1 Peter 1:22 in Rikbaktsa 22 Abaka Deus harere bo yhỹ tsimykaranahaze, Deus hi: — O asaktsa wasani mykaranaha. Mekywatu niyziknaha — niy. Ahatukytsa humo ahamypokzitsiukrẽtsa hỹ. Ba zikahape spihikbatanaha ahatuktsa humo ahamypokzitsiukuk.
Other Translations King James Version (KJV) Seeing ye have purified your souls in obeying the truth through the Spirit unto unfeigned love of the brethren, see that ye love one another with a pure heart fervently:
American Standard Version (ASV) Seeing ye have purified your souls in your obedience to the truth unto unfeigned love of the brethren, love one another from the heart fervently:
Bible in Basic English (BBE) And as you have made your souls clean, being ruled by what is true, and loving one another without deceit, see that your love is warm and from the heart:
Darby English Bible (DBY) Having purified your souls by obedience to the truth to unfeigned brotherly love, love one another out of a pure heart fervently;
World English Bible (WEB) Seeing you have purified your souls in your obedience to the truth through the Spirit in sincere brotherly affection, love one another from the heart fervently:
Young's Literal Translation (YLT) Your souls having purified in the obedience of the truth through the Spirit to brotherly love unfeigned, out of a pure heart one another love ye earnestly,
Cross Reference John 13:34 in Rikbaktsa 34 Puẽtsik pahahyrinymyryky — Nawa ahahumo kamypokzitsiarẽta ikiahatsa niwatihiktsa. Pahasapywyky ziknakara. Ikiahatsa niwatihiktsa. Ustsa bo tsisapywykynaha tyharape pokzitsikinahaktsa! — niy.
John 15:3 in Rikbaktsa 3 Kazo ahamysapybyitsa tsikykaranaha botu zahaokzohik. Kaharere bo hyỹ tsimykaranaha zeka ahamysapybara ty botu zahaokzohik.
John 15:17 in Rikbaktsa 17 Ahatuk napykyknahaze tynaharape pokzitsikinaha — iwa mykarazo.
John 17:17 in Rikbaktsa 17 Aharerebaba wasani my. Aharere tisapyrẽna. Aharere piwabykynahaze ahumo hyỹ mykaranaha. Ikia harere bo zuba hyỹ mykaranaha.
John 17:19 in Rikbaktsa 19 Abaka katuktsa sapyzeky mohyrikosokda. Kytsa pikbezenaha zeka yhỹ my. Katuktsa pokzi yhỹ my. Mohyrikosokdaze abo hyỹ maha niwatihi. Mohyrikosokda humo katuktsa kino niwatihi aharere bo hyỹ mykaranaha.
Acts 6:7 in Rikbaktsa 7 Iwa Sesus tuktsa niobaranaha kytsa sizubarẽtsa Deus harere bo hyỹ nikaranaha, Sesus tuktsa niyziknaha. Serusarẽhe ezektsa Sudeutsa ziknapamykysokonahatsitsa niwatihi Deus harere bo hyỹ nikaranaha.
Acts 15:9 in Rikbaktsa 9 Simysapybyitsa nikaranaha Deus nisiokzohik. Tapara Deus katsa mymysapybyitsa tsikykaranaha nimyokzohik. Iwa Sudeutsabyitsa niwatihi simysapybyitsa nikaranaha nisiokzohik. Sesus humo sispirikporẽtsa iwatahi Deus simysapybyitsa nikaranaha nisiokzohik. Deus tuk kytsa sizubarẽtsa astsatu niy. Aty Deus harere bo yhỹ mykara zeka pisapywyky.
Romans 1:5 in Rikbaktsa 5 Ihumo Deus piksapywyky. Deus hi zikwatawy wasania ty iakzohota kytsa sizubarẽtsa bo motsasoko ana humo hi zikpeha. Iwatsahi kytsa sizubarẽtsa Sesus Kiristu harere piwabykynahaze hyỹ mykaranaha. Ihumo sispirikporẽtsa moziknaha hỹ.
