Romans 9:1 in Piratapuyo

1 Yʉhʉ acaye Israe masare wacũgʉ, tutuaro bʉjʉa witiaja yʉhʉ. Cristore cahmedare tiquina. Sa yegʉ ñano bʉjʉa witi jeripohna tiaja yʉhʉ. Ti yʉhʉ sa ni yahuye ijirota ijire. Yʉhʉ Cristo yaquirota ijiaja. Sa yegʉ mʉsare potota niaja. Sa yegʉ Espíritu Santo yʉhʉ mehna tiquiro ijigʉ̃ yojopʉre yʉhʉ acayere yʉhʉ ni yahuye ti potota ijigʉ̃ quehnoano masiaja yʉhʉ. Tiquiro tire yʉhʉre quehnoano masigʉ̃ yere.

Other Translations

King James Version (KJV)

I say the truth in Christ, I lie not, my conscience also bearing me witness in the Holy Ghost,

American Standard Version (ASV)

I say the truth in Christ, I lie not, my conscience bearing witness with me in the Holy Spirit,

Bible in Basic English (BBE)

I say what is true in Christ, and not what is false, my mind giving witness with me in the Holy Spirit,

Darby English Bible (DBY)

I say [the] truth in Christ, I lie not, my conscience bearing witness with me in [the] Holy Spirit,

World English Bible (WEB)

I tell the truth in Christ. I am not lying, my conscience testifying with me in the Holy Spirit,

Young's Literal Translation (YLT)

Truth I say in Christ, I lie not, my conscience bearing testimony with me in the Holy Spirit,

Cross Reference

Romans 1:9 in Piratapuyo

9 Yʉhʉre tiquiro dutigʉ̃ tiquiro macʉno ye buheyere quehnoañe buheyere tutuaro buhegʉ tiquiro cahacjʉ̃ta ijiaja yʉhʉ. Sa yero mʉsare Cohãcjʉ̃re yʉhʉ sa sini basaducugʉ̃ tiquiro masine.

Romans 2:15 in Piratapuyo

15 Sa ye tiquiro ye dutiyere tiquina tʉhotuyepʉ potota cʉore tiquina. Sa cʉoye ñañene yeye, duita tiquina ñañe yerire masine tiquina. Sa yero ñañene yeriquiro “¿Dʉhse ijiro boro ñañene yeri yʉhʉ?” ni tʉhoture tiquiro. Sa yero quehnoañene tiquiro basi yeri gʉ̃hʉre masine tiquiro.

Romans 8:16 in Piratapuyo

16 Sa yero Espíritu Santo mari wacũñepʉ marine ohõ saha masigʉ̃ yere: Potota Cohãcjʉ̃ pohna ijiaja mari. Tire marine masigʉ̃ yere tiquiro.

2 Corinthians 1:12 in Piratapuyo

12 Sa yena mʉsa mehna ʉsã ijirire wacũna bucueye mehna ohõ saha tʉhotuaja ʉsã: Ahri yehpapʉ Cohãcjʉ̃ tiquiro yedohoye mehna ñañe marieno quehnoano mehna masare piti ti buhei. Mʉsa pũritare quehnoano piti ti buhei. Ohõ saha yena ʉsã esa tuharo yerʉ. Cohãcjʉ̃ cahĩñe mehna tiquiro tutuaye mehna sa yei.

2 Corinthians 1:23 in Piratapuyo

23 Yojopʉre poto yahutja mʉsare. Poto yʉhʉ yahueragʉ̃ Cohãcjʉ̃ pehe mʉsare poto yahuahro. Tiquirota yʉhʉ tʉhotuyere masine. Mʉsare tuhti dueragʉ mʉsa cahapʉ wahaerʉ. “Mʉsare bʉjʉa witigʉ̃ yeari”, nigʉ mʉsa cahapʉre Corintopʉre wahaerʉ.

