zuba amysapyrẽnikita hỹ — tsimahaktsa! Atahi tisokpykziurẽta hỹ. Ata humo hi mypunihikrẽtsa tsimoziknaha, katsaktsa Sesus harere bo hyỹ tsimykaranaha izikwy humo tsikspirikpotohinaha. Deus wasania ty hawa Sesus kytsa Deus bo mysioktyhyryk motsasoikik. Kytsa sizubarẽtsa bo ana harere nitsasoko. Tubabatu anaharere mybarawy ezektsa bo tsihokdaharẽna. Abaka batu ihokdaha.
Other Translations King James Version (KJV) Now to him that is of power to stablish you according to my gospel, and the preaching of Jesus Christ, according to the revelation of the mystery, which was kept secret since the world began,
American Standard Version (ASV) Now to him that is able to establish you according to my gospel and the preaching of Jesus Christ, according to the revelation of the mystery which hath been kept in silence through times eternal,
Bible in Basic English (BBE) Now to him who is able to make you strong in agreement with the good news which I gave you and the preaching of Jesus Christ, in the light of the revelation of that secret which has been kept through times eternal,
Darby English Bible (DBY) Now to him that is able to establish you, according to my glad tidings and the preaching of Jesus Christ, according to [the] revelation of [the] mystery, as to which silence has been kept in [the] times of the ages,
World English Bible (WEB) {See Romans 14:23}
Young's Literal Translation (YLT) And to Him who is able to establish you, according to my good news, and the preaching of Jesus Christ, according to the revelation of the secret, in the times of the ages having been kept silent,
Cross Reference Matthew 13:17 in Rikbaktsa 17 Kaharere tsiwabytoktonahaktsa! Tubabatu Deus sohokotsa, asaktsa Deus harere bo hyỹ nikaranaha niwatihi hawa ikiahatsa tsiwabynaha ana kino ziwaby tsihikiknaha. Batu zikaha. Amy ty iktsa tsimaha ana kino ziny tsihikiknaha. Batu zikaha. Ikiahatsa hi kaharere tsinymyrykynaha. Ikiahatsa hi kabo iktsa tsimaha iwatsahi ahakurẽtsa tsimoziknaha — niy.
Matthew 13:35 in Rikbaktsa 35 Iwa niyze hawa ha ty Deus sohokotsa tubabatu ziwataha atsatu nikara. Deus sohokotsa tihi: — Uta isoho humo kytsa mysihyrinymyryky. Isuknihibyize Deus ispirikpowy iokpitsĩ abaka kytsa mysihyrinymyry isoho humo — niy. Deus sohokotsa, tubabatu ziwataha iwa Sesus atsatu nikara.
Luke 10:23 in Rikbaktsa 23 Niytahi Sesus tuk zinymyrykynahatsa asa bo zuba nipamykysokozo.
Acts 9:20 in Rikbaktsa 20 Sauro Damasko eze Sesus tuktsa tuk niapykyrykspyk. Iwaze ziakbata Sesus soho nitsasoko. Sesus soho Deus wahoro eze nitsasoko. Atahi: — Sesus Deus tse — nikara.
Acts 20:32 in Rikbaktsa 32 Deus ahahumo tsimypokzitsiukrẽta. Deus harere bo hyỹ tsimykaranaha, batu ahapyby. Deus harere bo hyỹ tsimykaranaha zeka Sesus humo tsimyspirikpotohinaha. Deus kytsa sizubarẽtsa ityryktsa moziknaha tsipinymyrykynaha. Isapy ha ty zuba tsipiaksekenaha. Ikiahatsa niwatihi situk tsimyharapekypykyknaha.
Romans 2:16 in Rikbaktsa 16 Bykyzehu ana humo kino nawa my. Hawa kytsa mozurukunaha Sesus Kiristu sihuak ty sibo nyny my. Deus wasania ty motsasokoro anahumo kino hyỹ mykara. Hawa mytsaty tsimykaranaha ustsa kytsa batu sihyrinymyry, Deus zuba mysoho humo tsihyrinymyrẽta iwatahi ihuak ty mybo nyny my.
Romans 14:4 in Rikbaktsa 4 Aty ipehatsa tsipisapybyiki zeka batu wasani my, ipehatsa zuba isoho pisapybyiki. Katsa Sesus tuktsa Deus mypehakatsa. Atakta Sesus tuktsa mypehakatsa Deus harere humo zuba hyỹ mynakara. Hawa mykara Deus ipe: — O nawa tsimykara wasani — my. Ata hi zuba awatu mynakara. Imysapybyita tu mykaraze Deus ipe: — O nawa tsimykara batu amysapy — my. Mypehakatsa zikwy ituk mynapykyryk nawa wasani mozuruku hỹ.