Romans 2:8 in Rikbaktsa 8 Ustsaktsa batu. Deus harere bo batu yhỹ ziknakaranaha. Sisopyksapybyitsa tu nikaranaha Deus taokaniki iwatahi ihuak ty sibo nyny my ana hi wasani my.
Romans 6:16 in Rikbaktsa 16 Ikiahatsa aty bo tsimaha zeka: — O ikia kapehatsa — tsimaha. Yhỹ atakta ahapehatsa mozik. Iharere humo zuba ma tsimykaranaha. Batu petoktsa ahapehatsa, estuba zuba ahapehatsa. Aty zeka imysapybara ty myzihikik atsatu mykara, atahi mohyrikosokdaze sinini ykarawy bo my. Aty zeka Deus harere bo hyỹ mykara Deus ibo pisapywyky hawa tisapyrẽnikia ty mozihikik, iwatsahi wasani mykaranaha, mohyrikosokdanahaze Deus tuk tahawahi mynapykyryknaha. Anaharere botu ahahyrinymyrẽtsa batu petoktsa ahapehatsa ana humo hi mytsatyziutahaktsa kytsa tsimaha.
Romans 8:13 in Rikbaktsa 13 Ikiahatsa ahabo zuba tsimynakaranaha zeka Deus tuk batu ahawahi tsimynapykyryknaha. Ikiahatsa hi ahape tu ahasopykze: — Mysapybyitsa tu tsimykaranaha zeka Deus zikwy humo imysapybara tsimoewynaha — tsimaha. Iwaze Deus tuk ahawahi tsimynapykyryknaha.
Romans 12:9 in Rikbaktsa 9 Tyharape pokzitsikinahaktsa! Iwa tsimykaranaha zeka ba zikmyspihikbata. Isapyrẽnikia ty ahakparawy! Ahasopyksapybyri tsimoewybaiknahaktsa!
2 Corinthians 6:6 in Rikbaktsa 6 Iwaze ustsa kytsa mysoho zinymyrykynaha. Katsaktsa Deus tsumuẽhĩtsitsa sihyrinymyrẽtsa. Wasani tsimyzurukunaha ana humo hi katsa Deus tsumuẽhĩtsa zinymyrykynaha. Mysapyrẽtsa. Deus harere humo myhyrinymyrẽtsa iwatsahi iharere tsimytsasoziukunaha. Mykubyrisorokrẽtsa. Mysopykziurẽtsa. Deus hyrikoso mytuk mynapykyryk iwatsahi kytsa tsiksisapywykynaha. Tsiksipehapokzitsikinaha.
Galatians 3:1 in Rikbaktsa 1 — O Karatas ezektsa ahakedepyktsa zuba. Aty sa zahaspihikbataka. Ahape mybarapetu nikaranaha. Hawa kytsa Sesus Kiristu iharapatawyhyta humo zihyrizikiknaha iwa zibezenaha, ana kino botu ahabo iktsaso.
Galatians 5:5 in Rikbaktsa 5 Katsaktsa Deus okzeka mysapyrẽtsa Sesus harere bo hyỹ tsimykaranaha ihumo myspihikrẽtsa. Deus hyrikoso mytuk mynapykyryk ana hi taperyky. Myakubyrisorokrẽtsa tuze iwaze Deus mype tihi: “O ikiahatsa ahamysapyrẽtsa Sesus humo ahaspihikrẽtsa iharere bo hyỹ tsimykaranaha” — mykara. Ana harere hi tsipiperykynaha hỹ. Myspirikporẽtsa tu Deus zikwy humo anaharere hi ihyrikoso humo taperyky.
