Colossians 1:3 in Piratapuyo

3 Mʉsa ye ijiatire Cohãcjʉ̃re sini basana “Quehnoare”, sa niducuaja ʉsã. Tiquiro pehe mari pʉhtoro Jesucristo Pacʉro ijire. Ijipihtiye decori ʉhmʉsepʉ mʉsare ijigʉ̃ yerota Cristo pehe. Tiquiro sa yeatiquiro ijigʉ̃ tire mʉsa sa cohteducu wame tire. Cristo Jesure wacũ tutua wame tire mʉsa. Sa yena tiquiro yequinare cahĩ wame tire mʉsa. Mʉsa sa iji wame tigʉ̃ Cohãcjʉ̃ mehna bucue, tiquirore “Quehnoare”, niaja ʉsã. Ijipihtiropʉre Jesu yequina poto ijiye buheyere quehnoañe buheyere tiquina yahugʉ̃ tʉhoye masa quehnoañe pehere camesare. Ahrireta mʉsa gʉ̃hʉre Epafra quehnoañe buheyere yahuri jiri. Tiquiro ʉsã tutuaro cahĩniquiro ʉsã mehna Cristore dahra cohteriquiro ijire. Sa yero Cristo yere ne duhuerare tiquiro. Mʉsare tiquiro sa yahugʉ̃ tʉhona, duita quehnoano ye wame tire mʉsa. Sa yena Cohãcjʉ̃ mʉsare tiquiro cahĩñene poto masina, duita quehnoano ye wame tire mʉsa. Mʉsa sa yerire Epafra yahuri ʉsãre. Espíritu Santo yedohoye mehna Jesu yequinare mʉsa cahĩñene yahuri tiquiro ʉsãre. Tiquiro sa yahugʉ̃ tʉhona “Quehnoare”, niaja ʉsã Cohãcjʉ̃re.

Other Translations

King James Version (KJV)

We give thanks to God and the Father of our Lord Jesus Christ, praying always for you,

American Standard Version (ASV)

We give thanks to God the Father of our Lord Jesus Christ, praying always for you,

Bible in Basic English (BBE)

We give praise to God the Father of our Lord Jesus Christ, making prayer for you at all times,

Darby English Bible (DBY)

We give thanks to the God and Father of our Lord Jesus Christ continually [when] praying for you,

World English Bible (WEB)

We give thanks to God the Father of our Lord Jesus Christ, praying always for you,

Young's Literal Translation (YLT)

We give thanks to the God and Father of our Lord Jesus Christ, always praying for you,

Cross Reference

Romans 1:8 in Piratapuyo

8 Ahrire yahu mʉhtaʉtja mʉsare: Ijipihtiye macari cjẽna Jesucristore mʉsa wacũ tutuarire masa yahuri yʉhʉre. Tiquina sa ni yahugʉ̃ tʉhogʉ “Quehnoare”, niaja Cohãcjʉ̃re. Jesucristo yedohoro mehna sa ni sini basaja. Cohãcjʉ̃re sini basagʉ mʉsare sa sini basaducuaja.

1 Corinthians 1:4 in Piratapuyo

4 Jesucristo yequina mʉsa ijiri bato tiquiro pehe mʉsare quehnoano ye basare Cohãcjʉ̃re. Tiquiro sa yegʉ̃ ihñagʉ, Cohãcjʉ̃re “Quehnoare”, niducuaja yʉhʉ decoripe.

Ephesians 1:15 in Piratapuyo

15 Cristore mʉsa wacũ tutuana ijigʉ̃ ihñagʉ Cohãcjʉ̃re sa sini basaducuaja mʉsare. Jesucristore mʉsa wacũ tutuarire, ijipihtiyequina tiquiro yequinare mʉsa cahĩdire tʉhogʉ Cohãcjʉ̃re “Quehnoare”, niaja. Ohõ saha tiquirore sini basaja mʉsare:

