Ephesians 1:9 in Piratapuyo

9 Sa yero marine tiquiro yeatire marine masigʉ̃ yeri. Panopʉ apequinare tire masigʉ̃ yerahye tiquiro. Ohõ saha ijire marine tiquiro yeati: Tiquiro cahmediro sahata tiquiro tʉhoturiro sahata ijipihtiyequinare ihcã curuata Cristo yequina ijigʉ̃ yerota. Sa yero ijipihtiyere tiquiro ye ijigʉ̃ yerota. Tiquiro queori pje ijigʉ̃ ʉhmʉse cjẽnare, ahri yehpa cjẽna gʉ̃hʉre, ihcã curuata tiquiro yequina ijigʉ̃ yerota. Sa yero ʉhmʉse cjẽne, ahri yehpa cjẽ gʉ̃hʉre tiquiro ye ijigʉ̃ yerota. Sa yero Cristo pehe ijipihtiyequina pʉhtoro ijirota. Sa ye ijipihtiye tiquiro ye dihita ijirota. Sa ijiatiquiro iji dutiahye Cohãcjʉ̃ tiquirore.

Other Translations

King James Version (KJV)

Having made known unto us the mystery of his will, according to his good pleasure which he hath purposed in himself:

American Standard Version (ASV)

making known unto us the mystery of his will, according to his good pleasure which he purposed in him

Bible in Basic English (BBE)

Having made clear to us the secret of his purpose, in agreement with the design which he had in mind, to put into his hands

Darby English Bible (DBY)

having made known to us the mystery of his will, according to his good pleasure which he purposed in himself

World English Bible (WEB)

making known to us the mystery of his will, according to his good pleasure which he purposed in him

Young's Literal Translation (YLT)

having made known to us the secret of His will, according to His good pleasure, that He purposed in Himself,

Cross Reference

Matthew 13:11 in Piratapuyo

11 Jesu yʉhtiri: —‍Ʉhmʉse cjʉ̃no tiquiro pʉhtoro ijiyere panopʉ cjẽna tiquina masiedarire mʉsare yʉhʉ buhenare masigʉ̃ yere Cohãcjʉ̃. Apequina pehere sa yerare tiquiro.

Acts 2:23 in Piratapuyo

23 Jesure ohori mʉsare apequiro. Panopʉ Cohãcjʉ̃ “Sa waharota”, tiquiro nidiro sahata sa yeri apequiro. Sa yena mʉsa Jesure curusapʉ wejẽ dutiri masa ñañequinare.

Acts 4:28 in Piratapuyo

28 Ti pje mʉhʉ cahmediro sahata “Sa waharota”, mʉhʉ nidiro sahata yeri tiquina. Mʉhʉ masiñe mehna sa ni yahuahye mʉhʉ.

Acts 13:48 in Piratapuyo

48 Tiquina sa nigʉ̃ tʉhoye judio masa ijieyequina pehe bucueahye. “Cohãcjʉ̃ ye pehe quehnoañe ijire”, niahye tiquina. Sa ye Cohãcjʉ̃ tiquiro cahmeñequina ijipihtiye decori tiquiro mehna tiquina ijiatire tiquiro oho duariquina Jesure wacũ tutua dʉcahye.

Romans 8:28 in Piratapuyo

28 Ahrire yʉhʉ yahuatire masiaja mari: Ijipihtina Jesure cahĩna mari ijigʉ̃ tiquiro cahmeñene yeanajare beseahye marine. Sa ijina mari ijigʉ̃ ihñano Cohãcjʉ̃ sa ihña ihboducure marine. Sa yena mari ñano yʉhdʉepenata ñano yʉhdʉducu dojoeraja. Cohãcjʉ̃ tiquiro yedohoro mehna quehnoano ijinata mari.

Romans 16:25 in Piratapuyo

25 Mari pʉhtoro Jesucristo ye buheye mehna quehnoañe buheye mehna Cohãcjʉ̃ mʉsare tiquirore wacũ tutua nemogʉ̃ ye masine. Panopʉre quehnoañe buheye ne masare yahuerari buheye ijimahye. Yojopʉre Cohãcjʉ̃ yere yahu mʉhtariquina mʉna tiquina ojoari mehna ti buheyere yahuri jire. Yʉhʉ gʉ̃hʉ tire buheaja. Ti buheyere ijipihtiro cjẽna yojopʉre masine. Cohãcjʉ̃ sa ijiducuriquiro tiquiro dutiro sahata tiquina masine. Ti buheyere tiquirota yahu dutiahye masa tiquirore tiquina yʉhtiatire, tiquirore tiquina wacũ tutuati gʉ̃hʉre. Sa yena tiquirore “Potota quehnoagʉ, tutuagʉ ijire”, ni ño peouhna. Tiquiro ihcãquirota Cohãcjʉ̃ dihita quehnoano masi pehoriquiro ijire. Jesucristo yedohoye mehna Cohãcjʉ̃re sa ño peoducuuhna mari. Sata ijiducuuhna.