Galatians 5:7 in Rikbaktsa 7 Tapara ikiahatsa Sesus harere bo hyỹ tsimykaranaha iwaze ihumo tsisapybakanaha. Amo skaraba Sesus harere humo batu ahakparawy. Mektsa harere zuba tsiwabyziukunaha iwatsahi tsimyikiknaha. Sesus harere bo hyỹzo tahaktsa.
Ephesians 4:3 in Rikbaktsa 3 Myzo hyrikoso mymysapywyky iwatsahi mykurẽtsa tsimykaranaha. Katsaktsa atsa botu mytsaty tsimykaranaha iwatsahi aharape hahokbyitsa abaka tyharape pokzitsinaha. Ahape tu ahasopyk: — Utakta Sesus tuktsa mysisapybaka. Yhỹ wasani mysisapy tsihikik — my. Iwa Deus myhumo mozihikik.
Philippians 1:9 in Rikbaktsa 9 Deus bo ahatsyhyryze ipe my: — O myzo Sesus tuktsa Piripos ezektsa ahumo simypokzitsirẽtsa. Ikia humo hi myharape pokzitsikinaha. Asoho pinymyrytohinaha! Ba ziksimyiwy hawa myhyrinymyrywy baba humo sihyrinymyrẽtsa iwa tysitsumuẽhĩkĩkta — my. Iwa Deus bo ahatsyhyryze mopamykyso.
1 Thessalonians 3:12 in Rikbaktsa 12 Deus namysapywyky iwatsahi tyharape pokzitsikinahaktsa. Taharape pokzitsitohinahaktsa. Kytsa sizubarẽtsa bo kino niwatihi sihumo ahamypokzitsiukrẽtsa tsimykaranaha. Katsa mywatsa tsimoziknaha. Myzubaha humo mypokzitsiukrẽtsa, ikiahatsa kino niwatihi tynakaranahaktsa kytsa.
1 Thessalonians 4:8 in Rikbaktsa 8 Aty kamyspirikpowy ahabyi zeka atahi Deus harere bo batu hỹ my. Ana kino kytsa harere zeky batu, Deus harere baba zuba. Deus hyrikoso mytuk mynapykyryk iwatsahi iharere bo hyỹ tsimykaranaha.
2 Thessalonians 1:3 in Rikbaktsa 3 O mytukytsa ahahumo mykurẽtsa Deus bo tsimypamykysokonahaze: — O Deus Tesaronika ezektsa, asahi Sesus tuktsa humo mykurẽtsa — tsimykaranaha. Iwatsahi wasani mykaranaha. Sesus humo tsimyspirikpotohinaha. Tyharape pokzitsikinaha. Tyharape pokzitsitohinaha. Iwatsahi mykurẽtsa.
2 Thessalonians 2:13 in Rikbaktsa 13 O katukytsa ikiahatsa meky watu tsikyziknaha. Katsaktsa Deus bo tsimypamykysokonahaze ipe tsimykaranaha: — O Deus Tesaronika ezektsa asahi Sesus tuktsa humo sakurẽtsa moziknaha — tsimaha. Deus ahahumo tsimypokzitsiukrẽta iwatahi zahawatawy. Iwatsahi mykurẽtsa. Tubabatu zahawatawy. Iharere tsiwaby tsihikiknaha ikiahatsa bo ziwatawyky. Iwatsahi Deus hyrikoso humo iharere bo hyỹ tsimykaranaha. Wasani tsimykaranaha. Sesus humo ahaspirikporẽtsa. Ityryktsa tsikyziknaha.
1 Timothy 1:3 in Rikbaktsa 3 Ikia Epeso eze tsimytare. Nezeba Masedonia bo niukuruze ape: — Ikia Epeso eze tsimytare tsihikik iky. Abaka atsatu mykara Epeso tsimytare iwatahi asaktsa nisihyrinymyrykynahatsa asahi mybarapetu nikaranaha tysipehahik. Amy baratyty mysihyrinymyrykynaha. Deus harere batu mysihyrinymyrykynaha tahaharere ty zuba kytsa bo mysihyrinymyrykynaha. Iwatahi ikia tysipehahik ispe tsimy: “O meky watu tsimysihyrinymyrykynaha. Niwazuba pyktaha! Ahahyrinymyry byiziky tsimy.