1 Corinthians 1:23 in Rikbaktsa 23 Iwaze katsaktsa Sesus iharapatawyhyta humo nihyrikosokda naha tsiktsasokonaha. Anaharere humo hi Sudeutsa batu siakparawy. Sudeutsabyitsa kino niwatihi ana humo hi batu siakparawy. Anaharere Sudeutsabyitsa batu siwabyhy. Mype: — Ikiahatsa ahatyrykmyitsa anaharere kytsa mysimyiwy — mybarapetu mykaranaha.
1 Corinthians 2:1 in Rikbaktsa 1 — O Sesus Kiristu soho zuba sibo iktsasoko. Hawa iharapatawyhyta humo mysapyzeky nihyrikosokda iwa kapetu ikykara. Iwatatu ahabo ikzumu iwatahi Sesus Kiristu soho zuba ahabo iktsasoko. “Utakta kahyrinymyrẽta” sasabyitsa harere humo ka ba ziktsaso, kasoho baba humo ka ba ziktsaso, Sesus Kiristu soho humo zuba iktsasoko.
1 Corinthians 2:7 in Rikbaktsa 7 Deus ihyrinymyrẽnikita. Deus harere ahabo motsasoko iwaze iharere tsipiaksenaha. Deus ta koikny baktatu mype niy: — Katse iharapatawyhyta humo mohyrikosokda iwaze hi kytsa kabo mynasioktyhyryk — niy. Taparaka ana harere tsihokdaharẽna abaka mahani. Anatyhi zahawatawyky.
1 Corinthians 4:1 in Rikbaktsa 1 Uta, Aporo ahatsa niwatihi katsa Kiristu tsumuẽhĩtsa tsimaha. Ahasoho bo kytsa mytsaty mykaranaha. Taparaka Deus harere tsihokdaharẽna abaka batu ihokzaha, ana hi mybo ziwatawy anahi ahabo tsimytsasokonaha. Katsa Kiristu tsumuẽhĩtsa iwatsahi myhumo ahamypokzitsiuhuktsa kytsa!
2 Corinthians 4:3 in Rikbaktsa 3 Katsa Deus wasaniha humo tsiktsasoikiknaha. Anaharere kytsa bo tsihokdaharẽna zeka asaktsa sinini ykarawy bo maha, sihumo hi myharere tsihokdaharẽna.
2 Corinthians 4:5 in Rikbaktsa 5 Katsaktsa mypetu ba zikaha: — O myharere bo hyỹ tsimahaktsa! — iwa ba zikaha. Katsa hi: — O Sesus Kiristu harere bo zuba hyỹ tsimahaktsa kytsa! Ipe: “Ikiahi aba zubata” tsimahaktsa! Iwa pykyhytutaha iharere humo zuba hyỹ tsimykaranaha — tsimaha. Katsa ja. Kiristu mymysapywyikik iwatsahi ihumo tsipahatsumuẽhĩnaha. Ipokzi ahatsyhyryze tarabajaziu tsimykaranaha. Iwa hỹ.
Ephesians 1:9 in Rikbaktsa 9 Iharere Sesus soho tisapyrẽna hỹ. Tubabatu Deus tihi: — O Kiristu zipehata sizubarẽtsa pehatsa mozik. Nanabyitaba abazubata mozik. Bijoikpe ezektsa mybarawy ezektsa kino niwatihi iharere bo zuba hyỹ mynakaranaha — niy. Abaka iharere tsinymyrynaha. Iharere mybo motsasoko. Nawa puruze piwatawy iharere Kiristu soho wasani my iwa botu nikara. Aba atsatu mybo motsasoko.
Ephesians 3:3 in Rikbaktsa 3 Tubabatu Deus tihi: — O tapara Sudeutsa zuba katyryktsa abaka kytsa Sudeutsabyitsa kino niwatihi katyryktsa moziknaha mysitsihikik — niy. Ana harere humo hi batu kahyrinymyry. Batu aty tohi hawa nizihikikze batu ihyrinymyry. Kyze Deus kape niy: — Pauro Sudeutsabyitsa bokta! Wasaniha ty sibo tytsasokta! Asahi katyryktsa moziknaha mozihikik, iwatahi sibo papeha my — niy.
Ephesians 3:9 in Rikbaktsa 9 Tapara Deus mybaratsa harere ty batu tyso. Aiba zuba tsasohowy kytsa sizubarẽtsa bo mysihyrinymyry tsihikik iwatahi zikpeha. Iharere motsaso ana humo hi zikpeha.