1 Corinthians 2:10 in Piratapuyo

10 Tiquiro sa niepegʉ̃ta Espíritu Santo pehe Cohãcjʉ̃ yere masigʉ̃ yere marine. Ijipihtiye Cohãcjʉ̃ yere Espíritu Santo masi pehore. Sa masino tiquiro marine tire masigʉ̃ yere.

Galatians 1:12 in Piratapuyo

12 Ti buheye masare yʉhʉ tʉhori ijierare. Sa ye apequina masa yʉhʉre ti buheyere yahuerari. Jesucristo pehe yʉhʉre ti buheyere masigʉ̃ yeri.

Galatians 1:16 in Piratapuyo

16 Sa yero tiquiro cahmeno saha tiquiro macʉnore yʉhʉre masigʉ̃ yeri. Tiquiro yere quehnoañe buheyere judio masa ijieyequinare buheacjʉ yʉhʉ ijiatire tiquiro macʉnore masigʉ yeri yʉhʉre. Tiquiro sa yegʉ̃ “¿Dʉhse ni buhero cahmeagari yʉhʉre?” ni masare sinituerʉ yʉhʉ.

Ephesians 1:11 in Piratapuyo

11 Sa yero Cristo yequina mari ijiatire masino panopʉ Cohãcjʉ̃ marine bese tuhasahye tiquiro yequina mari ijiatire. Ahri ijipihtiyere cũahye tiquiro tʉhoturiro sahata, tiquiro cahmediro sahata yero taro.

Ephesians 1:17 in Piratapuyo

17 Cohãcjʉ̃ ʉhmʉse cjʉ̃no tiquiro yere mʉsa quehnoano masiatire sini basaja. Sa yegʉ tiquirore mʉsa quehnoano masiatire sini basaja mʉsare. Tiquiro mari pʉhtoro Jesucristo Pacʉro ijire.

Ephesians 3:3 in Piratapuyo

3 Panopʉ mʉsare tiquiro yahuerarire Cohãcjʉ̃ yojopʉre yʉhʉre masigʉ̃ yeri. Ahrire mehenogã yahu, mʉsare ojoa tuhasaʉ.

Ephesians 3:11 in Piratapuyo

11 Ahri yehpa ijiato panopʉta “Masare pecapʉ wahaboriquinare yʉhdʉoutja” niahye Cohãcjʉ̃. Sa nidiquiro ijiro yojopʉre mari pʉhtoro Cristo Jesu tiquiro yariaro mehna tiquiro nidiro sahata marine yʉhdʉori Cohãcjʉ̃.

Colossians 1:26 in Piratapuyo

26 Tiquiro yere peye cʉhmari panopʉ cjẽnare yahu pehoera tiahye mari Pacʉ. Yojopʉ cjẽnare tiquiro yequinare tire quehnoano yahu peho cãhre.

1 Timothy 3:16 in Piratapuyo

16 Ahri ijirota ijire. Marine Cohãcjʉ̃ tiquiro buheri, panopʉ mari quehnoano masiedari quehnoa yʉhdʉaye buheye ijire. Ahri buheye ohõ saha ijire: Tiquiro Cristo mari pagʉ yero saha pagʉ tiriquiro masa bajuahye. Quehnoariquiro, ñañe marieniquiro tiquiro ijigʉ̃ ihñori Espíritu Santo pehe. Angele gʉ̃hʉ tiquirore ihñari. Sa ye tiquiro buhe duti cũriquina pehe apeye yehpari cjẽnare tiquiro yere yahu buhere. Sa ye ahri yehpapʉ masa peyequina tiquirore wacũ tutuari. Came ʉhmʉsepʉ Cohãcjʉ̃ neari tiquirore. Ti ijire quehnoañe buheye.

2 Timothy 1:9 in Piratapuyo

9 Cohãcjʉ̃ pehe marine pecapʉ wahaborinare yʉhdʉori. Sa yero quehnoana, tiquiro yequina ijianare tiquiro beseahye marine. Mari quehnoano yeye mehna tiquirore marine besegʉ̃ yerʉ. Tiquiro esa tuharo tiquiro cahmediro sahata yero ahri yehpare tiquiro bajumehneato pano marine cahĩno, tiquiro marine beseahye. Marine sa cahĩno marine yʉhdʉoatiquirore Jesucristore ohoahye Cohãcjʉ̃.