1 Timothy 1:5 in Rikbaktsa 5 Iwa sibo tytsaso iwatsahi simypokzitsirẽtsa mynakaranaha. Simysapybyitsa soho humo batu mytsaty mykaranaha zeka simypokzitsirẽtsa mykaranaha. Sesus humo mospirikpotohinaha zeka, kytsa humo simypokzitsiukrẽtsa mynakaranaha. Deus harere bo hyỹ mykaranaha zeka iwaze kytsa humo simypokzitsirẽtsa.
1 Timothy 4:12 in Rikbaktsa 12 Timoteo ikiakta apykyhyzytykta pykyhytuty. Ustsa kytsa asoho ty batu tyso: — O Timoteo mykyryburukta wata iharere ty batu tywaby — maha. Iwa abo batu tyso. Ikia hi wasani tsimyzuruku. Kytsa Sesus humo sispirikporẽtsa asahi tysipokzitsi. Ustsa kytsa kino niwatihi tysipokzitsiki. Tsimytsasoziuku. Deus humo aspirikporẽta hỹ. Amysapybyi ty tsimykara zeka tsimoewyhik. Ikia wasani tsimyzuruku iwaze tu ustsa Sesus tuktsa awatsa mozurukunaha. Amy ty tsimykara siakparawy iwatsahi wasani mykaranaha niwatihi pasopykzukunaha.
1 Timothy 5:2 in Rikbaktsa 2 Wytykyryk sistsaikbaza simysapybyiza mykaranaha zeka asiza bo tsimypamykysokoze ajeza humo tsinakara naha wa tihi. Sipyitsabyiza bo tsimypamykysoko zeka atukykyry babaza humo tsinakara naha wa tihi. Wytykyryk tsimypamykysokoze batu mytsaty ziky: — O uta piaksetsihikik — tsimy. Iwa batu mytsaty tsimy. Ba ziksimyi.
2 Timothy 1:14 in Rikbaktsa 14 Deus harere ty pykyhytu tynakara. Iharere iktsasoko. Ana bo hi mytsaty tsimykara. Ba aspiriktsokda huk. Deus hyrikoso mytuk mynapykyryk. Atahi mymytsumuẽhĩkĩ iwatsahi Deus harere humo ba zikspiriktsokdanaha.
Hebrews 5:9 in Rikbaktsa 9 Atakta tsimysapyrẽta. Imysapyrẽnikita tu mybarawy ezektsa Deus bo mysioktyhyryk. Asaktsa iharere bo zuba hyỹ mykaranaha, ihumo simysapyrẽtsa moziknaha. Deus tuk tahawahi mynapykyryknaha.
Hebrews 6:10 in Rikbaktsa 10 Ikiahatsa Deus hyriziktsokzawy humo tsikykaranaha. Tapara ahatukytsa tsiksitsumuẽhĩkĩnaha. Kiristu tuktsa humo tsipokzitsinaha. Abaka niwatihi Deus tyryktsa mysitsumuẽhĩnaha. Iwaze Deus humo ahamypokzitsarẽtsa tsipiwatawykynaha. Ana humo kino Deus ba zikspiriktsokda iwaze pahasapywykyry. Atakta imysapyrẽnikita tu pahasapywyky.