Ephesians 3:11 in Rikbaktsa 11 Hawa Deus mytsaty nikara, atsatu wasani mykara. Abaka Sesus Kiristu harere bo hyỹ tsimykaranaha zeka Deus hyrytsa tsimoziknaha, Deus sohowy atsatu wasani my. Iwaze ihyrinymyrywy baba atsaezubaha bo ziwatawy.
Ephesians 3:20 in Rikbaktsa 20 O Epeso ezektsa Sesus tuktsa Deus bo tsimysakibazikiknahaktsa! Ipe tsimaha: — O myzo ahyrikoso mytuk mynapykyryk hỹ. Iwaze ahyrikoso humo azikwy mytuk mynapykyryk iwatsahi mykurẽtsa hỹ. Ikia zuba tsamysapyrẽta. Ikia zuba apunihikrẽnikita. Ikia zuba amysakihikynikita. Hawa abo tsimyzapykykynahaze Sesus humo yhỹ tsimykara. Hawa mytsaty tsimykaranahaze ana humo hi tsihyrinymyrẽta. Katsa tsimyzapykytohinahaze mymytsumuẽhĩkĩ azikwy tisapyrẽna hỹ.
Ephesians 6:19 in Rikbaktsa 19 Asaktsa mysitsumuẽhĩ. Pauro kino niwatihi tsipitsumuẽhĩ. Hawa wasania ty Sesus soho motsasoko tsipitsumuẽhĩkĩ iwaze ustsa kytsa bo ihumo sihyrinymyrẽtsa moziknaha. Tsiakusukniki. Atahi ahumo ipybybyita tu wasania ty motsasoziu! myzo tsimaha — my. Taparaka Deus Sesus Kiristu soho humo batu mymyhyrinymyry abaka kytsa sizubarẽtsa mymyhyrinymyrykynaha.
Colossians 1:26 in Rikbaktsa 26 Taparaka Deus batu harere aha kytsa iharere batu siwabyhy. Deus wasaniha batu aty tohi ty tyhyrinymy. Abaka meky watu. Kytsa Deus harere bo hyỹ mykaranaha ihumo sispirikporẽtsa iwatsahi wasani haty pinymyrykynaha.
1 Thessalonians 3:13 in Rikbaktsa 13 Iwatsahi ahamysapybyitsa tu tsimykaranaha zeka anaka tsimoewynahaktsa. Kyze Sesus myhyrinymyrytsa myziksizoze wasanitsa tsimaha. Tsimyharape pokzitsikinaha zeka ba ahasikpyby. Deus myzo okeryk tsinamykahanahaze ba ahasikpyby. Sesus mypehakatsa myziksizoze tatyryktsa tatuk mysioktyhyk. Deus tatyryktsa soho pe my — O Tesaronika ezektsa wasani mykaranaha. Tahamysapybyi zimoewynaha. Deus harere bo zuba hyỹ mynakaranaha — mykaranaha. Iwa Deus tyryktsa mykaranaha. Deus okzeka ahamysapyrẽtsa tsimoziknaha.
2 Thessalonians 2:14 in Rikbaktsa 14 Deus hi zahakzoko. Wasaniha humo zahakzoko. Katsa tisapyrẽna ty tsiktsasokonahaze zahakzoko. Sesus mypehakatsa nimykzo iwatsahi ituk tsimyzurukunaha. Katsa mykurẽtsa ituk tsimyzurukunaha. Zipehata Deus bo nimyoktyhyryk iwatsahi mykurẽtsa tsikyziknaha.
2 Thessalonians 2:16 in Rikbaktsa 16 Mypehatsa Sesus myhumo tsimypokzitsiarẽta babata. Deus myzo kino niwatihi myhumo tsimypokzitsiarẽta. Botu mybo nitsasoko: — O ikiahatsa katuk ahawahi tsinapykyryknaha — my. Iharere humo mykurẽtsa. Mymypunihikwyky.
2 Thessalonians 3:3 in Rikbaktsa 3 Mypehakatsa kino pahatsumuẽhĩekik. Pahakuwyky. Imysapybyita ba pahasininiwy. Sesus humo ka ba zahabezenaha Sesus ahahumo tsimypokzitsiukrẽta. Iwatahi imysapybyikita pokso ja ba ahapybyhuk.
