1 Timothy 3:10 in Piratapuyo

10 Sa yegʉ Jesu yequinare yedohoatiquina iji duayequinare tiquina yerire ihñaña mʉhʉ. Tiquinare mʉhʉ sa ihñari bato tiquina pehe buhiri marieñequina ijiye, Jesu yequinare yedohoatiquina sajãahdo tiquina.

Other Translations

King James Version (KJV)

And let these also first be proved; then let them use the office of a deacon, being found blameless.

American Standard Version (ASV)

And let these also first be proved; then let them serve as deacons, if they be blameless.

Bible in Basic English (BBE)

And let these first be put to the test; then let them become Deacons if there is nothing against them.

Darby English Bible (DBY)

And let these be first proved, then let them minister, being without charge [against them].

World English Bible (WEB)

Let them also first be tested; then let them serve as deacons, if they are blameless.

Young's Literal Translation (YLT)

and let these also first be proved, then let them minister, being unblameable.

Cross Reference

Acts 6:1 in Piratapuyo

1 Ti decorire Jesu buheyequina peyequina wahahye. Sa ye judio masa tiquina quehnoano yeragʉ̃ ihñañe griego masa pehe tiquina mehna cahme tuhtiahye Jesu yequina dihita ijiepeta. Griego masa wape wiha numiare decoripe tiquina ihyayere quehnoano tiquina itieragʉ̃ ihñañe, judio masare tuhtiahye.

1 Corinthians 1:8 in Piratapuyo

8 Sa yero Jesucristo pehe mʉsa ñañe yerire cohãriquiro ijire. Tiquiro sa ijiriquiro ijigʉ̃ mʉsa pehe decoripe, ahri deco pihtigʉ̃pʉ gʉ̃hʉre mʉsa ñañe yerire tiquiro cohãnohrina ijiducunata. Sata tiquiro mʉsare yedohorota. Sa yena Jesucristo mari pʉhtoro tiquiro tojoa tagʉ̃pʉre ñañe buhiri mariena ijinata mʉsa.

Colossians 1:22 in Piratapuyo

22 Tiquiro yariari mehna tiquiro Pacʉrore mʉsare ihña tuhtieragʉ̃ yeri tiquiro. Sa yeri tiquiro quehnoana, ñañe mariena, buhiri mariena mʉsare ijigʉ̃ yero taro. Mʉsa sa ijigʉ̃ mʉsare sa buhiri marienapʉre tiquiro Pacʉrore ohorota.

1 Timothy 3:2 in Piratapuyo

2 Jesu yequina pʉhtoare besegʉ ohõ saha ijiyequinare beseya: Buhiri marieñequinare beseya “Apequina tiquinare ñano ni yahusãri”, nigʉ. Sa yegʉ ihquẽquina numiare namo tiyequinare, quehnoano tʉho masiñequinare, cua pesayequinare, masare quehnoano mehna tiquina ya wʉhʉre sajã ta dutiyequinare, apequinare quehnoano buhe mihniñequinare beseya mʉhʉ.

1 Timothy 3:6 in Piratapuyo

6 Jesu yequina pʉhtoa iji duayequina Jesu yequina coã sajãñequina ijiye, tiquina pʉhtoa iji masiedare. Coã sajãñequinare Jesu yequina pʉhtoa mʉsa cũgʉ̃ tiquina “Quehnoa yʉhdʉana ijiaja”, ni tʉhotuboaga. Tiquina sa ni tʉhotugʉ̃ Cohãcjʉ̃ tiquinare buhiri dahre dutirota watĩnore tiquiro yeriro saha. Watĩno gʉ̃hʉ sata ni tʉhotumahye Cohãcjʉ̃re yʉhdʉdʉca duaro.

1 Timothy 3:13 in Piratapuyo

13 Sa ye mʉhʉ beseriquina Jesu yequinare tiquina yedohogʉ̃ apequina tiquinare quehnoano ihña bucueeta. Sa ye tiquina yedohoyequina pehe quehnoañe buheyere, Jesucristore tiquina wacũ tutuaye gʉ̃hʉre cuero marieno buheeta tiquina.

1 Timothy 5:22 in Piratapuyo

22 Apequinare Cohãcjʉ̃ dahrayere mʉhʉ cũatire tiquina bui mʉhʉ omocarine mʉhʉ duhu peoato pano sojaro marieno quehnoano tʉho masiñe mehna tiquinare beseya. Tiquina ñañequina ijiboaga. Sa ijiyequinare Cohãcjʉ̃ dahrayere cũedacãhña. Sa cũgʉ mʉhʉ gʉ̃hʉ mʉhʉ duhu peoyequina tiquina ñañene yero sahata yegʉ niboaga mʉhʉ. Sa yeracãhña. Sa yegʉ ñañe mariegʉ ijiya mʉhʉ.

Titus 1:6 in Piratapuyo

6 Tiquina pʉhtoa Cohãcjʉ̃ cahacjẽna ijire. Sa yegʉ tiquinare besegʉ quehnoañequinare beseya sijoro saha yeeyequinare. Sa yegʉ ihquẽquina numiareta namo tiyequinare, “Apequinare masi yʉhdʉdʉcaja”, ni tʉhotueyequinare, usueyequinare, queheye marieñequinare, cahmequeñe marieñequinare, apequina yere ni meho ehmeñequinare beseya. Sa besegʉ tiquina wʉhʉsepʉ sajã sayequinare quehnoano ihña ihboyequinare, quehnoañe pehere quehnoano bucueyequinare, tʉho masiñequinare, quehnoañene yeducuyequinare, ñañe marieñequinare, ñañene yeeyequinare, niji siaro marieno dahrayequinare, quehnoañene yeducuyequinare beseya. Sa ye mʉhʉ beseatiquina pohnene ohõ saha ijiyequina ijiro cahmene: Jesure wacũ tutuayequina, quehnoano yeducuyequina, ijipihtiyequinare quehnoano yʉhtiyequina ijiro cahmene pʉhtoa pohnene.

1 John 4:1 in Piratapuyo

1 Yʉhʉ cahĩna, apequina “Cohãcjʉ̃ yaquiro Espíriture cʉoaja”, niñequina tiquina ijiepegʉ̃ta tiquina ye buheye ni mehoñe ijire. Sa ye apequina pehe Espíritu Santo warore cʉoyequina ni mehono marieno buhere tiquina. Peyequina “Cohãcjʉ̃ yere yahu mʉhtarina ijiaja”, niepeta ni mehoñequina ijire yojopʉre. Ijipihtiropʉre ijire tiquina. Sa yena apequina mʉsare tiquina buheye ni mehoñe buheye ijigʉ̃ ihña masiña mʉsa. Cohãcjʉ̃ ye ti ijigʉ̃ gʉ̃hʉre ihña masiña mʉsa.