2 Corinthians 11:10 in Piratapuyo

10 Cristo potota tiquiro yahuriro sahata yʉhʉ gʉ̃hʉ yojopʉre mʉsare potota yahugʉ niaja. Ijipihtiro Acaya yehpapʉ ijiyequinare ahri mʉsare yʉhʉ siniedarire sa yahuducugʉtja.

2 Corinthians 11:31 in Piratapuyo

31 Cohãcjʉ̃ mari pʉhtoro Jesu pacʉro decoripe mari ño peoatiquiro tiquirota mʉsare yʉhʉ ni mehoedagʉ̃ masine. Ahrire mʉsare poto yahutja.

2 Corinthians 12:19 in Piratapuyo

19 “Ñano yeraja ʉsã”, ni cahmotana niedaja ʉsã. Cristo yequina ijiaja. Sa yena Cohãcjʉ̃ tiquiro ihñonopʉ mʉsare yahuna niaja. Yʉhʉ acaye, yʉhʉ cahĩna, mʉsare yahuu mʉsa pehere yedoho duana. Mʉsare yahuna, ʉsã pehere mʉsare cahmegʉ̃ yena niedʉ.

Galatians 1:20 in Piratapuyo

20 Ohõ saha ni ojoagʉ Cohãcjʉ̃ mehna ne ni meho ojoaeraja.

Philippians 1:8 in Piratapuyo

8 Jesucristo cahĩñe mehna tutuaro mʉsare wacũaja yʉhʉ. Yʉhʉ sa wacũgʉ̃ Cohãcjʉ̃ tire masine.

1 Thessalonians 2:5 in Piratapuyo

5 Quehnoañe buheyere buhena tʉho bucueati yahuducuye mehna buhena niedʉ. Queoro quehnoano mehna buhei ʉsã mʉsare. Ahrire masine mʉsa. Sa yena ʉsã buhena, mʉsare apee borore wapa cahmena niedʉ ʉsã. Ahrire Cohãcjʉ̃ masine. Potota nigʉ niaja.

1 Timothy 1:5 in Piratapuyo

5 Sa cũu mʉhʉre Jesu yequina apequinare “Cahĩahdo”, nigʉ. Ñañe buhiri marieno mehna, quehnoañe wacũñe mehna, poto Cohãcjʉ̃re wacũ tutuaye mehna apequinare tiquina cahĩatire sa cũu mʉhʉre.

1 Timothy 2:7 in Piratapuyo

7 Tire yahuacjʉre, Jesu tiquiro cũacjʉre Cohãcjʉ̃pʉ yʉhʉre beseri. Sa yero judio masa ijieyequinare Jesure wacũ tutuayere, quehnoañe buheyere buheacjʉre beseri yʉhʉre. Potota mʉsare yahugʉ niaja yʉhʉ. Ni mehoedaja.

1 Timothy 5:21 in Piratapuyo

21 Sa yegʉ Cohãcjʉ̃, Jesucristo, tiquiro beseriquina angele gʉ̃hʉ tiquina ihñonopʉ ahrire dutiaja mʉhʉre: Yojopʉ mʉhʉre yʉhʉ dutirire ye pehoya. Sa yegʉ ijigʉ ijipihtiyequinare Jesu yequinare ihcãno saha yeya. Apequirore sijoro saha, apequirore sijoro saha yeracãhña.

1 John 3:19 in Piratapuyo

19 Sa cahĩna mari potota Cohãcjʉ̃ yequina mari ijiye gʉ̃hʉre masinata. Sa yena Cohãcjʉ̃ cahapʉ cuero marieno mari iji masiaja. Sa yena “Ñañe buhiri ijiaga yʉhʉre”, mari ni tʉhotuepegʉ̃ta, Cohãcjʉ̃ cahapʉ cuero marieno iji masiaja. Tiquiro pehe mari yʉhdʉoro tutuariquiro ijiro ijipihtiyere masine.