2 Timothy 1:9 in Rikbaktsa 9 Deus kino botu ityryk nimywatawyhik. Tapara mybarawy eze ky nizukni iwaze bijoikpe nizukni iwaze botu nimywatawyhik. Katsa mysapyrẽtsa humo batu myty watawy. Myhumo tsimypokzitsiarẽta ana humo hi nimywatawyhik. Deus tihi: — O amy ty isapyrẽnikia ty sibo nyny my — niy. Katsa mysapyrẽtsa humo batu nyny aha. — Asahi Sesus Kiristu harere bo hyỹ mykaranaha iwatsahi myspirikporẽtsa tsimoziknaha iwaze amy ty isapyrẽnikia ty sibo nyny my — niy.
2 Timothy 2:8 in Rikbaktsa 8 Deus wasaniha abo nitsasoko. Sesus Kiristu soho bo mytsaty tsimykara. Sesus Kiristu nihyrikosokda. Deus hi zihyrizikpowy iwaze ispitu niyzikzo. Dawi tsekoka Sesus niy. Ata hi zihyrizikpozo. Deus wasaniha nitsasokoze ana hi iktsasoko.
Titus 1:2 in Rikbaktsa 2 Deus ykparawy zuba anatyhi yhỹ tsimahaze mywahi ibaze tsimynapykyknaha. Iwatsahi iharere bo hyỹ tsimaha. Tapara Deus mybarawy izuknihibyize atahi: — O asaktsa kawatawyhytsa kabaze mynapykyknaha. Sispitu tahawahi kabaze mynapykyknaha — iwa mysoho ty niy. Deus harere zuba wasani mynakara. Batu mybarapetu ziky.
Hebrews 7:25 in Rikbaktsa 25 Iwatahi izikwy humo mysapyrẽtsa tsimoziknaha. Katsa Deus pe tsimykaranahaze: — O myzo Sesus humo myspirikporẽtsa iwatsahi abo tsimypamykysokonaha. Ikia humo ka mykurẽtsa — tsimaha. Iwaze Sesus humo mysapyrẽtsa tsimoziknaha. Atahi tawahi koikny bakta tu. Deus bo mytsyhyryze mynapamykysoko iwatahi Deus bo mymyoktyhyryk hỹ. Ihumo mymytsumuẽhĩkĩ iwatsahi mykurẽtsa hỹ.
1 Peter 1:10 in Rikbaktsa 10 Tubabatu Deus sohokotsa mytsaty nikaranaha. Hawa Deus mybarawy ezektsa mysipokzitsiki ana soho bo mytsaty nikaranaha. Anahi zinymyry tsihikiknaha. Asaktsa: — Hawa Deus hyrytsa humo mysioktyhyryk. Hawa ihyrytsa humo tsimypokzitsiukrẽta — nikaranaha. Iwa ziknapamykysokonaha. Tapara Deus mybarawy ezektsa mysioktyhyryk iwa Deus sohokotsa ziknapamykysokonaha.
1 Peter 1:20 in Rikbaktsa 20 Tapara Deus mybarawy isuknihibyize Sesus mymyoktyhyrykta ziwatawyhik. Iwatatu abazubata Deus tatse zipehahik. Mybarawy ezektsa bo inasik iwaze Deus bo pahaoktyhyryk. Aibaze myzubaha ihumo mospirikponaha.
1 Peter 5:10 in Rikbaktsa 10 Sininispyk tsimykaranaha. Deus ahahumo tsimypokzitsiukrẽta. Kiristu imysapyrẽnikita. Deus zahawatawyhik Kiristu wata tsimoziknaha. Kiristu tuk tsimyzurukunaha. Deus humo wasani tsimykaranaha Sesus humo tyspirikpotohinahaktsa! Ana humo hi pahatsumuẽhĩekik. Deus zikwy humo tsahamyharerewabyrẽtsa tsimoziknaha. Sesus tsipunihikrẽta my iwaze ikiahatsa iwata tsimoziknaha. Atahi tawahi imysapyrẽnikita. Iwaze ikiahatsa iwata tsimoziknaha hỹ, Sesus zikwy humo ahamysapyrẽtsa tsimoziknaha.
Jude 1:24 in Rikbaktsa 24 O Deus zuba abazubata my. Atahi mynamykuwyky iwaze imysapybara ty tsimoewynaha. Sesus tazo bo mymyoktyhyryk iwaze Deus tuk mywahi tsimynapykyknaha. Iwaze wasani tsimaha. Katsaktsa mysapybyitsa tsikykaranaha atahi mymyokzohik ihumo meky watu tsimoziknaha. Mymysapyrẽtsa. Deus tukze mywahi tsimynapykyknaha mykurẽtsa.