Ephesians 3:14 in Piratapuyo

14 Sa yegʉ ahri ijipihtiye mari Pacʉ tiquiro yerire wacũgʉ tiquiro poto dʉsepe curi mehna quehe sagʉ sini basaja mʉsare.

Philippians 1:3 in Piratapuyo

3 Cohãcjʉ̃ mʉsare quehnoañe pehere camesagʉ̃ yero nine. Sa yero mʉsare tiquiro sa ye dʉcariro sahata sohtori dahrerota tiquiro. Sa yena Jesucristo ahri yehpapʉre tiquiro wihigʉ̃pʉre ñañe mariena ijinata mʉsa. Sa yena coã waropʉre Jesu yequina mʉsa ijiri bato, yojopʉ gʉ̃hʉre yedohore mʉsa yʉhʉre quehnoañe buheyere yʉhʉ buhegʉ̃. Mʉsa sa yegʉ̃ ihñagʉ Cohãcjʉ̃re “Quehnoare”, niaja yʉhʉ. Mʉsare wacũgʉ sa dihita niaja yʉhʉ. Mʉsare Cohãcjʉ̃re sini basagʉ, bucueye mehna sini basaja.

Philippians 1:9 in Piratapuyo

9 Mʉsare ohõ saha ni sini basaja yʉhʉ Cohãcjʉ̃re: Cohãcjʉ̃ yere quehnoano masiñe mehna, tʉho masi pehoye mehna apequinare mʉsa cahĩ nemoatire sini basaja yʉhʉ mʉsare Cohãcjʉ̃re.

Philippians 4:6 in Piratapuyo

6 Ne bʉjʉa witi tʉhotueracãhña. Cohãcjʉ̃re quehnoano yahu pehoya. Sa yena tiquirore siniña. Sa yena mʉsa sinidire tiquiro yʉhtigʉ̃ ihñana “Quehnoare”, niña tiquirore.

Colossians 1:9 in Piratapuyo

9 Sa yena mʉsare tʉhona mʉsare duita sa sini basaducuaja ʉsã Cohãcjʉ̃re. Cohãcjʉ̃ cahmeñene mʉsa masi pehoatire tiquirore sini basaja ʉsã. Tiquiro yere quehnoano masina mʉsa ijiatire sini basaja ʉsã.

Colossians 1:13 in Piratapuyo

13 Tiquirota marine pecapʉ wahaborinare yʉhdʉgʉ̃ yere. Panopʉre ti ñañene ye duhu masiedami mari. Ñariquiro pehe marine dutiriquiro ijinimedi. Cohãcjʉ̃ pehe marine pecapʉ wahaborinare yʉhdʉgʉ̃ yeri. Macʉnore tiquiro cahĩniquirore pʉhtoro sõno ʉhmʉsepʉ marine ijigʉ̃ yere. Sa yena tiquiro macʉno mehna ijinata.

1 Thessalonians 1:2 in Piratapuyo

2 Cohãcjʉ̃re sinina ijipihtiyequina Jesure mʉsa wacũ tutuayere wacũna, “Quehnoa yʉhdʉare ʉsãre”, niducuaja ʉsã mʉsare. Cohãcjʉ̃re sinina, mʉsa ye ijiatire sa sini basaducuna niaja ʉsã.

1 Thessalonians 3:10 in Piratapuyo

10 Deco gʉ̃hʉre, ñamipʉ gʉ̃hʉre Cohãcjʉ̃re siniaja mʉsare ʉsã ihñatire. Jesu yere mʉsa quehnoano masi pehogʉ̃ ye duaja ʉsã quehnoano mʉsa tiquirore wacũ tutua nemoatire.

2 Thessalonians 2:16 in Piratapuyo

16 Mari pʉhtoro Jesucristo tiquiro basi, Cohãcjʉ̃ mari Pacʉ gʉ̃hʉ marine cahĩñe, ijipihtiye decori marine bucuegʉ̃ yere. Marine cahĩñe, marine pecapʉ wahaborinare yʉhdʉoeta. Sa yena Cohãcjʉ̃ tiquiro yʉhdʉoatire quehnoano masina, bucueaja mari.

2 Timothy 1:3 in Piratapuyo

3 Ñamipʉ, decopʉ gʉ̃hʉre Cohãcjʉ̃ mehna yahuducugʉ mʉhʉ ye ijiatire sini basagʉ mʉhʉ mehna bucueaja. Sa bucuegʉ Cohãcjʉ̃re “Quehnoare”, niaja yʉhʉ. Panopʉ cjẽna yʉhʉ acaye ñañe buhiri marieno Cohãcjʉ̃ yere tiquina yeriro sahata yʉhʉ gʉ̃hʉ yojopʉre tiquiro yere yeaja.