Hebrews 9:14 in Rikbaktsa 14 Iwa maha zeka Kiristu spu humo mysapyrẽtsa babatsa tsimoziknaha. Ihumo myspirikporẽtsa. Kiristu batu ziky tsimysapyrẽta zuba. Bazimyi. Deus koikny baktatu ihyrikoso ituk mynapykyryk. Atatu nizihikik Deus bo itanyny niy, mysapyzeky nihyrikosokdaze iwaze Deus bo atatu itanyny niy. Atahi: — O kazo ziknapamykysokonahatsa awahoro zubata eze siraratsa nisiwezobanahaze kytsa simysapybyitsa nikaranaha ikia hi: “O asaktsa wasani maha siraratsa kytsa sapyzeky nisibanaha iwatahi wasani maha” tsiktsasoko. Abaka kaspu humo aparakbaha simysapyrẽtsa babatsa moziknaha, sisapyzeky ikyrikosokda iwatahi ikia ispe: “O ahamysapyrẽtsa babatsa tsimaha katsespu humo tsimy” — Kiristu niy. Mysapyrẽtsa tsimoziknaha iwatsahi mysapybyitsa tsikykaranaha mytsaty mytsaty byijataha. Hawa Deus koikny baktatu itsyhyryze tarabajaziu tsimykaranaha ana humo hi mytsaty tsimykaranaha.
Hebrews 11:8 in Rikbaktsa 8 Aba Abarão soho bo mytsaty my. Deus ipe niyze: — Nabo meky botu tsikasapykta! Nabokta! — niy. Hyỹ niy. Inyhybyita tu mekybotu Deus harere humo niukuru, iwatahi ihumo tispirikporẽta niukuru.
Hebrews 13:1 in Rikbaktsa 1 Kyze ikiahatsa Sesus tuktsa tyharape pokzitsikinahaktsa!
James 2:15 in Rikbaktsa 15 Sesus tuktsa sisuk byizeka hawa tsimaha. Sesus tukza batu sidisahawyky hawa tsimaha.
James 4:8 in Rikbaktsa 8 Deus pauk baze tu tsimypykyknaha zeka ata kino niwatihi ahatuk mynapykyryk. Iwa tsimyzurukunaha. Mysapybara tsimoewynaha. Hawa ha ty wasani tsimykaranaha. Batu tahapetu ahasopyk: — O Deus atatu ja iky batu kahyrinymyry — iwa mytsaty mytsaty byitaha. Iwa mytsaty ahabyizeka Deus tuktsa babatsa tsimoziknaha.
1 Peter 2:17 in Rikbaktsa 17 Myzubaha bo wasani tsimykaranaha! Ustsa Sesus tuktsa ahatukytsa humo ahamypokzitsiukrẽtsaktsa! Deus harere bo pykyhytuty yhỹ tsimykaranaha. Mypehakatsa abazubata harere bo yhỹ tsimykaranaha. Takino ustsa pehakatsa sihudikhudikwy ezektsa siharere bo yhỹ mykaranaha. Iwaze sizubarẽtsa bo wasani tsimykaranaha.
1 Peter 3:1 in Rikbaktsa 1 Kyze nawa sipytsakaza! Ahapytsa harere bo yhỹ tykaranaha. Wastuhu ahapytsa Deus harere bo yhỹ ahabyizeka ikiahaka zuba iharere bo hyỹ tsimykaranaha. Ikiahaka wasani tsimykaranaha zeka ahapytsa Deus harere bo hyỹ mykaranaha. Ikiahaka ityso byizeka Deus harere bo hyỹ mykaranaha.
1 Peter 3:8 in Rikbaktsa 8 Kyze sizubarẽtsa bo kapehawy motsasoko. Astsa botu mytsaty tsimykaranaha! Tyharape pokzitsinahaktsa! Ustsa tahatsumuẽhĩnaha. Asa zuba batu tyso — uta zuba wasani — kasopyk iwa batu tyso. Tyharape pokzitsikinahaktsa!
1 Peter 4:8 in Rikbaktsa 8 Tyharape pokzitsikinahaktsa! Ahamysapyrẽtsa tsimaha iwatsahi ahatukytsa sisopyksapybyitsa nikaranaha ana soho bo hi batu mytsaty zikaha. Iwa tsimyzurunaha zeka Deus okzeka wasani tsimaha.
1 Peter 4:17 in Rikbaktsa 17 Abaka Deus mybarawy ezektsa bo iktsa mynakara. Asaktsa ihyrytsa mysimyijakanaha sibo iktsa mynakara. Amo simysapybyitsa mykaranaha ana humo hi sihuak ty sibo nyny my. Aibani sihuak ty sibo nyny my. Sinini ykarawy bo mysipeha. Iwaze asa hi wasaniha humo batu sispirikpo iwatsahi sinini ykarawy bo mysipeha.
2 Peter 1:7 in Rikbaktsa 7 Deus humo ahamypokzitsirẽtsa tu zeka ahatukytsa tysisapywynaha. Batu ahamyi. Ahamyibyi zeka ustsa kytsa tysipokzitsikinaha.
1 John 3:11 in Rikbaktsa 11 Tyharape pokzitsikinahaktsa! Sesus humo tsikspirikpokonahaze ana harere tsiwabynaha. Tynaharape pokzitsikinahaktsa kytsa.
1 John 3:14 in Rikbaktsa 14 Asa watsa byijataha asahi sinini ykarawy bo Deus mysipeha. Katsaktsa meky watu tsimoziknaha. Mytukytsa humo mymypokzitsirẽtsa. Iwatsahi batu sinini ykarawy bo tsimaha. Asaktsa ustsa mysisapybyrikinaha zeka sinini ykarawy bo maha. Asawatsa byijataha!
1 John 3:23 in Rikbaktsa 23 Deus mype: — Ikiahatsa Sesus humo ahaspirikpohuktsa! Tynaharape pokzitsikiknahaktsa! — niy. Iwa Deus mybo nitsasoko. Atsatu Sesus botu zahahyrinymyryky.
1 John 4:7 in Rikbaktsa 7 — O kaharereziuwytsitsa tyharape pokzitsikinahaktsa! Sesus tuktsa bo tysisapywykynaha zeka hawa Deus mozihikik ana bo hi yhỹ tsimykaranaha. Katsa tsimyharape pokzitsikinaha zeka Deus hyrytsa babatsa tsimoziknaha. Sesus tukytsa tsimaha. Iwaze Deus harere bo hyỹ tsimykaranaha.
1 John 4:12 in Rikbaktsa 12 Batu aty tohi Deus ty ityny. Tsinaharapepokzitsikinaha zeka Deus mytuk mynapykyryk. Iharere bo hyỹ tsimykaranahaze ustsa bo tsimysisapywykynaha. Iwatsahi Deus zikwy mytuktu myhyrinymyrẽtsa hỹ.
1 John 4:20 in Rikbaktsa 20 Katsaktsa ustsa Sesus tuktsa humo tahakyrikinaha zeka Deus harere bo batu hỹ tsimykaranaha. Kytsa humo ahamypokzitsi byizeka ba ziktsasonaha: — O Deus ahumo mymypokzitsirẽtsa — mybarapetu tsimykaranaha. Batu aty tohi Deus ty tyny. Kytsa bo iktsa ziknakaranaha. Mytuktsa bo iktsa tsimykaranaha, sihumo tsimypokzitsibyinaha zeka Deus humo kino niwatihi ba zikmypokzitsi. Deus humo mymypokzitsibyitsa babatsa ata kino batu iktsa ziky. Iwatsahi batu ihumo mymypokzitsi mytsaty ahabyitsa tsimykaranaha.
Revelation 2:4 in Rikbaktsa 4 Iwa tsikykaranaha. Iwatsa tu kahumo tsikaeni zuba ahamypokzitsi anasoho humo mopamykysoko. Tapara kahumo tsimyspirikponahaze kahumo ahamypokzitsirẽtsa. Abaka batu kapokzi tsikaeni zuba ahamypokzitsi. Batu wasani zikaha.